الفرق بين محرك ياباني و ألماني

**ENG\AHMED** · 15-05-2008 07:12 PM

المشاركة الأصلية كتبت بواسطة tutankhamoun

فرق التكنولوجيا ما يفرقش كتير قوي

التكنولوجيا هى اساس كل حاجة دلوقتى هى اللى عملت العربية اصلا...لو مفيش فرق فى التكنولوجى يبقى اية الفرق بين المرسيدس والفيات!!

**tutankhamoun** · 15-05-2008 07:18 PM

المشاركة الأصلية كتبت بواسطة SEATLOVER

احييك يا توت باشا على قوة الملاحظة لعجب العجاب اللى بيتقال فى المنتدى
(موتور 1000 المانى برقبة اى موتور 1300 تانى )
وبما انى صاحب هذة المقولة
اؤكد لسيادتك
ان موتور المانى بعشرة برانى
والدليل سعادتك روح قيس كبس موتورين المانى 1000 واى حاجة تانية 1300 لهم نفس مدة الاستعمال و شوف سعادتك الفرق بينهم اد اية !!!

دة الكلام اللى على ارض الواقع ... يعنى قوة فعلية وعمر افتراضى صح

دول ناس قضوا حياتهم فى العربيات مش خدوا شوية رسومات قديمة على خط انتاج على مقطورة و سوقوا لعربيات مكتوب عيها شوية احصنة وهمية فى بروشورات

بعدين ..سؤال هو لية مفيش ولا عربية 1000cc او اقل ملهاش جذور يابانية او المانية ...؟

الاجابة ... لأن الدول دى معندهاش حاجة تسوقها غير ارقام سى سى و احصنة ...فى الهوا

والف شكر على قوة الملاحظة و الموضوع الرائع

أستاذ مُحب السيات
أنت غير مقصود خالص .......... أنت أخذت الكلام على نفسك ليه يا صديقي

و أنا مش بتكلم على عُمر الموتور و الخامات

أنا بقول موتور بينتج 85 حصان و إنتاج ألماني مثلا ( 1300 )
و موتور تاني بينتج 120 حصان و كوري ( 1600 )

أنا لم أشكك في الصناعة الألماني إطلاقا
أنا بس بتكلم عن قوة مواتير من حيث الأحصنة و ليس قوة تحمل و أعمار أفتراضية
و رأيك يا أستاذ عمرو على العين و الرأس و كلامك كله صح بالنسبة للعمر الإفتراضي للمواتير الألماني مقارنة بين أنواع المواتير الأخرى نظرا لإستخدام خامات أفضل في الصناعة
و لو أن الكلام ده مش بينطبق على الألماني كله
بس أحنا بنعمم ......... و أوعى تزعل فأنا لم أقصدك نهائيها و بتاتا
فبيني و بينك كل خير

و عايز اضيف إن موتور البونتو الأيطالي أحسن من موتور البولو الألماني

الأخوة اللي أخذوا كلامي عن موضوع التكنولوجيا

أنا بتكلم على موضوع فرق الرشاشات و الكاربراتير اللي قاله المهندس فادي

و أنا عارف إن فيه تكنولوجيا طبعا و بتفرق
و دي بتخلي موتور 1400 يوصل لسرعة موتور 2000 لو تم وضع تكنولوجيا التوربو فيه

أرجوا فهم كلامي قبل انتقاده يا أخواني

**ENG\AHMED** · 15-05-2008 07:18 PM

المشاركة الأصلية كتبت بواسطة mohamed ibiza

-احنا مش بنقارن بلد ببلد المانيا باليابان

عندنا فى الهندسة فى حاجة اسمها فرق خبرة يعنى سنة غير اتنين غير عشرين ومادام اتكلمنا عن الهندسة فطول عمر صنع فى المانيا trade mark وبالذات فى مجال الميكانيكا والات
الموضوع مش موضوع احصنة واسطبلات !!!

**PRO-DRIVE** · 15-05-2008 07:22 PM

المشاركة الأصلية كتبت بواسطة MMamdouh

الفرق التكنولوجى هو كل حاجة

انت عارف ان الستى طلعت من النوبيرا الاوتوماتك؟؟

يعنى موتور1300 حديث مع فتيس CVT احسن من 1600 قديم مع فتيس عادى

دا حتى الM5 بدوسة على زرار الM بتبقى من 400 حصان الى 507... تكنولوبيا

MMamdouh

عشان كدا كنت لازم تحط الجيربوكس في المقارنه

لأننا لو قارنا متور بمتور مفيش اي وجوه مقارنه غير القوه و الكبس و شويه حجات كدا

التسارع هو الناتج لقوه و كفائه المتور

و مدي توافق الجسم مع الوزن مع المحرك

فرق التكنولوجيا حيعمل فرق كبير في القوه و تحسين استخدامها

و حاسس اني غلطت لما قلت 30% :(

**PRO-DRIVE** · 15-05-2008 07:26 PM

المشاركة الأصلية كتبت بواسطة NoNaMe

عندنا فى الهندسة فى حاجة اسمها فرق خبرة يعنى سنة غير اتنين غير عشرين ومادام اتكلمنا عن الهندسة فطول عمر صنع فى المانيا trade mark وبالذات فى مجال الميكانيكا والات
الموضوع مش موضوع احصنة واسطبلات !!!

