الموضوع: عداد الـrpm ... إزاي تستخدمه؟؟؟

المشاركة الأصلية كتبت بواسطة borio1704

الله يكرمك ويبارك فيك.. والكلام ده كتير عليا والله :)



بالنسبة لملاحظة حضرتك عن محول العزم

الغرض الأساسي لمحول العزم هو إنه يبقى بديل للكلتش أو الدبرياج الموجود في الفتيس المانيوال.. وبالتالي هو أحد أنواع الـCouplings


والمعروف إن كل أنواع الـCouplings الغرض منها هو نقل الحركة وبنفس السرعة "بقدر الإمكان".

يعني أي "فلنشة" هي Coupling... وأي دبرياج هو Coupling .. وأي "كوبلن" هو Coupling... وأي وصلة كردان هي Coupling


بس اللي حضرتك بتسميه نسبة تخفيض أنا بسميه نسبة "تفويت"....

ليه؟؟

علشان المفترض إن الـCoupling ينقل الحركة بنسبة 100%... ولكن طبيعة أي Coupling بينقل الحركة عن طريق الموائع "Fluids" إنها يحصل فيها بعض التفويت.. اللي في الحقيقة بيبقى مطلوب.


باختصار.. زي ما بيحصل في اسطوانة الدبرياج العادية.. بيحصل هنا في محول العزم

في الدبرياج.. بيحصل احتكاك بين الاسطوانة والديسك .. والاحتكاك ده هو اللي بيخلي الاسطوانة تلف وبالتالي بتنقل الحركة تدريجيا وتبدأ العربية تمشي.. وفي نفس الوقت حافظنا على عزم عالي للمحرك.

والاحتكاك المفروض إنه بيقف لما يحصل تلامس تام بين الاسطوانة والديسك... ساعتها بيبقوا الاتنين كإنهم جزء واحد

نفس الفكرة موجودة في محول العزم...

الفكرة ببساطة موجودة في الرسمة دي:



ده نفس اللي بيحصل في محول العزم ... المروحة الأولى بتعمل دوامة بتخلي المروحة التانية هي كمان تلف.

بس وجود الـStator بيساعد إن نقل الحركة يتم بسرعة وسلاسة في نفس الوقت.



موضوع تكبير العزم مش مقصود منه إن المحول العزم بيكبر عزم الموتور ... المقصود منه إنه يحافظ على الموتور شغال بعزم عالي لحد ما ينقل كل عزم الدوران إلى الجزء الآخر.


على فكرة... محول العزم مش هو الـCoupling الوحيد اللي بيستخدم الموائع...

فيه Coupling تاني مشهور في العربيات إسمه Viscous Coupling... وده مستخدم أساسا في العربيات الـ4×4 وأحيانا في العربيات اللي فيها ESP علشان يوزع العزم على العجلات اللي ماسكة في الأرض ويقلله من العجلات اللي بتفوت.

زي ده ...


وفيه واحد تاني كمان كان بيركب على مراوح الرادياتير في عربيات الدفع الخلفي (الأمريكية واليابانية تحديداً).. وده اللي بيخلي المراوح تفصل وتشتغل


زي ده....



عموما.. محولات العزم الحديثة بيركب عليها حاليا اسطوانة دبرياج علشان تمنع التفويت.. وخاصة في الفتيس الستيبترونك... وفعليا.. هو ده اللي بيديك إحساس إن العربية بقت ماشية زي العربيات المانيوال لما بتحول على وضع اليدوي.



يعني لما بتحول على الوضع اليدوي... ما بيبقاش فيه تفويت..



...

الله يخليك يا هندسه وربنا يبارك فيك

بس معلش حأكد على النقطه دى تانى

انا معاك ان محول العزم يعتبر coupling برضه فى بدايه تشغيله عادى مفيش خلاف

بس انا النقطه اللى ااقصدها ان مش دى مهمته فقط

وان انا متأكد ان فى السرعات البطيئه بيكبر العزم وكمان بنسبه 3: 1 على ما اتذكر

لو تلاحظ حضرتك ان كل الامثله اللى حضرتك اللى ذكرتهم فوق على ال coupling كل دول مفيهمش stator

لانهم يعتبروا coupling عادى جدااااا بينقل الحركه من عمود رقم واحد الى عمود رقم 2

لكن محول العزم بتاعنا يختلف انه يعتبر بينقل الحركه مع تكبير العزم
وفى السرعات العاليه بيتحول انه بينقل الحركه فقط مع عدم تكبير العزم
والسبب فى كده هوا وجود ما يسمى بال stator
هيا دى النقطه اللى بتكلم فيها

معلش استحملنى كمان

على حسب علمى اعرف ان الفتيس الستيبترونيك هوا فتيس اتوماتيك عاادى جداا جدااا ويوجد برضه به محول عزم

