الموضوع: رحلتى مع الالفاروميو 156

ربنا يكرمك ويخليك ده من ذوق حضرتك ... وكل سنة وانت طيب

المشاركة الأصلية كتبت بواسطة svneleven

عربية حكاية ربنا يباركلك فيها و خلي ايدك فيها علي طول عشان ما تضايقكش.

الله يباركلك ... العربية الحمد لله رضيانى جدا وكل ما بركبها بحمد ربنا عليها ... وأنا ناوى ان شاء الله اتابعها فى صيانتها ... حتى انى حددت بقية الحاجات اللى عايزة تتعمل وحاشتغل فيها واحدة واحدة

شوفت واحده فى بورسعيد من سنتين وكنت هموت واجيب زيها بس ماحصلش نصيب لانى مالقيتش الحاله اللى تنفعنى لكن عربيه جميله وشيك ربنا يباركلك فيها

المشاركة الأصلية كتبت بواسطة فتح الباب

شوفت واحده فى بورسعيد من سنتين وكنت هموت واجيب زيها بس ماحصلش نصيب لانى مالقيتش الحاله اللى تنفعنى لكن عربيه جميله وشيك ربنا يباركلك فيها

الله يبارك فيك

الحالات الكويسة موجودة بس عايزة وقت هى الفكرة ان اللى معاه عربية حالة كويسة بيبقى متمسك بيها ... زائد ان عشان تركب حاجة من بعدها وتحس بفرق حاتدفع مبلغ محترم

ولو انت ناوى تابعنا على الجروب فيه ناس معاها حالات ممتازة ممكن تلاقى حاجة للبيع منهم فى يوم ما.

المشاركة الأصلية كتبت بواسطة bmya

العربيه دي انا بعشقها كانت مع واحد جاري كان جايبها زيرو تقريبا سنه 2003 او 2004 مش فاكر عربيه وهميه ما شاء الله والمفجأه ان قطع غيارها رخيصه دي ارخص من طع غيار عربيتي السيريون ههههه بجد العربيه دي ملومه من فتي الشعب المصري كل واحد تقوله الفا يقول قطع غيارها نااااااااار ده انا عندي الطنابير ب 1200 جنيه سير الباور والدينامو ب 180 التيل الاصلي ب470 والمضروب ب 200 جنيه

كلامك صحيح ... انا كذا مرة ابقى واقف واتسأل عن العربية وقطع الغيار والناس تستغرب من الاسعار بس هو تميز الالفا فى قطع غيارها الاستيراد انما الجديد فيها حاجات غالية

النهاردة روحت نزلت زيت الموتور وحطيت زيت وولف 10w40 هو المفروض سعره 265 ال 5 لتر بس انا اخدت خصم نايل موتورز ب 238 جنيه والسبب فى التغيير انى كنت حاطط من حوالى شهر زيت شيل 5w40 وبعد ما مشيت عليه حوالى 1000 كيلو لقيته نقص من ال maximum إلى ال minimum وده معناه نقص لتر فى ال 1000 ومع ان مواتير الالفا بتاكل زيت بس الطبيعى بيبقى ربع لتر أو نص بالكتير فى ال 4000 كيلو ... فأنا قلقت الصراحة ورجعت لرجالة الالفا فنصحونى انزل الزيت ده لانه يا اما خفيف أو مضروب

وانا كنت محتار بين الكاسترول والوولف لغاية اما روحت مقابلة نايل موتوز وسمعت تقييم كريم منير للزيت فى عربيته وكمان تقييم احمد بهاء فى ال 146 وبسؤال فورمليتور شكرلى فى الزيت فتوكلت على الله وقررت اجيب الوولف

المركز بتاع وولف بيغير الزيت عن طريق الشفط مش بالطريقة بتاعة فك الطبة .... بعد ما سحب الزيت القديم حطلى الزيت الجديد وعمل 4.5 لتر بالظبط لانى مغيرتش الفلتر

الفرق بعد الزيت الجديد لسه مش محسوس قوى لانى الزيت القديم مكملش كتير فصوت الموتور ملحقش يعلى وكمان انا مشيت بالزيت الجديد مسافة قصيرة ... بس اللى حسيت بيه حتى الان ان السحب اتحسن والعربية بقت انعم

كمان كان ليهم موقف كويس معايا ويحسبلهم ... قبل ما ادخل على المركز علطول العربية مرة واحدة مبقتش راضية تاخد غيار وبقى فيه عضة ومقاومة شديدة فى الفتيس فلما وصلت قلت للفنى على القصة دى وطلبت منه يشوف مستوى زيت الفتيس فالراجل مشكورا بص وقالى ان الزيت مش ناقص وفضل ورا المشكلة لغاية اما حلها وقالى عليها ... وبرضو لما قلتله على نقص زيت الموتور نزل وبص على طبة الزيت يمكن تكون مش راكبة كويس وبتسرب واكد عليها