الموضوع: هنصوت بنعم ام لا للتعديلات الدستورية ؟

المشاركة الأصلية كتبت بواسطة mohamed_selim

اتفضل يا باشا ... انا كان عندى شكوك برضه و تساؤلات كتير لحد ما واحد الله يكرمه بعتلى اللينك و فعلا بتفهمنا معنى التعديلات لأن احنا مش قانونيين ... اللى يهمنا هو ازاى التعديلات دى تخلينا نعمل الصح اللى احنا عايزينه

متفق معاك أحنا فعلا مش قانونين
وشكرا مرة أخرى ياباشا على الفيديو وده اللينك للموضوع بس يارب الناس ماتتسرعش و تشوف الفيديو أولا قبل قرارهم

http://www.nilemotors.net/Nile/206316-a.html

المشاركة الأصلية كتبت بواسطة د.أبونضال

كتابة دستور جديد للبلاد في الوقت الحالي أفضل من الانتظار إلى أن يأتي رئيس الله أعلم بيه ومجلسي شعب وشورى الله أعلم بهما ممكن أن يتفق الاثنان سويا ويطبخا دستورا على مقاسهما وتضيع دماء الشهداء هباءً

ما هي دي مصيبة سودا


يا جماعة أنا محتار جدا جدا

التعديلات فيها حاجات كويسة و حاجات نص نص .... بس :

1- لو التعديلات الموجودة دي كان عليها أغلبية موافقة ايه اللي هيحصل ؟ أرجو بأبسط ما يمكن عشان أفهم ...

2- لو التعديلات اترفضت ايه اللي هيحصل ؟ هل هيتعمل دستور جديد ؟ و لا هنرجع على قديمه ؟ و لا هتتعمل لجنة جديدة لصياغة تعديلات تاني من أول و جديد ؟

بالنسبه للناس الى بتسأل عن الماده المفروض تعمل دستور جديد ... ارجو قراءه الكلام دا كويس جدا بيشرح الموضوع
-----------
بخصوص كون المادة 189 مكرر ملزمة للبرلمان بوضع دستور جديد

فيه ناس بتقول ان التعديلات الدستورية وبالتحديد المادة 189 مكرر بتلزم مجلس الشعب والشورى الجايين انهم يجتمعوا ويعملوا جمعية تأسيسية تحط دستور من أول وجديد وده لأن نص المادة 189 مكرر بيقول الآتي:

يجتمع الاعضاء غير المعينين لأول مجلسى شعب وشورى تاليين لإعلان نتيجة الأستفتاء على تعديل الدستور لأختيار الجمعية التأسيسية المنوط بها إعداد مشروع الدستور الجديد خلال ستة اشهر من انتخابهم وذلك كله وفقاً لأحكام الفقرة الأخيرة من المادة 189.

جميل جداً... الفقرة دي ممكن تدينا ايحاء بانها بتلزم مجلس الشعب والشورى الجايين بأنهم يحطوا دستور حديد لكن في الحقيقة ان المادة دي برضه مش ملزمة ... ليه؟

عشان آخر عشر كلمات فيها اللي هما: "وذلك وفقاً لأحكام الفقرة الأخيرة من المادة 189"

يعني مجلس الشعب والشورى الجايين لما يجتمعوا ان شاء الله وعشان يقدروا يقدموا طلب تعديل الدستور لازم بعض الشروط تتوافر والشروط دي مذكورة في المادة 189... بتقول ايه بقي المادة 189 ؟

المادة 189 بتقول : ولكل من رئيس الجمهورية وبعد موافقة مجلس الوزراء ولنصف أعضاء مجلسى الشعب والشورى طلب اصدار دستور جديد وتتولى جمعية تأسيسية من مائة عضو ينتخبهم أغلبية أعضاء المجلسين من غير المعينين فى إجتماع مشترك، إعداد مشروع الدستور فى موعد غايته ستة أشهر من تاريخ تشكيلها ويعرض رئيس الجمهورية المشروع خلال خمس عشرة يوماً من اعداده على الشعب لإستفتائه فى شأنه، ويعمل بالدستور من تاريخ إعلان موافقة الشعب عليه فى الاستفتاء.

ومعنى كده ان عشان مجلس الشعب والشوري يقدروا يطلبوا تعديل الدستور لازم يكون فيه طلب متقدم من نصف أعضاءهم... ولو ماتحققتش النسبة دي مش هايبقى فيه طلب تعديل دستور ومش هايبقى فيه دستور جديد...

