الموضوع: كي جي وان سواقة و عربيات

والله فعلا ياريت كل الناس تسمع الكلام ومتمشيش ورا عربية سايقاها واحدة ست على الأقل عشان ميقعدوش يزنوا علينا بكلكسات مالهاش لازمة ولا رعاش ونور عالي يقرفنا في مراياتنا وياريت كمان بجانب انهم ميسوقوش ورانا ميسوقوش جنبينا لحسن نحدف عليهم بغشومية برده ولا قدامنا لحسن نلبس فيهم من ورا برده بسواقتنا الغشيمة

وبكدة يبقي هانلاقي الشارع فاضي نمشي بقي براحتنا لا قدامنا ولا ورانا ولا جنبينا ياسلام ياريت كل الناس بس تسمع الكلام ده وتتجنب سواقة الستات تماما.

دانا مرة طالعة من شارع جانبي ومهدية وماشية عادي ويدوب بلف العربية عشان اعدلها الاقي سواق تاكسي غبي مستعجل ومصر يمشي بسرعة ويقطع الطريق وميستنانيش لحد ماعدل عربيتي وعلى فكرة انا مش بطيئة يعني ولا هاقعد 3 ساعات اعدل في العربية لكنه كان مستعجل اكتر وطبعا رد فعل طبيعي مني اني وقفت خالص عشان اسيبه يعدي الاقيه في النهاية يقولي مانتوا لو تقعدوا في بيوتكوا كنتوا ريحتونا كتكم القرف هاقول ايه بس في حد زي ده مأذيتوش ولا لمست عربيته ولا اخطأت في حاجة واحدة ومع ذلك شتم كل الستات لمجرد انهم خرجوا من بيوتهم

وواحد تاني برده سواق تاكسي جاي من اليمين وبيرجع بضهره عشان يلف عربيته ويطلع على قدام وانا شايفاه من بعيد وناوية اهدي واسيبه براحته لحد مايعدل نفسه ولاقيته بيشاور هديت ووقفت قبيله بمسافة معقولة تخليه يرجع براحة راحته واستنيته لحد ماعدل نفسه خالص وبقي فلة الاقيه بيشوح بإيده ويزعق قربت منه وقلتله انا عملت ايه بس ياعم بتزعق ليه يقولي مانتي جاية وعمال اشاورلك وانتي برده جاية قلتله ياعم مانا هديت ووقفت قبليك بمسافة وسبتك لحد ماعدلت نفسك يقولي لا مانا لو مكنتش شاورتلك مكنتيش هاتقفي وكنتي هاتلبسي فيها اقوله والله شايفاك ومهدية وحاسبة فراملي كويس ومخبطكش ولا جيت جنبك يقولي مانتي كنتي هاتخبطيني لو كنت سيبتك كنتي دوستي بنزين وخبطيني (تقريبا هو كان عايزني اقفله قبليها بشارعين ) قللته لما ابقي اخبطك تبقي تتكلم وسبته ومشيت وبقيت اضرب كف علي كف بيلومني ويزعقلي رغم اني احترمته ووقفلته وسبته يعدي براحته وملمستش عربيته حتى كله ده بس بس لمجرد اني بنت والناس طبعا عندها فوبيا سواقة البنات والنتيجة اني اتعاقبت علي شئ ماليش ذنب فيه وعلى ذنب مرتكبتوش
بجد والله دي بقت حاجة تحير فعلا الواحدة تسوق كويس تتهزق تسوق وحش تبقي حمارة وتتهزق برده.
انا بفكر اتنكر والبس راجل اول ماقعد ورا الدركسيون عشان الناس تسيبني اسوق عربيتي ومهما غلطت ميحاسبونيش لان الراجل له مليون عذر لو اخطأ انه سهي عليه او مخدش باله او كان بيتكلم في الموبايل ومش مركز او اللي قدامه كانت واحدة ست فشتتت تركيزه ولخمته او او او لكن الست مالهاش اي عذر طبعا ومخطئة لمجرد انه ست وبتسوق قصدي مبتعرفش تسوق

موضوع مميز من مواضيعك ياعلا

المشاركة الأصلية كتبت بواسطة birdybirdy

والله فعلا ياريت كل الناس تسمع الكلام ومتمشيش ورا عربية سايقاها واحدة ست على الأقل عشان ميقعدوش يزنوا علينا بكلكسات مالهاش لازمة ولا رعاش ونور عالي يقرفنا في مراياتنا وياريت كمان بجانب انهم ميسوقوش ورانا ميسوقوش جنبينا لحسن نحدف عليهم بغشومية برده ولا قدامنا لحسن نلبس فيهم من ورا برده بسواقتنا الغشيمة

وبكدة يبقي هانلاقي الشارع فاضي نمشي بقي براحتنا لا قدامنا ولا ورانا ولا جنبينا ياسلام ياريت كل الناس بس تسمع الكلام ده وتتجنب سواقة الستات تماما.

