الموضوع: (تقرير بالصور) محآولة انقآذ نـيسآن صني .. ياريت تفاعل من كل ذوي الخبررررره

لو الكبوت محتاج يتغير السمكري هيقولك بس باقيت الحاجات خصوصا الرفرف والباب مش محتاجين هما هيتسمكروا والعربيه تترش كلها الا السقف طبعا تشتري الكبوت استيراد بيبقى اصلي حتى لو لون تاني هيترش تاني وبالنسبه للوش الاتنين دول لو مقلتلهمش حاجه هما هيعرفوا يعتاملوا واي سمكري بيفهم ومحترم هيتعامل

البويه لو هتستقر في الحرفيين على التصليح هات بويه سكينز نضيفه جدا هي هي التوكيل وطبعا بعديها علطول وممتازه اوميجا ولو هتروح عند ادهم متقلقش ادهم استاذ وبيتعامل مع ناس اساتذه بس في الغالب الناس النضيفه بترش اوميجا واخر وش رش بيبقى سكينز تكلفه الرش عموما والسمكره هتبقى في رنج 3000 اعتقد
رش القطعه الوحده بتبقى في الغالب مع البويه النضيفه 150 جنيه والسمكره ممكن عربيتك كلها في رنج ال 600 متهيالي والسمكره النضيفه بتبان على العربيه يعني منتا ممكن تنجز العربيه كلها عند سمكري اي كلام بكلام فارغ ورش برضو بكلام فارغ وعموما لو مركز صيانه الرش مع السمكره هيخشوا فوق ال 4 الف
---------------------------------------------------------------------

الطبيعي ان العربيه وهي واقفه المراوح تشتغل شويه بعدها تقف ولو سبتها شويه وهي واقفه هترجع تشتغل تاني
ممكن الي انت فيه يكون ضعف ردياتير مثلا او ضعف سرعه مراوح وممكن يكون برضو ترموستات الحراره بيهيس الترموستات ده قطعه كده بتبقى في كوع الماسوره بتتحكم في دخول وخروج الميا من والى المتور على حسب الحراره

-------------------------------------------------
زيت الفتيس موجود للمانيوال وغيره عموما للاطمئنان طبعا لو اوتوماتك لازم بانتظام ولا الفتيس يبوز انما المانيوال لو اتكييت عليه عادي بيستحمل
-------------------------------------------
انا اي حد في نايل موتورز اخويا ف لو عاوزني اجي معاك الحرفيين اجي معاك مفيش مشكله اانا ببقى فاضي الصبح

هي مكانها لما تبقى في صلاح سالم تطلع كبري المطار وتنزل شمال طريق الاسماعيليه تمشي فيه لحد كوبري التجنيد تنزل من تحته وتخش شمال وتسال تبقى في الحرفيين علطول

اولا باحييك على تنظيمك وترتيب افكارك يا محمد فى الموضوع المميز ده خاصة انه مدعم بالصور ( احييك بشدددددددددة )
ولا كانك عضو قديم زينا (بدون مبالغة اعضاء قدامى ما بيعرفوش يعملوا تقارير زيك .. شهادة حق واجبة)
وفعلا الصقور على اشكالها تقع

يا استاذ يوسف ده بعد متابعتي لمواضيعك وتقاريرك وانا شخص مبحبش الفوضه في المواضيع
لان عارف انه حاجه مقززه للمشرفين :D وكمان عشان القى استجابه اسرع .. هوا العضو
هيساعدني ولا هيحاول ينظم المعلومات الي انا ساردها :D

اهلا بيك معانا فى القسم
ومفيش شكر بين الاخوات ويكفينى شرف ثقتك الغالية فيا وطلبك المشورة منى وسماع رأيى بكل اهتمام

يا اهلا فيك ومعرفتك تشرفني ...


طبعا بعد تفصيص المشاكل الميكانيكية لعربيتك من الاخ الفاضل احمد ابراهيم .. ما اقدرش اقول اى حاجة زيادة غير انك لازم تطبع الكام صورة دول وتخليهم معاك مرجع للصنايعية اللى يشتغلوا فى العربية خاصة موضوع الكرمشة فى الشاسيه والشد بالزرجينة والقياسات السابقة

تــم بالفعل ..
----------------------------
اسمحلى اعرض اقتراح وخريطة طريق لاصلاح عربيتك بطريقة مثالية على اعتبار انك حابب تخليها وتجددها وما تبيعش ايا كانت المصاريف بشرط انك الوحيد اللى تسوقها بعد كده والا ما تعملش حاجة فى الجسم الخارجى من سمكرة ودوكو

فعلا ده الي كنت بتمنى حضرتك تعمله .. انك تحط نفسك مكاني وتحط خطه لموقف العربيه
ووالدتي ربنا كرمها بديهاتسو تيريوس .. فأنا هصلح انا دي على ما هيا تدغدغ التانيه :D
ومبدئياً انا حاطط 4000 جنيه لتصليح العربيه ده عشان تشوف انته ايه الي ممكن انجازه بيهم
الأهم فالمهم :) ده غير 1500 جنيه للكوتش ..

