الموضوع: الفرق بين محرك ياباني و ألماني

المشاركة الأصلية كتبت بواسطة NoNaMe

على فكرة انا بأيد كلامك..كلامى مكنش فية اى اعتراض على كلامك :)
وانا شخصيا مهندس ميكانيكا وكان عندى اليابانى والكورى والنص كورى والنص المانى :) والالمانى وعارف الفرق بينهم ومش فى الموتور وبس لأ فى كل حاجة خامات واعتمادية وعمر

طب ما انت راجل 100 100 اهو انا تخيلت بتعترض بس جت سليمة:)

انا قريت كل التعليقات المنشورة وعايز اعلق على نقطة واحدة بس اشار اليها بعض الاعضاء الكرام
وهى ارقام القوة المذكورة للموتور من قبل الشركة المصنعة زى ما جميع الاعضاء الكرام عارفين انه ما فيش اى حاجة ليها مقياس واحد بس لا ده ليها كذا مقياس نفس الموضوع على الهورس بور بتاع المتور
وانا دورت على المقال اللى كنت شفته قبل كده عن الموضوع ده
وده الرابط بتاعة
http://en.wikipedia.org/wiki/Horsepower

المشاركة الأصلية كتبت بواسطة waleed24ag

استاذ توت انت جربت تكيفات الاوروبي و لا دا كلام يعني اركب الميجان او البيجو او السيات التكييف تحفه مفيش بعد كده و بعدين الله ينور علي ايهاب جبهالك بمنطق ساهل جدا لا هندسه و لا غيرو يمكن بس انت نسيت تذاكر صفحه المحركات و لا حاجه

انا جربت تكييف الباراتى اللى هى اساسا برازيلى
الصراحه كان ممتاز

المشاركة الأصلية كتبت بواسطة karim_monir

خلاصة الكلام ان الشركات اللي تبع المدرسة الاسيوية بتكتب عدد الاحصنة بدون تركيب الموتور
يعني بالبلدي والموتور على الارض مش راكب
لكن المدرسة الالمانية بتقيس الموتور وهو راكب مع الالات الجر وبعد الفاقد في الالات الجر
وده بيخلي العربيات الالماني اقوي من الاسيوي عشان ضعف مكونات عفشة العربيات الاسيوي عن الالماني
دي حاجة
بالنسبة للعمر الافتراضي معروف ان سر اسرار كل شركة تصنيع محركات هو سبيكة الموتور
الخلطة يعني
التصميم متاح للناس كلها
لكن مكونات خلطة السبيكة ده الي معحدش يعرفة خالص
عشان كدة العمر الافتراضي لمواتير العربيات السويدي والالماني اطول بكتير من الياباني
وعمر الياباني اطول من الكوري والماليزي
وعمر الماليزي هايكون اطول من الصيني اللي صنعت محركاتها مش بتاخد تميماتها من ميتسوبيش او غيرها
اما عن التكييفات مفيش شركة قدرت تصنع تككيف قوي اكتر من الشركات الياباني خاصة تويوتا وهوندا ونيسان عشان كدة هما اكتر عربيات مفضلة في الخليج

الله ينور عليك ياكريم
فعلا انا قريت الموضوع بتاع السبيكه وانها من اسرار الشركات الكبرى وخصوصا الالمانيه وازاى بيحموا الاسرار دى من الانتشار
وبرضه سمعت عن موضوع القياس فى الالمانى والاوربى انه بعد التحميل وحتى والتكييف شغال
غير اللى بيقولك كام حصان فى الكورى مش حتى اليابانى
زى اللى بيقولك شقه 120 متر صافى
او 160 متر بالبروزات والمناور

أنا راي إن دولة الصنع مهمة جدا جدا و هاجيب مثال على نفسي
أنا سقت
1- ياباني : يارس -لانسر- صني-تيدا (بس للأسف المصرية)
2-كوري :كيا سبورتاج-إلنترا (القديمة)-فيرنا-اكسل (معش بس سيء جدا صحيح سحب كويس بس صوت عالي و استجابة سيئة)
3- ألماني :ايبيزا- باراتي- بولو (بس سقتها لفة واحدة)
4-فرنسي: ميجان-ستروين zx
5-هندي: الماروتي
6- أمريكي:فورد فوكس-كابريس
طبعا في فرق كبير بين كل دولة على حدة
هاخذ أحسن مثال في كل دولة مثالا
الياباني : اليارس أو التيدا محرك استجابته عالية و صوته هادئ و تسارع جميل جدا
الكوري : طبعا بغض النظر عن سبورتاج ( لأنه طبعا أحسن محرك في عربية كوري أنا سقتها)يبقى اكيد هتكلم عن الإلنترا سحب ممتاز نسبيا صوته مرجرج عن الياباني لكن طبعا استجابة أقل و بيشرب بنزين
الألماني : محرك الإيبيزا جامد جدا صحيح صوته عالي بس صوته زي الزئير و طبعا أجمل استجابة لكن أقل في التسارع من الياباني
الفرنسي : طبعا الميجان أحسن عربية فرنسي سقتها بس فرنسا (عدا البيجو) تتميز بالتكنولوجيا العالية لكن المحرك مش على قد فخامة العربية سواء في السحب أو التسارع أو حتى الإستجابة طبعا البيجو كلام تاني خالص ( أكيد أعلى )
الهندي و الأمريكي مش هاحكم