ماهو ال vtec وطريقة عملة ؟

**EK4** · 20-06-2011 04:17 PM

المشكلة في شكل المنتدي المشكلة ان سعتها نسبة الجهل بتزيد بسبب شرح معلاومات غلاط

**Horsepower** · 20-06-2011 04:44 PM

السلام عليكم جميعا,
إن شاء الله نبقى نتكلم في الموضوع ده في المقابلة الجاية ,,,
أستاذ ek4 أعتب عليك إنك تقول لي (لو فاهم كويس) ,,, والله العظيم لو أعرف إن هايترد عليا كدة ماكنتش كتبت كلمة, ووالله ده مش تعالي ولا أي حاجة أكتر من إن الواحد يصون كرامته ,,, يا حضرات أنا لما رديت رديت بكل إحترام على الكل وأنا ماعرفش حد, و كل الكلام إللي بنرغي فيه ده مايساويش إن الواحد يخسر حد قصاد إثبات رأي.

لسمسم و نوكومنت و طارق زين ,,, علشان ماحدش فيكوا يعتب عليا إني ماباشاركش في المواضيع ,,, خليها في المقابلات أحسن.

**SAMEH_FOUAD** · 20-06-2011 04:47 PM

المشاركة الأصلية كتبت بواسطة ek4

المشكلة في شكل المنتدي المشكلة ان سعتها نسبة الجهل بتزيد بسبب شرح معلاومات غلاط

معلش يامحمد احنا تقريبا اكتر منتدى من بعد المنتديات الاجنبية تقدر تاخد منة معلومات صحيحة ومعلش انت محسسنى اننا بنتكلم عن 128 مش vtec فية فرق لما تبقى قايل 90% من المعلومات صح ويبقى فية نسبة صغيرة هية الى محتاجة تصحيح انا بديلك مثال مش بتكلم على الموضوع عموما

وماينفعش بردة نقول جهل احنا مش بنقول معلومات غلط ولا حاجة والحمد لله والدليل ان فية اختلاف وجهات نظر مش قواعد مسلم بيها هية المشكلة كلها ان شاء الله هتبان لما نقعد ونتكلم مع بعض هنقدر نطلع بالكلام المفيد والصحيح اللى نتفق علية كلنا

**vjack** · 20-06-2011 05:31 PM

المشاركة الأصلية كتبت بواسطة Horsepower

السلام عليكم جميعا,
إن شاء الله نبقى نتكلم في الموضوع ده في المقابلة الجاية ,,,
أستاذ ek4 أعتب عليك إنك تقول لي (لو فاهم كويس) ,,, والله العظيم لو أعرف إن هايترد عليا كدة ماكنتش كتبت كلمة, ووالله ده مش تعالي ولا أي حاجة أكتر من إن الواحد يصون كرامته ,,, يا حضرات أنا لما رديت رديت بكل إحترام على الكل وأنا ماعرفش حد, و كل الكلام إللي بنرغي فيه ده مايساويش إن الواحد يخسر حد قصاد إثبات رأي.

لسمسم و نوكومنت و طارق زين ,,, علشان ماحدش فيكوا يعتب عليا إني ماباشاركش في المواضيع ,,, خليها في المقابلات أحسن.

مش دفاعا عن ek4 بس أعتقد إن هو قصده إن في العموم إن ماحدش يغلط حد إلا لو كان عارف المعلومة اللي بيقولها
عموما أنا بقى أحب اعتب عليك لانك لما ردت عليَّ وانا سألتك مردتش عليَّ وشايفك هنا موجه كلامك لناس محددة إنك مش هتشارك فالموضوع كان ياريتك قلت عليَّ مش فاهم أو قليل الأدب أحسن ماتنفضلي كده وتحديد الناس اللي مش هترد عليهم بالطريقة ده
أعتقد بالنسبالي أنا كمان مش هشارك فالموضوع ده
وياريت يا سمسم نلغي موضوع مناقشة al-VTEC من جدول المقابلة الجاية لأنها مش هتقدم ولا هتأخر لأني ماعتقدش إن في حد مستعد يسمع التاني كله هيكون جاي يغلط التاني وخلاص وهتبقى سفسطة لو ماكانتش خناقة

**SAMEH_FOUAD** · 20-06-2011 06:04 PM

اية ياجماعة انتوا مالكوا قفلتوا كدة لية احنا بنتناقش والمفروض اننا ناس كبيرة وفاهمة

ماتخلوش حاجات تافهة تقصر على صداقتنا ببعض اى كانت اهمية المواضيع

معلش من الاخر بقى عشان تبقوا عارفين

زى ماقولتلكوا ياجماعة احنا اخوات فى الاول والاخر وكلنا كلنا مع بعض عيش وملح وماينفعش نغلط فى بعض اى كانت الاسباب

بالنسبة لموضوع ال vtec لازم يتشرح فى المقابلة وزى ماتعودنا هيكون فى نطاق علمى لا يوجد تعديات على رأى الاخر

