الموضوع: ماهو ال vtec وطريقة عملة ؟

المشاركة الأصلية كتبت بواسطة horsepower

السلام عليكم جميعا,
ال vtec عبارة عن حاجتين:
1- التحكم في عدد الصبابات إللي بتتفتح بعد زيادة عدد لفات المحرك عن حد معين (بتختلف حسب موديل المحرك) ,,,, وده إللي سمسم بيتكلم عليه وبيشرحه ,,, أعتقد كدة.
2- التحكم في زمن فتح وغلق (كامل الصبابات) وده في الهوندا بيكون أثناء عمل ال vtec ,,, ليه؟ ,,, لأن عند rpm عالي الصبابات بتفتح وتقفل بسرعة عالية (يعني مثلا عند 5,000 rpm الصبابات بتتحرك 10,000 مرة في الدقيقة يعني حوالي 166 مرة في الثانية ,,, رقم كبير طبعا ,,, لأن مشوار الصباب الكامل بيبدأ من الفتح لملء الإسطوانات بالهواء والوقود ,,, ده مشوار ,,, والمشوار الثاني بالعودة لكبس الهواء والوقود وحدوث الإحتراق ثم العودة مؤة أخرى للأعلى ,,, تمام كدة ,,, حركة الصبابات زي عمل (الحقنة) بالضبط بتسحب الجزء الداخلي علشان (الحقنة) تشفط الدواء وتضغط علشان تطلع الدواء ,,, لما الحركة دي بتكون سريعة جدا وبتكون شغالة على سحب الهواء بدل الدواء ,,, إللي بيحصل إن الهواء مابيلحقش يتشفط داخل الإسطوانات بسبب (قصوره الذاتي) لحظة الإشتعال وده بيخلي العزم يقل رغم زيادة عدد لفات الحرك ,,, تيجي فكرة (تعجيل وقت فتح الصبابات) يعني الصبابات تفتح بدري شوية (جزء من ألف من الثانية) علشان تلحق تشفط الهواء والوقود ومايحصلش هبوط في العزم عند عدد لفات عالية ,,, ودي الجزء إللي بيتكلم عليه باقي الإخوة الأعضاء.,,, أعتقد كدة برضه.
الجزء إللي بيتكلم عليه سمسم ده مش موجود غير في (((هوندا))) فقط ,,, أما الجزء الثاني فهو موجود في أغلب محركات السيارات لكل الشركات وليه أسماء أخرى يعني:
إسمه في تويوتا vvt = variable valve timing,,, والجديد إسمه variable valve timing with intelligence i-vvt ,,,, وفيه vvtl-i ,,, وفيه dual vvt-i ,,, وفيه vvt-ie لمحركات الكهرباء.
وزي ما بيقولوا vtec is for power, vvti is for driveability
و برضه على سبيل المثال وليس الحصر
في bmw إسمه valvetronic
قي subaru إسمه active valve control system = avcs,,, والجديد منه إسمه i-avls
شركة gm بتسمي مجموعة المحركات اللي فيها الموضوع ده northstar engine series




السلام عليكم,
ال i-vtec موجود في الهوندا الأوتوماتيك والمانيوال ,,, مش الأوتوماتيك بس.

المشاركة الأصلية كتبت بواسطة horsepower

لا يا أفندم ,,, لا بتفتح مدة أطول ولا مسافة أكبر ,,, هو هو نفس المشوار والمدة ,,, وبالمنطق كدة لو فتح مدة أطول يعني عدد المشاوير هايقل ,,و يعني ال rpm هايقل ,,, مش كدة برضه؟
ولو فتح مسافة أكبر يبقى بتغير في معامل الإنضغاط compression ratio للمحرك وكدة محتاج تزود رقم الأوكتان لحظة ما الإسطوانة تفتح مسافة أكبر ,,, تمام كدة؟
كل إللي بيتغير هو وقت فتح ال intakes بتاعت الهواء ,,, بتكون بدري شوية علشان الهواء يلحق يتشفط وبتأخر وقت الإشعال برضه علشان تدي فرصة للهواء إنه يتشفط.

