الموضوع: فك وتنظيف رشاشات الأنجيكشن خطوة خطوة - بالصور

المشاركة الأصلية كتبت بواسطة SYD

معدل استهلاك هذا الأسبوع
560 كم - 37 لتر بنزين

بمعدل 15 كم / لتر


ملحوظة وتأكيد للمعلومة
فعلا يا جماعة اول 10 لتر استهلاكهم يختلف عن تاني 10 لتر عن ثالث 10 لتر عن ررابع 10 لتر

انا اقل معدل استهلام وهو الي ظبط المعادلة هما اول 10 لتر

انا عامل 175 كم بأول 10 لتر
بمعدل 17.5 كم / لتر

كويس جدا ما شاء الله
ربنا يباركلك
للعلم فقط متشغلش دماغك بحركة المؤشر لأن استهلاك اول 10 زي تاني 10 زي ... الباقي

المشاركة الأصلية كتبت بواسطة eemmoo

هو فى حاجه اسمها ضبط الكاتينه ؟
ولا ده سير بيتركب وخلاص

كيفية ضبط سير الكاتينة
1- تفك غطاء السير و قبليه طبعا سير الدينامو و التكييف
2- تدي العربية غيار و هي مبطلة و تبدأ تضبط وضع سير الكاتينة عن نقطة ال zero point و ده نقطة محددة بعلامات علي طمبورة عمود الصبابات (عبارة عن شطف لحرف سنه من احد سنون الطمبورة ) و علي ترس و طمبورة عمود الكرنك (برده شطف لحرف سنة من سنون الترس و نقطة علي الطمبورة اللي راكبه علي عمود الكرنك لادارة السير الأخر )

بتبدأ تضبط العلامات دي علي علامات مقابلة ليها في جسم المحرك بانك تحرك العربية بيدك و هي واخده غيار و ليكن الرابع هتلاقي السير بيتحرك قدامك لحد ما تخلي العلامات اللي علي الطنابير موازية للعلامات اللي علي المحرك

3- بتفك الطمبورة الكبيرة اللي علي عمود الكرنك و اللي بتشغل السير التاني بتاع التكييف و الدينامو (و دي هي المعضلة في الموضوع لأنها مربوطة بصامولة مقاس 24 مشنشر و مربوطة جامد جدا و فكها صعب شوية )
4-بتفك بقية غطاء السير اللي تحت الطمبورة و بيتبقي لك علي طرف عمود الكرنك الترس الصغير اللي بيدور عليه سير الكاتينة
5- هنا بتبدا في تهوية سوستة بلية الشداد بانك بتضغط علي دراع صغير خارج من جسم البلية ...طبعا بتفضل ضاغط عليه و بتلاقي السير بقي مهوي خالص و انت ضاغط بتشيله من علي الطنابير

بتبدأ في تركيب السير الجديد بتسقيطة علي الطمبورة المسننة اللي فوق بتاعت عمود الصبابات و الترس المسنن اللي تحت علي عمود الكرنك

بترجع تربط كل شيء بالعكس مع التأكد ان الطنابير و التروس مضبوطة تماما علي العلامات بعد التركيب حتي تتأكد ان السير راكب مضبوط

و ممكن خلال هذه العملية تفك بلية شداد الكاتينة و تشوفها كويسة ولا محتاجه تتغير
و ممكن تشوف طلمبة المياة و ترسها سليم ولا محتاجه تتغير عن طريق لفها بعد فك السير و تتأكد انها بتلف دون مشاكل و ترسها سليم

طبعا سير الكاتينة بيعمل تزامن للحركة بين عمود الكرنك و بين عمود الصبابات و في السكة بيدور طلمبة المياة و مشدود ببلية الشداد و بالتالي بينظم حركة البساتم مع الصبابات ليحافظ علي كل منهما لا يقترب من الأخر و بالتالي ضبط ال timing للمحرك