وانا فكرت فى فكرة كل واحد هيعملها مش هتجيب اى مشاكل نهائى ان شاء الله

وبعدين ياجماعة ان قولتلكوا الكلام اللى مايعزلش حد وفى نفس الوقت تعرض فكرتك بدون جرح لشخص او التعدى علية

اللى عايز يعدل حاجة فى اى موضوع مش شرط الموضوع دة يقول كدة معلش انا عندى تصحيح للمعلومات او اى اسلوب لبق يراة بدون بقى انت غلطان انت ماتعرفش انت مابتفهمش مش عارف مين مش فاهم

خلى بالكوا بردة انا قابلت كلام عليا من النوع دة كتير بس كنت بكبر دماغى عشان ماعملش مشاكل على الفاضى وكنت باخدها بهزار او من مسألة العشم يعنى لكن غيرى ممكن ماياخدهاش كدة

وبعد اذنكوا مش عايزين المواضيع توصل لكدة ابدا بينا ياريت يبقى فية اختيار للكلام ومراعاة انة هل هيجرح الشخص اللى قدامى ولا لأ

يارب تكوتوا فهمتوا اللى انا بقولة لان معلش مش اللى احنا بنقولة للناس ونبنية هيتهدم بسبب اختلاف وجهات النظر

واخر كلامى اللى عندة رأى مخالف يعرضة بمنتهى الاحترام بدون مايزعل حد منة ودة احسن حاجة , واللى مش هيقدر يعرضة بالصورة دية يبقى اكرم لية انة يحتفظ بالمعلومة دية لنفسة لانى لو لقيت اسلوب فية تعدى على الاعضاء معلش هتضطر اطلب من الادارة بانذارة ومسح المشاركة واعتقد طالما انا صح والاعضاء هتؤيدنى فى دة يبقى كمان الادارة هتتجة الاتجاة السليم

وانا عارف اننا كلنا بنحب بعض وفعلا اخوات وماينفعش نغلط فى بعض او نسىء لانفسنا

وبعد اذنكوا الموضوع دلوقتى الكلام فية فقط بدون ادلاء اى معلومات عن ال vtec لحين المقابلة القادمة

نشوفكوا على خير ان شاء الله

ومعلش ياحمد باشا محدش يقصد الاهانة اكيد مجرد كلام بيتكتب بحسن نية ليس اكتر

عموما انا نوهت وخلاص بعد كدة هيبقى فية تصرفات تانية اذا تمت مخالفة القواعد زى ماحدث مع الاستاذ hlmnz

لان عمر ماكان تصحيح معلومة يسبقها اهانة كدة هتفقد معناها ككل

ولو انتوا خايفين على المنتدى بجد يبقى الاحترام لية اولا ولسمعتة كاشخاص متحضرين بيتناقشوا ثم اشخاص لديهم المعلومات الكافية ليفيدوا بيها بقية الاعضاء

اسف على الاطالة

**SAMEH_FOUAD** · 20-06-2011 07:01 PM

المشاركة الأصلية كتبت بواسطة sanhory

ازيك ياسمسم باشا يا تاعبنا بمواضيعك :)

على قكرة مش حينفع كل محد يقول حاجة و التاني يرد نقول مش قصدنا الكمة دي اتكررت كتير قوي كل شوية مش قصدي

اظن الكلام كان واضح اتقال مفيش مسافة بتزيد و الحقيقة ان المسافة بتزيد

الا اذا كان مقصود بكلمة المسافة مش بتزيد انها بتزيد :)

ارجع بقى لسؤالك

اكيد معروف ان في علاقة بين البنزين و بين سحب الهوا لكن دا مش موضعنا

احنا موضوعنا في الميكانيزم بتاع ال vtec وايه اللي بحصل للصبابات و قتها محدش بقى جاب سيرة بنزين اد ايه ولا هوا اد ايه

انا فاهم قصدك عايز تقول ان التيربو اول واحد حيعلى في ال rpm نتيجة دخول الهوا اسرع و بعد كدا الفلتر الاسبور بعد كدا العادي ؟ طب ها دا حيضيف ايه ؟

لو كل واحد فضل وقت النقد يقول لا مش قصدي ولا حنوصل لاي حاجة كلنا

الصح بتقال عليه صح و الغلط بتقال عليه غلط والناس اللي بتقرا مش كلهم عندهم ملكة استخرلج ما بين السطور و حقول تاني دا لا يقلل من شان اي احد

المهم المحتوى العام و صحة الكلام يا ابيض يا اسود

شوف انا بس عايز اوضحلك وجهة نظر احمد سامى فى الشرح

ولو ركزت شوية فى كلامة لما دخل سيرة نسبة الانضغاط هتلاقية ماقالش انة بيعدلها او بيزودها او جاب سيرتها فى الموضوع هو فقط بيشرح ودية دخلت معاة وسط الكلام لكن مادخلهاش فى علاقة فى ال VTEC