مؤسس شركه نيسان كان من كبار مهندسين اودي

**ENG\AHMED** · 15-05-2008 07:30 PM

المشاركة الأصلية كتبت بواسطة PRO-DRIVE

مؤسس شركه نيسان كان من كبار مهندسين اودي

وفى فرق كبيييير اوى بين نيسان واودى!!

**mohamed ibiza** · 15-05-2008 07:33 PM

المشاركة الأصلية كتبت بواسطة NoNaMe

عندنا فى الهندسة فى حاجة اسمها فرق خبرة يعنى سنة غير اتنين غير عشرين ومادام اتكلمنا عن الهندسة فطول عمر صنع فى المانيا trade mark وبالذات فى مجال الميكانيكا والات
الموضوع مش موضوع احصنة واسطبلات !!!

و هو صنع المانيا ده يعني ايه...........يعني خامات و تكنولوجيا الماني و معروف ان الخامات و التكنولوجيا الالماني لا يعلي عليها و متكلمنيش انا علي الالماني في الميكانيكا و الالات لان بعشق كلمة المانيا والابيزا و المرسيدس تطبيق عملي لعشقي للصناعة و الخبرة الالمانية و معروف هنا في المنتدي اني عاشق الالماني ومش بمتلك اي عربية غير الالماني و انا قلت احنا مش بنقارن بلد ببلد احنا بنقارن خامات المانية بخامات يابانية و بالطبع الخامات الالمانية اكثر قوة و اعتمادية مش عارف عقبت علي كلامي ليه مع اني مقلتش حاجة غلط يعني!!!!!!!!!!!!!!!!!!!!!!!!!!!!

**PRO-DRIVE** · 15-05-2008 07:38 PM

المشاركة الأصلية كتبت بواسطة NoNaMe

وفى فرق كبيييير اوى بين نيسان واودى!!

انت بتقول الخبره تفرق و انا بقولك لو بالخبره يبقي مؤسس نيسان كان واخد من خبره اودي

غير كدا الموضوع مش بالاقدم

عندك شركات عتيقه جداا و اندثرت و في منها اللي بيقاوم الانهيار

**mohamed ibiza** · 15-05-2008 07:39 PM

المشاركة الأصلية كتبت بواسطة pro-drive

انت بتقول الخبره تفرق و انا بقولك لو بالخبره يبقي مؤسس نيسان كان واخد من خبره اودي

غير كدا الموضوع مش بالاقدم

عندك شركات عتيقه جداا و اندثرت و في منها اللي بيقاوم الانهيار

100 100 يا برو:)

**SAbuhashem** · 15-05-2008 08:02 PM

المشاركة الأصلية كتبت بواسطة MMamdouh

الفرق التكنولوجى هو كل حاجة

انت عارف ان الستى طلعت من النوبيرا الاوتوماتك؟؟

يعنى موتور1300 حديث مع فتيس CVT احسن من 1600 قديم مع فتيس عادى

دا حتى الM5 بدوسة على زرار الM بتبقى من 400 حصان الى 507... تكنولوبيا

MMamdouh

قلنا كدة محدش إقتنع
أقولكوا على حاجة في ماركات عربيات من الآخر بسبب سوء الخامات المستخدمة في تصنيعها وقدم تكنولوجيا التصنيع الأحصنة بتاعتها أحصنة خشب يعني كلام تسويق وبس علشان يجذبك للعربية وتيجي للواقع تلاقي عربية تانية بعدد أحصنة أقل بهدلتها
مع تثبيت الوزن وكل حاجة

Thanks
Eng.Sherif Shaker

مشاهدة نتائج الإستطلاع: أيه رأيك في المحركات التالية

الموضوع: الفرق بين محرك ياباني و ألماني

LinkBack

أدوات الموضوع

عرض

-

-

-

-

-

المواضيع المتشابهه

اية الفرق بين محرك 1500 و 1600 سى سى ؟؟؟

الفرق محرك ميجان 2005 و 2007

صراع ألماني ألماني أوبل سنترا وبي أم

الفرق بين محرك الديزل ومحرك البنزين

للبيع لاب توب سيمنز ياباني وليس ألماني

الكلمات الدلالية لهذا الموضوع

المفضلات

المفضلات

ضوابط المشاركة