الموضوع: تحذير ونصيحة- محدش يشترى الصنى الجديدة لعدم توفر قطع الغيار ( تم حل مشكلة العضو )

المشاركة الأصلية كتبت بواسطة mollaELolla

اسئلتى هنا للاستفهام و ليس للاستنكار عشان بس نحب فهم وجهة نظرك
حضرتك عايز توصل لأيه بالظبط؟؟؟
الاخ حاتم saint لم يشكر التوكيل
و لم يقل احد ان الدنيا اصبحت تمام ( و ان كنا نريد ان يتحقق ده مستقبلا عشان مصلحة الاعضاء و ملاك سيارات نيسان)
الاخ حاتم شكر احمد مصطفى على مجهوده و المنتدى و تعاون الاعضاء


أولا خلينا بعيد عن الاخ saint , أنا رديت على كلامه خلاص و وضحت قصدي

و بعدين حضرتك بتقول بلاش معارضين و بلاش مغرضين و حاقدين؟؟؟؟
حد قال عليك حاجة وحشة؟؟؟ عشان تقول " هنطلع احنا طبعا مغرضين و حاقدين "
هوا فى حد ذكر عنك شىء بسوء؟؟
ما حدش قال عليك كده و لو شايف ان الكلام ده يمسك فى شىء فده رايك انت و حضرتك حر فيه و هذه مشكلتك لكن ما حدش قال عليك حاجة

أقول لحضرتك :)
أنا لما بحب أقول حاجة لحد بقوله في وشه
مش بعد ارمي كلام زي كده

المشاركة الأصلية كتبت بواسطة Ahmed.TV

صدقنى كلنا معاك قلبا وقالبا بس ياريت يا استاذ انس حضرتك تحاول تهدى شوية

لان كلامك بعصبية ممكن يجرح اللى حواليك من اخوانك فى الموقع وانت مش واخد بالك .. انا لما طلبت بياناتك مكنتش بصيت على رسائل الزوار .. وقليل ما ببص عليها .. وببص دايما على الرسائل الخاصة .. ردك لما تقراه بعض الاعضاء المتصيدة للفهم الخاطئ دايما.. حتفهم ان انا بقول اى حاجة وعايز اغطى على الموضوع .. وان مجليش رسائل .. وكداب

وانا عارف انك مش تقصد شيئ لى .. بس انا بقولك فى ناس اليومين دول بقا عقلها يشت ويخيل لهم حاجات غريبة ويعبروا باسلوب هجومى وحاد ومفيش اعتبار لمشاعر اخوانهم .. ودايما قراءة الكلام وفهمه بقا بالمزاج دلوقتى وفقا لاهواء الناس االرافضة لنجاح قسم نيسان واعضائه المحترمين اللى بيهمهم مصالح الاعضاء واخوانهم بالدرجة الاولى

والكلام اللى فات ده مش اقصدك بيه شخصيا لا سمح الله .. انا بوضحلك الامور على عقليات اخرى موجودة وعايشة فى مجتمعنا ..


المهم
فعلا والله بالفعل انا باعت ميل للمصنع .. وهما ردوا عليه وقالولى عايزين بياناتك ومهتمين بالموضوع .. وبحاول ان اساعد فى توصيل المشكلة وابعادها الى المسئولين
ونساهم فى حلها .. والحمد لله انها بيتواصلوا معانا عشان يرضوا العملاء ..

لان حل المشكلة ومعالجة الاخطاء بيساعد بالخروج بالنفع بايجابيات و ده من مصلحة الجميع .. سواء للموقع وللاعضاء وللتوكيل

وبصراحة انا حاسس خير .. وان شاء الله االموضوع يتحل على خير ليك وكمان كل حاجة تتوفر لكل الناس باذن الله اقرب فرصة ممكنة

وحاضر حدخل واقرا الموضوع التانى اللى حطيت لى لينكه واجمع بنفسى كل قطع الغيار اللى اصابها التلف وابعتلهم تانى اسماء قطع الغيار مع كود الطلبية اللى حضرتك حطتها

