صباح الفل على كل اعضاء القسم المحترمين ..
بصرآحه انا بقالي يومين مقمتش من على الكرسي من كتر ما القسم شدني
وانبهرت بطريقه التعاون الموجوده بين الاعضاء ذوي الخبره والمبتدئين
وهوا ده الي شجعني اني اجي اطلب مسآعده ونصايح حضرآتكم لأني متأكد ان هلاقي تجآوب..
اولآ انا من عشآآق النيسآن منذ الصغر لان عربية والدي في الشغل كانت نيسآن بآترول
وبعد كدا ربنا كتبلي ان اول عربيه ليا تكون نيسآن صني ..
العربيه نيسآن صني 1600 موديل 2005 خليجي تقفيل يآبآني ماشيه 150000 والدتي المالك الاول
اخر صيانه تمت ليها كانت في توكيل المسعود في ابوظبي عند الـ 60000
هعرضلكم صور العربيه الآن
بس قبل ما اعرض الصور احب اقولكم ان العربيه مش انا الشخص الوحيد الي بيركبها .. العربيه وآلدتي كانت بتستخدمها
و ثآنيآً كنا مقيمين في منطقه شعبيه مليآنه من الحاجات الي بتمشي الي اسمها ( التوكتوك ) :D :D وانتو اما تشوفو الصور هتعرفو :\
بسم الله ..
معلش محدش يعلق على المنظر ويآريت اصحاب الصني ميكرهونيش على الصور الي توجع القلب دي :(
هآخدها وآحده وآحده .. الكبوت مفارق عن الاكصدام والفنوس مفارق عن الاكصدام والكبوت
سبب كل اللخبطه دي هوضحه في الصورة الجايه
----------------------------------------------------------
ده حادث حصل مع والدتي من سنتين ومن بعدها وش العربيه مش راضي يتعدل مهما اوديه لسمكريه بس تقريبا انا عرفت السبب وموضحه بدآئره في الصورة وهوضحه ليكم اكتر في صورة مقربة يمكن حد يقدر يقول الحل وامكانيه تصليحه تابعو الصورة الجايه دي عن مكان المشكله
----------------------------------------------------------
زي ما حضراتكم شآيفين الكرمشه الي في الحديد دي ؟ هي دي الي مخليه وش العربيه مش متسآو
مش عارف دي ايه حلهاآآآ لان مهما اعمل هيفضل الكبوت والفنوس والاكصدام مش راكبين على بعض ..
وفي واحب انوه ان بعد الخبطه دي في اصوات تزييئ قالولي دي المقصات بايظه
ده بالنسبه لوش العربيه ..
----------------------------------------------------------
ضهر العربيه سليم الحمدلله بدون اي خبطات بس محتاج اكصدام
بس مش عارف هعمل ايه في الحساسات هل ممكن انقلهم للاكصدام الجديد ؟
----------------------------------------------------------
جنب العربيه الشماآآل فيه كالآتي حسب الارقام الموضحه عالصورة
1- العتبه دي مطبقه زي ما حضراتكم شآيفين
2 - الباب ده كان مخبوط وتم رده عالبآرد بس شكله زي ما انتم شآيفين هل هضطر اجيب باب جديد ؟ بس ده صعب لان سعره فوق الـ 2000 .. هل ممكن الاقيه مستعمل في اي مكان ؟ ولا ممكن يتصلح
3- الرفرف ده تآيواني وتم تغيره قبل كدا وممتآز صراحه فبالتآلي هغيره تاني مش هصلحه وسعره 175 جنيه
4- الاكصدام مكسور بس معرفش هيكون سعره الياباني كام لان الي راكب دده صيني بـ 150 وسيئ جدا فعايز حاجه غيره ..