الله ينور ياحمد باشا بجد جيبت المفيد من الاخر جيبت الزتونة

اخيرااااااااااااااااااااا ااااااااااااااااااااااااا اا

المشاركة الأصلية كتبت بواسطة sanhory

معلش انا اسف بس الكلام ده مش صح و مش منطقي

ودي صورة موضحة جدا لشكل الصبابات قبل و بعد ال vtec و متاخده من الفيديو اللي حاطه سامح باشا اللي رد و قال ان حضرتك جبت الزاتونة

[/img]

و ده رابط للصورة في حين لو مظهرتش هنا

imageshack® - online photo and video hosting

اظن بعد الصورة كدا قفلنا باب النقاش حولين ان المسافة اطول و ان المشوار بيزيد و لا لا لانه باين جدا في الصورة ان مشوار الصباب زاد

الحاجة التانية من الطبيعي حسب قوانين الفيزياء ان لو المسافة زادت الوقت بيزيد


و الي اعرفه كمان ان معامل الانضغاط او ال compression ratio مالوش دعوه بالصبابات نهائي

معامل الانضغاط ليه دعوه بحجم البستم و حجم غرفة الاحتراق و مش معنى ان الصبابات فتحة زيادة ان كدا غرفة الاحتراق كبرت .. غير كمان اني معلش مش فاهم يعني ايه الاسطوانة تفتح مسافة اكتر قصدك يعني البستم يطول شوية و يشب لفوق ؟؟ دا كلام غير منطقي حتى لو كان مجرد تصور .

ده شرح ايه هوا معامل الانضغاط بظبط من wikipedia مظنش جابو سيرة الصبابات في حاجة


the compression ratio of an internal-combustion engine or external combustion engine is a value that represents the ratio of the volume of its combustion chamber from its largest capacity to its smallest capacity. It is a fundamental specification for many common combustion engines.
In a piston engine it is the ratio between the volume of the cylinder and combustion chamber when the piston is at the bottom of its stroke, and the volume of the combustion chamber when the piston is at the top of its stroke.[1]

و اخيرا ياريت يا جماعة قبل م حد يشكك في اي معلومة يبقى متاكد هو بيقول ايه و ياريت كمان قبل ما حد ياكد اي معلومة زي حكاية الزتونة كده :) يكون واثق انها صح عشان دي مسؤلية كبيرة و اظن ناس كتير بتثق في كلام الاستاذ سامح . لو ناس شافت الكلام ده اكيد وش و هما مغمضين طالما سمسم اعتمده يبقى الكلام صح

و الحقيقة ان الكلام غلط فارجو مراعاة المسؤلية في اعطاء المعلومات الصحيحة

هذا لا يقلل من شان الاستاذ horsepower ولا الاستاذ سامح ولا يرفع من شاني في شئ

ولكن امانة تدوين المعلومات تحتم التدقيق في كل صغيرة و كبيرة

قد يكون هذا الموضوع الوحيد على الانترنت المكتوب بالغة العربية عن ال vtec لو فرضنا ان حد عمل سيرش بالعربي فغير مستبعد ان يظهر هذا الموضوع و عندما يكتشف انه فيه اخطاء و معلومات مغلوطة سوف يكون ذلك في وجه المنتدى

و شكرا للجميع

ههههههههههههههه

ماشى ياعم سنهورى لما اشوفك فى المقبلة ان شاء الله بس واحشنى والله وبقالك كتير غايب يارب يكون المانع خير

دلوقتى انا هسألك سؤال عشان انت مافهمتش قصد احمد سامى

لو عندك محرك b16a مثلا بفلتر عادى و عندك نفس المحرك بفلتر اسبور وعندك نفس المحرك بتيربو

اية اللى هيحصل هنا مع الضغط بقوة على بدال البنزين

هل نسبة الهواء والبنزين هتبقى هنا زى هنا زى هنا ؟ جاوب وبعد كدة انا هاقولك احمد كان يقصد اية

لانك فهمت كلام احمد غلط خالص واكيد طبعا الراجل عندة دراية تامة بكل اللى انت كاتبة دة

وبردة معلش ياجماعة بعد اذنكوا ماينفعش نكتب انت غلطان ودة مش صح والكلام دة

اللى عايز يضيف يقول انا عايز اصحح معلومة لكن انة يقول على شخص انت غلطان وكلامك غلط ماينفعش

ومتهيالى كلمة انا عايز اصحح معلومة هتبقى احسن واشيك واظرف

وكل واحد يقرى كويس ويذاكر كويس اوى عشان يوم المقابلة مايتحرجش