الموضوع: (تقرير بالصور) محآولة انقآذ نـيسآن صني .. ياريت تفاعل من كل ذوي الخبررررره

المشاركة الأصلية كتبت بواسطة ahmazong

بعد كل الردود ديه كلها ما شاء الله أنا مقدرش افتح باي بكلمة غير ..

ربنا ييسرلك أمورك و تشفها أحلى عربية في الدنيا

ربنآآآآ يخليك ده من ذوقك يا فندم

المشاركة الأصلية كتبت بواسطة sonasteel

ماشاء الله تبارك الله
يا خواناااااااااا انا بحبكم في الله
ربنا يديم المعروف يارب العالمين
ويجعلكم سبب في قضاء حوائج الناس و ادخال السرور علي مسلم
اقعدوا بااااااالف عافية :))))

آآآآآآآميييين وربنا يبآركلك انت كمان كنت فتحه خير على الموضوع :d

المشاركة الأصلية كتبت بواسطة sedyrohy

نصيحه مهمه جدا

ماتبخلش على قطعه غيار او مصنعيه غاليه علشان ترتاح بعد كده و ماترجعش تقول يارتني كنت جيبت الاصلي

قطع الغيار مش هبخل عليها اكيد لانها الاساس بس المصنعيه هبخل شوية
وهتعب نفسي حبتين عشان الاقي الي ممكن يقوم بنفس الدور بس بمبلغ اقل :)
وتسلم عالمشاركه والنصيحه

المشاركة الأصلية كتبت بواسطة sehsss

ربنا يديم المعروف يا صقور هو ده الكلام

كلهم ولاد حلال وعند حسن الظن :)

لا مش كل سنة ولا حاجة .

هما فعلا كده واهل للثقة دى والاهم امناء فى شغلهم واسعارهم وشغل 100-100 انت بنفسك لما تشوف عربيتك بعد الشغل مش هاتعرفها خالص وهايعملوا اللازم ويقولك ايه المفروض يتغير وايه اللى يتسمكر ما تقلقش خالص

والله انا موضوع ورشة المنتدى ده مطمني جدا وكفآآيه انك انت تشهدلها (:

انا معاك فى اى وقت بشرط وقتى يسمح ان شاء الله حتى لو كان باستشارة كتابية او تليفونية تحت امرك

انا هقولك قبلها بيومين عشان تكون براحتك سواء متفرغ او لا ..

حجز الصيانة بيتم تليفونيا على 16666 مع التعريف انك من نايل موتورز وطبعا هايبقى معاك الاستيكر يوم الصيانة
وتكلفة صيانة ال40 الف كم هاتكون فى حدود 1000-1500ج + كشف تفصيلى ع العربية كلها

مش فاهم صراحه .. يعني هدفع الـ 1500 دي مقابل انهم يصينو ايه بالضبط ؟
ما انا كدا كدا بشتري قطع الغيار وبدفع المصنعيه .

طالما كده شغال بس انا مع الترصيص فى بريدجستون (مزبوط جدااااااا) ومش بتحتاجه غير كل لما تغير الكاوتشات او تفك فردة لو هاتلحمها وتركبها تانى
لكن الزوايا عشان العفشة واى شغل هاتعمله بعد كده من فك وتركيب طنابير ومقصات وكده هاتحتاج تعمل زبط زوايا تانى بعد ما تقفل الشغل وتعدل الكرمشة من الخبطة عشان تبقى حرير معاك ع الطريق والتكلفة فى الحرفيين 25ج بس وعلى فكرة انا ظبطت فى بريدجستون كذا مرة وجهازهم مش مظبوط ع الصنى بتاتااااااااااا واخر مرة قالى العجلة الامامية يمين مرحلة سم الا ربع وعاوزة زرجينة وكلام كده مسكت نفسى بالعافية عنه واستعوضت ربنا فى الفلوس ومشيت عملتها بره

على العموم انا هروح بكرا اشتري الـ 4 فرد بس انا متردد لسا في المقاس 175 ولا 185
مع ان فرق السعر 150 جنيه للفرده الوحده .. الـ 185 ياباني والـ 175 اندونيسي ..

