تجربة قيادة محبطة للسيارات الالمانى مقارنة بالكورى فى شم النسيم

**4fun14** · 17-05-2013 02:41 AM

المشاركة الأصلية كتبت بواسطة yasserelsayad

انت واخد فكرة غلط خالص عن الالمانى
عادى هى عربيات عادية جدا بس بيكون ثباتها احسن شوية والخامات افضل وبعض منها مواتير اقوى ودا طبعا راجع لفرق السعر باردوا وتطور الالمان فى نظم الاتزان
وطبعا كل عربية بيبقى فيها ميزة بتفرقها عن الباقى

انا مسوقتش المانى كتير بس كل يوم بركبها مع زميلى واحنا رايحين الشغل
بى ام 316 موديل 2007
وكفايه احساسى ان الشارع كله فى وادى وصالون العربيه وادى تانى
ممكن اتفهم انى واخد فكره غلط عن الكورى حيث ان عربيتى كورى قديمه شوية
لكن الالمانى اكيد لا

**Walid_M** · 17-05-2013 02:46 AM

**ashouhdy** · 17-05-2013 03:01 AM

عارفين لو كنت كتبت نفس الموضوع دة بس مكتوب فى بياناتى انى امتلك عربية مثلا فرنساوى او اسبانى او حتى المانى بس مختلف
كان الكل قال

اة والله
اة والله
اة والله

:)))))))))

**ashouhdy** · 17-05-2013 03:23 AM

معاك طبعا ان سعر الكورى دلوقتى استهبال رسمي وان اعلي سعر المفروض يكون لية هو 130-140 الف ودة فعلا رانج السعر سنة 2011 لما جبت عربيتي

Sent from my GT-N7100 using Forum Runner

**ashouhdy** · 17-05-2013 12:41 PM

المشاركة الأصلية كتبت بواسطة Land_Cruiser

هي ال 320 مش عاليه عن الارض فعلا بس مش ناشفه للدرجه اللي حضرتك وصفتها دي يمكن يكون ضغط الهواء في الاطارات زياده و لا حاجه ده اللي خللي حضرتك تحس بالشعور ده و اتفق مع الآراء اللي بتقول ان الفرق في الخامات المستخدمه و الخبره و عوامل الامان يعني العربيه تقفل عدادها و كمان تحافظ علي اللي جواها و دي المدرسه الاوروبيه بتهتم بحاجات زي الامان و جوده الخامات و جوده التقفيل و البيئة و استهلاك البنزين و ده مختلف مع المدرسه الآسيوي اللي بتركز علي اكبر مجموعه كماليات و اسرع سحب بس ينقصها جوده الخامات و الاهتمام بالأمان و طبعا الكلام ده له قياسات و اختبارات تصادم وحاجات زي كده و من الامثله البسيطه ان حضرتك تلاقي السيارات الأوروبي بيقول عدد الاحصنه الصافي بينما الاسيوي بيقول الاجمالي مثلا. انا علي فكره ضد مبدأ التعميم خالص لان كل موديل جوه كل ماركه حتي مختلف عن التاني و عند الاختيار المفروض الواحد يحدد احتياجاته و يشوف هتتوافر في اي موديلات لأي ماركات و يقارن ما بينهم حتي يختار الانسب له ففي مثالنا لو اولوياتي الامان مثلا هادور علي الالماني او الاوروبي و هيبقي سيدان مش suv و لا mpv علشان السعر الوهمي طبعا بينما لو عائلتي كبيره شويه و الميزانيه محدوده يبقي هادور علي mpv و تبقي عاليه عن الارض وثمنها وقطع غيارها أسعارهم معقوله ممكن أدور علي الكوري و مش شرط ان لما ربنا يفتحها علي بعد كده أني لازم أجيب سيدان و ما تكفيش عيلتي كلها علشان التطور ان الالماني هو التطور الطبيعي الكوري و الياباني الكلام ده راحت عليه خلاص المهم ميزانيتي قد ايه و احتياجاتي ايه و موجوده فين

كلام جميل ومتفق معاك بس احب اضيف اللى خلانى ادور عاي النت كمان اية ان دلوقتى نادرا تلاقي عربيات واخدة فى تصنيفات الامان الاوروبية اقل من 5 نجوم. السيراتو القديمة 4 الجديدة 5 السبورتاج واخدة 5 وواخدة افضل suv فى امريكا
هى عندنا لو الاسعار ترجع تاني ذى من سنتين يبقى اتوقع اكتساح تام و كل عوامل الامان بقت ستاندارد خلاص حتى فى المانيوال مش ناقص غير ال esp وفرق او متعة القيادة بقي مقارب جدا

Sent from my GT-N7100 using Forum Runner

**lanos2004** · 17-05-2013 02:15 PM

المشاركة الأصلية كتبت بواسطة m_elkhishin

انا عندي سؤال مش قادر الاقي له اجابة

في دول الخليج برغم القدرة الشرائية العالية جدا، ليه العربيات الالماني قليلة جدا، والاوروبي - باستثناء السوبر كارز عشان مفيش بديل ليها- شبه منعدمة؟؟!!!!!

درجات الحرارة المرتفعه هى السبب
والعربيات الاوربى القديمه كانت بتسخن وتكييف متواضع مما ادى الى عدم الرواج فى تلك البلاد التى تشبه الجحيم

**m_elkhishin** · 17-05-2013 03:00 PM

المشاركة الأصلية كتبت بواسطة lanos2004

درجات الحرارة المرتفعه هى السبب
والعربيات الاوربى القديمه كانت بتسخن وتكييف متواضع مما ادى الى عدم الرواج فى تلك البلاد التى تشبه الجحيم

مش بس كدة
بالاضافة الى ما ذكرت حتى في العربيات الحديثة:

1- سعرها اعلى بكتير من البدائل بشكل لا يتناسب مع فرق الجودة لنفس الفئة. وبالتالي بنفس تمن الاوروبي تقدر تجيب بديل اعلى بكتييير وفئة اعلى بكتير. يعني مثلا بتمن باسات سي سي تقدر تشتري هيونداي جينيسس سيدان فوللي لودد تفوق الباسات في الخامات والموتور وحتى الثبات بحكم الفرق الشاسع بين الفئتين او كرايسلر 300c V8. وبتمن BMW الفئة الثالثة 330 ممكن تجيب هيونداي سنتنيال او كاديلاك.

2- بالرغم من ارتفاع سعرها، اعتماديتها سيئة واعطالها كتير خصوصا في الماركات الشعبية زي الاوبل والسكودا والفولكس والبيجو والستروين....الخ.

3- اللي بيشتري الماني في الخليج بيشتريه عشان المنظرة لانه سعره غالي جدا ومعروف ان اللي بيشتريه ميهموش الفلوس سواء في الصيانة او اعادة البيع وبالتالي بياخد مقابل ده برستيج اعلى. طبعا انا اقصد بالالماني BMW - مرسيدس - اودي. الماركات الشعبية التانية مبيشتريهاش غير المصريين والشوام.

-

-

الموضوع: تجربة قيادة محبطة للسيارات الالمانى مقارنة بالكورى فى شم النسيم

LinkBack

أدوات الموضوع

عرض

-

-

-

-

-

المواضيع المتشابهه

تجربة قيادة دودج رام

تجربة قيادة :: كيا سيراتو ::

تجربة زيت ليكوى مولى الالمانى

تم تجربة هديه قسم نيسان (منظف الانجكشن ) من لكوى مولى الالمانى على صنى موديل 2008

تجربة قيادة الفيرنا

الكلمات الدلالية لهذا الموضوع

المفضلات

المفضلات

ضوابط المشاركة