تقرير استلام التو 2015 الشكل الجديد

**ibrahimahmed** · 06-09-2014 03:26 PM

المشاركة الأصلية كتبت بواسطة a_aseda

رحت النهاردة التوكيل ( ابو رواش) ودخلت الصالة وبعد الكشف علي الماتور بالجهاز ومراجعة الشكمان
المهندس قال هو ده الصوت الطبيعي للعربية
لانها بتكون اعلي من العربيات السيدان الاستاندر (تويوتا - لانسر - نيسان ... مثلا)
لان الالتو بيكون عزلها اقل شوية وكمان العجل الصغير بيساعد عملية رفع الصوت
.....
وده كان رد المهندس بعد التهرب من الاجابة عدة مرات

بص يا باشا العربية فعلا صوت الموتور مسموع وانا اول اما اشتريتها بصيت على الكبوت لقيت مافيهوش اى انواع العزل لا صوت ولا حرارة ... يعنى صاج بس ... فعرفت ان موضوع العزل ده مش موجود وان ده صوت العربية الطبيعى ... بدأت بقى ابص للجانب الكويس فى الموضوع ( عشان اصبر نفسى ) ...انك مابتفقدش الاحساس بالعربية ودى كانت نقطة بتؤرقنى جدا لما بسوق عربيات العزل فيها عالى اوى ... مهما تقرص على الموتور مابيبقاش فيه صوت يذكر ... بس كان بيعوض ده عداد الار بى ام ببص عليه فبعرف الموتور وضعه ايه ... اما دى مافيهاش اصلا ار بى ام .... فبستغل موضوع الصوت العالى واسمع صوت الموتور ... ولما الموضوع بيضايقنى بعلى الكاسيت ...

... ساعتها ولا بسمع حاجة اصلا

**ibrahimahmed** · 06-09-2014 03:28 PM

المشاركة الأصلية كتبت بواسطة a_aseda

ممكن اعرف صفحات عن اكسسوارات الالتو القديمة او النيو التو
واماكن التركيب والاسعار
...

بصراحة مش فاهم السؤال ... صفحات بمعنى ايه ؟؟؟!!!

**lo22a** · 07-09-2014 02:29 PM

المشاركة الأصلية كتبت بواسطة ibrahimahmed

- السنتر وولف والانذار كود الارم عاملين 400 جم والكاسيت صينى عامل 250 ... وماظنش ان موضوع التركيب بس فى الضمان هايبقى سهل لانهم فى العادى بيرفضو الموضوع ده
- مش لازم تستنى صيانة الالف ... ممكن تعملهم فى اى وقت بس يكون يوم من اوله الساعة 9 عشان هما بالهم طويل حبتين

اولا مبروك عليك

بس موضوع الوكيل ده مقلق شوية بخصوص الضمان والضفيرة
وبما انك ركبت انذار وسنتر وكاسيت (400+250) ومصنعية 200 فى الوكيل يعنى التعديل كله 850
1- ايه الانواع اللى قارنت بينها وبين الوولف وكانت عاملة كام ؟
2- الكاسيت الصينى اللى ركبته اكيد مش واخد كل المساحة الموجودة (اصغر)
هو متثبت كويس والفراغ مش مؤثر ولا بيترج مع الطريق ؟
3- فى انواع زي سونى و بايونيير و كينوود فى نفس الحجم والاوبشنز عاملة كام ؟؟
4- جبت كل الحاجات دى منبن ؟؟؟

اشكرك و اسف للاطالة

**ibrahimahmed** · 07-09-2014 03:04 PM

المشاركة الأصلية كتبت بواسطة lo22a

اولا مبروك عليك

بس موضوع الوكيل ده مقلق شوية بخصوص الضمان والضفيرة
وبما انك ركبت انذار وسنتر وكاسيت (400+250) ومصنعية 200 فى الوكيل يعنى التعديل كله 850
1- ايه الانواع اللى قارنت بينها وبين الوولف وكانت عاملة كام ؟
2- الكاسيت الصينى اللى ركبته اكيد مش واخد كل المساحة الموجودة (اصغر)
هو متثبت كويس والفراغ مش مؤثر ولا بيترج مع الطريق ؟
3- فى انواع زي سونى و بايونيير و كينوود فى نفس الحجم والاوبشنز عاملة كام ؟؟
4- جبت كل الحاجات دى منبن ؟؟؟

