الموضوع: (تقرير بالصور) محآولة انقآذ نـيسآن صني .. ياريت تفاعل من كل ذوي الخبررررره

بسم الله الرحمن الرحيم

مبديا انت مش محتاج لا تغير باب ولا رفرف ولا الهوا هوه ممكن اكصدام امامي وممكن ميتغيرش
بس طبعا انت محتاج سمكري برنس ينجز وهقولك في اخر الموضوع سمكريين فوق الممتازين لان انا عندي وش العربيه عمره ما اتزبط بس زبطه اتنين سمكريه مجنانين في الحرفيين ومن الواضح ان حضرتك ممكن ميكونش عندك خبره اوي في التصليح والعربيات

بس ف انت محتاج ترش العربيه كلها تحزمها ولا تغير كبوت ولا الهوا السمكري هو الي يحدد موضوع فرده الشاسيه ده لاني شايف ان مالهاش ضرر بصراحه لانها مش باينه ومن جوه كمان مش من الصدر نفسه

------------------------------------------------------

محتاج حضرتك تشوف موضوع الردياتير ده وتشوف الميا الي فيه خضرا ولا عاديه وتعمله صيانه وتشوف انهي مروحه مش شغاله كويس وتشوف محتاج ايه كتاوت او مروحه تانيه وطبعا الكلام ده عند كهربائي وصيانه الردياتير صيانته عند بتاع الردياتيرات

النور الضعيف برضو كهربائي بس ده ممكن يبقى مزعج شويه هتروح عند حد يشوف الضفيره كلها ووجع دماغ دي اكتر حاجه مدايقاني اساسا ياريت تشوف فيها مركز معتد او التوكيل على الاقل في الكشف

النور الي بيضرب في البشر ده طبيعي في اي خبطه تاثر في الفانوس سواء تاثير مباشر او غي مباشر في حاجه اسمها رجلاش الفانوس برضو الكهربائي بيزبطها عادي جدا (بس خلي بالك ممكن الفوانيس اساسا تكون معوجه لفوق شويه ) ساعتها برضو ممكن يزبط الرجلاش ب النور توزيعه هيبقى مش اوي لان الفانوس نفسه ملووح لفوق لما طبعا الفانوس يتزبط بعد السمكره تعمل رجلاش تاني تخليه يزبط الدنيا تاني لن لما الفانوس يرجع للاصل النور هيضرب تحت اوي


----------------------------------------

اخيرا ابوس ايديك وصوابع رجليك اعمل صيانه للعربيه وغير السيور وزيت الفتيس والليله دي في مكان محترم من فضلك عشان كده خطر على العربيه بجد ماشي بيها 90 الف تقريبا معملتش اي صيانه ومتدايق ان السيور بتصوصو هما اساسا لو بيتكلموا كانوا عملولك محضر في القسم
طبعا صو صوه السيور معناها انهم يتغيروا

بالنسبه للباور بغض النظر عن اي تسريب لو لفيت الدركسيون للاخر وسمعت زنه قويه معناها نقص زيت غير مقبول وده ممكن يفرتك الطرمبه بعد كده

-----------------------------------

اخيرا بقى السمكريه في اتنين في الحرفيين حبيبه الملاييين لما تعمل زياره ليها هتحس ان مفيش عربيه في مصر مش مشيسه ومقلوبه خمس ست مرات قبل ما تتصنع اساسا

تسال على سمير على السمكري لما توصل عنده تخليه على شمالك وتمشي سيكا هتاقي بتاع استيراد امريكي على ناصيه شارع شمال تدخله وتسال على ادهم السمكري وتتعامل معاه هو سمكره وفي حد تبعه بيرش العربيات برضو بس انا لما روحتله اتقفت على كل حاجه معاه وروحتله بعد اسبوع لقيت المهمه متهيه وكل زي الفل طبعا بعون الله ومرشوشه وكله تمام ده انصحك بيه طبعا

------------------------------------------------

في بقى سمكري معتوه اسمه صلاح ارنب تخليه سمير وعلى برضو على شمالك وتسال على سيد حواجب(بتاع تزبيط كساحات وفبر وكلام من ده) هوه بعد سمير وعلي بشارع او تنين على اليمين توصل عند سيد حواجب وتسال على عم ارنب برضو روحتله قبل كده سمكره بس مكانشي ليه اي دعوه باي رش خالص هو خد مصنعيه السمكره وخدت العريبه ومشيت وانسى بقى اي حاجه انا كنت برضو مش عارف ازبط وش العربيه عم المجنون ده خد كتير بصراحه عشان بس يزبط وش العريبه مش فاكر كام ممكن كان في حدوج 300 جنيه او اكتر تركيب اكصدام امامي وزبط الوش الامور وكام حته على البارد بس بصراحه استريحت نفسيا لما شوفت الوش مزبوط

وكذالك ادهم غالي بس الناس دي عندها ضمير هتلاقيهم فكوا الوش كله وقعدوا يعافروا لحد ما انجزه

متحاولش برضو تجيب سيره الزرجينه بتاع الشاسيه كتير سيبه هوه مع نفسه عرفه فيها بس خفيف كانها ملهاش لازمه عشان ميستغلش الموقف ويطالب ب فلوس كتير

----------------------------------------------------------


معايا 40 الف وعلبه سجاير ميريت اصفر متفتحتش وعلبه تانيه فيها 10 سجاير ممكن مشربش منهم سجاره لو جاهز تخلص في العربيه على حالتها كده ههههههههههههههههههههههههه ههه

