الموضوع: الفرق بين محرك ياباني و ألماني

المشاركة الأصلية كتبت بواسطة medo_cars

للاسف يا استاذ فادى حضرتك بتتكلم على اعتقادك الشخصى ولس بتجارب حقيقيه موثوق منها
التويوتا واللكزس واخده المركز التانى على العالم فى الاعتماديه بعد بورش الالمانيه مما يعنى انها اكثر فى الاعتماديه من مرسيدس وبى ام
للاسف حضرتك بتقارن الكورولا بالمرسيدس E مثلا ودى مقارنه غير عادله ممكن تقارن بيها اى موديل من موديلات اللكزس او حتى التويوتا افالون
التويوتا كوورولا بعد تجرتها حوالى 5 اعوام السيارات اعتماديه جدا ولا اعطال بيها مطلقا ومن كتر ما السياره عفشتها ناعمة جدا كنت باخد بيها كل المطبات ومفيش اضرار منها مطلقا او نهائيا وياريت تتاكد من اصحابها من المعلومه دى


الاحظ الكثير من الاعضاء يضلل عن السيارات الاخرى ويقول عنها اشيااء غير منطقيه ولا تحدث انما يقول انها تحصل على حسب هواه ولتقليله من السياره بدون اى سبب
واذدا كانت الكورولا بتقطع مقصات من مطب ما حال السيارات الكورويه او حتى اللانسر او حتى الصينى ........على كدا كان زمان العربيات الصينى اتكسرت فى اى مطب

كلام رائع

وعمري في حياتي مشفت عربيه كورولا اخدت مطب وجابت مقصات
يا اخ فادي انا ليا واحد صاحبي معاه كورولا عيون 1800 سي سي ليفت باك
وكان كل يوم لازم يخمس بالعربيه
ويوقفها على لاهاند بريك ويضغط بنزين ويلف الدركسيون على الأخر علشان العربيه تلف حوالين نفسها
ده غير الشد والهربده
وده كله والعربيه لحد الأن محصلهاش حاجه ولا كبالن ولا مقصات ولا اي حاجه وعلى فكره العربيه من سنة 99 وبيتعمل فيها كده
وعلى فكره بمناسبة المواتير
والله ثم والله ما في عربيه عرفت تشد معاه خالص
حتى على السرعات العاليه ولا الماني ولا اوروبي
الا الجيب الرانجلر كانت فاجره في الطلعه بتاعتها


وانت تقولي الكورولا بتجيب مقص
بصراحه انت كده اثبت ان حضرتك عمرك ما جربت عربيه كورولا من قبل وهذا الكلام اي واحد ركب كورولا هيعرف ان حضرتك بتقول كلام وخلاص بدون دقة


وبعدين انا نفس الناس تاخد بالها من حاجه
ان كل اللي بيقارن الماني بيباني بيقارن الكورولا مثلا بالمرسيدي والبي ام
لأن في مصر قليل جدا اللي جرب لكزس او افالون او اي عربيه من العربيات الكبيره بتاعت الياباني اللي المفروض تقارن بالألماني
وللأسف بنقارن كورولا ببي ام ومرسيدس

ده غير ان اللي بيركب كورولا غالبا مش بيتحافظ على العربيه بتاعته زي اللي بيركب مرسيدس اخر موديل مثلا لأن ده بيبقى فئه وده فئه تانيه
ده غالبا بيصرف على عربيته في حدود والتاني بيصرف عليها متفرقشي معاه
وده مبهدل العربيه مشاوير ومطلع عينيها
والتاني مشاويره تكاد تكون محدده ومعلومه وليس فيها البهدله لأنه من فئة في المجتمع غير اللي بيركبوا الألماني غالبا يعني

ونسينا الكورسيدا اللي لحد الأن المصريين بيشتروها في الخليج وبينزلوا بها هنا


بلاش نشوف حاجات ونسيب حاجات تانيه

انا اكاد اجزم ان كل اللي بيقول الكلام ده
انه عمره ما جرب عربيه ياباني من العربيات مثل اللكزس او الافالون أو الاكورد او الفئات العالية بتاعت الياباني
ولكن هو يقارن كورولا بمرسيدس وهذا لا يصح بالمره