1. تشترى استيكر نايل موتورز وقسم نيسان ب50ج للاستفادة من عروضه وخصوماته المختلفة

هشتريه بالفعل .. بس الاستيكر ده كل سنه ولا هيتم معايا على طول ؟

2. شغل السمكرة والدوكو .. نصيحة لوجه الله وبدون جدال ولا فصال ولا مناقشة مفيش قدامك غير ورشة نايل موتورز بالحرفيين الخاصة بكريم منير واحمد قدورة .. شغل 100/100 وبيتعامل مع صنايعية شاطرين وامناء والصور تشهد وكفاءة فى الشغل وعربيات بتدخل حالتها اسوأ من حالة عربيتك وبتخرج ماشاء الله عروسة وانا شايف من الصور انك هاتحتاج اكصدام امامى تايوانى فقط (كان فيه عضو جابه من التوفيقية ب200ج من وقت قريب) والباقى ابواب وعتب ورفرف وكبوت هى سمكرة عادية وبس

والله فرحتني يا استاذ يوسف لما عرفتني ان فيه ورشه للمنتدى .. عل الاقل هسيب العربيه وانا ضامن ومتأكد انها في ايادي امينه .. (:
وفعلا هسمكر كلو ما عدا الرفرف .. ومعلش صدقني الكبوت سيئ وفيه بعض الصدأ وبيتنطط وانا ماشي وتمت سمكرته اكثر من مره .. فالبتالي هشتريه لو سعره مش هيزيد عن 700 جنيه

3. شغل العفشة .. اشترى قطع الغيار اللازمة من اى توكيل معتمد لنيسان (طنابير - تيل - مقصات - مساعدين - كاوتشات تراب) وعندى ليك ميكانيكى استاذ معرفة عضو زميل فى المنتدى ناوى ازوره قريب باذن الله عشان جلب المقصات عندى بس هايكون بعيد عنك شوية (فى منشية ناصر) ممكن نتقابل ونروح سوا فى يوم سبت باذن الله

ان شاء الله هزور التوكيل مع الاستاذ ahmed.tv ده بعد اذنه طبعا واجيب القطع اللازمه ..
وبعد كدا لو تفضلت حضرتك تيجي معايا عند الميكانيكي ده (:
وبالنسبه للحرفين ولاد الحلال كتير زي استاذ حماده المصري واستاذ احمد وحضرتك ..

4. شغل الميكانيكا .. تطلع على اوتوايجيبت ابو رواش (ده جنبك بقى) وتحجز صيانة 40 الف كم وده طبعا بعد ما تخلص شغل العفشة وخلافه بالكامل (ممكن تأجل شوية موضوع السمكرة والدوكو) وفيها بتغير كافة سوائل وزيوت العربية - تغيير بوجيهات وفلاتر - تغيير سيور - تربيط عفشة بالعزم المطلوب - كشف مفصل عن كل مسمار فى العربية بتستلمه فى نهاية الصيانة

حجز الصيانه وتغير اللازم الي انته ذكرته هيتكلف كام ؟ عشان اعرف هأجل السمكره ولا لا

5. الترصيص وظبط الزوايا .. ارشحلك مركز سيفتى سنتر فى الحرفيين برضه امام نقطة الشرطة (بدون مبالغة بيظبط العربية احسن من التوكيل) وطبعا لو فيه احتياج لتغيير الكاوتش يكون افضل ويكون طقم كامل 4 فرد عشان التوازن وخلافه

همآآآ في fix&fit قالولي ان سعر الـ 4 فرد كوتش هيكونو شاملين الترصيص وظبط الزوايا
ولا ده حاجه مختلفه ؟؟

طبعا مش كل ده هايتم بين يوم وليلة بس ممكن يكون على مدار ال6 شهور القادمة بحيث كل شهر تعمل حاجة وما تحسش بالمصاريف مرة واحدة والاولوية تكون للاجزاء الميكانيكية والعفشة والكاوتشات قبل الشكل الخارجى للعربية (خلى دى آخر حاجة) او لو هاتعملها تعمل استعدال شاسيه فقط + ظبطة وش العربية مع فانوس واكصدام جديد مش اكتر

انا مش مهم الخبطات الي في العربيه بي يتظبط وش العربيه مع الفوانيس ..
وانا المبلغ متوفر معايا كاش 4000 جنيه والباقي هأجلو زي ما حضرتك قلت

وربنا يوفقك باذن الله بس اصبر واتفرج عليها لما تخلص على خير .. حتى لو صرفت 10 الاف جنيه هاتحس انك راكب عربية جديدة زى الاول