تقرير استلام التو 2015 الشكل الجديد

**ibrahimahmed** · 03-01-2015 01:52 PM

المشاركة الأصلية كتبت بواسطة محمد.صلاح

كنت فى التوكيل امبارح وحجزت اللون الفضى

ان شاء الله وقال التسليم ف شهرين ونص بالكتير
طبعا حالى احباط من شهرين ونص
العربية من وجهة نظرى كويسه جدا على قد سعرها وبـ 2500 انت ممكن تكملها وتعتبر سعرها 60 الف مقابل انك تشترى صينى full option بس مش مضمون (ممكن تفتح طلبات من اول شهر وممكن متصرفش مليم ) او انك تشترى مستعمل ودا انا شخصيا شفت معاه اسوء ايام فى الفيرنا
اللى مقلقنى منها الاتي :-
1-انها مش باور وربنا يستر بقى ومتبقاش تقيلة اوى فى الركن "يا ريت حد يطمنى ف الموضوع ده من حضراتكم خصوصا ان كلكم بتقولوا وهى واقفة تقيلة انا بسأل على الركن يا شباب "فى المنصورة اللى بيلاقى ركنه بينزل يبوس الاسفلت "
2-مقاس الكاوتش 13/145 وهل لو جنطت على 13/70/175 او 13/70/185 هيعمل مشكلة ف العفشة ولا لاء انا حافظ ع المقاس وهزود فى العرض للثبات هل دا ممكن
3-الـ800 cc خايف يبقى 1300 cc اول سنتين وبعد كده يفطس بس اللى مطمنى ان رجالة الالتو القدامى قالوا انها محترمة وبتجرى مبتفطسش "ربنا يستر :_alshmokh22[1]: "
4-ركب اللى انت عاوزه بس متلعبش فى الضفيرة " هل انا لو جبت الكاست اقدر اركبه بنفسى ولا لازم كهربائى هل الفيش موجوده بمجرد اركبها ف الكاست الموضوع خلص ولا لازم كهربائى هيطلع لى مخرج من الضفيرا ؟وهل فى انواع معينة بس اللى تتركب "اقصد السعة الكهربية ولا اى حاجه تركب"

مردتش ارجع من التوكيل وايدى فاضيه بما انكم فعلا افدتونى كتير "ربنا يبارك فيكم " جبت لكم قايمة باسعار التوكيل للاضافات والباكدج كاملة عليها خصم

1. هى تقيلة فعلا وانت واقف بس لما تتحرك الموضوع بيبقى لطيف
2.عادى يا باشا زود فى العرض طالما هتحافظ على قطر العجلة ... انا شايف 175 هايبقى كويس
3. من كلام الناس القديمة فى الالتو ماتقلقش من موضوع السحب .... هى 800 بس حمولة
4. انا ماشوفتش الكاسيت ساعة التركيب لانى ركبته فى التوكيل ... بس اظن انه فى فيشة جاهزة .. مش محتاج لعب فى الضفيرة

**ibrahimahmed** · 03-01-2015 01:56 PM

المشاركة الأصلية كتبت بواسطة ah_kassem

جزاك الله خير يا استاذ عمر
بس اعتقد ان العربيه سوقها تقيل شويه يعنى مثﻻ لو حبيت ابيع بعد خمس سنين اكيد هاخسر فيها كتير مش الف وﻻ الفين صح ؟؟؟؟

اى عربية هاتتباع بعد خمس سنين من موديلها هاينزل تمنها كتير ... مش الف ولا الفين ... حتى لو كانت مرفوعة فى جراج
يعنى موضوع انك تسيب العربية معاك 5 سنين وعاوز تخسر فيها الفين بس ... مش هايحصل لا فى الالتو او فى غيرها

**ibrahimahmed** · 03-01-2015 02:00 PM

المشاركة الأصلية كتبت بواسطة pharmacist zt

حضرتك قسطت مع بنك ايه وايه اجراءات التقسيط لو سمحت

انا قسطت مع البنك العربى
والاجراءات بتبقى صورة البطاقة ووصل مرافق ... مفيش اى اجراءات تانية والموافقة جت بعد يومين بالظبط

**rasha adly** · 03-01-2015 04:33 PM

المشاركة الأصلية كتبت بواسطة a_b77710

حد يعرف رقم الماتور للنيو التو مكتوب فين ويارت لو فية صور علشا ن مش عارف اوصلة

تحت الردياتير تقريبا
بص انا معرفش في الاسماء بس انا عارفة المكان
لما اخرج هبقى اصورلك مكانها او هتأكد من اسم الحاجة اللي تحتها الرقم
انا شفت الراجل جابه منين وانا بكشف عليها وقالي مكانه بس نسيت الاسم