بهزر طبعا اقل من 42 الف متبعش ههههههههههههههههههه



------------------------------------------------------------

المشاركة الأصلية كتبت بواسطة ahmed_rahem

انا ممكن اجربهالك واقولك الى اعرفة، وممكن تروح مركز اتو ايجيبت فى ابورواش للكشف عليها

تسلم يا باشا .. وانا لو احتست هلجألك ان شاء الله

انا رايي ان العربية مش بالسوء اللي حضرتك متخيله بس المشكلة ان العربية شكلها اهملت شوية بدون صيانة لذلك الصح انك تظبط العفشة والبودي الاول وبعدين تظبط زوايا وتشوف لو محتاجة زرجينة او لأ وتعملها الاول والكلام ده ممكن يخلص في الحرفيين عند ناس محترفة بس بصراحة انا معرفش اماكنهم ممكن حد من الاخوة يفيدك عن اماكنهم وبالنسبة لقطع الغيار الجديد من منافذ بيع قطع الغيار احسن اما البودي زي الكبوت والفوانيس والرفارف مستعمل من الحرفيين هيكون افضل من الجديد التايواني والصيني وبعدين روح عند ميكانيكي محترم يغيرلك السيور ويكشف على البوجيهات والذي منه واي كهربائي يكشف على المراوح بس هو الموضوع عاوز شوية صبر واجازة من الشغل يومين كده عشان تقدر تتابع وربنا يكون في عونك وابقى طمنا عملت ايه.

كلام حضرتك والله نفس المخطط الي كنت ناوي اعمله بالضبط وانا فكرت في الصيانه حاليا
لاني فعلا متفرغ من الكليه وقرفهآآآ .. وانا عجبتني فكره الكبوت والبودي المستعمل
والف شكر لحضرتك

بص يا باشا، العربية مش ضايعة أوي يعني كل الحاجات دي ممكن تتلم بس هاتصرف شويتين، لأنك لو حابب العربية وعاوز ترجعها زي ما كانت هاتصرف، أنا رأيي شغل الميكانيكا والعفشة يتعمل في التوكيل وخاصة أوتو إيجبت، ودا اللي لازم تبدأ بيه، أما الشغل اللي بره (السمكرة والدوكو) ممكن تصبر عليه شوية وتعمله عند سمكري بره التوكيل لأنه هايكون مكلف جدا لو عملته في التوكيل، وربنا يوفقك للخير

كلام سليم بس انا مقدرش على التوكيل نهآئيأ لان مصاريفه فوق طاقتي
انا اخري اشتري المقصات والطنابير من هناك ..
والف شكر يا ريس

ربنا يعزك ويبارك في عمرك اخي وحبيبي في الله
فيه حاجات فعلا مستني اعرف رأي الناس اسه اللي استغلوا في العربيى بايديهم زي وليد عادل يفيدوك وايه اللي ممكن تجيبه من التوكيل وايه اللي بره
وزي ما انت قلت
1- المقصات والطنابير والتيل طبعا هاتهم من التوكيل وركبهم بره مفيش مشكلة
2- الاكصدام الصيني انا عارفانه مش قد كده علشام مش بياخد ويدي معاك فبيشرخ كل شويه .... حاول تجيبه استيراد او جديد
3- الباب اعتقد ان الفرش من جوه سليم فمش هتحتاج الباب بالفرش بتاعه وده برده ممكن تجيبه استيراد
ولو اني شايف ان ممكن يتظبط وانت كده كده لازم هاترش ومتحتاجش باب غيره
4- العتب انا مش عارف ايه ظروفها بتتغير كاملة ولا بتستعدل في انتظار رأي باقي الناس.
5- خبطة الرفرف مع الباب بسيطة وتترد ان شاء الله
6- العدادات واللمض ده شغل في التابلوه والانوار وكهربا وان شاء الله بسيطة
7- الميكانيكة ان شاء الله الاخوة يفيدوك ... بس موضوع العربية بترقص علي اول غياراين دول اعتقد ان العفشة ولما تغير الحاجات ديه كلها هتبان بعد ظبط الزويا كمان
-----------------------------------
وسامحني انا مكنتش عايز ارد علي حاجة مش عارفها لغاية ما اشوف رد الصقور ايه
ولو عايز تروح لسمكري بره ...... فيه ورشة نايل موتورز بتاعه ا/كريم منير وشغله ماشاء الله عليه
كنت وديت عنده عربية كارينز كانت مسروقة وراجعه متدمرة فظبط الاداء ماشاء الله
ورأي أخير ... هو ممكن يكون مكلف ياريت تخلي شغل الميكانيكا والعفشة في اوتو ايجيبت والكهربا علشان ماشيي بالمانيوال بتاع الصيانة والعربية هاتخرج من تحت ايديهم مظبوطة ان شاء الله
واعمل مقايسة عندهم وشوف الفرق يستاهل انك تظبطها عنهم ولا بره ....... ومتنساش تاخد الاستيكر علشان خصومات قطع الغيار والمصنعيات هايفيدك اوي الفترة اللي جاية ان شاء الله
تقبل مروري واقعد بألف عافية :))

يا بآآشآآ انا بقولك كدا من عشمي فيك وعشآآن خلال طلتي السريعه عالمنتدى
شفت انك عضو محترم وحبيت آخد برأيك .. وبالنسبه لموضوع الاستيكر ده
انا قرأت الموضوع بس مفهمتش اجيبو منين وهل هوه لاعضاء معينين ولا للكل ؟
والف شكر يا راجل يا طيب