الموضوع: رحلتى مع الالفاروميو 156

الزجاج الأمامى لل 156 موجود عند دقدق فى المهندسين ب 500 جنيه

الزجاج الامامى اللى من عند دقدق بناء على كلام اللى جربه مش كويس ... وعرفت ان الزجاج الاصلى بعلامة الالفا موجود عند الثلاثية فى الحرفيين ب 700 جنيه

الفانوس الامامى 100 جنيه
الفانوس الخلفى اللى فى الشنطة ب 75 جنيه

المشاركة الأصلية كتبت بواسطة usama_usmm

مبدئيا احب اشكرك جدا يااستاذ احمد علي مجهودك ومثابرتك بصراحه انا قريت الموضوع كله مع اني معايا 146 بس فرحت اني لقيت حد مهتم انه يفيد الناس
ياريت كل ملاك العربيه دي قصدي الالفا عموما يكونو بنفس الشعور ده لانه مش موجود للاسف علي الصفحه في الفيس بمعني مش بينقلو تجاربهم ونصايحهم وده غير كذا وده صلح هنا وكده يعني للاسف مش موجود لو بصينا علي الانو والتمبرا الصفحات بتاعتهم علي الفيس كان اللي بيغير مسمار كان بيقول انا غيرتو بكذا عند كذا وخد بالك من كذا ولو حصل ايه تعمل ايه انا كنت من ملاك التمبرا لكن عندنا نادرا لما تلاقي حاجه زي كده وده اللي مزعلني تعرف ان ده بياذي العربيه جدا في سمعتها

يا باشا أنت نورتنى فى الموضوع وبالنسبة لموضوع نقل التجارب فأنا متعود انقل كل فتفوته بعملها من أول عربية امتلكتها عشان زى ما أنا استفدت من خبرات غيرى فجه دورى انى احاول افيد غيرى

وعلى فكرة الناس فى رابطة الالفا برضو بينقلوا خبراتهم وتجاربهم بس هما عايزين اللى ينكشهم

ربنا يباركلك فيها يارب
موضوع جميل ومشوق
وغالبا اسعار قطع الغيار متقاربة من الاوكتافيا جدا
عدا البوجيهات ههههه
ربنا يبارك لكل الملاك فيها

المشاركة الأصلية كتبت بواسطة عماد جورج

اولا الف مبروك على العربيه رغم انى عارف انها متاخره جدآ
ثانيآ اشكر حضرتك على الموضوع الحلو و المعلومات اللى فيه وانا عن نفسى استفت منه فى حجات كتير
انا كنت بدور على عربيه و هتكون إن شاء الله اول وحده و كنت بفكر فى الاكسيل و بعد كدا فى الفيكترا 95 بس انا لسه مشتت و انا بعشق الالفا روميه رغم انى مركبتهاش خالص ومشعارف ليه العشق داه و انا بدور فى حاجه فى التلاتينات و سؤال اهل ال147 افضل ولا ال156 و اسف على الاطاله و شكرآ مره تانيه

الله يبارك فيك

الالفا فى العربيات عاملة زى الريس والهارلى فى الموتسيكلات ليها ناس معينين بيعرفوا قيمتها وبيحبوها ويجيبوها :)

بالنسبة لايه تجيبه فى الالفا فده على حسب اللى معاك وانت بتقول بتفكر فى فيكترا أو اكسيل يعنى بتتكلم فى حدود 35 الى 40 وده يجيبلك 146 عربية ممتازة بموتور بوكسر محترم جدا بيطلع 103 حصان واظن بيبقى فيها abs وايرباج بس ياريت حد من ملاكها يأكد المعلومة

اما ال 156 فتبدأ من اول 45 وحاتبقى موديل من 99 ل 2001 اما ال 147 فاظن بتبقى 60 فما فوق

المشاركة الأصلية كتبت بواسطة omaranes77

ربنا يباركلك فيها يارب
موضوع جميل ومشوق
وغالبا اسعار قطع الغيار متقاربة من الاوكتافيا جدا
عدا البوجيهات ههههه
ربنا يبارك لكل الملاك فيها

الله يبارك فيك
انا بحب العربية دى جدا وبحترمها بس كنت فاكر ان قطع غيارها اغلى بكتير