تقرير استلام التو 2015 الشكل الجديد

**Pharmacist zt** · 01-01-2015 03:35 AM

المشاركة الأصلية كتبت بواسطة محمد.صلاح

كنت فى التوكيل امبارح وحجزت اللون الفضى

ان شاء الله وقال التسليم ف شهرين ونص بالكتير
طبعا حالى احباط من شهرين ونص
العربية من وجهة نظرى كويسه جدا على قد سعرها وبـ 2500 انت ممكن تكملها وتعتبر سعرها 60 الف مقابل انك تشترى صينى full option بس مش مضمون (ممكن تفتح طلبات من اول شهر وممكن متصرفش مليم ) او انك تشترى مستعمل ودا انا شخصيا شفت معاه اسوء ايام فى الفيرنا
اللى مقلقنى منها الاتي :-
1-انها مش باور وربنا يستر بقى ومتبقاش تقيلة اوى فى الركن "يا ريت حد يطمنى ف الموضوع ده من حضراتكم خصوصا ان كلكم بتقولوا وهى واقفة تقيلة انا بسأل على الركن يا شباب "فى المنصورة اللى بيلاقى ركنه بينزل يبوس الاسفلت "
2-مقاس الكاوتش 13/145 وهل لو جنطت على 13/70/175 او 13/70/185 هيعمل مشكلة ف العفشة ولا لاء انا حافظ ع المقاس وهزود فى العرض للثبات هل دا ممكن
3-الـ800 cc خايف يبقى 1300 cc اول سنتين وبعد كده يفطس بس اللى مطمنى ان رجالة الالتو القدامى قالوا انها محترمة وبتجرى مبتفطسش "ربنا يستر :_alshmokh22[1]: "
4-ركب اللى انت عاوزه بس متلعبش فى الضفيرة " هل انا لو جبت الكاست اقدر اركبه بنفسى ولا لازم كهربائى هل الفيش موجوده بمجرد اركبها ف الكاست الموضوع خلص ولا لازم كهربائى هيطلع لى مخرج من الضفيرا ؟وهل فى انواع معينة بس اللى تتركب "اقصد السعة الكهربية ولا اى حاجه تركب"
مردتش ارجع من التوكيل وايدى فاضيه بما انكم فعلا افدتونى كتير "ربنا يبارك فيكم " جبت لكم قايمة باسعار التوكيل للاضافات والباكدج كاملة عليها خصم

ربنا يباركلك فيها انا كنت محتاجه اسعار الكماليات دي ضروري والصوره مش واضحه كويس.. ممكن حضرتك تكتبهم او تصورهم بوضوح وهل حضرتك جبت حاجات منهم وشكرا مقدما

**ah_kassem** · 01-01-2015 09:51 AM

المشاركة الأصلية كتبت بواسطة Pharmacist zt

ربنا يباركلك فيها انا كنت محتاجه اسعار الكماليات دي ضروري والصوره مش واضحه كويس.. ممكن حضرتك تكتبهم او تصورهم بوضوح وهل حضرتك جبت حاجات منهم وشكرا مقدما

حضرتك جالك احباط من شهرين ونص بس ادعى انك تستلم خلال 3 شهور انا حاجز فى التوكيل من شهر 9 2014 ولسه ماستلمتش لحد دلوقتى ؟؟؟؟؟؟؟؟

**ah_kassem** · 01-01-2015 09:58 AM

كده ياجماعه فاضل حاجه واحده لم تناقش بخصوص العربيه دى وهى إعاده البيع .....
ايه اخبار اعاده بيع الموديل ده هل هو بياع ولا تقيل فى البيع ياريت حد يفدنا فى الرد يكون اتعامل مع الجزئيه دى ؟؟؟؟؟؟؟؟؟؟؟؟

**omar_saad** · 01-01-2015 12:53 PM

السلام عليكم
لا تقلق من اعادة البيع --- بتتباع زي الفل -- مجرد حضرتك تعرضها علي كونتاكت كارز -- او حتي هنا في المنتدي -- او تحط ورقة علي العربية من ورا -- مفيش ادني مشكلة
طبعا بالنسبة للبيع يفضل التعامل مع التوكيل
مشكلة البيع هي ان السعر ها ينزل عن ما انت شاري -- خاصة لو كنت شاري قسط -- هاتخسر كتيييييير بجد
ان شاء الله تقتنع بها