وباذن الله خير
والله المستعان

هههههه ده هو حتى معلم على كلامه
قال لك عقليات أخري و متصيدة للفهم الخطأ LOL

و ده غير المشاركتين بتوع abu3aly و saint2011

و مش بعد اهاجم و اشكك في أي حد يقول كلمة مش عجباني عن التوكيل زي كده

المشاركة الأصلية كتبت بواسطة mollaELolla

حضرتك لا تقصد شيئا بدليل المجهود اللى حضرتك بذلته فى تجميع هذه المواضيع!!! من سبع صفحات و بالوصلات المباشرة بتاعتها كمان!!!
طيب ممكن سؤال؟
حضرتط قرات المواضيع دى؟؟؟؟
شوفت النقاشات اللى فيها؟؟؟
عرفت ان فى اكثر من موضوع تم حل المشاكل اللى فيهم؟؟؟؟
و ان فى مواضيع كان فيها سوء تفاهم لا اكثر؟

المشاركة الأصلية كتبت بواسطة mollaELolla

و الله يا باشا مش انا اللى بدات بالهجوم
و بعدين تفرق لما انك تقول ان فى تقصير او انى شفت كام موضوع و الناس متضايقة

و انك تجمع المواضيع اللى فيها مشاكل من 7 صفحات بوصلاتها و تعرضها لنا هنا و كمان معاهم تاخير الاستلام و اسعار قطع الغيار
طيب ده تسميه ايه!!!!
بزمتك انت مش شايف ان ده ما فيهوش تسخين بدل ما نحاول نساعد العضو و نحل له مشاكله!!!

و بعدين مافيش حاجة اسمها اعتبر الكلام مش موجود انت قلت شىء و استشهدت بموضوع يبقى انت مسؤل عن كلامك
و بعدين تاخير الاستلام ده موضوع تاااااااااااااااااااااااا انى خالص مالوش دعوة بخدمة ما بعد البيع
و الموضوع ده اتكلمنا فيه كتير و فى ناس كان اتاخر استلامها جدا صحيح و اتكلمنا مع الموزعين و مع ناس فى مصنع نيسان كمان
يعنى احنا مش ساكتين
و بعد كده فى ناس كتير متاخرة استلمت و اخدت هدايا مع العربية كمان كنوع من الاعتذار
و بعدين موضوع سرطان الزجاج صاحب العربية ما كلفش نفسه يروح اى مركز خدمة او حتى يشتكى و الاخ احمد مصطفى قال بالنص انه زعلان منه عشان كده بيسيب حقه
انا شخصيا لم ادافع عن الموزعين او التوكيل و الاستاذ شنورى رايه على عينى و على راسى لكن رايه ليس راى الجميع و لا يعبر عن جمهور اعضاء المنتتدى ( لو كان احمد مصطفى بيدافع و خلاص ماكانش يقول للاعضاء ما تسيبوش حقكم)

و موضوع ابو رواش الناس اتصلوا بالعضو عشان يشوفو حل للمشكلة
و الكاوتش اللى انتاجه قديم طلع مش قديم
مش نتاكد

نحن لا ننكر انه يوجد اخطاء و يوجد مشاكل و المهم ان المشاكل تتحل لان ده حينعكس علينا جميعا

و بعدين ايه علاقة اسعار قطع الغيار بخدمة ما بعد البيع؟؟؟؟ الاسعار مش عجباك ما تشتريهاش هذا ليس معناه انها قطع غير جيدة!!
و فى مواضيع تانيه كان فيها مشاكل و اتحلت
و فى عضو هنا عمل موضوع مشابه بيحذر من شراء السيارة و ان قطع الغيار مش موجودة ( بردك عمل حادث)
و بعدها بايام اتحلت المشكلة و الحجات جاءت و اتركبت و العربية رجعت ولا الجديدة

يعنى التوكيل اللى وحش؟؟؟ ولا العربية وحشة (سواء الصنى ولا القشقاى)؟؟؟ ولا قطع الغيار سعرها مش عاجبك؟؟؟ ولا الاعضاء و المنسقين بتدافع عن التوكي ل يبقى هما ناس مش كويسين؟
ولا حضرتك تقصد كل ده مع بعض؟؟؟؟؟؟