يعني برضه المجلس الجاي مش ملزم يعدل الدستور الا اذا 50% من أعضاءه وافقوا على طلب التعديل ده... وفي ظل الانتخابات البرلمانية المبكرة (لو فرضنا انها هاتحصل في يونيه الجاي زي ما الجيش عايز) ماحدش ضامن تشكيل مجلس الشعب هايكون عامل ازاي ولا اذا كان هايتوافر عدد كافي في البرلمان يطلب التعديل ده... يعني كون ان احنا يبقى عندنا دستور معدل هايكون مرهون بنتائج الانتخابات البرلمانية... ودي مخاطرة.. لو انت موافق عليها قول "نعم" في الاستفتاء... لكن غيرك هايقول أنا ليه استنى نتائج البرلمانية طالما ممكن اعدل دستوري دلوقتي... وعشان كدة هايقول يوم 19 مارس "لا" للتعديلات الدستورية.

لا لاتعني تغيير الدستور ولكن تعني مزيد من التعديلات وعرضها مرة أخرى للأستفتاء أرجو الصورة تكون وضحت ألا أذا الناس مصممة تستمر في الفوضى ومزيد من المظاهرات
يرجى مشاهدة الفيديو أعلاه بتمعن

المشاركة الأصلية كتبت بواسطة medo_2060

بالنسبه للناس الى بتسأل عن الماده المفروض تعمل دستور جديد ... ارجو قراءه الكلام دا كويس جدا بيشرح الموضوع
-----------
بخصوص كون المادة 189 مكرر ملزمة للبرلمان بوضع دستور جديد

فيه ناس بتقول ان التعديلات الدستورية وبالتحديد المادة 189 مكرر بتلزم مجلس الشعب والشورى الجايين انهم يجتمعوا ويعملوا جمعية تأسيسية تحط دستور من أول وجديد وده لأن نص المادة 189 مكرر بيقول الآتي:

يجتمع الاعضاء غير المعينين لأول مجلسى شعب وشورى تاليين لإعلان نتيجة الأستفتاء على تعديل الدستور لأختيار الجمعية التأسيسية المنوط بها إعداد مشروع الدستور الجديد خلال ستة اشهر من انتخابهم وذلك كله وفقاً لأحكام الفقرة الأخيرة من المادة 189.

جميل جداً... الفقرة دي ممكن تدينا ايحاء بانها بتلزم مجلس الشعب والشورى الجايين بأنهم يحطوا دستور حديد لكن في الحقيقة ان المادة دي برضه مش ملزمة ... ليه؟

عشان آخر عشر كلمات فيها اللي هما: "وذلك وفقاً لأحكام الفقرة الأخيرة من المادة 189"

يعني مجلس الشعب والشورى الجايين لما يجتمعوا ان شاء الله وعشان يقدروا يقدموا طلب تعديل الدستور لازم بعض الشروط تتوافر والشروط دي مذكورة في المادة 189... بتقول ايه بقي المادة 189 ؟

المادة 189 بتقول : ولكل من رئيس الجمهورية وبعد موافقة مجلس الوزراء ولنصف أعضاء مجلسى الشعب والشورى طلب اصدار دستور جديد وتتولى جمعية تأسيسية من مائة عضو ينتخبهم أغلبية أعضاء المجلسين من غير المعينين فى إجتماع مشترك، إعداد مشروع الدستور فى موعد غايته ستة أشهر من تاريخ تشكيلها ويعرض رئيس الجمهورية المشروع خلال خمس عشرة يوماً من اعداده على الشعب لإستفتائه فى شأنه، ويعمل بالدستور من تاريخ إعلان موافقة الشعب عليه فى الاستفتاء.

ومعنى كده ان عشان مجلس الشعب والشوري يقدروا يطلبوا تعديل الدستور لازم يكون فيه طلب متقدم من نصف أعضاءهم... ولو ماتحققتش النسبة دي مش هايبقى فيه طلب تعديل دستور ومش هايبقى فيه دستور جديد...

يعني برضه المجلس الجاي مش ملزم يعدل الدستور الا اذا 50% من أعضاءه وافقوا على طلب التعديل ده... وفي ظل الانتخابات البرلمانية المبكرة (لو فرضنا انها هاتحصل في يونيه الجاي زي ما الجيش عايز) ماحدش ضامن تشكيل مجلس الشعب هايكون عامل ازاي ولا اذا كان هايتوافر عدد كافي في البرلمان يطلب التعديل ده... يعني كون ان احنا يبقى عندنا دستور معدل هايكون مرهون بنتائج الانتخابات البرلمانية... ودي مخاطرة.. لو انت موافق عليها قول "نعم" في الاستفتاء... لكن غيرك هايقول أنا ليه استنى نتائج البرلمانية طالما ممكن اعدل دستوري دلوقتي... وعشان كدة هايقول يوم 19 مارس "لا" للتعديلات الدستورية.