دانا مرة طالعة من شارع جانبي ومهدية وماشية عادي ويدوب بلف العربية عشان اعدلها الاقي سواق تاكسي غبي مستعجل ومصر يمشي بسرعة ويقطع الطريق وميستنانيش لحد ماعدل عربيتي وعلى فكرة انا مش بطيئة يعني ولا هاقعد 3 ساعات اعدل في العربية لكنه كان مستعجل اكتر وطبعا رد فعل طبيعي مني اني وقفت خالص عشان اسيبه يعدي الاقيه في النهاية يقولي مانتوا لو تقعدوا في بيوتكوا كنتوا ريحتونا كتكم القرف هاقول ايه بس في حد زي ده مأذيتوش ولا لمست عربيته ولا اخطأت في حاجة واحدة ومع ذلك شتم كل الستات لمجرد انهم خرجوا من بيوتهم

وواحد تاني برده سواق تاكسي جاي من اليمين وبيرجع بضهره عشان يلف عربيته ويطلع على قدام وانا شايفاه من بعيد وناوية اهدي واسيبه براحته لحد مايعدل نفسه ولاقيته بيشاور هديت ووقفت قبيله بمسافة معقولة تخليه يرجع براحة راحته واستنيته لحد ماعدل نفسه خالص وبقي فلة الاقيه بيشوح بإيده ويزعق قربت منه وقلتله انا عملت ايه بس ياعم بتزعق ليه يقولي مانتي جاية وعمال اشاورلك وانتي برده جاية قلتله ياعم مانا هديت ووقفت قبليك بمسافة وسبتك لحد ماعدلت نفسك يقولي لا مانا لو مكنتش شاورتلك مكنتيش هاتقفي وكنتي هاتلبسي فيها اقوله والله شايفاك ومهدية وحاسبة فراملي كويس ومخبطكش ولا جيت جنبك يقولي مانتي كنتي هاتخبطيني لو كنت سيبتك كنتي دوستي بنزين وخبطيني (تقريبا هو كان عايزني اقفله قبليها بشارعين ) قللته لما ابقي اخبطك تبقي تتكلم وسبته ومشيت وبقيت اضرب كف علي كف بيلومني ويزعقلي رغم اني احترمته ووقفلته وسبته يعدي براحته وملمستش عربيته حتى كله ده بس بس لمجرد اني بنت والناس طبعا عندها فوبيا سواقة البنات والنتيجة اني اتعاقبت علي شئ ماليش ذنب فيه وعلى ذنب مرتكبتوش
بجد والله دي بقت حاجة تحير فعلا الواحدة تسوق كويس تتهزق تسوق وحش تبقي حمارة وتتهزق برده.
انا بفكر اتنكر والبس راجل اول ماقعد ورا الدركسيون عشان الناس تسيبني اسوق عربيتي ومهما غلطت ميحاسبونيش لان الراجل له مليون عذر لو اخطأ انه سهي عليه او مخدش باله او كان بيتكلم في الموبايل ومش مركز او اللي قدامه كانت واحدة ست فشتتت تركيزه ولخمته او او او لكن الست مالهاش اي عذر طبعا ومخطئة لمجرد انه ست وبتسوق قصدي مبتعرفش تسوق

آه يا قلبي يا كتاكت ياما انت شايل و ساكت

المشاركة الأصلية كتبت بواسطة ultraHERO

شكرا على الموضوع ال جامد ده أصل أنا لسا جديد سواقة
عايز اعرف لو أنا باخود ملف لازم ادوس دبرياج او امور العربية ولا أهدى فرامل فقط
دة ليه علاقة بالكبالين .
لو أنا عايز انقل من غير دبرياج لو باظ مثلا ينفع ؟!!

متهيألي السؤال لسه محدش رد عليه من أهل الخبرة.

بالنسبة للسواقة فى الزحمة ، الواحد بيجيب الأول ورجله عالدبرياج ومن غير ما يدوس بنزين يحرك العربية بالدبرياج يعنى يشيل رجله سنة بسيطة من الدبرياج فالعربية تمشى بالراحة ، طبعا دة فى عز الزحمة وقت مالعربيات بتبقى ماشية تاتا تاتا ، يا ترى هل دة فيه مخاطر على الدبرياج؟.