**Pharmacist zt** · 03-01-2015 05:03 PM

المشاركة الأصلية كتبت بواسطة ibrahimahmed

انا قسطت مع البنك العربى
والاجراءات بتبقى صورة البطاقة ووصل مرافق ... مفيش اى اجراءات تانية والموافقة جت بعد يومين بالظبط

شكرا لردك بس سؤال.. لو حضرتك موظف حكومي جبتلهم مفردات مرتب والكلام ده.. ايه الضمانات.. معلش اسالتي كتير بس لاني بستخير ف التقسيط

**ibrahimahmed** · 03-01-2015 06:59 PM

المشاركة الأصلية كتبت بواسطة pharmacist zt

شكرا لردك بس سؤال.. لو حضرتك موظف حكومي جبتلهم مفردات مرتب والكلام ده.. ايه الضمانات.. معلش اسالتي كتير بس لاني بستخير ف التقسيط

لا ولا يهمك اسالى زى مانتى عاوزة
انا قطاع خاص مش عام .. بس انا كنت دافع 30 % مقدم وفامطلبوش ضمانات ... حتى مكانش فيه استعلام فى الشغل

**Pharmacist zt** · 03-01-2015 08:39 PM

المشاركة الأصلية كتبت بواسطة ibrahimahmed

لا ولا يهمك اسالى زى مانتى عاوزة
انا قطاع خاص مش عام .. بس انا كنت دافع 30 % مقدم وفامطلبوش ضمانات ... حتى مكانش فيه استعلام فى الشغل

طيب لو قطاع عام هيكون نفس النظام حتي لو دفعت 20 %؟؟.. ولو مش عندي فرع للبنك العربي تنصحني بايه غيره.. وشكرا مقدما

**محمد.صلاح** · 03-01-2015 10:20 PM

المشاركة الأصلية كتبت بواسطة ibrahimahmed

1. هى تقيلة فعلا وانت واقف بس لما تتحرك الموضوع بيبقى لطيف
2.عادى يا باشا زود فى العرض طالما هتحافظ على قطر العجلة ... انا شايف 175 هايبقى كويس
3. من كلام الناس القديمة فى الالتو ماتقلقش من موضوع السحب .... هى 800 بس حمولة
4. انا ماشوفتش الكاسيت ساعة التركيب لانى ركبته فى التوكيل ... بس اظن انه فى فيشة جاهزة .. مش محتاج لعب فى الضفيرة

شكرا يا باشا على الرد وادينى مستنى اتصال التوكيل ويا رب الموضوع ميطولش و استلم قبل شهر فبراير او على الاكثر فى نصه

**islam.orabi** · 04-01-2015 12:59 AM

انا قرأت ال43 صفحة كلهم وواضح ان الناس تعبت عشان تجيب المعلومات دى .وحببتنى فى العربيه اكتر
بس كان عندى سؤال ايه رئيكو فى العربية سايبا برايد هتشباك
بالرغم من ان فرق السعر مش كبير بينهم
الالتو 57.900
والبرايد 59.999
والفرق كبير فى الابشن بينهم ولصالح البرايد طبعا
ومجهود مشكور من الجميع

**ibrahimahmed** · 04-01-2015 09:27 AM

المشاركة الأصلية كتبت بواسطة pharmacist zt

طيب لو قطاع عام هيكون نفس النظام حتي لو دفعت 20 %؟؟.. ولو مش عندي فرع للبنك العربي تنصحني بايه غيره.. وشكرا مقدما

لا القطاع العام الفائدة له بتقل شوية عن الخاص ... ممكن توصل ل 6.5 % فى حالات معينة
وبخصوص البنك ... اى بنك ممكن تتعاملى معاه عادى لان الفروق بينهم بسيطة اوى تكاد تكون مفيش فروقات ... انا عن نفسى ماخترتش البنك .. انا رحت المعرض واى معرض بيتعامل مع مجموعة بنوك وبيبقى فيه مندوبين للبنوك جوه المعرض ... خدو صورة بطاقتى وعرضوها على البنوك اللى بيتعاملو معاها واول بنك رد بالموافقة كان البنك العربى ومشى الموضوع على كده