الموضوع: الشقة لازم تكون ايجار قديم

المشاركة الأصلية كتبت بواسطة elassar2010

بنفس المنطق برضة طاب ماهو ممكن بعد مدة الايجار ماتخلص مايعرفش يجيب شقة تانية ايجار
وبنتة ترجعلة بااطفالها وتعد عندة ولا هى متجوزة ولا هى مطلقة

ملحوظة
انا مش متجوز وعازب وماعنديش شقة حاليا ومش خاطب يعنى بدافع عن فكرة ان العريس يكون عندة شقة ملك لانى مقتنع بيها ومؤمن بيها

يبقى ايه؟
يبقى المستقبل فى علم لغيب وكله عند ربنا علام الغيوب
انت تعمل اللى عليك وتتاكد من الحاجات الاساسيه
اللى هى الاخلاق والتعليم والدين و الطباع
الماديات بتروح وتيجى


ياجماعه انا برده عندى اخوات بنات وبشوف اللى بيجوا يتقدموا
والله العظيم عمر ما كان سبب رفض واحد فيهم هى الفلوس فى المقام الاول
والله اكتر من واحد جه ومستواهم المادى حلو جدا جدا جدا جدا و اترفضوا علطول
الماديات عمرها ما كانت الاساس
امال احنا اهالينا اتجوزوا ازاى محدش يقنعنى ان كل الناس زمان كان عندها شقق تمليك والكلام دا
دا فيه ناس كانت بتسكن مع اهاليهم فى نفس البيت

المشاركة الأصلية كتبت بواسطة blazer

يبقى ايه؟
يبقى المستقبل فى علم لغيب وكله عند ربنا علام الغيوب
انت تعمل اللى عليك وتتاكد من الحاجات الاساسيه
اللى هى الاخلاق والتعليم والدين و الطباع
الماديات بتروح وتيجى


ياجماعه انا برده عندى اخوات بنات وبشوف اللى بيجوا يتقدموا
والله العظيم عمر ما كان سبب رفض واحد فيهم هى الفلوس فى المقام الاول
والله اكتر من واحد جه ومستواهم المادى حلو جدا جدا جدا جدا و اترفضوا علطول
الماديات عمرها ما كانت الاساس
امال احنا اهالينا اتجوزوا ازاى محدش يقنعنى ان كل الناس زمان كان عندها شقق تمليك والكلام دا
دا فيه ناس كانت بتسكن مع اهاليهم فى نفس البيت

حضرتك فهمتنى غلط
انا مقصدش ان اهم حاجة الشقة ومادام واحد جاى يتجوز ومعاة شقى يبقى خلاص يشيل ومش مشكلة اخلاقة واهلة لالالا
بس انا اقصد ان فى تقديرى ان الشقة دى شىء اساسى مع الاخلاق والدين والسمعة الكويسة الكل مكمل للتانى

المشاركة الأصلية كتبت بواسطة hh

بالمناسبة, انا اصلا أول ما أتجوزت أتجوزت في شقة ايجار جديد

ههههههههههههههههههه

بالمناسبة, انا اصلا أول ما أتجوزت أتجوزت في شقة ايجار جديد

هل اللي عملتوا ده كان عيبه مثلا كنت مكسوف يعني عشان إتجوزت في شقه إيجار يبقى الناس ليه بعضهم بيفتكرها عيبه
لأ طبعا و ده المفروض يكون العادي بتاع الناس كلها
بس بعضنا أهليهم ساعدوهم و جابولهم الشقه

معتقدش ابداااا إن في واحد جاب شقه من شقاه و تعبه و هو لسه في بداية حياته إلا قليل خالص

في رأيي ( لا إحنا مستأجرين و لا مأجرين قانون قديم ) إن حكاية الإيجار القديم في كلام كتير و هضم حق لصاحب الملك
و الحمد لله إني مش من الناس اللي بيلموا 600 جنيه في الشهر مثلا على عمارة في الدقي تساوي ملايين

المشاركة الأصلية كتبت بواسطة hh

أنا على فكرة واحدة مش واحد.

أنا أكيد مكنتش مكسوفة عشان متجوزة في ايجار جديد, بس كل واحد و ظروفه. يعني أنا جوزي كانت ظروفه متسمحش يشتري شقة, و أنا كنت بحبه جدا و مستعدة أستحمل أي ظروف معاه. و ربنا كرمنا أن أهلي وافقوا مع اني كنت متوقعة اعتراضهم و مستنياه بس هما كمان احساسهم اني عايزاه و انه انسان كويس و يستاهل خلاهم متساهلين جدا.

بس كوني انا كنت راضية بحاجة مش معناها ان اللي ميرضاش بنفس الظروف يبقى وحش. كل واحد من حقه يختار اللي يريحه سواء العريس أو العروسة و زي ما حضرتك شايف من الردود فيه رجالة كتير برضه مترضاش تتجوز في أيجار جديد. كل واحد ليه تفكيره و كل جوازة و ليها ظروفها.

زى ما حضرتك قلتى
انك كنتى متمسكه بيه
وهو انسان محترم واهللك موافقين عليه
يبقى مفيش داعى اننا نرفض عريس موافقين عليه و يكون سب الرفض الشقه ايجار ولا تمليك ؟

المشاركة الأصلية كتبت بواسطة mohamedfadel5

بشمهندس أحمد
معنى كلام حضرتك أن أصلا لازم الأب يدور فى المقام الأول على الشخص الكويس المحترم لبنته مش الشقة

كلام سليم

لكنه لا يمنع إن ممكن يكون فيه إنسان أمين وقمة في الأخلاق ومناسب من جميع الإتجاهات
لكن المشكلة معندوش شقة
في هذه الحالة لو هقدر أساعده زي ما عمل سيدنا الخضر مع سيدنا موسى وأجيبله شقه وأجوزه بنتي ويبقى يدفعلي ثمنها براحته أو مش هاخد منه حاجة

يا أقوله كل شيء نصيب ومش هينفع من غير شقة

أخلاق الأنسان ودينه وأمانته رقم واحد
ومادياته وشقته برضه رقم واحد مش رقم إتنين