الشقة لازم تكون ايجار قديم

**Ahmed Samy** · 02-08-2010 02:48 PM

اللي يتشرط على ابن الناس ده ...........خليهاله

**blazer** · 02-08-2010 02:55 PM

ربنا معاك
نش لازم شقه تمليك وزى ما اتقال
ممكن بعد اما يتجوز يفتقر او يبيع الشقه تانى يوم
اهم حاجه اخلاقه و دينه و انه يكون شخصيه محترمه مثقفه و عندها طموح
يا فرحتك تجوز بنتك لواحد باباه جايبله كل حاجه من الابره للصاروخ و هو ممدش ايه فى حاجه
هل دا هيحافظ على بيته زى اللى تعب فى كل طوبه فيه ؟
الاولانى ممكن مع اى مشكله يرمى الجمل بما حمل لانه متعبش فى حاجه
انما التانى هيعمل كل حاجه عشان يحافظ على البيت دا

**ainshouka** · 02-08-2010 03:10 PM

بص سواء كان الموضوع ايجار ولاتمليك العملية في الآخر قسمة ونصيب ولو هي من نصيبك غصب عن عين التخين حتكون ليك ولو إنت كنت شايفها كويسة يبقي قول اللهم أجرني في مصيبتي واخلفني خيرا منها
لكن بالنسبة للموضوع بوجه عام فطالما إن أبو البنت شايف ان اللي متقدم داعلي خلق وأمين وابن أصل وإنه مهما ضاقت الظروف حيكون حاططها في عينيه يبقي ايه المانع

**viper911s** · 02-08-2010 03:14 PM

بالراحة على الراجل
لازم نحسب الظروف (اعقلها وتوكل)
يعنى انا مثلا موضوع شقة ايجار جديد دى صعب اوى ومش هينفع
لكن قديم ماشى ماهو زى التمليك انا شاب وعاوز اتجوز رغم انى عارف ان هيتضغط عليا فى الطلبات والحاجات الغريبة دى بس انا عارف ان ربنا هيقدرنى عليها
وبالنسبة للشقة انا قلت انا استطاعتى شقة ايجار قديم عاجب اهلها يبقى ماشى الحال مش عاجب على راحتهم
ولصاحب الموضوع هما كلامهم صح فى فكرة الاستقرار ايجار قديم افضل ليك من نواحى كتير
مش هيقدر حد يخرجك منها وحدش ممكن يزود الايجار عليك هتلاقى الموضوع فى استقرار اكتر

**احمد المصرى** · 02-08-2010 03:35 PM

يا شباب ذى ما احنا رجاله مش لازم ناخد بنات الناس نمرمضها معانا يعنى ما لازم يكون فى شقه علشان اتجوز امال هتجوز فين وطبيعى جدا ان اهل العروسه تطلب شقه على الاقل ايجار قديم لان الايجار الجديد مرهق جدا ماديا ومعنويا كل سنه او اتنين بكتيره لازم تنقل اساسا من الشقه لو ايجار جديد

العيب مش اهل العروسه العيب فى عدم توفير شقق بسعر معقول وقبل ما تحكموا كل واحد يبكر فى اخته او قريبته علشان نحكم صح

ما خالص اعتزارى لصاحب الموضوع بس لازم على الاقل شقه ايجار قديم

**ams** · 02-08-2010 03:52 PM

المشاركة الأصلية كتبت بواسطة ahmed1981

size=5][color=blueلأن في نوع من الشباب ليس أمين في كلمته ومجرد ما يتجوز في شقة إيجار تلاقيه برد وقاعد يفكر في أمور أخرى وعربيات ومصاريف وينططها في شقق إيجار ولكن أهم حاجة يمتع نفسه

[[/color][/size]

ما هو لو مش امين
مش هتفرق بقى شقة و لا فيلا تمليك و لا ايجار
مش هيتقى الله فيها
وساعتها فعلا مش هتفرق هو جايب ايه و لا شكله و منظره ايه قدام الناس و لا عنده كام فى البنك اللى هى من مصايب وقتنا اللى ناس كتير بتهتم بيها و تتجاهل الاهم بكتير و هو الانسان نفسه

**ams** · 02-08-2010 03:53 PM

المشاركة الأصلية كتبت بواسطة elassar2010

كلام مظبوط وتمام
بس مافبش واحد هياسس حياة بنتة على ضربة حظ ممكن تيجى وممكن ماتجيش

فيه فرق كبير بين الايمان بما فى يدى الرحمن مع اخذ الاسباب و ضربة الحظ

**elassar2010** · 02-08-2010 03:56 PM

المشاركة الأصلية كتبت بواسطة blazer

ربنا معاك
نش لازم شقه تمليك وزى ما اتقال
ممكن بعد اما يتجوز يفتقر او يبيع الشقه تانى يوم

ا

بنفس المنطق برضة طاب ماهو ممكن بعد مدة الايجار ماتخلص مايعرفش يجيب شقة تانية ايجار
وبنتة ترجعلة بااطفالها وتعد عندة ولا هى متجوزة ولا هى مطلقة

ملحوظة
انا مش متجوز وعازب وماعنديش شقة حاليا ومش خاطب يعنى بدافع عن فكرة ان العريس يكون عندة شقة ملك لانى مقتنع بيها ومؤمن بيها

**elassar2010** · 02-08-2010 03:57 PM

المشاركة الأصلية كتبت بواسطة ams

فيه فرق كبير بين الايمان بما فى يدى الرحمن مع اخذ الاسباب و ضربة الحظ

فعلا خانى التعبير هنا

-

الموضوع: الشقة لازم تكون ايجار قديم

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ايجار قديم ولا تمليك

شقق ايجار قديم

مطلوب شقة ايجار قديم

استفسارعن فائدة عقد ايجار الشقة

مطلوب شقة ايجار قديم

الكلمات الدلالية لهذا الموضوع

المفضلات

المفضلات

ضوابط المشاركة