اشكرك و اسف للاطالة

الله يبارك فيك يا باشا
1- بصراحة ماقرنتش ... لان كل الناس بتشكر فى وولف فقلت خلينى مع الجماعة

2- لا الكاسيت واخد المساحة كلها ( راجع صور العربية فى الصفحة 3 )
3- سالت على السونى والبيونير والحاجات الماركات دى ... بتبتدى من 750 وانت طالع
4- محل فى المهندسين جنب السلام شوبنج سنتر

**mohamedsamir13** · 08-09-2014 01:07 AM

ياجماعة العربية عاملة معاكم ايه عشان ناوي اجيبها كمان شهرين هي احسن ولا الشانا بيني عايز رايكم ونصائحكم
عشان انا جديد في موضوع العربيات تسحتمل مشواير كل يوم من المعادي لشبرا وتستحمل المطبات بتاعتنا وبرضة قطع الغيار متوفرة ولا لا ولو في في رينج 70 افضل منها قولولي عليها ماعدا ( الفيرنا و لانوس ) انا ح اشتريها بالتقسيط

**lord2010** · 08-09-2014 01:13 AM

هو ينفع يركب باور للعربية .......... فى التوكيل ويكلف كام ؟

**star mido** · 08-09-2014 01:16 AM

مبروك

**bassemali** · 08-09-2014 11:00 AM

المشاركة الأصلية كتبت بواسطة mohamedsamir13

ياجماعة العربية عاملة معاكم ايه عشان ناوي اجيبها كمان شهرين هي احسن ولا الشانا بيني عايز رايكم ونصائحكم
عشان انا جديد في موضوع العربيات تسحتمل مشواير كل يوم من المعادي لشبرا وتستحمل المطبات بتاعتنا وبرضة قطع الغيار متوفرة ولا لا ولو في في رينج 70 افضل منها قولولي عليها ماعدا ( الفيرنا و لانوس ) انا ح اشتريها بالتقسيط

الشيفروليه إسبارك لايت ب 73000 أحسن منها لإنها 1000 سي سي وفل أوبشن وسمعتها كويسه برضه ف البلد .. اللألتو بس عيبها إنها 800 سي سي ضعيقه قوي وكمان صالونها مش ضيق بس لكن كمان القعده فيه مش مريحه أبدا تقطم وسطك ... بس بصراحه هيا جوده وإعتماديه عاليه .. عندك كمان الجيلي باندا ب 65000 فول أوبشن وب 60 الف هاف أوبشن لو ماعندكش عقدة الصيني تبقى هيا أحسن عربيه ف الفئه دي وأحسن كمان من الإسبرانزا 113 لإنها مستورده والإسبرانزا تجميع مصري لكن فكك خالص من الشانا دي ..

**omar_saad** · 08-09-2014 02:51 PM

السلام عليكم
صورة السيارة مع الكاسيت تحديدا -- الاقيها فين -- عشان اشوف راكب ازاي -- وهل يملأ المكان كله

**ibrahimahmed** · 08-09-2014 03:23 PM

المشاركة الأصلية كتبت بواسطة omar_saad

السلام عليكم
صورة السيارة مع الكاسيت تحديدا -- الاقيها فين -- عشان اشوف راكب ازاي -- وهل يملأ المكان كله

الصورة هتلاقيها فى الصفحة رقم 3 الرد رقم 2 الصورة رقم 7

الموضوع: تقرير استلام التو 2015 الشكل الجديد

LinkBack

أدوات الموضوع

عرض

-

المواضيع المتشابهه

التو 2015 الشكل الجديد ولا جيلى باندينو

تقرير عن مميزات وعيوب اللوجان الشكل الجديد 2015

تقرير بيجو 508 موديل 2015 الشكل الجديد

تقرير استلام صنى الشكل الجديد ex

تقرير: استلام نيسان صني 2013 الشكل الجديد من أوتو إيجيبت

الكلمات الدلالية لهذا الموضوع

المفضلات

المفضلات

ضوابط المشاركة