الموضوع: الفرق بين محرك ياباني و ألماني

المشاركة الأصلية كتبت بواسطة SAbuhashem

كلام نواعم ؟؟


ومالك بتتك على ''تجاربك '' كده ليه و عرفت منين بقى اني متوتر إيه كلامي بيترعش قدماك ?

عموماً شكراً واعتبرني مردتش على كلامك وإلي معتقدش إن في حد مقتنع بيه حتى بدون ما اتدخل


أقولك بردو مش هتعرف تستفزني أنا صح بتجاربي العظيمة
:):):)

Thanks
Eng.Sherif Shaker

أستاذ أبو هاشم,
أولا أنا مقصدتش اهانتك, مع انك أهنتنى اهانة واضحة بقولك "مبتفهمش حاجة".
فعلا أنا سمعت عن الايفو فى برنامج كلام نواعم, هو مش جيريمى ده برضو بيطلع فى كلام نواعم؟!!:)
ما هى ملهاش الا كده.
أنا شفت جيريمى و كل مرة ألاقيه راكب أودى و لا لامبرجينى و بيسابق اتنين راكبين عجل, و يقعد يشتم فيهم طول السكة و يطلعولو على الكبوت و فى الأخر يتزنق فى اشاره و يسبقوه, و أى هبل فى هبل عشان يضحك الناس عليه و خلاص.
ده أقرب لمهرج منو لواحد عايز يقدم برنامج جاد.
عموما حصل خير لكن حاول تكون معلوماتك أكثر منطقية, بالمناسبة حضرتك سقت حاجة أعلى من الايفو عشان تحكم عليها؟!
يعنى أنا فى الأول سقت ال128, و لما سقت جنبها البيجو "اتهبلت", و لما طلعت من ال128 للشاهين جالى "هطل", ببساطة عشان الفرق بين كل عربية و الى قبلها.
فطبيعى انو ده هيحصل لما تسوق عربية أقوى من عربيتك, لكن متنساش انو فيه الى فيه الى أقوى منها.
سلامى لك و متزعلش يا باشا حضرتك مفهمتش الدعابة كويس.

المشاركة الأصلية كتبت بواسطة SlvrLan99

أستاذ فادى انا الرد بتاعى كان واضح و محدد (الأداء + R32 ) فياريت متعقبش على كلام انا لم أكتبة.
بما أنة تم ذكر الفيات جراند بونتو أبارث, ال Evo 9 تتسارع من 0-100 كلم ف 4.6 ثوانى. و البورش بوكستر(موديل القاعدة من بورش) تتسارع من 0-100 كلم ف 5.8 ثوانى, حسب الموقع الرسمى لبورش : http://www.porsche.com/usa/. فطبعا من المقارنة دى ال Evo 9 الأفضل فى التسارع و الأداء.

بما أن حضرتك بتقول أن "لانسر محطوطلها موتور أكبر حبتين" فواضح ان حضرتك معلوماتك قليلة عن ال Evo. ال Evo فيها 3 LSD أمامى,و وسطى, و خلفى غير ال AYC بينما ال R32 فيها 2 open differential أمامى و خلفى. دة غير أن الموتور ال 4g63 صاحب تاريخ و أنجازات فى سباقات الرالى. و ناس كتير متعرفش أن ال Evo مختلفة تماما من الناحية الميكانيكية عن ال لانسر العادية عشان كدة محدش بيشوف 4g63 AWD swaps فى ال لانسر العادية. حاجة كمان كنت هنساها ال أيفو 286 حصان بينما ال R32 250 حصان.

كما قلت مسبقا و هقول ثانى stock to stock ال Evo 9 أحسن فى أى شئ متعلق بالاداء عن ال R32. لو تعديل بردة ال Evo 9 أحسن و التعديل بتاعها ملوش حدود.

دة رابط لأقوى Evo فى العالم 1130 حصان من غير nitrous oxide

http://www.amsperformance.com/main.php

مش هقول لحضرتك هات فيات ولا ألفا و لا حتى R32 بتعمل كدة بس انا بوضح الأمكانيات بتاعت تعديل ال Evo.

و أخيرا أنا أحترمت قدم حضرتك فى المنتدى و كبر سن حضرتك فياريت طريقة الرد تبقى متحضرة أكثر من كدة.

أولا أنا سنى مش كبير أوى كده, محسسنى انى عندى 60 سنة:). لا مش للدرجة.
أولا بس عشان نتكلم صح, لازم نذكر انو التسارع من 0-100 كلم/ساعة, لا يعتبر وسيلة ناجعة للمقارنة بين سيارتين, لأن هذا الرقم مطاط جدا, و فى معظم الأحيان غير دقيق, و أجمع الخبراء على عدم اعتباره مقياسا للمقارنة.
طيب ايه لازمته؟
بيعطيك فقط فكرة عن شكل أداء السيارة, فمادام هذا الرقم أقل من 6 ثوانى, المفروض أن هذه السيارة رياضية, أقل من 5 ثوانى, فهى سيارة سوبر رياضية, و هكذا. و التلاعب فيه كبير جدا, يعنى مثلا لو حسبته على أساس انو فيه واحد زيادة فى العربية ممكن تلاقى انو الوقت زاد بمقدار 0.5 ثانية.
هجيبلك عربية, أنت أكيد بتكرهها زى الفورد موستانج كوبرا اس فى تى, و بتتسارع من 0-100 كلم المفترض فى 4.7 ثوانى زى الايفو تقريبا, فهل ده معناه انو الموستانج السيارة الرياضية الرخيصة أفضل من البورش بوكستر مثلا؟!
بالطبع لا, لأن هذه الأرقام كلها غير دقيقة, الفيصل هو المحرك, و الوزن فى الأساس و بضعة عوامل أخرى.
فى النهاية فان الايفو سيارة ربما تكون جيدة فى فئتها, فئة السيارات الرياضية الرخيصة, و ربما تكون منافسة لفورد موستانج مثلا, و لكنها لا تقارن بالبوكستر لأن البوكستر اسمها أعلى كثيرا, حتى و لو كانت أسرع, لأن السيارة الرياضية لا تقاس بقدرتها على بلوغ سرعة معينة, بل بقدرتها على تحمل هذه السرعة.
بالنسبة للأبارث فالاسم وحده يتحدث عن نفسه, فالأبارث اسم كبير فى عالم السيارات الرياضية و لا يمكن بعدها أن تنظر الى مواصفات السيارة, و كما تعرف السيارة الرياضية تحتاج الى اسم عريق, و الايفو ليست اسما فى عالم السيارات الرياضية.
و شكرا لأسلوبك الهادىء.

المشاركة الأصلية كتبت بواسطة PRO-DRIVE

علي فكره يا استاذ فادي :)

ابو هاشم كان عنده اودي Tt في الامارات
و BMW 740

يا سيدى ربنا يزيد و يبارك اللهم لا حسد:).
طب راكب بى ام و بيتكلم عن الايفو, طب لو مش عاجباك البى ام هاتها و اديلك حتة ايفو بدالها :D

المشاركة الأصلية كتبت بواسطة SAbuhashem

ماشي يا فادي حصل خير وإتحل سوء التفاهم
ممكن تجيب ال-EVO بقى ويا ريت EVO ١٠ لو سمحت :)

Thanks
Eng.Sherif Shaker

يا باشا ايفو 20 لو عايز. بس هى بتجاب منين :D
و حصل خير الاختلاف فى الرأى لا يفسد للود قضية.