بالنسبه لجنب العربيه اليمين انضف من الشمآآل وفيه خبطآت قليله هيتم توضيحها
----------------------------------------------------------
دي خبطه في الباب والرفرف مع بعض .. حلها ايه ؟ :S
----------------------------------------------------------
ودي خبطه في الرفرف هل هتتصلح ولا اغير كمآن ؟
----------------------------------------------------------
نيجي للعربيه من جوآآ .. نظره عامه للماتور
1- البطاريه تم تغييرها من التوكيل
2- الكبسوله بتاعت الريديتر دي مكسورة يعني مربوط من نآحيه وحده
3- الغطا ده مفقود :(
----------------------------------------------------------
ودي صورة معرفش صورتها ليه بس قلت يمكن حد من يطلبها مني
----------------------------------------------------------
في كمان البرغي ده معرفش مكسور ولا مفكوك نتيجه الخبطه
----------------------------------------------------------
المراوح دي مبتلفش بقالها اسبوع والحراره بقت بترتفع لفوق الشرطه الاولى عند الـ C
مع ان المؤشر عمره ما وصل للدرجه دي ابدآ غير لما كانت في الامارات نظراً للحراره هنآك
وهوا ده الي لفت انتبآهي اني شفتها مرتفعه مع ريحه (شيآط) .. والحراره بتنخفض مع السرعآت وبترتفع في الاشارات والزحمه والانتظار معرفش ايه السبب
----------------------------------------------------------
اكتر مصدر ازعاج وضجيج بالنسبآلي هوضحه في الصورة الجايه
1- السيرين دول بيوقفو لما بلف الدركسيون على الاخر سواء يمين او شمال بيطلعو صوت وبيشتغلو بتقطيع يعني بيلفو ويقفو خالص ويرجعو يلفو تاني ويقفو كداااا وبسرعه
نآس قالتلي زيت بور .. وغيرته بس المشكله ما اتحلتش لحد ما اكتشفتها انا
2- انا اتخضيت من المنظر ده حد يفيديني (:
----------------------------------------------------------
فآآآت الكتير ما بقى الا القليل :D
معلش الي زهق ممكن يكمل الموضوع وقت تآني :(
----------------------------------------------------------
بعض المشاكل التانيه البسيطه
1- عندي بقى نور الامبير ( العداد ) ضعف جدا بعض الحادث
هوا مش مطفي خالص بس ضعيف جدا + نور التكيف والزراير الي جنبيه محروقه
ما عدا الكاسيت بس هوا الي نورة شغآآآل ..
2- ضوء العربيه الخفيف بيبقى ضارب في عيون الناس ومش منور اي حاجه قدامي
يعني العربيات الي قدامي بتفضل تشاورلي عشان النور ضارب فيهم مع انو مش منور حاجه قدامي عالاسفلت .. بس فعلا بيبقى معكوس بقوى اوي في العربيه الي قدامي وبيضايق بجد .. مع العلم اني مغير لمض الفنوسين الي قدام مؤخراً
3- العربيه صعب السيطره عليها في الغيار الاول والتاني يعني لو لمست الدواسه العربيه بترقص يمين وشمآل والسبب ان الكوتشين الي قدام مقاس واحد لكن نوعين مختلفين وحالتهم مختلفه + المقصات مدمره .. دي الاسباب الي انا اعرفها
----------------------------------------------------------
الخطة الي وضعتها لأنقاذ العربيه كالآتـي :
1- اول خطوه اني اعمل التقرير ده واخد ارآئكم لانكم اكثر خبره وعلى درايه بمواضيع الصيانه دي اكتر مني .. لان دي اول عمليه صيانه اقوم بيها في حياتي
2- اخدت رأي ميكانيكي وقالي كالآتـي :
