عودة لحتة نقطة الضعف دي عشان مهمة جدا. هو احنا طبعا مش هانألف نقاط ضعف عشان نرضي اللي بيعمل لنا الانترفيو، عشان كده زي ما قلت لازم تعمل لنفسك self assessment كويس جدا و ما ينفعش خالص حد يتسأل السؤال ده في انترفيو و تكون الإجابة مافيش.. أو تخترع (انا باتكلم عموما يعني مش موجهة كلامي لحد معين) نقطة ضعف مثالية جدا، زي مثلا أصلي معطاء أوي و ده بيطمع الناس فية.. و لا نقطة ضعف تودي في داهية زي مثلا أصلي عصبي و لما باتنرفز مش باشوف قصادي.. و هكذا.
دي كمان لازم تقعد مع نفسك فيها و تسأل نفسك و تجاوب.. انت هدفك ايه من الشغل؟ مافيش إجابة مثالية هنا.. الإجابة المثالية هي اللي تطلع منك بعد ما تقعد مع نفسك.- هدفك إيه من الشغل ؟
برضه جاوب السؤال ده مع نفسك و جاوب بمنتهى الأمانة كمان، و لو حبيت تسأله أي نوع من أنواع الضغط اسأله، يعني هل ضغط شغل كتير؟ و لا ضغط مديري علية؟ و لا ضغط عملاء هاتعامل معاهم و لا ضغط جو عمل؟ و على أساس الإجابة جاوب انت. انما عموما حاول إجابتك هنا تكون آه باقدر اشتغل تحت ضغط، إلا طبعا لو كانت هي دي نقطة ضعفك الأساسية اللي لحد لحظة الانترفيو مش قادر تتغلب عليها، في الحالة دي حاول تسأله عن نوع الضغط اللي ممكن تتعرض له و حاول تكون صريح و صادق و ما تحاولش تجمل نفسك في حالة زي دي عشان مش هاتكون في صالحك.- تقدر تشتغل تحت ضغط ؟
ده سؤال أساسي بيتسأل في الانترفيوز و لازم تبقى محضر له إجابة قبل ما تروح الانترفيو.. لازم لازم لازم و طبعا إجابته متعلقة بمهاراتك و مؤهلاتك و خبراتك مقارنة بالوظيفة اللي انت مقدم عليها.. إووووووووووعى تروح انترفيو و مش معاك إجابة السؤال ده.- ما هو الشيء الذي لا يستطيع أحد غيرك القيام به ؟
برضه دور على إجابة السؤال ده في نفسك و مع نفسك و ممكن على فكرة تكتب الأسئلة دي كلها و ترجع لها لما يكون عندك انترفيو تاني عشان تبقى جاهز بإجاباتها في المرة اللي بعدها و عن طريق كده فعلا الواحد بيتعلم.- ما هي الفائدة العلمية والإجتماعية التي خرجت بها من عملك السابق ؟
طبعا من حقك انك تقول لأ لو فعلا مش عايز تشتغل 12 ساعة، بس الأفضل انك تسأله طيب هل ده باستمرار؟ كل يوم يعني؟ و لو كانت الإجابة بآه قول له انه للأسف مش هاينفع معاك لإنك من الناس اللي بتؤمن بأهمية التوازن بين الوظيفة و الحياة الاجتماعية و يهمك جدا انك ما تفشلش في أي من الجهتين. أما لو كانت الإجابة بلأ فحاول تاخد منه معلومات عن كل أد ايه و لو لقيت الموضوع في المعقول قول له انك طبعا تحت أمر الشغل لو محتاجك تشتغل لمدة 12 ساعة "في بعض الأحيان".- هل تقدر تشتغل 12 ساعة يومياً ؟
أنا قلتله لأ
يمكن بالنسبة لك انت تظهر أسئلة بلا معنى، بس بالنسبة للي بيعمل لك الانترفيو هي المعنى كله :)و أسئلة أخرى كثيرة ليس لها معنى حتى مللت منه الصراحة
المفضلات