كل الامر هوا اختلاف فى طريقه ارسال الاشاره لوحده الكنترول بتاعه الفتيس

فى الفتيس الاتوماتيك العادى كل الاشارات تاتى من ECM للسياره فقط لا غير

فى الفتيس الستيبترونيك عند التحويل للستيبترونيك مود يأتى وقت وتحديد النقله المناسبه عن طريق المستخدم اللى هوا السائق مع وضع محازير لا يتم تجاوزها عن طريق الكمبيوتر ( فى بعض الاوقات الكمبيوتر بيلغى اومر السائق لانها تعتبر غير ممنطقيه)

والله الهدف بس انى ااكد على النقطه لحسن اكون بقالى كتير وفاهمها غلط لانى فاكرها من ايام الكليه كويس

انا بحثت فى ويكيبديا ولاقيت الاتى

In modern usage, a torque converter is generally a type of fluid coupling (but also being able to multiply torque) that is used to transfer rotating power from a prime mover, such as an internal combustion engine or electric motor, to a rotating driven load. The torque converter normally takes the place of a mechanical clutch in a vehicle with an automatic transmission, allowing the load to be separated from the power source. It is usually located between the engine's flexplate and the transmission.
The key characteristic of a torque converter is its ability to multiply torque when there is a substantial difference between input and output rotational speed, thus providing the equivalent of a reduction gear. Some of these devices are also equipped with a temporary locking mechanism which rigidly binds the engine to the transmission when their speeds are nearly equal, to avoid slippage and a resulting loss of efficiency.

المشاركة الأصلية كتبت بواسطة borio1704

مفيش أي مشاكل يا بشمهندس :)... احنا كلنا بنتعلم من بعض

وأنا شخصيا استفدت من كلام حضرتك كتير والله :)

أنا يمكن مش باستخدم المصطلحات العملية كتير... ودايما بحاول ابسط المفاهيم علشان زملاءنا في المنتدى وغير المتخصصين يفضلوا معانا عالخط وما يبقاش الموضوع مبهم بالنسبة لهم.



اتفق مع حضرتك إن محول العزم يختلف عن معظم الـCouplings التانية

بس موضوع مضاعفة العزم "Torque Multiplication" ده موجود كمان في الكلتش العادي بتاع العربيات المانيوال..


إزاي؟؟


علشان مضاعفة العزم جاية أساسا من اختلاف السرعات بين الـinput والـoutput

الكلام ده مكتوب في نفس الفقرة اللي حضرتك استشهدت بيها

The key characteristic of a torque converter is its ability to multiply torque when there is a substantial difference between input and output rotational speed, thus providing the equivalent of a reduction gear. Some of these devices are also equipped with a temporary locking mechanism which rigidly binds the engine to the transmission when their speeds are nearly equal, to avoid slippage and a resulting loss of efficiency.

وده نفس اللي بيحصل تقريبا في الدبرياج المانيوال بتاع العربيات... وبالذات في بداية تحريك العربية... بس بيحصل بتكنيك مختلف.. اللي هو الـslipping ما بين الدسك والاسطوانة.

اختلف مع حضرتك فى النقطه دى لان ال slipping يعتبر جزء من فقد القدره ودى حاجه مش عاوزينها اصلا انها تحصل وبنحاول اننا نقللها على قد ما نقدر وعلشان كده نقل القدره بواسطه الكلاتش او السيور مبيقبقاش بنسبه 100% وفى جزء مهدر بيضيع فى الهوا اللى اسمه slipping بعكس التروس وده مش بيكبر العزم نهائيا بالعكس ده بيقلل العزم ولما بيحصل slipping اكتر من اللازم بنروح نغير اسطوانه الدبرياج يعنى احنا اصلا بنتمنى عدم وجود ال slipping من اساسه مش حاجه كويسه اصلا






أتفق معاك بدون شك إن الـstator جزء فعال جدا في محول العزم... ولكن هدفه الأساسي هو زيادة كفاءة نقل الحركة... لإن بدون وجوده هتبقى كفاءة نقل الحركة لا تتعدى 50-60 %

The stator resides in the very center of the torque converter. Its job is to redirect the fluid returning from the turbine before it hits the pump again. This dramatically increases the efficiency of the torque converter.

هل معنى كده ان كل hydraulic coupling العاديين اللى مفيهمش stator كفائه النقل بتاعتهم 50 او 55 فى الميه بس ؟؟؟؟؟؟؟

لا اعتقد


الكلام ده مكتوب هنا:
HowStuffWorks "The Stator"



أما بالنسبة للفتيس الستيبترونك... فهو فعلا زي ما حضرتك وصفت..

يزيد عنه حاجة واحدة... إن محول العزم فيه Lockup Clutch... والكلام ده مكتوب بردو في فقرة ويكيبيديا اللي فوق.

صحيح إن فيه جيربوكسات أوتوماتك تانية فيها Lockup Clutch... بس مش كلها.. ده غير إنها بتتعشق فقط على السرعات العالية

إنما كل الجيربوكسات الستيبترونك فيها lockup Clutch.. وبتتعشق لما بنحول على الوضع اليدوي.. وبنحس بيها جدا لما بنشيل رجلنا من على دوراسة البنزين ويحصل Engine Brake زي الجيربوكس المانيوال بالضبط.



...