ياريت تقرى المشاركة دية تانى واهية ياعم عشان ماتلفش شوفت انا مريحك ازاى

لا يا أفندم ,,, لا بتفتح مدة أطول ولا مسافة أكبر ,,, هو هو نفس المشوار والمدة ,,, وبالمنطق كدة لو فتح مدة أطول يعني عدد المشاوير هايقل ,,و يعني ال RPM هايقل ,,, مش كدة برضه؟
ولو فتح مسافة أكبر يبقى بتغير في معامل الإنضغاط compression ratio للمحرك وكدة محتاج تزود رقم الأوكتان لحظة ما الإسطوانة تفتح مسافة أكبر ,,, تمام كدة؟
كل إللي بيتغير هو وقت فتح ال intakes بتاعت الهواء ,,, بتكون بدري شوية علشان الهواء يلحق يتشفط وبتأخر وقت الإشعال برضه علشان تدي فرصة للهواء إنه يتشفط.

**No Comment** · 20-06-2011 10:26 PM

السلام عليكم جميعاً يا شباب الهوندا يا جامدين أوى .

طبعاً الحمد لله انى اتشرفت بمعرفة معظمكم فى مقابلات سابقة .
بداً بسامح Semsemkane ونهايتأ بـ أحمد عماد Vjack اللى ما اكلشى من البيتزا فى أخر مقابلة .
وفى منتصف هذه المقابلات الكثيرة كان فيه المهندس المحترم احمد Horse Power .
وبرضوا شرفت بمعرفة الأخوان Ek4 محمد ومصطفى عمر واللى حسيت انهم فاهمين جداً ودارسين كمان ومعاهم طبعاً الـ اس اى اراوى محمد Sanhory .
هتقولوا ايه لزمة الدباجة اللى كاتبها فوق دى ... هقولكم على الرغم من انى مقلتش رأيئ فى الـ Vetc اللى عليه الخلاف ده كله .

لاكن لفت نظرى ان الموضوع بدأ ياخد شكل التعصب والتغليط للطرف الآخر من النقاش .
مع ان حتى ولو كان الكلام مليان مغالطات من وجهة نظر شخص ما تجاه الشخص الاخر ميخدشى شكل الحدة دى فى انتقاد رأى الغير .

يا سيدى انت وهو مينفعشى نحاول نفهم بعض بطريقة أكثر هدوءأ .

طيب انا واحد معلوماتى على قدى وشايف طرفين متصارعين على فكرة ما ، اى الفكرتين هى الاصح واى الاراء هو الصواب .

طبعاً عمرى ما هعرف ايهما اصح ازى استمر الكلام الغالب على الموضوع مجرد تغليط الغير فى غالب الكلام .

هوة العرب اشتهروا بانهم اتفقوا على ان لا يتفقوا جه من فراغ .

يا عم انت وهوا فكرتينكم انتوا الاتنين غلط ... حصل ايه يعنى الدنيا باظت ولا انتهت .

انا عارف انه ميصحش حد يقول معلومة الا لما يكون متأكد منها جداً لانها ممكن تضر او تفيد الشخص المستقبل للمعلومة دى وبالتالى فهى امانة .

لاكن هكسب ايه انا دلوقتى ازى حضراتكم كل واحد تمسك برأيه ، لا وكمان بتهددوا بمقاطعة الحوار .

هل يا ترى هوة ده الحل عندكوا ...؟

وتسيبوا الناس كدة غرقانة بعد ما عكيتوا الموضوع ولخبطوا دمغنا معاكم .

لا أكيد ميصحش ... كل راكبى الهوندا بينهم صفة مشتركة الا وهى انهم روحهم رياضية زى عربياتهم ونفسهم طويــــــــل زى مشوار الفى تك لما بيفتح .

يا ريت ترجعوا تانى لدائرة الحوار الهادئ بدون مشاحنات ... أو ترجئوا الحوار ده لفترة حتى يراجع كل طرف معلومته بشكل ادق لعل معلومته المؤكدة تكون غير صحيحة أو منقوصة .

دى اول مشاركة ليا فى الموضوع ده ... واتمنا ان الموضوع يظل مفتوح حتى يتم الوصول الى الحقيقة الكاملة لتفسير سر هذا الفى تك الغامض الله يسامحه بقى .

اخوكم الهونداوى : نوكومنــت .

-

-

الموضوع: ماهو ال vtec وطريقة عملة ؟

LinkBack

أدوات الموضوع

عرض

-

-

-

المواضيع المتشابهه

أطرف عملة

تاجر عملة متجول

ساعدوني عملة حادثه في الواجا

الحمام المغربى وطريقة عملة فى البيت ( للجنسين)

نظاام الأير باج وطريقة عملة

الكلمات الدلالية لهذا الموضوع

المفضلات

المفضلات

ضوابط المشاركة