عداد الـrpm ... إزاي تستخدمه؟؟؟

**borio1704** · 28-03-2014 11:07 PM

المشاركة الأصلية كتبت بواسطة محمود الطيب

انا معايا سيارة اوبترا 2008
عندي عداد rpm كان في الغيار الخامس بيجيب سرعة 120 علي 3000 لفة دلوقتي لقيته علي سرعة 120 بيجيب 4000 لفة ومش عارف السبب اية مع العلم اني كشفت عليها بالكمبيوتر لاقيها تمام

غالبا... اسطوانة الدبرياج مفوتة

لو ما غيرتهاش من ساعة ما جبت العربية.. يبقى اللي بيحصل ده طبيعي... خصوصا لو كنت بتستخدم الدبرياج بطريقة مش سليمة.

**borio1704** · 15-04-2014 04:29 PM

المشاركة الأصلية كتبت بواسطة Bently

احب اشكر حضرتك على موضوع الجميل...و بصراحه موضيعك كلها شيقة

كنت عاوز اعرف ليه الغيار الاول معديش بيه 1500 لفه و باقى الغيارات عادى؟ اشرحها بالتفصيل اكتر

مفيش أي قيود على أي غيار غير إنك ما تعديش الخط الأحمر .. وحتى لو عديته فالمفروض الموضوع ده لا يتعدى ثانية أو ثانيتين على الأكثر.

يمكن حضرتك قصدك على المشاركة دي:

أولا.. مبروك عليك العربية، وربنا يباركلك فيها ويكفيك شرها

ثانيا... أول نصيحة لاستخدام التاكوميتر هي.... انسى صوت الموتور... بمعنى إنك ما تربطش صوت الموتور بقراية العداد (ده بفرض إن العداد سليم وبيقرا صح)... فلو حسيت إن العربية صوتها علي وكنت ناوي تشد بيها مثلا... ما تقلقش مادام ما عدتش الخط الأحمر.

يمكن بس اللي ممكن أنصحك بيه هو إنك ما تزودش سرعة الموتور عن 1500 rpm لما تيجي تقوم العربية على الأول

وبقية النصايح مش هتخرج عن اللي مكتوب في الموضوع من ناحية القيادة العادية والرياضية

المقصود هنا إنك في وقت ما بتقوم العربية من السكون وانت بترفع رجلك من على الدبرياج تحاول بقدر الإمكان ما تزودش دوران الموتور عن 1500 RPM..

ليه كده؟؟

علشان اسطوانة الدبرياج بتشتغل عن طريق الاحتكاك.. وهي معمولة من نفس مادة تيل الفرامل

كل اللي احنا بنحاول نعمله إننا نقلل من مدة وقوة الاحتكاك بين اسطوانة الدبرياج (Clutch Disk) والحدافة (Flywheel) بتاعة الموتور علشان الاسطوانة تعيش معاك

فلما تخلي دوران الموتور في أقل الحدود الممكنة وانت بتقوم العربية (من غير ما تطفي منك طبعاً) ده معناه احتكاك أقل وبالتالي مدة خدمة أطول وأداء أحسن.

لو عايز تعرف فكرة عمل الدبرياج ممكن تشوف الفيديو ده

http://www.youtube.com/watch?v=pqF-aBtTBnY

...