و الله اعلى و اعلم
ولا حول ولا قوة الا بالله

و بعدين بلاش بلاش بلاش؟؟؟ بلاش ليه؟!!!
زى ما حضرتك حر فى ابداء رايك حتى و ان اختلف مع اراء البعض
فالناس ايضا احرار فى ابداء ارائهم لاننا هنا فى ساحة لابداء الراى
و ليست ساحة لتكميم الافواه او قمع الناس فكريا

لما يبقى بيتهمني أنا و غيري الإتهامات اللي موجودة في المشاركات
ده ميبقاش تعبير عن الرأي

أنا لما اتكلمت , كان عن العربية والتوكيل و حضراتكم اللي حولتوا الموضوع
لمشكلة شخصية معاكم

وكل اللي طلبته إن يبقى فيه حيادية أكتر في الكلام
يعني مغلطش في أي حد و لو فيه كلمة أنا قلتها في حق حد ياريت تجيبهالي

و ياريت تتقبل كلامى بصدر رحب

المشاركة الأصلية كتبت بواسطة mollaELolla

حضرتك عايز توصل لأيه بالظبط؟؟؟

أولا احب أوضح إن أنا عمر ما كانت مشكلتي مع عربيات ول اتوكيل Nissan

كل التوكيلات في مصرمش على المستوى المطلوب

وعادي جدا إن أي توكيل حتى لو كويس إن يحصل فيه مشاكل

وأي عربية ليها مميزاتها وليها عيوبها )الكمال لله وحده (

بس المشكلة بقى في الأعضاء اللي على طول تدافع عنهم ويبرروا أي حاجة

زي مايكون مالهمش أي عيوب

وأي حد يقول كلمة مش عاجباهم , يبقى على طول يتهاجم

مع إني أول واحد نبهت أستاذ أنس إن الأعضاء هنا ليها اتصال بالتوكيل وإن كان فيه زيارة للمصنع

وإن شاء الله يقدروا يساعدوه وكمان شكرت فيهم

المشاركة الأصلية كتبت بواسطة ahmed-adel

الناس محترمة و إن شاء الله لو فيه حاجة في ايدهم مش هيتأخروا

وكمان حاولت على ا دمقدرتي وجبتله أرقام تجار ممكن يلاقي اللي عاوزه عندهم وكلمتهم عشان اسألهم (بس مش لازم أقعد أكتب عشان الناس تعرف)

ممكن تسألوه لوحابين ومع ذلك فيه أعضاء برده قالت (سواء بشكل مباشرأوغيرمباشر)إني أنا وأعضاء تانية بنصطاد في المية العكرة وإننا حقودين وبتاع ومنهم منسق القسم نفسه !!!!!!

وعلى فكرة مش أنا بس اللي شايف كده

المشاركة الأصلية كتبت بواسطة toty_305

-أنا آسف بجد للي بيحصل
-اللي بيمشي ورا كلام الناس لا يلوم الا نفسه لأن اللي نصحك بيها فينه دلوقتي قلنا كل واحد يدور و يعقلها بنفسه و يسأل ناس أهل للثقه مش مدح وخلاص.
-أي حد كان يطرح وجه نظره بخصوص هذه السياره كان يتم مهاجمته على أساس انها Ferrari بدون مشاكل و التوكيل منزل من السماء والله من زمان قلنا عربيه أقل من تقليديه و هندي.....]
-

المشاركة الأصلية كتبت بواسطة hugan

هندي ازاي
ياباشا انا قولت ان النيسان الجديده هندي كنت هانضرب بالنار
مش عارف معتبرين ان الهندي دي شتيمه
في منتدي تاني عضو في الخليج كان راجع مصر بعربيته صني الجديده
كان عامل حادثه بسيطه جدا
العربيه ادمرت
الراجل بيقول ان العربيه دي يستحيل تكون نيسان عباره عن ورق في بلاستيك

المشاركة الأصلية كتبت بواسطة mmbadroo

سؤال مش برئ
محدش ملاحظ حاجة ؟؟؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة walidzakzok

العربية دي اتعملها دعاية على المنتدى من بعض الاشخاص وكانها عربية فضائية مما ادى ببعض الناس الى شرائها