**ah_kassem** · 01-01-2015 03:46 PM

المشاركة الأصلية كتبت بواسطة omar_saad

السلام عليكم
لا تقلق من اعادة البيع --- بتتباع زي الفل -- مجرد حضرتك تعرضها علي كونتاكت كارز -- او حتي هنا في المنتدي -- او تحط ورقة علي العربية من ورا -- مفيش ادني مشكلة
طبعا بالنسبة للبيع يفضل التعامل مع التوكيل
مشكلة البيع هي ان السعر ها ينزل عن ما انت شاري -- خاصة لو كنت شاري قسط -- هاتخسر كتيييييير بجد
ان شاء الله تقتنع بها

جزاك الله خير يا استاذ عمر
بس اعتقد ان العربيه سوقها تقيل شويه يعنى مثﻻ لو حبيت ابيع بعد خمس سنين اكيد هاخسر فيها كتير مش الف وﻻ الفين صح ؟؟؟؟

**محمد.صلاح** · 01-01-2015 04:03 PM

المشاركة الأصلية كتبت بواسطة Pharmacist zt

ربنا يباركلك فيها انا كنت محتاجه اسعار الكماليات دي ضروري والصوره مش واضحه كويس.. ممكن حضرتك تكتبهم او تصورهم بوضوح وهل حضرتك جبت حاجات منهم وشكرا مقدما

انا لسه مستلمتش ادعيلى ربنا يهون الامور واستلم قبل شهرين

,,,, بصى هى الاسعار غاليه شويتين تلاته اربعه وانتى ممكن تجيبى حاجات من بره , وانا هناك كان فى واحد بيستلم عربيته كان طالب مع العربيه سى دى و غطا , بصيت على السى دى لقتيته عادى جدا مش ماركه عاليه وشكله فضى ونور الزراير ازرق "بصراحه معجبنيش " + انه ب660 جنيه بالتركيب غالى برضه

فى اعضاء فى الموضوع بتهيألى ركبوا انزار وسنتر ممكن يفيدونا اكتر من النوعية والاسعار

فى خط بنر اصفر فوق الصورة اضغطى عليه الصورة هتبقى اكبر واوضح ,,, صورتها تانى برضه لو مش واضحة

استخيرى ربنا وروحى التوكيل السعر هناك لحد دلوقتى 57900 جم ينعم هيتأخروا شوية بس انتى اولى بالفرق ده ترخصيها وتشترى دواسات وسنتر وانذار وكاست بيه وهيبقى معاكى 1000 او 1500 جم خصوصا انى سالت فى المصرية قالوا 62500 جم وسالت فى سمير ريان قالوا 63000 جم ...
ومتختاريش اللون الاحمر

كل مصر اختارت الاحمر حتى البيت عندى عاوزانى اجيب الاحمر وانا اخترت الفضى

,,, اكسروا القاعدة يا ناس

**محمد.صلاح** · 01-01-2015 04:06 PM

المشاركة الأصلية كتبت بواسطة محمد.صلاح

كنت فى التوكيل امبارح وحجزت اللون الفضى

ان شاء الله وقال التسليم ف شهرين ونص بالكتير
طبعا حالى احباط من شهرين ونص
العربية من وجهة نظرى كويسه جدا على قد سعرها وبـ 2500 انت ممكن تكملها وتعتبر سعرها 60 الف مقابل انك تشترى صينى full option بس مش مضمون (ممكن تفتح طلبات من اول شهر وممكن متصرفش مليم ) او انك تشترى مستعمل ودا انا شخصيا شفت معاه اسوء ايام فى الفيرنا
اللى مقلقنى منها الاتي :-
1-انها مش باور وربنا يستر بقى ومتبقاش تقيلة اوى فى الركن "يا ريت حد يطمنى ف الموضوع ده من حضراتكم خصوصا ان كلكم بتقولوا وهى واقفة تقيلة انا بسأل على الركن يا شباب "فى المنصورة اللى بيلاقى ركنه بينزل يبوس الاسفلت "
2-مقاس الكاوتش 13/145 وهل لو جنطت على 13/70/175 او 13/70/185 هيعمل مشكلة ف العفشة ولا لاء انا حافظ ع المقاس وهزود فى العرض للثبات هل دا ممكن
3-الـ800 cc خايف يبقى 1300 cc اول سنتين وبعد كده يفطس بس اللى مطمنى ان رجالة الالتو القدامى قالوا انها محترمة وبتجرى مبتفطسش "ربنا يستر :_alshmokh22[1]: "
4-ركب اللى انت عاوزه بس متلعبش فى الضفيرة " هل انا لو جبت الكاست اقدر اركبه بنفسى ولا لازم كهربائى هل الفيش موجوده بمجرد اركبها ف الكاست الموضوع خلص ولا لازم كهربائى هيطلع لى مخرج من الضفيرا ؟وهل فى انواع معينة بس اللى تتركب "اقصد السعة الكهربية ولا اى حاجه تركب"

