الموضوع: نصائح للتخلص من الكرش + أوعي يتنصب عليك

موضوع محترم و مفيد جدا

المشاركة الأصلية كتبت بواسطة الاستاذ

دهون البطن والصدر اصعب دهون فى الجسم وبينزلوا ببط
عايز تنزل الكرش اجرى طيب انت عندك مشكلة متقدرش تجرى طيب تعمل اية
اولا انسى كل انواع العيش نهائيا
ثانيا متدخلش هواء وانت بتاكل
ثالثا امضخ اكلك ببط
رابعا شوف تمارين تستريح علية واعمله من تمارين البطن
خامسا اختار دواء بساعد على نزول الدهون بس للاسف اغلبيتة عايزة رياضة عشان تشوف نتيجة
سادسا حاول متاكلش قبل ماتنام ممكن تتعشى زبادى تساعد فى نزول الكرش

شكرا يا كبير علي النصايح الغاليه دي .. جعلك الله عونا لنا دائما و أبدا ..
تحياتي لك ..

المشاركة الأصلية كتبت بواسطة omaranes77

طب السلام عليكم
انا قريت كل الصفحات ومبسوط جدا بحضرتك
اولا انا عندي 16 سنة

رحت الجيم 3 حصص تكسير بظبط وبعد كدة وقفت
كنت شغال في البيت ضغط وبطن واحيانا عقلة المهم
انا الحمد لله جسمي كان متقسم
كان ..كان
يعني عضلات البطن كانت باينة
والبنجات وباي وتراي وكلو
سيبت الجيم
حسيت ان جسسمي مكسر ومش قادر اشيل حاجة
وفعلا جسمي كان واجعني
المهم كنت في البيت بعمل تمارين وكلوا تمام بس
الفكرة ان ايدي اتكسرت
طبعا بطلت لعب شهر مش عايز اقولك ان دسمي خس وزني تقريبا 50 وطولي 160 سم قصير انا ها xD
العضلات راحت والبطن العضلات زي ماتكون دخلت لخوا ومش بتطلع واليد طبعا خست بس الحمد لله القوة تمام وايدي ناشفة بس انا خسيت
الاسئلة بقي
عايز اعمل عضلات بطن متجزة انا بطني لما بنشف
حجر مع وجود كرش بسيط الي بيجي تحت دة
عايز بردو اكبر الباي والتراي وعايز احس ان جسمي ملا مش عارف بس انا هارجع الجيم بعد المدارس

سؤال تاني هل لو انا بجري كل جمعة 6كيلو هل ليها فايدة ولا
معلش دوشتك

طيب و عليكم السلام
أهلا بيك و إنت في مرحله بنسميها ال Golden Age ..
لما بتوصل لمرحله ال Peak بالنسبه لك بعد 3 شهور و تبطل فجأه شهر كامل .. بتحصل إنتكاسه للجسم ببساطه يعني بدل الكلام المجعلص ده ..
إنت شديت علي جسمك 3 شهور .. فحت و ردم .. و هو أتكيف علي كده و بدأ يشد .. فجأه ريحته خالص .. لا في فحت ولا في ردم .. بيرجع أوحش من الأول .. بيتكيف علي الراحه ..
اللذيذ في العضلات بقا إن في حاجه إسمها ال Muscle Memory بيبقي متخرن فيها أعلي وزن و أخف وزن حضرتك لعبت بيه ..
و ده اللي بيخليها بسهوله إن شاء المولي تعمل Recall عشان تستعيد ال Fitness ,و تعمل فورمه الساحل و تصور نفسك عريان علي الفيس بوك
الجري بنظام معين اللي هو هعيد تاني HIIT بيخليك تبني عضل من الجري !!! معقوله !!؟ اه معقوله .. و جرب و قولي
أنا كنت بجري بفضل ربنا عليا 8 كيلو علي مرتين 4 كيلو الصبح و 4 كيلو بعد الجيم و الكيلو في 5 دقايق .. و الكيلو بقسمه علي 2 إلي 3 Sprints يعني ال Sprint بياخد من 400 إلي 500 متر شوت واحد ..
و حسيت فعلا بالفرق في عضلات رجلي خاصه و عضلات ال Core Muscle عامه اللي منها البطن و الجانبين ..
و يا حبيبي لا دوشه ولا حاجه تحت أمرك و تواصل معايا لما تاخد الأجازه و نعمل برنامج محترم تستعيد فيه أمجاد الجيم بتاعك ..
تحياتي لك .. وبالتوفيق

المشاركة الأصلية كتبت بواسطة أبو آسر

الموضوع ده تاريخي يا بني :)
شكلك كده هترجعنا نلعب جيم تاني بعد ما وقفت بسبب الزهق بعد 3 شهور بدون نتيجة تذكر
بخصوص المكملات وحوارق الدهون
أنا جربت Lipo 6 Black زي ما قلتلك بس متأقلمتش عليه حسيت إنه بيزود ضربات قلبي وبشعر بدوخة بسيطة وتسارع في التنفس
وجربت MyoFusion خلصت علبة كيلو ومحسيتش بنتيجة من وراه
إيه البديل الصحي والفعال ؟

صديقي الغالي مشاركتك تاج علي راسي ..
و أنا قلت لك إمبارح لما عملت الموضوع ده لاقيت نفسي فتحت من جديد علي الجري و الجيم .. و هي مش هتيجي غير بالتشجيع ..
الليبو 6 بلاك .. منتج حارق محترم .. يعيبه وجود منتج ال yohambine بصوره مبالغ فيها نسبيا .. لكن كله With in limits ..
ال Myofusion منتج يتاخد أفضل وقت قبل النوم لأنه بروتين بطئ الإمتصاص .. فقبل النوم هيفيد حضرتك إنه يمنع التكسير أو ال Catabolism اللي بيحصل أثناء النوم ..
إنما مينفعش بعد التمرين خالص .. لأن بعد التمرين بيكون فيه حاجه إسمها ال Golden hour اللي فيها بيكون الجسم بيمتص بصوره مبالغ فيها البروتين لتعويض ما حدث أثناء التمرين .. .. بنحتاج فيها بروتين عالي الإمتصاص زي ال Gold Standard whey أو ال Iso 100 لو حضرتك عايز منتج الكارب فيه قليل خالص عشان مرحله التنشيف أو التخسيس اللي كلنا بنسعي لها .. حتي المحترفين ..
البديل الصحي و الفعال بقا ال CLA و زيت زيتون فنجان قهوه منه علي الرئ كده :D
لأنه بيخلي تحرق الدهون حتي أثناء فتره الراحه ..
تحياتي و تحت أمرك في أي إستفسار ..

المشاركة الأصلية كتبت بواسطة magd_c_c

موضوع محترم و مفيد جدا

ربنا يكرمك يا غالي .. ده من ذوقك