المشاركة الأصلية كتبت بواسطة mmbadroo

اقسم بالله العظيم انا اعتز بصداقة صقور نيسان علشان فى ناس كوادر فى هذا المنتدى اصبحوا اصدقاء خارج المنتدى وعلى اتصال دائم ومرجع لى فى اشياء عديدة واستفادتى منهم كبيرة ووقفاتهم معايا كثيرة واخشى ان انتقض اى شئ فى القسم حفاظا على صداقتهم لأنى يعز على جدا زعلهم منى وانا لو تركت نفسى للرياح هيزعلوا - ولذلك دائما بتكلم بتحفظ شديد خوفا على مشاعرهم نعم اقصد مشاعرهم ..........ليه علشان للأسف هما اعتبروا كلمة أو علامة نيسان خط احمر وهذا هو الخلاف الوحيد والأوحد بينى وبينهم علشان كده احياننا كثيرة يبقى فيه مداخلات ببعد نفسى عنها
وما يحدث معنا بالعكس فانا دائما اعترف ان توكيل هونداى أوكيا للأسف مش على المستوى المرضى للعميل على الإطلاق طبعا ده شئ طبيعى فى مصر وهجمت مرة بسبب ذلك ومن وقتها قلت خلينا اصحاب احسن معنديش استعداد اخسر ناس فاضلة ذى الناس دول
معلش والله انا اتجريت فى الكلام ومتردد اعتمد هذه المشاركة معلش بقى هى جت كده
بس ياريت الجواب هو انتم ملحظين إيه ؟؟؟؟؟؟؟؟؟؟؟؟؟؟؟؟؟؟؟

كل دول أعداء النجاح صح ؟؟!!!!!!!!!!

التوكيل ليه مشاكل كتير ودي مش أول مشكلة

من سوءمعاملة وعدم توفرقطع غيار و تأخرالإستلام

بس طبعا كله كان مستخبي بسبب دفاع الاعضاء والمبالغة في مدحه

دي مشاركات أعضاءبتشتكي من التوكيل في الموضوع نفسه

ده غيرقايمةالمواضيع اللي سبق وجبتها قبل كده

المشاركة الأصلية كتبت بواسطة Amr Axel

مفيش حاجة تتقال غير ربنا يعينك
و بالرغم اني سوزوكي لكن نفس التوكيل طبعا و من اول صيانة مروحتش تاني و قولت بلا ضمان بلا وجع دماغ اذا كان من اولها كده ده كفاية معاملة العبيد اللي الواحد اتعاملها مقارنة مع مالكي النيسان اللي كانوا معايا و اذا كان ملاك النيسان اللي بقول بيعاملوهم احسن بيشتكوا فتخيل المعاملة اللي اتعاملتها لما روحت ده غير طريقة اللي طلع يجرب العربية كانه عايز يخربها من اول الطلعة الامريكاني و شدو حرقه و الفرامل و العربية لسه في التليين و كان ناقص ارميه من الشباك من اللي عمله
انا بعمل الصيانات بنفسي و الحمد لله مواجهتش اي مشاكل و بجيب القطعة اللي عايزها و كل حاجة قدامي و مبدفعش المبالغ الضخمة اللي سمعتها

بس بصراحة غريبة خبطة كلب تعمل كل ده و لما شوفت الاسعار و المصنعيات بصراحة مازلت مصدوم ربنا يكون في عونك الحاجة اللي لقيتها رخيصة في الاسعار مية الريداتير d:

المشاركة الأصلية كتبت بواسطة wdramiz

احلي حاجة ...اتصلت اليوم بأحد توكيلات نيسان للسؤال عن السيارة .....فأخبرني بأن التسليم بعد 4 شهور ....لية ياعم الحاج ..... اصل مصر كلها بتحجزها .....طيب قطع الغيار متوفرة .... ضحك بسخرية قائلا طبعا الصيني بتتصنع في مصر .... وموجودة عند البقالين ..... طيب في ناس بتشتكي ان مافيش قطع غيار ليها ....... هاها كذب دول اعداء النجاح وضد الصني .... طيب انت عايز تحجز عربية .....لا شكرا انا باسأل بس .......