* محتاج مقصين بجلبهم ( اشترط انهم يكونو يآباني اصلي )
* طمبورتين امامي ( اشترط انهم يكونو يآباني اصلي )
*اكصدام امامي وخلفي تايواني
*كبوت يابآني اصلي
*رفرف شمآل تايواني
* فانوس يمين تايواني ( لاني لسا مشتري الشمال جديد قالي خليهم جداد مع بعض)
3- الي هعمله اني هروح التوكيل اجيب القطع الياباني وهشتري باقي القطع
من اماكن بيع قطع الغيآآر .. والي حضرآتكم هتدلوني على اماكنها والاسعار بتاعت كل قطعه ولو حد شايف ان في حاجه كمان لازم اصلحها ياريت يقول ولو حد قريب مني في الشيخ زايد او اكتوبر ومتفرغ لنصف ساعه يسوق العربيه ويشوف بنفسه هكون شآكر جداً ليه وهشيله الجميل ده على رآسي
4- نآس نصحتني بشرآء وش كامل للعربيه من الحرفيين او اي مكان انا عجبتني الفكره بس بقلقل من الحرفين وموضوع زي ده مش هعرف اعمله لوحدي ده اكيد
طولت اوي ولآزم انهي الموضوع بس عشمي فيكم كبير اوي والله
وبشكركم مقدمآً وان شآء الله ابقى عضو فعآل معآكم واساهم في استمرار عطآء القسم
وقبل مآ انسى لازم اشكر الأستاذ يوسف y2y1500 الي وجهني لكل حاجه
واستقبل رسايلي بصدر رحب .. جزآآه الله األف خير
أخوكم محمد عآطف
----------------------------------------------------------
النتائج 1 إلى 10 من 67
-
LinkBack
LinkBack URL
About LinkBacks- Bookmark & Share
- Tweet this thread
العرض المتطور
-
رقم العضوية : 119350
تاريخ التسجيل : 19Jan2012
المشاركات : 381
النوع : ذكر
الاقامة : Egypt
السيارة: Daihatsu Grand Terios 2009
السيارة[2]: Nissan Sunny 2005 SG
دراجة بخارية: none
الحالة :
(تقرير بالصور) محآولة انقآذ نـيسآن صني .. ياريت تفاعل من كل ذوي الخبررررره -
انشر الموضوع فى :
-
رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
-
متابع بنفس وبضمير و بكل مشاعري بصراحة :)))
ربنا يعينك واللهأُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
-
رقم العضوية : 119350
تاريخ التسجيل : 19Jan2012
المشاركات : 381
النوع : ذكر
الاقامة : Egypt
السيارة: Daihatsu Grand Terios 2009
السيارة[2]: Nissan Sunny 2005 SG
دراجة بخارية: none
الحالة :
-
ومتآآبع ليه يا استآذ Sona دا انت من ذوي الخبره والاعضاء النشطين
المشاركة الأصلية كتبت بواسطة SonaSteel
المفروض تمد الاعضاء بالمفييد :D :D ولا انت ايه رأيك
-
رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
-
ربنا يعزك ويبارك في عمرك اخي وحبيبي في الله المشاركة الأصلية كتبت بواسطة manchestrawy
فيه حاجات فعلا مستني اعرف رأي الناس اسه اللي استغلوا في العربيى بايديهم زي وليد عادل يفيدوك وايه اللي ممكن تجيبه من التوكيل وايه اللي بره
وزي ما انت قلت
1- المقصات والطنابير والتيل طبعا هاتهم من التوكيل وركبهم بره مفيش مشكلة
2- الاكصدام الصيني انا عارفانه مش قد كده علشام مش بياخد ويدي معاك فبيشرخ كل شويه .... حاول تجيبه استيراد او جديد
3- الباب اعتقد ان الفرش من جوه سليم فمش هتحتاج الباب بالفرش بتاعه وده برده ممكن تجيبه استيراد
ولو اني شايف ان ممكن يتظبط وانت كده كده لازم هاترش ومتحتاجش باب غيره
4- العتب انا مش عارف ايه ظروفها بتتغير كاملة ولا بتستعدل في انتظار رأي باقي الناس.
