الفرق بين محرك ياباني و ألماني

**mohameduoser** · 15-05-2008 08:09 PM

انا مش عارف لية حاسس انو الى راكب المانى او يابانى ا و كورى بيدافع عن عربيتة و خلاص و بتكون هى احسن عربية فى الدنبا و مفيش الا هي

**ENG\AHMED** · 15-05-2008 08:22 PM

المشاركة الأصلية كتبت بواسطة mohamed ibiza

و هو صنع المانيا ده يعني ايه...........يعني خامات و تكنولوجيا الماني و معروف ان الخامات و التكنولوجيا الالماني لا يعلي عليها و متكلمنيش انا علي الالماني في الميكانيكا و الالات لان بعشق كلمة المانيا والابيزا و المرسيدس تطبيق عملي لعشقي للصناعة و الخبرة الالمانية و معروف هنا في المنتدي اني عاشق الالماني ومش بمتلك اي عربية غير الالماني و انا قلت احنا مش بنقارن بلد ببلد احنا بنقارن خامات المانية بخامات يابانية و بالطبع الخامات الالمانية اكثر قوة و اعتمادية مش عارف عقبت علي كلامي ليه مع اني مقلتش حاجة غلط يعني!!!!!!!!!!!!!!!!!!!!!!!!!!!!

على فكرة انا بأيد كلامك..كلامى مكنش فية اى اعتراض على كلامك :)
وانا شخصيا مهندس ميكانيكا وكان عندى اليابانى والكورى والنص كورى والنص المانى :) والالمانى وعارف الفرق بينهم ومش فى الموتور وبس لأ فى كل حاجة خامات واعتمادية وعمر

**ENG\AHMED** · 15-05-2008 08:44 PM

المشاركة الأصلية كتبت بواسطة PRO-DRIVE

انت بتقول الخبره تفرق و انا بقولك لو بالخبره يبقي مؤسس نيسان كان واخد من خبره اودي

غير كدا الموضوع مش بالاقدم

عندك شركات عتيقه جداا و اندثرت و في منها اللي بيقاوم الانهيار

دايو واخدة من خبرة اوبل عن طريق جى ام..هل اوبل زى دايو!!!

هو الموضوع مش بالاقدم الموضوع بالخبرة والتطوير بس بردو الاقدمية بتفرق ليها دور ..انا مش بتكلم على شركات انا بتكلم على مدارس تصميم يعنى المدرسة الالمانية وان كانت فى فروق بين الشركات بس كلهم فى الاخر يعتبروا نفس الفكر اوالمفهوم العام غير المدرسة اليابانية واليابانية غير الكورية

من فترة كان فى خبر على الجزيرة ان المنظمة العالمية لصناعة السيارات(مش فاكر الاسم بالظبط) بتحظر الشركات الالمانية من حدوث مشاكل اقتصادية لها نتيجة ارتفاع اسعارها وتكاليف الصيانة لها وبتقترح عليها تصنيع سيارات صغيرة ورخيصة زى اليابان وكوريا -عندهم كدة وكدة- بحيث ان مبيعات السيارات الصغيرة تساند مبيعات السيارات الكبيرة.
الشركات الالمانية كان ردها الرفض لأن معنا انها تعمل عربيات رخيصة يبقى مكوناتها رخيصة واقل من ناحية الاداء والامان والعمر الافتراضى ودة بالطبع هيأثر هلى سمعتها امام المستهلك وانهم عملوا اختبارات على عربيات صينى رخيصة وكانت النتائج مميتة ودة بيرفضوة على الصناعة بتاعتهم ...يعنى معنى كلامهم احنا كدة اللى عايزنا عارف هو بيدفع فى اية

بالنسبة للشركات العتيقة اللى واجهت مشاكل اقتصادية كانت اغلبها بسبب التسويق يعنى رولز وبنتلى لما اتباعوا مكانش بسبب سوء الصناعة

**PRO-DRIVE** · 15-05-2008 09:00 PM

هو الموضوع مش بالاقدم الموضوع بالخبرة والتطوير بس بردو الاقدمية بتفرق ليها دور ..انا مش بتكلم على شركات انا بتكلم على مدارس تصميم يعنى المدرسة الالمانية وان كانت فى فروق بين الشركات بس كلهم فى الاخر يعتبروا نفس الفكر اوالمفهوم العام غير المدرسة اليابانية واليابانية غير الكورية

يعني هل انت بتعتبر اوبل تقارن بمرسيدس و اودي و بي ام و بورش وحتي بفولكس ؟؟

الصيانة لها وبتقترح عليها تصنيع سيارات صغيرة ورخيصة زى اليابان وكوريا

و مين قال انهم مبيصنعوش :) تقريبا فئه دايهاتسو من اليابان بس هي اللي المانيا مبتصنعهاش