دي مصر ياعبلة

المشاركة الأصلية كتبت بواسطة m_love4me

لا حول ولا قوه الا بالله العلي العظيم

مع الاسف الشديد و الاسي ال اكيد كلنا بنشعر بيه نتيجه للمشكله ال حضرتك بتمر بيها

مع تذكري انى نصحت حضرتك ف الموضوع السابق وقولتلك اسحب العربيه من عند السبع تماما

اولا نصابين وحراميه , ثانيا جهلاء ومايعرفوش اى حاجه
اكتر من انك تعمل صيانتك شكرا

عربيتي فضلت شهر على مشكله لا تكاد تذكر ,, واير الفتيس كان اتقطع والعامل ال غيره ماركبش الغطا بتاع الفتيس ال اسفل العربيه
وفضلت اعاني من سخونه رهيبه بداخل كونسول العربيه , والعربيه شهر ف التوكيل بيدوروا على حل
بالذات المهندس الفاشل ال اسمه عبدالرازق , انسان رخم وفاشل بكل الوصف

فعلا فشله الكليات بيرموه ف التوكيلات دي , وعمال ليس لديهم اى شكل او نوع من انواع الخبره او المعرفه


حضرتك اسحب عربيتك من عندهم واركنها ف اى حته وجمع قطع الغيار براحتك

انا كنت عملت موضوع , قولت انى كنت معجب جدا بالعربيه لكونها نيسان فقط
لكن لما نزلت اشتري العربيه لصديقي , قارنت بينها وبين عربيات تانيه من حيث الخامات و الجوده
العربيه زباله وان الموديل القديم افضل وانظف منها مليون مره واقوي

والناس هنا كتير هاجموني وقالول انت تعرف ايه قصاد توفير البنزين وقصاد الوسع و العفشه المريحه
قولتهم شكرا

ابعد عن السبع بالذات لانهم فشله بمعنى الكلمه
يمكن محترمين وقليل فيهم , ولاحقاق الحق , المهندس احمد ناجي فقط هو ال فيهم , الباقي كلهم اشكال ربنا يعلم بيها

السبع كان افضل توكيل بالنسبه ليا طول ما انا بعمل صيانات عاديه , ومع اول حادثه ف العربيه
اتصدمت فعلا بغباءهم وجهلهم الشديد
وما تخافش العربيه مش هتطلع من الضمان

انا عربيتي غيرت فيها رفر واكصدام و رادتير و وسربنتينه وكلها حاجات من التوكيل
ما عدا السربتنينه

لكن عملت كل حاجه بره عند ناس ف الزقازيق عندنا
والعربيه ممتازه والحمدلله
وغيرت الايرباج كمان , بس ماجبتوش من التوكيل , اشتريتوا من الخارج ,,
والعربيه لسه ف الضمان والحمدلله

لكن للاسف انا مش هروح التوكيل تاني , الا لو فاضى مثلا وعاوز اربط عفشه واغير زيت


حضرتك اسأل كويس ف الحرفين عند العالميه , واحمد جابر وغيرهم

لو تحب خد رقمي 01000843813 وانا اسأل لحضرتك

ياريت تجيب ارقام قطع الغيار
لان القطع كلها ف الكاتلوج نفس الشكل

بس ال بيفرق كود المصنع
هات ارقام الاكواد بتاعتها من وائل ولا اى حد ف التوكيل

واحنا نشوفلك القطع على النت ونشتريها بأذن الله


تحياتى لك

المشاركة الأصلية كتبت بواسطة Mohamed.Ali

طيب يا جماعة انا باكد كلام الراجل

انا عربيتى عامله 5500 كم وبشتكى من صوت التزييقه عند الفرامل والمفاجاة ان ظهر صوت جديد صفارة رحت السبع عند 3000 كم قالى دى الصاجة واما تيجى هنكلمك وصوت الصفارة دا بس كانت عايزة تنضيف

المهم رحت اوتو ايجيبت عشان اعمل صيانة 5000 كم قالى العربية عايزة تغير طنابير امامية وتيل !!!!!!!!