زى الفل وباذن الله لما الاستعدال يتم زبطة الوش هاتتعمل كويس وبعد كده تشوف كل ما يبقى معاك فلوس اعمل حاجة
وكده الترتيب اختلف مع مبلغ ال4000ج
1. استعدال الخبطة وزبطة الوش مع استكمال القطع الناقصة

مقدرتش تكلفه الخطوة دي يا استاذ يوسف :D

2. شراء السيور (250 لعدد 2 سير) الطنابير (الواحدة 475) والتيل 350ج (الاصلى بيقعد مش اقل من 35-40 الف كم)
اوبا دنا فكرت السيور كلها بـ 250 :O كدا بقو 500 جنيه
يبقى هأجل التيل بقى ..

والمقصات (600 ج الواحد) اصلى حتى لو كانوا غاليين من التوكيل او ممكن نفسهم من بره اصلى برضه يابانى فقط بيعملوا فرق بسيط (اسأل وشوف كده)

المقصات مش بـ 500 :( ؟؟؟ ماشي ماشي الي تقول عليه :D

3. تركيب اجزاء العفشة برة ممكن عند اى ميكانيكى محترم لتوفير مصنعيات التوكيل فى التركيب
4. بعد تركيب كله جديد فى جديد والكاوتش كمان تطلع على اتوايجيبت (صيانة ال40 الف) يربطلك العفشة كلها بالعزم ويراجع على كل حاجة ويعملك بيها تقرير محترم ويغيرلك كل زيوت العربية (محرك - فرامل - باور - فتيس) وضبط رجلاش الفرامل وتغيير السيور والفلاتر (زيت + هواء) والاستفادة من خصم نايل موتورز 15% على قطع الغيار والمصنعيات
وبعد كده باذن الله يتبقى الدوكو والسمكرة خليهم لوقت تجديد الرخصة مثلا ودخول الفحص الفنى

طيب ايه رأيك في كلام الاستاذ Peaceman ؟

المشاركة الأصلية كتبت بواسطة Peaceman

4- في كشف مجااااااااااااااااااااااا ااااااااااااااااااني علي العربية في اي توكيل من توكيلات نيسان بس العرض هيبتدي ان شاء الله من يوم 28/1/2012 و هيفضل لمدة شهر واحد فقط و هتعرف كل اللي محتاجاه العربية من الابرة للصاروخ و هيكون تقرير وافي

هل ده هيغنيني عن الـ 1500 جنيه صيانه ؟ ولا ايه ؟

وللمره الميون بشكرك على تعبك معايا : )

بصراحة يا محمد باشا الاعضاء قاموا بالواجب

ربنا يكرمهم يارب على رآسي كلهم

بس لازم فعلا أأكد عليك الحاجات ديه تاني :

1- قطع غيار الميكانيكا من التوكيل مباشرة بدون تفكير

ده هيتم بأذن واحد احد

2- الحاجات اللي فيها صاج .. تجيبها استيراد ياباني من الحرفيين

افضل من تايواني جديد ؟

3- شغل السمكرة تعمله في الحرفيين في ورشة المنتدي او في التوكيل و ده افضله شخصيا لو الفلوس معاك متاحة لكده

التوكيل صعب .. خليني في الورشه بيشكرو فيها

4- في كشف مجااااااااااااااااااااااا ااااااااااااااااااني علي العربية في اي توكيل من توكيلات نيسان بس العرض هيبتدي ان شاء الله من يوم 28/1/2012 و هيفضل لمدة شهر واحد فقط و هتعرف كل اللي محتاجاه العربية من الابرة للصاروخ و هيكون تقرير وافي

لو الكلام ده حقيقي.. يبقى اانا ربنا بيحبني وتبقى دي هديه جاتيل من السما :d
وانا هأجل كل حاجه ليوم 28

احب في النهاية احييك علي تقريرك المتميز و عايزك ترتب افكارك صح و ميزانيتك اللي علي اساسها هتبتدي من اين بالظبط

ربنا معاك ..

ربنا يبارك فيك ده من ذوق حضرتك (: