المشاركة الأصلية كتبت بواسطة Manchestrawy
1. هشتريه بالفعل .. بس الاستيكر ده كل سنه ولا هيتم معايا على طول ؟
لا مش كل سنة ولا حاجة .
المشاركة الأصلية كتبت بواسطة Manchestrawy
2. والله فرحتني يا استاذ يوسف لما عرفتني ان فيه ورشه للمنتدى .. عل الاقل هسيب العربيه وانا ضامن ومتأكد انها في ايادي امينه .. (:
وفعلا هسمكر كلو ما عدا الرفرف .. ومعلش صدقني الكبوت سيئ وفيه بعض الصدأ وبيتنطط وانا ماشي وتمت سمكرته اكثر من مره .. فالبتالي هشتريه لو سعره مش هيزيد عن 700 جنيه
هما فعلا كده واهل للثقة دى والاهم امناء فى شغلهم واسعارهم وشغل 100-100 انت بنفسك لما تشوف عربيتك بعد الشغل مش هاتعرفها خالص وهايعملوا اللازم ويقولك ايه المفروض يتغير وايه اللى يتسمكر ما تقلقش خالص
المشاركة الأصلية كتبت بواسطة Manchestrawy
3. ان شاء الله هزور التوكيل مع الاستاذ ahmed.tv ده بعد اذنه طبعا واجيب القطع اللازمه ..
وبعد كدا لو تفضلت حضرتك تيجي معايا عند الميكانيكي ده (:
وبالنسبه للحرفين ولاد الحلال كتير زي استاذ حماده المصري واستاذ احمد وحضرتك ..
انا معاك فى اى وقت بشرط وقتى يسمح ان شاء الله حتى لو كان باستشارة كتابية او تليفونية تحت امرك
المشاركة الأصلية كتبت بواسطة Manchestrawy
4. حجز الصيانه وتغير اللازم الي انته ذكرته هيتكلف كام ؟ عشان اعرف هأجل السمكره ولا لا
حجز الصيانة بيتم تليفونيا على 16666 مع التعريف انك من نايل موتورز وطبعا هايبقى معاك الاستيكر يوم الصيانة
وتكلفة صيانة ال40 الف كم هاتكون فى حدود 1000-1500ج + كشف تفصيلى ع العربية كلها
المشاركة الأصلية كتبت بواسطة Manchestrawy
5. همآآآ في fix&fit قالولي ان سعر الـ 4 فرد كوتش هيكونو شاملين الترصيص وظبط الزوايا
ولا ده حاجه مختلفه ؟؟
طالما كده شغال بس انا مع الترصيص فى بريدجستون (مزبوط جدااااااا) ومش بتحتاجه غير كل لما تغير الكاوتشات او تفك فردة لو هاتلحمها وتركبها تانى
لكن الزوايا عشان العفشة واى شغل هاتعمله بعد كده من فك وتركيب طنابير ومقصات وكده هاتحتاج تعمل زبط زوايا تانى بعد ما تقفل الشغل وتعدل الكرمشة من الخبطة عشان تبقى حرير معاك ع الطريق والتكلفة فى الحرفيين 25ج بس وعلى فكرة انا ظبطت فى بريدجستون كذا مرة وجهازهم مش مظبوط ع الصنى بتاتااااااااااا واخر مرة قالى العجلة الامامية يمين مرحلة سم الا ربع وعاوزة زرجينة وكلام كده مسكت نفسى بالعافية عنه واستعوضت ربنا فى الفلوس ومشيت عملتها بره
المشاركة الأصلية كتبت بواسطة Manchestrawy
انا مش مهم الخبطات الي في العربيه بي يتظبط وش العربيه مع الفوانيس ..
وانا المبلغ متوفر معايا كاش 4000 جنيه والباقي هأجلو زي ما حضرتك قلت
زى الفل وباذن الله لما الاستعدال يتم زبطة الوش هاتتعمل كويس وبعد كده تشوف كل ما يبقى معاك فلوس اعمل حاجة وكده الترتيب اختلف مع مبلغ ال4000ج 1. استعدال الخبطة وزبطة الوش مع استكمال القطع الناقصة 2. شراء السيور (250 لعدد 2 سير) الطنابير (الواحدة 475) والتيل 350ج (الاصلى بيقعد مش اقل من 35-40 الف كم) والمقصات (600 ج الواحد) اصلى حتى لو كانوا غاليين من التوكيل او ممكن نفسهم من بره اصلى برضه يابانى فقط بيعملوا فرق بسيط (اسأل وشوف كده) 3. تركيب اجزاء العفشة برة ممكن عند اى ميكانيكى محترم لتوفير مصنعيات التوكيل فى التركيب 4. بعد تركيب كله جديد فى جديد والكاوتش كمان تطلع على اتوايجيبت (صيانة ال40 الف) يربطلك العفشة كلها بالعزم ويراجع على كل حاجة ويعملك بيها تقرير محترم ويغيرلك كل زيوت العربية (محرك - فرامل - باور - فتيس) وضبط رجلاش الفرامل وتغيير السيور والفلاتر (زيت + هواء) والاستفادة من خصم نايل موتورز 15% على قطع الغيار والمصنعيات وبعد كده باذن الله يتبقى الدوكو والسمكرة خليهم لوقت تجديد الرخصة مثلا ودخول الفحص الفنى
المفضلات