طيب بسبب ايه يا عم ... الباشمهندسة قالتلى بسبب ان حصل تاكل عشان نوعية التيل مش عالية الجودة ومتخافش دا فى الضمان

طيب يا ستى غيرى ... لا ماهو حضرتك لازم نبعت ايميل للشركة عشان يوافقوا فحضرتك هكلمك بكرة

وبكره دا من شهر مجاش

وانا قررت انى هلجا لجهاز حماية المستهلك وهرفع قضية عالشركة

وهسيحلهم بقى فى كل وسائل الاعلام لو المشكلة متحلتش

هو يعنى اصلا يبقى فى مشكلة عامة فى كل عريبات نيسان والشركة متسحبش العربيات وتصلح العيب زى اى شركة محترمة

والسلام ختام

المشاركة الأصلية كتبت بواسطة sherifezzat

السلام عليكم
اولا احب اصبر صاحب الموضوع وربنا يكون في عونه ويعدي موضوعه على خير إن شاء الله

حبيت اضيف في موضوع نقص قطع الغيار اني بشتكي من موضوع صوت تزييق الفرامل وصفاره جامده من ساعه ماشتريت النيو صني شهر اغسطس وعامل بيها 8000 كيلو لحد دلوقتي والسبب زي مافهمت من اوتو ايجيبت صاجه تيل خلفي والموضوع ده ناس كتير بتشتكي منه مش انا بس المهم لحد دلوقتي مفيش اي جديد والقطعه مش متوفره

حاجه تانيه موضوع الطنابير اللي عايزه تتغير لما عملت صيانه ال 5000 والسبب انها قطعه استهلاكيه وبره الضمان بعد 5000 كيلو ؟؟؟؟ ومش عايزيين يغيروها في الضمان

ارجو من المشرفين على القسم فتح موضوع لتجميع جميع الشكاوى الخاصه بالنيو صني الخاصه بعدم توافر قطع الغيار او عيوب الصناعه من اصحابها بالتفصيل ونبعت شكوى جماعيه لنيسان او تصعيد الموضوع لحمايه المستهلك في حاله عدم الوصول لنتيجه مع نيسان
شكرا

أقسم بالله ماتحامل عليه بس دي من أكتر الشكاوي اللي سمعتها من توكيل هنا في المنتدى

وفيه توكيلات مبيعاتها أكتر بكتير وليها أعضاء كتير هنا برده وتوكيلات سمعتها مش كويسة بس محدش سمع كمية الشكاوي دي

وبعد كل ده يقولوا إني حقود وبانتهزالفرصة عشان اصطاد فالمية العكرة

طب بالذمة ده كلام !!!!!!!!!!!

ده أنا جايبلك 8 مواضيع وأكيد فيه مواضيع تانية ,ده غير مشاركات الأعضاءاللي فوق

وساعتها أستاذ molla قال لي إن المشاكل كلها اتحلت

احقاقا للحق فيه موضوعين من ال 8 :

• واحدطلع صاحبه غلطان في قراية تاريخ إنتاج الكاوتش وده أنا اعترف إني مكنتش قريته
• والتاني صاحبه ضيع حقه بانه ماطالبش بيه مع إن مفيش إزاز يسرطن بالسرعة دي

عيب تصنيع يعني

ومفيش أي حلول من التوكيل في المواضيع

ولو أنا غلط وروني الحلول و أناسبق وطلبت ده ويا رب أكون غلطان

المواضيع موجودة وأي حدممك نيشوفها

كنتوا فين بقى من الشكاوي دي كلها

الموضوعمشمفاجأةولاحاجةولاهوانتهازفرصزيماأنتمعاوزينتفهمواالناس

على اد ما هو عدم حيادية و مجاملة على حسب الناس اللي بتنضر

-جدال لن ينتهي
-انا قولت قبل كده النيسان أصلا حرام :b4_039:

المشاركة الأصلية كتبت بواسطة mollaELolla

و كما هو من حقك ان ترد و تتكلم و تبدى رايك سلبا كان او ايجابا
فمن حق الناس ان تتكلم حتى و ان لم يعجبك هذا الكلام

و اكرر

واضح إنك مقرتهاش من أول مرة

لما تبقى بيتهمني أنا و غيري الإتهامات اللي موجودة في المشاركات
ده ميبقاش تعبير عن الرأي

