الموضوع: فك وتنظيف رشاشات الأنجيكشن خطوة خطوة - بالصور

المشاركة الأصلية كتبت بواسطة zika99_eg

موضوع رائع يا هندسه
سوؤال بس يا كبير هو موضوع ال stp يغني عن الموضوع ده ولا لازم افك الرشاشات واعملها لوحدها
انا عندي في العربية حاسس انها مش مظبطه حبه في حاجه غريبه حصلت ابقي ماشي علي الدائري تروح العربية مبطله او تحس انها مبطله بمعني ان ال ار بي ام ينزل علي الصفر وتروح راجعه تاني ده مش عارف من ايه؟؟

بالنسبة للمقارنة بين stp وفك الرشاشات وتنظيفها يدويا
التنظيف اليدوي مرهق وشاق ولكن بيخليك تتأكد تماما من التنظيف عن طريق تكرارة مرة او 2 او اكثر لحد لما تتأكد وتطمئن تماما ان الرشاش injector يعمل بكفاءة
اما التنظيف بالأضافات فهو مريح وسهل الأستخدام ويتدخل في تنظيف اجزاء اخري غير الرشاش ولكن محتمل ان يحمل معه رواسب او اتساخات الي الرشاش نفسه

العربية تبطل وانت ماشي وترمي لنفسها دة ممكن يكون عيب اسبراتير او
احد الفيش العمومية للموتور بتهرب كهرباء او
ضعف في طرمبة البنزين بيخلي الموتور يتخنق وترجع الطرمبة تاني تشتغل
او ممكن يكون سدد في فلتر البنزين
او ممكن يكون اتساخات شديدة في المنظف

بس انت متأكد ان مفيش اي اعراض تانية انت ملاحظها بالأضافة لموضوع التبطيل دة ؟؟؟
يعني وهي واقفة سلانسيه الأر بي ام RPM مستقر معاك وثابت علي 0.9
الطلعة مظبوطة
لون ورائحة العادم

لو في اي ملاحظات ليك ياريت تقولها
واعمل بيها موضوع منفصل
وربنا يسهل ونحل سوا المشكلة

نورت الموضوع يا زيكا

والله المستعان
،
،