الموضوع: الفرق بين محرك ياباني و ألماني

قبل اى حاجة حددوا انتوا بتقارنوا بين المواتير من ناحية اية وجة المقارنة اية؟؟!!!
-جرى؟؟ مش الموتور لوحدة المسئول عن التسارع والجرى انت مش بتجرى الموتور لوحدة على الارض الموتور دة راكب فى عربية وزنها اية؟؟!! فى حاجة اسمها power/weight) ratio) يعنى هات نفس الموتور وحطة فى عربية وزنها طن غير لما هتحطة فى طن ونصف... ومتهيألى الحتة دى الامثلة فيها كتييير الفيرنا 1.6 قارنها كدة من 0-100 مع 316 وشوف الفرق...يبقى معنى كدة موتور الفرنا احسن!!!!!!!!!!!!!!

-القدرة؟؟ اولا لما تقارن من ناحية القدرة مينفعش تقارن بين موتور تربو والتانى عادى ولا موتور 1.0 والتانى 2.0 لازم تثبت كل المتغيرات لما تيجى تقارن بين حاجتين علشان تعرف تأثير الحاجة اللى انت بتقارن على اساسها
والموضوع دة هتلاقى فية اختلافات كتيير يعنى هات المدرسة الالمانية فى ناحية والمدرسة اليابانية والكورية فى ناحية وقارن!!!! طبعا لو قارنت هتحس ان فية حاجة غلط هتحس ان كوريا واليابان مليانة احصنة مش عارفين يودوها فين والمانيا فقيرة معندهاش احصنة فلا يعقل ان كفاءة موتور الالنترا مثلا 121 حصان اعلى من كفاءة الباسات 115 حصان بس!!! يعنى المواتير اليابانى والكورى دلوقتى ماشاءالله فيها اسطبلات فى حين الالمانى كلة فى حدود 100-115 حصان (دة بالنسبة لل 1.6) فى حين ان العزم تقريبا قريب من بعضة
معروف ان الالمان بيقيسوا القدرة الصافية على العجل تحت اقصى حمل للعربية(بيبقوا عادمينها يعنى) ودة اللى بيبقى مكتوب فى الكتالوجات ..اعتقد ان ظروف القياس بتختلف عند اليابانيين , يعنى السيفيك والكورولا االى التوكيل كلتب عليها 140 و 145حصان دة نصب لأن دة BHP يعنى القدرة الخارجة عند عامود الكرنك ودة غير منطقى لأنك مش يتركب على الموتور وتمشى بية وحتى لو كتب 125 حصان القدرة الصافية فرق كبير بينها وبين اعلى عربية المانى (316 و الباسات)؟!!

ملحوظة: ارقام العزم والقدرة مش كام بس لأ القدرة مثلا كام عند rpm كام ..ودة لسبب هشرحة قدام

التصميم والتكنولوجيا : التصميم مش معناة انك تاخد احسن حااجة فى كل حاجة لأ التصميم انك تعمل موائمة بين المكونات و بعضها لتحصل على اعلى كفاءة من المنظومة اللى بتعملها تصميم مع اخذ السعر فى الاعتبار
اعلى كفاءة يعنى اداء وعمر افتراضى واعتمادية ومرونة على كل السرعات دة كلة فى حاجة واحدة وهنا هو دة الفرق بين الالمان اوا لمواتير الالمانى واى حاجة تانية (مع احترامى لليابانى بالرغم من انا شخصيا بالنسبالى التوب الالمانى واليابانى) والنقطة دى اللى بسببها بقول القدرو والعزم عند كام rpm ...
فى حاجة اسمها engine flexibility (مرونة المحرك)...القدرة والعزم مش ثوابت بمعنى انهم بيتغيرو حسب سرعة المحرك الفرق بين السرعة اللى عندها اقصى قدرة والسرعة اللى عندها اقصى عزم هى دى ال flexibility او المرونة.
لو قارنت الالمانى هتلاقى اقصى عزم عند rpm قليل وبالتالى انت مش محتاج سرعات عالية علشان تمشى مرتاح بالعربية (يعنى لما يبقى اقصى عزم عند 2800 غير لما يبقى 4200) وفى نفس الوقت اقصى قدرة عند rpm عالى يعنى لو عايز تجرى وتشد معاك عزم وباور عكس لو العزم عند سرعات عالية عايز اقصى باور اوك بس بيحصل نقص شديد فى منحنى العزم.
ودة لو قانت بين عربيتين المانى ويابانى مثلا هتلاحظ على السرعات المنخفضة سحب اليابانى احسن لأن اقصى عزم على سرعة عالية مع وزن عربية اخف عكس الالمانى وزن اتقل واقصى عزم عند سرعات منخفضة والموتور مرتاح جرب بقى تنقل باليابانى عند سرعات منخفضة هتحس ان العربية سحبها ضعييف اوى ومخنوقة , العكس فى السرعات العالية سحب الالمانى والتجميع اسرع...
ممكن تحس فى الاول ان سحب الالمانى تقيل انما عمرك ماهتحس انها مخنوقة او مش قادرة تمشى كل لما هتدوس هتجيب معاك

موضوع تكييف الاوروبى واليابانى فانا مش حاسس بفرق لو مهتم بالتكييف و صيانتة بيبقى شغال تلاجة ومفيش مشاكل..التكييف دة جهاز لو مهتمش بالصيانة خلاص ايان كان يابانى بقى ولا حتى اية

المشاركة الأصلية كتبت بواسطة SAbuhashem

تعليق ...
الفاقد في سيارات الدفع الامامي أقل بنسبة كبيرة جداً من سيارات الدفع الخلفي


Thanks
Eng.Sherif Shaker

بغض النظر عن الارقام هو كان بيقول موتور خلفى فى عربية خلفى مش موتور امامى...بس اللى مش فاهمة ازاى هيبقى الفقد فى الامامى اعلى لو المحركات امامية؟؟!!!!

المشاركة الأصلية كتبت بواسطة tutankhamoun

كلام جميل يا Noname
بس المقارنة واضحة يا باشا
عربية 1300 ألماني ( 80 حصان مثلا ) صافي
و عربية 1600 ياباني أو كوري ( 110 حصان مثلا ) صافي
مع ثبات الوزن أو زيادته 100 كجم في الياباني أو الكوري


أي موتور من دول يسبق في رأيك ؟؟؟

هو ده هدف الموضوع

مع احترامى انتوا بتقارنوا على اساس اية؟:)
وبعدين لو هتقول دة باور اليابانى اعلى من الالمانى طيب ماهو طبيعى ماهو السعة اقل
لو هتقارن جرى طيب مالسعة والقدرة مختلفين
لو هتقارن مرونة واداء (بتكلم عن اداء كل عربية لوحدها مش شد ولا جرى) هيبقى الالمانى واعتقد ان دة اللى ناس تقصدة
لازم تثبت كل المتغيرات وتقارن على اساس حاجة واحد بس علشان تعرف تأثير الحاجة دى اية
ومش معنى ان عربية تتطلع من التانية والكلام دة ان دى احسن ودى اوحش والكلام دة
ماانا شوفت كليب سيات 133 طلع من بورش 911 تربو هل معنى كدة ان السيات موتورها احسن او التكنولوجيا اعلى؟!! عمر مالسيات هتبقى بورش وعمر مالبورش هتيقى سيات