رايك إنت حر فيه و قول اللي إنت عاوزه من غير ما تجرح في حد
بدل ما ترمي مشاكلك على الغير و تلومه , اعترف بيها و حاول تحلها أحسن


أنا لما اتكلمت , كان عن العربية والتوكيل و حضراتكم اللي حولتوا الموضوع
لمشكلة شخصية معاكم

وكل اللي طلبته إن يبقى فيه حيادية أكتر في الكلام
يعني مغلطش في أي حد و لو فيه كلمة أنا قلتها في حق حد ياريت تجيبهالي


[QUOTE=mollaELolla;3874667326]استاذ ahmed-adel
لم يهاجمك احد

لم يوجه احد الى شخصك هجوم
فاذا اراد ان تاخذ كلام الاخوة الاعضاء على نفسك فهذا مشكلتك
/QUOTE]

المشاركة الأصلية كتبت بواسطة saint2011

مش ذنبى أن حضرتك واخد الكلام على نفسك أنا قلت المغرضين وضعيفى النفوس لو حضرتك مش منهم زعلان ليه ؟؟؟؟؟؟؟؟؟
وده هجوم على المغرضين وضعيفى النفوس وحضرتك زعلان عليهم ليه ؟؟؟؟؟؟؟؟؟؟
مش فاهمك بصراحة فهمنى قصدك أيه ؟؟؟؟؟؟
أيوه بهاجم المغرضين والحاقدين واللى عايزة تشعلل الموضوع وخلاص بدون تقديم حلول او مساعدة لصاحب الموضوع ده يزعل حضرتك فى أيه فهمنى؟؟؟؟؟؟؟؟؟؟؟؟

يارب يارب يارب تكون فهمت ولو فهمت لو سمحت من فضلك فهمنى سبب أعتراضك

بالنسبة لكلام , إنت اخدت الكلام على نفسك ليه و مش عارف إيه
هنضحك على بعض ؟؟!!!!!!

اللي اعترضوا معروفين و أكتر ناس عملت مشاركة هم أنا و أستاذ mmbadro
إلا بقى لو حضرتكم تقصدوا ناس تانية مش مشاركة في الموضوع أساسا

و أنا سبق و وضحت إني لما بحب أقول حاجة لحد , بقولها في وشه
من غير غلط

مش أقول أصل إنت اللي أخدت الكلام على نفسك

طيب يا سيدي مشكور إنك متقصدنيش أنا
إنت تقصد مين بقى ؟؟؟؟؟؟؟؟؟؟؟

عشان نخلص الجدل الكبير ده

مش معايا أنا بس لأن من كلامكم إن ده مش أول مرة يحصل

أنا عندي حل بسيط جدا وفي نفس الوقت مش هيعطلنا عن مساعدة الاخ انس

ممكن نعمل استطلاع في المنتدى العام ونسأل الأعضاء :

هل تري ان أعضاء Nissan يبالغون في وصف و الدفاع عن توكيل وسيارات نيسان عموما والصني خصوصا ؟؟

ونشوف رأي الناس إيه وأنا عن نفسي لو طلع الاستطلاع في صالحكم , اتمنع من كتابةأي تعليقات في قسمكم واتوقف لو كتبت أي حاجة في قسمكم .

بس في المقابل برده لوالاغلبية شافت إن فيه مبالغة فعلا ,قسم Nissanيحط الاستطلاع ده في المواضيع المثبتة عشان كل اللي يدخل يشوفه

ويبقى فيه شروط لضمان الحيادية ومنع اللمجاملات :

1.لا يجوز لاي عضو في Nissan إنه يصوت

2.لا يجوز للإدارة أو المنسقين التصويت

3.لا يجوز للأعضاء التي لم تمرعلى عضويتهم شهر أو اكثر التصويت

ونسيب الموضوع ده أسبوع وبعدها نشوف النتيجة

لو موافقين, أي حد يتفضل يعمل موضوع فيه استطلاع مرئي
(يعني كل الخطيرة تبقى مرئية )

لاني معملتش استطلاعات قبل كده ومعرفش بيتعمل إزاي بصراحة