المشاركة الأصلية كتبت بواسطة فادى

أنا مش هقولك قارن الايفو بفيرارى أو ألفاروميو لأن تمن الايفو ميجيبش تمن مراية الفيرارى اليمين!!
قارنها بالفيات جراند بونتو أبارث. النسخة الرياضية من الجراند بونتو, مع انها أصغر منها, أو قارنها مع الفيات كوبيه التى أوقف انتاجها سنة 2000 و كانت تتسارع من 0-100 كلم فى 6.3 ثوانى(وقت حقيقى مش وهمى), يعنى تقف على عتبة السيارات الرياضية.
مش هقولك قارن الايفو مع البورش بوكستر(موديل القاعدة من بورش) أو أى حاجة.
حرام و الله الكلام الغريب الى أنا بسمعه فى المنتدى ده, ايفو ايه الى بتعتبرها سيارة رياضية تكتسح مش عارف ايه, بجد أنا شفت فى هذا المنتدى العجب العجاب, أولا لأول مرة فى حياتى أشوف واحد يقول على عربية "دى يابانى" دلالة على جودتها, ثانيا, أشوف واحد بيقولى انو تويوتا المفروض أحسن من مرسيدس, و أكثر اعتمادية منها!!!!
و دلوقتى واحد بيقول انو الايفو, الى هى عبارة عن لانسر محطوطلها موتور أكبر حبتين, سيارة رياضية من الفئة الأولى و تقطع مش عارف مين!!
و الله أنا جالى الضغط و السكر من الكلام الى بسمعو ده حرام عليكو أنا لسه مش متجوز!!!

أستاذ فادى انا الرد بتاعى كان واضح و محدد (الأداء + R32 ) فياريت متعقبش على كلام انا لم أكتبة.
بما أنة تم ذكر الفيات جراند بونتو أبارث, ال Evo 9 تتسارع من 0-100 كلم ف 4.6 ثوانى. و البورش بوكستر(موديل القاعدة من بورش) تتسارع من 0-100 كلم ف 5.8 ثوانى, حسب الموقع الرسمى لبورش : http://www.porsche.com/usa/. فطبعا من المقارنة دى ال Evo 9 الأفضل فى التسارع و الأداء.

بما أن حضرتك بتقول أن "لانسر محطوطلها موتور أكبر حبتين" فواضح ان حضرتك معلوماتك قليلة عن ال Evo. ال Evo فيها 3 LSD أمامى,و وسطى, و خلفى غير ال AYC بينما ال R32 فيها 2 open differential أمامى و خلفى. دة غير أن الموتور ال 4g63 صاحب تاريخ و أنجازات فى سباقات الرالى. و ناس كتير متعرفش أن ال Evo مختلفة تماما من الناحية الميكانيكية عن ال لانسر العادية عشان كدة محدش بيشوف 4g63 AWD swaps فى ال لانسر العادية. حاجة كمان كنت هنساها ال أيفو 286 حصان بينما ال R32 250 حصان.

كما قلت مسبقا و هقول ثانى stock to stock ال Evo 9 أحسن فى أى شئ متعلق بالاداء عن ال R32. لو تعديل بردة ال Evo 9 أحسن و التعديل بتاعها ملوش حدود.

دة رابط لأقوى Evo فى العالم 1130 حصان من غير nitrous oxide

http://www.amsperformance.com/main.php

مش هقول لحضرتك هات فيات ولا ألفا و لا حتى R32 بتعمل كدة بس انا بوضح الأمكانيات بتاعت تعديل ال Evo.

و أخيرا أنا أحترمت قدم حضرتك فى المنتدى و كبر سن حضرتك فياريت طريقة الرد تبقى متحضرة أكثر من كدة.