كلامك مضبوط يا استاذى
فيه ملاحظات ليا على موضوع الدستور و تعديلاته لو تحب تشوفها فى الموضوع التالى
http://www.nilemotors.net/Nile/206354-a.html

المشاركة الأصلية كتبت بواسطة hobiko

الحقيقة اني بعد ما شفت الفيديو مرتين ..... تأكدت بما لا يضع مجالٍ للشك ...... اني حصوت بلا


لسببين اساسيين :-



1) لما سألو صبحي صالح ليه صلاحيات الرئيس لم يتم تقليصها ...... جاء الرد محبطاً بعيداً عن أي منطق


الأستاذ صبحي صالح المحامي القيادي في الاخوان ....... قال اننا لجنة خبراء تعالج عيوب نص ولا تؤسس لنظام سياسي ...... و نظراً لإختلاف التوجهات السياسية حيث إن فيه ناس تفضل النظام الرئاسي و ناس تفضل النظام البرلماني ..... قررنا ترك الأمر للجنة التأسيسية


الحقيقة إلي أغفلها صبحي صالح ...... إن مفيش دولة متقدمة محترمة ذات نظام رئاسي ...... الرئيس فيها يملك الصلاحيات الخزعبلية إلي موجوده في الدستور المصري


لجنة تعديل الدستور ...... كان في امكانها تقليص صلاحيات الرئيس بما يتناسب مع النظام الرئاسي المعتدل المحترم ( ذي فرنسا مثلاً ) ...... النظام الحالي ولا هو رئاسي زي الدول المتقدمة ولا هو برلماني


النظام الحالي ...... هو نظام دكتاتوري بحت ........... بالتالي وجب تقليص الصلاحيات اليوم قبل بكرة



الغريب في الموضوع ....... إن كل تصريحات المجلس العسكري من يوم 19 و يوم 20 فبراير بالتحديد (في كل مواقع الأخبار ..... تقدروا تعملوا search و تتأكدو من كلامي) ...... إن سوف تتم تقليص صلاحيات رئيس الجمهورية


2) أستاذ صبحي صالح لما سألوه عن المادة 189 ...... قال انها بتغطي لو أراد الرئيس تعديل بعد مواد الدستور لكنها لم تجب ماذا لو أراد الشعب تغيير الدستور ..... قال احنا حطنا إجابة اسمها يجوز و دة إسمه إستكمال نقص ...... و قال إن كدة للرئيس و نصف مجلس الشعب حق طلب تعديل الدستور ........


هنا صبحي صالح بيشتغلنا ...... دة مسموش إلزام ..... دة إسمه على حد كلامه ..... إنه أعطى الرئيس و نصف مجلس الشعب حق طلب تغيير الدستور..... يعني يغيروا ميغيروش براحتهم



3) في نقاط كتير مكلمش فيها صبحي صالح القيادي في الاخوان


4) لو خدنا نظرة سريعة على الساحة السياسية ...... حنلاقي إن القوة السياسية الوحيدة الموافقة على تعديلات الدستور .... الاخوان المسلمين


بس يا ترى دة ليه علاقة بكون إن لجنة تعديل الدستور ...... تضم في عضويتها 3 من الاخوان ؟؟؟؟؟؟؟؟؟؟؟؟؟؟؟؟

من الواضح ان اكثر الناس استفادة من سرعة اجراء الانتخابات هم الاخوان المسلمين فهم تقريبا الجهة الوحيدة المنظمة بعد سقوط الحزب الوطنى و الانشقاق المتوقع لرجال الاعمال عن الحزب و ترشحهم كمستقلين و بالتالى فرصة سيطرة الاخوان على عدد كبير من مقاعد البرلمان كبيرة و هذا فيه ظلم بين لباقى التيارات الوليدة التى لم تقوى بعد على المنافسة
يا استاذى الاخوان بيلعبوا سياسة صح و يهمهم مصلحتهم و على فكرة انا معنديش مشكلة ان الاخوان يكون ليهم نسبة اعضاء كبيرة فى البرلمان بس بشرط ان يكون هناك منافسة شريفة و قوية يصل بعدها من يصل