5- خبطة الرفرف مع الباب بسيطة وتترد ان شاء الله
6- العدادات واللمض ده شغل في التابلوه والانوار وكهربا وان شاء الله بسيطة
7- الميكانيكة ان شاء الله الاخوة يفيدوك ... بس موضوع العربية بترقص علي اول غياراين دول اعتقد ان العفشة ولما تغير الحاجات ديه كلها هتبان بعد ظبط الزويا كمان
-----------------------------------
وسامحني انا مكنتش عايز ارد علي حاجة مش عارفها لغاية ما اشوف رد الصقور ايه
ولو عايز تروح لسمكري بره ...... فيه ورشة نايل موتورز بتاعه ا/كريم منير وشغله ماشاء الله عليه
كنت وديت عنده عربية كارينز كانت مسروقة وراجعه متدمرة فظبط الاداء ماشاء الله
ورأي أخير ... هو ممكن يكون مكلف ياريت تخلي شغل الميكانيكا والعفشة في اوتو ايجيبت والكهربا علشان ماشيي بالمانيوال بتاع الصيانة والعربية هاتخرج من تحت ايديهم مظبوطة ان شاء الله
واعمل مقايسة عندهم وشوف الفرق يستاهل انك تظبطها عنهم ولا بره ....... ومتنساش تاخد الاستيكر علشان خصومات قطع الغيار والمصنعيات هايفيدك اوي الفترة اللي جاية ان شاء الله
تقبل مروري واقعد بألف عافية :))أُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
-
رقم العضوية : 72112
تاريخ التسجيل : 02Jun2010
المشاركات : 6,052
النوع : ذكر
الاقامة : الجيزة ... المنوفية
السيارة: Duster E2-Terios
السيارة[2]: Nissan Sunny-Tiida
دراجة بخارية: هوندا اليت
الحالة :
-
المشاركة الأصلية كتبت بواسطة SonaSteel
-
رقم العضوية : 94339
تاريخ التسجيل : 12Apr2011
المشاركات : 1,125
النوع : ذكر
الاقامة : Cairo
السيارة: Lanos
السيارة[2]: Nissan Sunny
دراجة بخارية: لا
الحالة :
-
انا ممكن اجربهالك واقولك الى اعرفة، وممكن تروح مركز اتو ايجيبت فى ابورواش للكشف عليها
[marq="3;right;2;alternate"]
انظر موضوع "خـــريطـة قــسـم نيـــسان .. طريـقنا نحـــو الافـضل"
[/marq]
-
رقم العضوية : 119350
تاريخ التسجيل : 19Jan2012
المشاركات : 381
النوع : ذكر
الاقامة : Egypt
السيارة: Daihatsu Grand Terios 2009
السيارة[2]: Nissan Sunny 2005 SG
دراجة بخارية: none
الحالة :
-
تسلم يا باشا .. وانا لو احتست هلجألك ان شاء الله المشاركة الأصلية كتبت بواسطة ahmed_rahem
كلام حضرتك والله نفس المخطط الي كنت ناوي اعمله بالضبط وانا فكرت في الصيانه حالياانا رايي ان العربية مش بالسوء اللي حضرتك متخيله بس المشكلة ان العربية شكلها اهملت شوية بدون صيانة لذلك الصح انك تظبط العفشة والبودي الاول وبعدين تظبط زوايا وتشوف لو محتاجة زرجينة او لأ وتعملها الاول والكلام ده ممكن يخلص في الحرفيين عند ناس محترفة بس بصراحة انا معرفش اماكنهم ممكن حد من الاخوة يفيدك عن اماكنهم وبالنسبة لقطع الغيار الجديد من منافذ بيع قطع الغيار احسن اما البودي زي الكبوت والفوانيس والرفارف مستعمل من الحرفيين هيكون افضل من الجديد التايواني والصيني وبعدين روح عند ميكانيكي محترم يغيرلك السيور ويكشف على البوجيهات والذي منه واي كهربائي يكشف على المراوح بس هو الموضوع عاوز شوية صبر واجازة من الشغل يومين كده عشان تقدر تتابع وربنا يكون في عونك وابقى طمنا عملت ايه.
