ماذا تفعل اذا صدمت شخص بسيارتك ؟؟( تجربة واقعيه )

**zalpany2000** · 03-07-2008 01:47 PM

سيدي العزيز dody شكرا لانتباهك لمشاركتي و لردك عليها
و اللي انا واثق منه ان كل اللي هنا في المنتدري رأيهم من رأيي و عارفين قصدي
و زي ما بعض الاعضاء هنا قالوا علي الاقل لو خبط حد وجريت و ماحدش شافك ؟؟
هاتعرف تنام؟؟
أنا بس اللي استفزني و خلاني اتكلم ان كل الآراء ماشية في اتجاه واحد انا مستغربه.

وربنا يسترها معانا حميعا ان شاء الله

**Matrixawy** · 03-07-2008 03:23 PM

المشاركة الأصلية كتبت بواسطة جندى مجند

لكن أعتقد ان التصرف اللى حصل فى الحادث مضبوط و الخلاصة هى الآتى ... لو كنت سايق عربيتك و خبطت حد حتى لو المخبوط هو الغلطان متجريش و تسيبه و لكن اطلب الاسعاف و استنى لحد ما تيجى و ما تحاولش تحرك المصاب أصلاً عشان لو عنده كسور ما تزودش المشكلة و خد ارقام تليفون الناس اللى حتبدى استعدادها للشهادة و طبعاً لازم تحاول تاخد معاك شاهد أو اتنين على الأقل ... أكيد الموضوع مش حيمشى سلس 100% لكن انت كدة حتكون أخدت كل احتياطاتك و عملت اللى عليك و لو إتأذيت يبقى دة ابتلاء من ربنا عشان يشوفك حتصبر على الصح و لا حتهرب و أكيد ربنا حينجيك لو نيتك خير

كلامك سليم جدا
و لكن اذا كان الشخص الذى صدمته ينزف بشدة فمن الخطورة جدا تركه لانتظار الاسعاف و خاصة فى القاهرة حيث ان الطرق مزدحمة دائما و متوقفة و الى ان تصل الاسعاف
قد يلفظ المصاب انفاسه الاخيرة

و الكارثة الكبرى اذا حدث ذلك فسوف تتحول القضية بشكل درامى مأساوى و قد لا تستطيع اثبات برائتك بسبب موت المجنى عليه و ايضا كثير من الناس يخشون اعطاء بيانتهم كشهود على الحادث اذا توفى المصاب خوفا من المشاكل او استدعائهم فى النيابة

ان الامر معقد جدا فى مثل هذه الامور و يحتاج الى حكمة و تأنى فى التفكير
قبل فعل اى تصرف قد تكون عواقبه وخيمة

اعتقد ان هذا الموضوع يحتاج الى اعدة نظر فى اجرائاته من قبل الجهات المعنية مثل وزارة العدل و الداخلية و وضع قواعد جديدة له تحد من تدخل المال و النفوذ فى سير مثل هذه القضايا.

**جندى مجند** · 03-07-2008 06:12 PM

المشاركة الأصلية كتبت بواسطة Matrixawy

اعتقد ان هذا الموضوع يحتاج الى اعدة نظر فى اجرائاته من قبل الجهات المعنية مثل وزارة العدل و الداخلية و وضع قواعد جديدة له تحد من تدخل المال و النفوذ فى سير مثل هذه القضايا.

متفق معاك 100% و للأسف فيما يبدو ان قانون المرور الجديد لم يتطرق للموضوع دة من قريب و لا من بعيد ... المهم بنود الجباية و بس لكن البنود التى تتعلق بحياة انسان و تبرئة انسان من مأزق قد يقع فيه دون ذنب منه فالقانون الحاكم هنا هو قانون الغاب فقط و لا حول و لا قوة الا بالله.

**Matrixawy** · 04-07-2008 04:01 PM

**zalpany2000** · 05-07-2008 05:44 PM

ربنا يسترها معانا جميعا

معتكف في البيت لا عايز اسوق عربية ولا اعدي شارع يا اخونا
الله يسامحك يا استاذ متركساوي
الفيديوهات مش رايحة من بالي
خصوصا بتاع اللي بيتدعس تحت النقل ده
تحسه انه طمطماية مش بني آدم

ربنا يسترها معاكم جميعا و يسلملكم طريقكم

**shanodaa** · 05-07-2008 08:28 PM

بجد الواحد مش عارف يعمل اية مع الناس اللي بتكون غلطانة وبتنكر

**Matrixawy** · 05-07-2008 11:58 PM

المشاركة الأصلية كتبت بواسطة zalpany2000

ربنا يسترها معانا جميعا

معتكف في البيت لا عايز اسوق عربية ولا اعدي شارع يا اخونا
الله يسامحك يا استاذ متركساوي
الفيديوهات مش رايحة من بالي
خصوصا بتاع اللي بيتدعس تحت النقل ده
تحسه انه طمطماية مش بني آدم

ربنا يسترها معاكم جميعا و يسلملكم طريقكم

و الله العظيم انا كنت خلاص ناوى اجيب موتوسيكل محترم
و اريح السيارة شوية
و لكن بعد مشاهدتى لتلك الحوادث لغيت الفكرة تماما
صدق اللى سماه مووووتو سيكل