الشركات الالمانية كان ردها الرفض لأن معنا انها تعمل عربيات رخيصة يبقى مكوناتها رخيصة واقل من ناحية الاداء والامان والعمر الافتراضى ودة بالطبع هيأثر هلى سمعتها امام المستهلك

ليه عندك من اول بي ام الفئه الاولي و مرسيدس بي و ايه كلاس
و فولكس تعتبر مرتبه نفسها لا اكثر ولا اقل و برضه موجود فولكس بوينتر ووووو
حتقولي في البرازيل بس في الاخر بتنزل بأسم فولكس

بالنسبة للشركات العتيقة اللى واجهت مشاكل اقتصادية كانت اغلبها بسبب التسويق يعنى رولز وبنتلى لما اتباعوا مكانش بسبب سوء الصناعة

و فورد و كرايسلر و بليموث و دودج و اوبل و كورد و دايملر و جاجو و روفر

ما كل دول شركات عتيقه جدااا و يا اما بيواجوهوا الانهيار يا اما انهاروا اصلا

**ramyayash** · 15-05-2008 09:14 PM

بص
جولف 1300 بهدلت لانسر 1600
رغم ان الجولف موديل 95 واللانسر 2006
ياريس 1300 بهدلت فيرنا 1500

**PRO-DRIVE** · 15-05-2008 09:16 PM

المشاركة الأصلية كتبت بواسطة ramyayash

بص
جولف 1300 بهدلت لانسر 1600
رغم ان الجولف موديل 95 واللانسر 2006

طبيعي

شوف وزن و حجم الجولف و شوف وزن و حجم الانسر

**ramyayash** · 15-05-2008 09:20 PM

والياريس؟ هههه

**hero** · 15-05-2008 09:21 PM

انا شايف ان العملية مش في حكاية الاحصنة والكلام دة...

العملية كلها تكمن في مدي مصداقية الشركات ايلي بتدعي ان محركاتها ذات احصنة عالية...

يعني هل توجد جهه عالمية محايدة...(منظمة معايير ومقاييس مثلا ..) بتعمل اختبارات لانواع المحركات ايلي بتنتجها شركة معينة ...وتشوف اذا كانت متوافقة مع ما تدعية الشركة في كلامها عن خصائص ومواصفات المحرك....

ايلي انا جربتة بنفسي ومحدش حكهولي ولا اتفرجت علية....

شيفورلية علي الزيرو 2007 طراز ايبيكا ...2000 Cc اوتوماتيك ومتهيالي كدة انها احدث تكنولوجيا مصانع دايو كوريا....(دي كانت معايا...)
بسافر بيها اكتر من 6 آللاف كيلو في الشهر...+ بيتعملها صيانات دورية كل 5 آلاف كيلو...

اي عربية ياريس اوتوماتيك 1500 Cc كانت بتاكلها علي الطريق....طبعا انا بكون جايب اخر العربية...وبرضة الياريس طايرة.....
ممكن علشان طبعا جسم الياريس اخف....بس احساسي بعزم الموتور ...وقوتة ...تعبان جدااا...لان برضة السيفيك الـ 2006 الـ 1500 Cc كانت بتطلع منها رغم انها اوتوماتيك....

لدرجة اني ما صدقتش ان المحرك دة يكون 140 حصان زي ما كانوا بيقولوا....

يمكن يبان لو اتعملة اختبار او العربية طلعت علي دينوميتر..

**ahmeddmrdash** · 15-05-2008 09:28 PM

أنا عن تجربة معايا جولف2 موديل 92 1600 بالتكييف مقدرش أقارنها بأى عربية يابانى أو كورى نفس السعة ، لإن المقارنة دايما فى مصلحة الجولف !!!

**PRO-DRIVE** · 15-05-2008 09:37 PM

المشاركة الأصلية كتبت بواسطة ramyayash

والياريس؟ هههه

مش لاقيلها تفسير بس مرضتش اقول انها عيب سواق مثلا علي اساس الاقي اي حجه و خلاص :)

بس ممكن تكون اوتو

انا اتكلمت علي موضوع الجولف انها طبيعي و متوقع

مشاهدة نتائج الإستطلاع: أيه رأيك في المحركات التالية

الموضوع: الفرق بين محرك ياباني و ألماني

LinkBack

أدوات الموضوع

عرض

-

-

-

-

-

-

المواضيع المتشابهه

اية الفرق بين محرك 1500 و 1600 سى سى ؟؟؟

الفرق محرك ميجان 2005 و 2007

صراع ألماني ألماني أوبل سنترا وبي أم

الفرق بين محرك الديزل ومحرك البنزين

للبيع لاب توب سيمنز ياباني وليس ألماني

الكلمات الدلالية لهذا الموضوع

المفضلات

المفضلات

ضوابط المشاركة