لاني فعلا متفرغ من الكليه وقرفهآآآ .. وانا عجبتني فكره الكبوت والبودي المستعمل
والف شكر لحضرتك
كلام سليم بس انا مقدرش على التوكيل نهآئيأ لان مصاريفه فوق طاقتيبص يا باشا، العربية مش ضايعة أوي يعني كل الحاجات دي ممكن تتلم بس هاتصرف شويتين، لأنك لو حابب العربية وعاوز ترجعها زي ما كانت هاتصرف، أنا رأيي شغل الميكانيكا والعفشة يتعمل في التوكيل وخاصة أوتو إيجبت، ودا اللي لازم تبدأ بيه، أما الشغل اللي بره (السمكرة والدوكو) ممكن تصبر عليه شوية وتعمله عند سمكري بره التوكيل لأنه هايكون مكلف جدا لو عملته في التوكيل، وربنا يوفقك للخير
انا اخري اشتري المقصات والطنابير من هناك ..
والف شكر يا ريس
يا بآآشآآ انا بقولك كدا من عشمي فيك وعشآآن خلال طلتي السريعه عالمنتدىربنا يعزك ويبارك في عمرك اخي وحبيبي في الله
فيه حاجات فعلا مستني اعرف رأي الناس اسه اللي استغلوا في العربيى بايديهم زي وليد عادل يفيدوك وايه اللي ممكن تجيبه من التوكيل وايه اللي بره
وزي ما انت قلت
1- المقصات والطنابير والتيل طبعا هاتهم من التوكيل وركبهم بره مفيش مشكلة
2- الاكصدام الصيني انا عارفانه مش قد كده علشام مش بياخد ويدي معاك فبيشرخ كل شويه .... حاول تجيبه استيراد او جديد
3- الباب اعتقد ان الفرش من جوه سليم فمش هتحتاج الباب بالفرش بتاعه وده برده ممكن تجيبه استيراد
ولو اني شايف ان ممكن يتظبط وانت كده كده لازم هاترش ومتحتاجش باب غيره
4- العتب انا مش عارف ايه ظروفها بتتغير كاملة ولا بتستعدل في انتظار رأي باقي الناس.
5- خبطة الرفرف مع الباب بسيطة وتترد ان شاء الله
6- العدادات واللمض ده شغل في التابلوه والانوار وكهربا وان شاء الله بسيطة
7- الميكانيكة ان شاء الله الاخوة يفيدوك ... بس موضوع العربية بترقص علي اول غياراين دول اعتقد ان العفشة ولما تغير الحاجات ديه كلها هتبان بعد ظبط الزويا كمان
-----------------------------------
وسامحني انا مكنتش عايز ارد علي حاجة مش عارفها لغاية ما اشوف رد الصقور ايه
ولو عايز تروح لسمكري بره ...... فيه ورشة نايل موتورز بتاعه ا/كريم منير وشغله ماشاء الله عليه
كنت وديت عنده عربية كارينز كانت مسروقة وراجعه متدمرة فظبط الاداء ماشاء الله
ورأي أخير ... هو ممكن يكون مكلف ياريت تخلي شغل الميكانيكا والعفشة في اوتو ايجيبت والكهربا علشان ماشيي بالمانيوال بتاع الصيانة والعربية هاتخرج من تحت ايديهم مظبوطة ان شاء الله
واعمل مقايسة عندهم وشوف الفرق يستاهل انك تظبطها عنهم ولا بره ....... ومتنساش تاخد الاستيكر علشان خصومات قطع الغيار والمصنعيات هايفيدك اوي الفترة اللي جاية ان شاء الله
تقبل مروري واقعد بألف عافية :))
شفت انك عضو محترم وحبيت آخد برأيك .. وبالنسبه لموضوع الاستيكر ده
انا قرأت الموضوع بس مفهمتش اجيبو منين وهل هوه لاعضاء معينين ولا للكل ؟
والف شكر يا راجل يا طيب
-
رقم العضوية : 72112
تاريخ التسجيل : 02Jun2010
المشاركات : 6,052
النوع : ذكر
الاقامة : الجيزة ... المنوفية
السيارة: Duster E2-Terios
السيارة[2]: Nissan Sunny-Tiida
دراجة بخارية: هوندا اليت
الحالة :
-
ممكن تجيبوا عن طريق احد الموزعين زي sonasteel أو منسق القسم ahmed .tv أو من عند الحج أحمد مشعل صاحب محل جينز كار .. المشاركة الأصلية كتبت بواسطة Manchestrawy
الاستيكر يا باشا لاي حد متقلقش ..