**MMamdouh** · 06-07-2008 11:57 AM

أرسل أصلا بواسطة r0xer

و أفرض اللي بيعدي دا عيان! أو عنده حالة وفاة او مرض أو عنده هموم الدنيا اللي مكفياه ومش مركز ولا منتبه!!!! هل يجب أن نفرمممممممه بالعربية لمجرد إننا راكبين عربية و هو ماشي على رجله؟ طالما في أمل من إنقاذه...يبقى ليه لا؟

على فكرة..اللي رخص البني آدم مش الحكومة يا أستاذ توت، اللي رخص البني آدم هو اللي متخيل إنه طالما ماشي في الشارع و مغلطش و غيره غلط يبقى لازم نموته ونمشي.

وخليك فاكر إن كل واحد وله يومه بيغلط فيه! سواء كان بيسوق.. أو من المارة.

منطق الغابة لا يطبق إلا في الغابات....

please explain to me how is that the car driver's problem??????

انا ذنبى ايه فى كل القصة دى؟؟ هو انا اللى جبتلة المرض او موت قريبة اللى زعلان علية ولا شيلتة هموم الدنيا؟؟

يبقى ليه نرمى البلوة على اللى راكب العربية و نقول على اللى مش خايف على نفسة "يا حراااام"؟؟

فيه ناس متير بتمشى فى الشارع بمداء "صدرها للى يقدرها" و ناس تانية بتتعمد متبصش على العربيات اللى ماشية عشان تجبر السواقين انهم يقفوا و هما بيعدوا و ناس بتاخد الموضوع حرفة... و فى الاخر لو خبط حد يعمل ميت و يبقى عايز ياخد كل فلوسك

عفوا... اذا مكنتش انت خايف على روحك يبقى متطلبش مننا نخاف عليك

فى ايطاليا واحد بعربية خبط واحد بعجلة موتة... صاحب العربية رفع قضية على اهل الميت طالبهم فيها بدفع تكاليف تصليح عربيتة لان اللى راكب العجلة كان ماشى فى طريق غير مسموح فيه بسير العجل و كان بليل و كان مش لابس اى ملابس تعكس الضوء و بالتالى كان الحادث خطاء راكب العجلة 100%.. طبعا الكلام دة حصل لان هما بلد نضيفة

لو الحادث دة كان فى مصر كان كل الناس قالت "دا اللى راكب العربية ابن كلب و يستاهل الحرق"... طول ما المفهوم دة هو المسيطر على الشعب يبقى لازم تجرى

MMamdouh

**Matrixawy** · 06-07-2008 04:46 PM

المشاركة الأصلية كتبت بواسطة MMamdouh

please explain to

فى ايطاليا واحد بعربية خبط واحد بعجلة موتة... صاحب العربية رفع قضية على اهل الميت طالبهم فيها بدفع تكاليف تصليح عربيتة لان اللى راكب العجلة كان ماشى فى طريق غير مسموح فيه بسير العجل و كان بليل و كان مش لابس اى ملابس تعكس الضوء و بالتالى كان الحادث خطاء راكب العجلة 100%.. طبعا الكلام دة حصل لان هما بلد نضيفة

لو الحادث دة كان فى مصر كان كل الناس قالت "دا اللى راكب العربية ابن كلب و يستاهل الحرق"... طول ما المفهوم دة هو المسيطر على الشعب يبقى لازم تجرى

MMamdouh

كلامك صح مائة فى المائة يا بشمهندس

دائما صاحب السيارة فى مصر هو اللى يشيل الليلة كلها عندما يصدم شخص
و حتى و لو الطرف الثانى هو سبب المصائب

و كلمة افرض و معلش و قلبك يطوعك و الكلام من هذه النوعية يؤدى الى كوارث خطيرة بعد ذلك

للاسف عندنا خلل واضح فى المجتمع و فى الاجرائات القانونية الخاصة بهذه المواضيع
و لابد من اعادة نظر فى الاجرائات و تصحيحها حتى لا تضيع حقوق الناس
و حتى لا يصبح الظالم مظلوم او العكس

-

مشاهدة نتائج الإستطلاع: ماذا تفعل اذا صدمت شخص و انت غير مخطىء؟؟

الموضوع: ماذا تفعل اذا صدمت شخص بسيارتك ؟؟( تجربة واقعيه )

LinkBack

أدوات الموضوع

عرض

-

-

-

-

المواضيع المتشابهه

ماذا تفعل اذا صدمتك سيارة اخرى اثناء قيادة سيارتك ( تجربة واقعية )

ماذا تفعل لو صدمت سياره وصاحبها غير موجود ؟

::: ماذا تفعل لو صدمت سياره وصاحبها غير موجود :::

ماذا تفعل اذا ركنت سيارتك بمكان و اقفلت عليك سيارة اخرى ( تجربة واقعية )

ماذا تفعل فى حالة حدوث زلزال قوى ( تجربة واقعية )

الكلمات الدلالية لهذا الموضوع

المفضلات

المفضلات

ضوابط المشاركة