منتظر ردكم على الملاحظات .. طمنونى ربنا يطمنكم

**Pharmacist zt** · 01-01-2015 09:47 PM

انا سالت ف التوكيل عن تركيب زجاج كهربا قالوا ماينفعش يركبلها لان الضفيره مش هتستحمل ولو ركب مش هيكمل حاجه بسيطه ويبوظ ماكينه الرفع او الضفيره.. تعليقكم.. وهل فعلا السنتر تركيبه ف التوكيل احسن م بره ولو حد عمله هناك يقولنا ايه اخباره

**magdyerian** · 02-01-2015 07:19 PM

المشاركة الأصلية كتبت بواسطة Pharmacist zt

انا سالت ف التوكيل عن تركيب زجاج كهربا قالوا ماينفعش يركبلها لان الضفيره مش هتستحمل ولو ركب مش هيكمل حاجه بسيطه ويبوظ ماكينه الرفع او الضفيره.. تعليقكم.. وهل فعلا السنتر تركيبه ف التوكيل احسن م بره ولو حد عمله هناك يقولنا ايه اخباره

معنى كدة اننا مش هانعرف نركبة اصلا حتى لو جوا التوكيل دة اية الذل دة ؟؟؟؟؟؟؟؟
على كدة بقى الولاعة لو ركبت برا ممكن تولع فى العربية او تسيح الضفيرة
لا تعليق

**Pharmacist zt** · 03-01-2015 04:07 AM

المشاركة الأصلية كتبت بواسطة ibrahimahmed

ده حقيقى ... اغلب البنوك الخاصة بتعمل فايدة 10% فى السنة ( هما بيقولو 8% و8.5% على سبيل جر الرجل ... انما هى بتصفصف على 10 % فى الاخر ... واحيانا 10.5% كمان )
وكلمة 10% فى السنة دى يعنى فى الخمس سنين تبقى الفايدة على مبلغ القرض 50%
يعنى لو العربية ب 60 الف مثلا ... وانا دفت 20 الف مقدم ... يبقى مبلغ القرض هايبقى 40 الف جنيه
ال 40 الف جنيه دول لما يكون عليهم فايدة 50 % فى الخمس سنين يعنى ال40 الف عليهم فايدة 20 الف
يبقى اجمالى قيمة القرض بعد الفايدة 60 الف جنيه ... اقسمى بقى ال60 الف جنيه على 60 شهر ( اللى هما 5 سنين ) هايطلع القسط الشهرى 1000 جنيه
وهايبقى اجمالى تمن العربية = المقدم + قيمة القرض + الفائدة = 20 + 40 + 20 = 80 الف جنيه
طبعا كل ما هتزودى المقدم القسط هايقل بالتبعية
مثال : لو دفعتى 30 الف مقدم ... يبقى القرض هو اللى فاضل من ثمن العربية يعنى هايبقى 30 الف جنيه ... اضربى ال 30 الف جنيه فى 50% فائدة ... هيبقى المبلغ بالفائدة 45 الف جنيه
اقسمى بقى ال 45000 دول على 60 شهر هايطلع فى الشهر 750 جنيه فقط
وهيبقى المبلغ الكلى للعربية 30 الف مقدم + 30 الف القرض + 15 الف الفائدة الكلية = 75 الف جنيه ... يعنى الفائدة قلت والمبلغ الكلى قل ... لان المقدم زاد

حضرتك قسطت مع بنك ايه وايه اجراءات التقسيط لو سمحت