تحياتي يا باشا و نورت القسم ..
-
رقم العضوية : 119350
تاريخ التسجيل : 19Jan2012
المشاركات : 381
النوع : ذكر
الاقامة : Egypt
السيارة: Daihatsu Grand Terios 2009
السيارة[2]: Nissan Sunny 2005 SG
دراجة بخارية: none
الحالة :
-
فعلا العربيه اتهملت مع والدتي لقله خبرتها في العربيات وبعد كدا اهملت مني لنفس السبب ولسبب تاني وهوا قله السيولة الماديه معايا .. انا طالب وكدا :/انا رايي في كلمتين
العربيه دي كانت مهمله شويه واللي اشغل فيها قبل كده ما كانش كويس سواء سمكري او ميكانيكي
العربيه دي عايزة سمكري وميكانيكي نضاف يا يظبطولك العربيه صح
وممكن تطلع على ورشه كريم منير في الحرفيين
وزي ما حضرتك قلت وديتها لسمكري حسبي الله عليه لا يفقه شي .. بس اهو كان على قد فلوسي
والاخوه قالولي على سمكريه نضاف وان شاء الله الي فيه الخير يقدمه ربنا وتسلم يا راجل يا طيب
تسلم يا بآآشآآ .. اهو ربنا عالم بالواحد وبعتله منتدى واعضاء طيبين زيكم المشاركة الأصلية كتبت بواسطة ahmazong
-
رقم العضوية : 108530
تاريخ التسجيل : 25Jul2011
المشاركات : 7,215
النوع : ذكر
الاقامة : القاهرة
السيارة: NON
السيارة[2]: نيسان صني
دراجة بخارية: لا يوجد
الحالة :
-
خلاص يبقى اشتري قطع الغيار من موزع لنيسان وركبهم عند ميكانيكي محترم، الأهم انك تعمل شغل الميكانيكا الأول لأن ده الأهم، وربنا يقومهالك بالسلامة المشاركة الأصلية كتبت بواسطة manchestrawy
رد مع اقتباس
المواضيع المتشابهه
-
بالصور سؤال مصيرى ممكن ابيع العربية بسببة ياريت الكل يدخل ارجوكم
بواسطة George E21 في المنتدى بـى إم دابـــليومشاركات: 15آخر مشاركة: 26-04-2012, 04:27 AM -
ياريت المساعدة انا بدور على تصميم فرش جلد وياريت يكون بالصور
بواسطة king_mohamed في المنتدى كــماليــات السيـــارات و الإكسسواراتمشاركات: 4آخر مشاركة: 15-03-2010, 07:27 AM -
مطلوب تفاعل كل اللانسراويه
بواسطة littlepharoe في المنتدى ميتـسوبيـشىمشاركات: 6آخر مشاركة: 19-08-2009, 06:31 PM -
استياء من عدم تفاعل اللانسراويه
بواسطة أبو إياد في المنتدى ميتـسوبيـشىمشاركات: 7آخر مشاركة: 12-08-2009, 04:34 PM -
ياريت الفرق بين كرولا2008خليجي وجنوب افريقي بالصور والامكانيات
بواسطة hoba_ahmed2008 في المنتدى تـويوتـــامشاركات: 3آخر مشاركة: 16-09-2008, 09:42 PM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات