الموضوع: أخيرًا جبت بولو

المشاركة الأصلية كتبت بواسطة umoussa

الجنط الي في صورة ده انا مكسر منه اتنين

يعني غيرت الطقم أول مرة والمرة التانية اتكسر برضو

أول مرة كنت راجع من الجونة وخدت قالب طوب في الجنط الشمال الأمامي والجنط اتفرتك والحمد لله انه وصلني لحد القاهرة ورحت استعدلته وطلع عيني وبرضو مرجعش زي الأول وكنت قرفان منه وكنت مركب معاه كاوتش روودستون ولاحظت معدل التآكل السريع وضعف الجنط..

لقيت طقم تاني، رحت جايبه ومعاه كاوتش فولدا، ماشي يا سيدي في أمان الله في مدينة نصر الجميلة لقيت بلاعة حاولت افاديها خدتها بزاوية راح الكاوتش عامل بلونة والجنط باظ

رحت مرجع الجنط ورا وريحت دماغي هوب رحت خدت مطب تاني في مدينة نصر الجميلة راح جنط تاني وفردة بايظيين

رحت رامي الطقم ده ومغير للطقم البرازيلي الي قولتلك عليه وغيرت الكاوتش لبريدجستون

ومن ساعتها معرفش إذا كان في في العربية جنوط وكاوتش ولا لأ

طيب بقولك يا اسامه

والطقم البرازيلى دا بقى تفاصيله ايه يعنى مقاس الجنط
مقاس الكوتش نوعهم vw ولا لاء وهكذا.

وبرده تنصحنى بانهى نوع جنط وبانهى مقاس اما بالنسبه للكوتش فانت بتقولى البريدجستون طيب المقاس ايه برده؟

المشاركة الأصلية كتبت بواسطة umoussa

بدل ميكسي الطارة

أحسن يجيب طارة إيرباج شكلها أفضل وخامتها أفضل بكتير

لأن كدا كدا المكسية بتقشر والشمس بتبوظها

لكن الطارة الإيرباج بتعيش

مش عارف إذا كان صاحب الموضوع عراف شكلها ولا لأ بس أكيد شكلها أجمد بكتيييييييييييييييييييير

بالنسبه فعلا دا انت فكرتنى يا اسامه .

لو حبيت اجيب طاره ايرباج هل بسمع أن لازم بيركبلها حساسات فى الاكصدام باين وفيلم هندى كدا عشان يركب ولا إيه ؟ فإيه بققى نظام الموضوع دا ؟

المشاركة الأصلية كتبت بواسطة iBiZa

انا شايف (و دة رأى الشخصى طبعا) ان الجنط ال14 احسن حاجة عليها.

من حيث تجيب اية؟؟ فا ممكن تدور فى الاستيراد على جنط Vw اصلى و هتلاقية من 1000 الى 1500 و مقاس الكاوتش هيبقى 185/60/14 و مش بيحك عندى.

لو لقيت 15 يبقى هتركب 195/50/15 و مش عارف هيحك ولا لأ, نشوف اسامة فا الموضوع دة.

اوك

متعرفش تجيبلى صور الجنط ال 14 دا الى انت بتقول عليه يا عماد وتقريبا الى هو راكب عندك ولا لاء؟

ويا ريت برده لو تجبلى صور لل15 دا اشوف شكله ايه برده عشان اقدر أكون رأى.

الله ينور عليك يا أبو عماد هو دا الى انا بكلم فيه

هل فعلا ينفع أشغل الايرباج دا عندى ولا لاء ولو ينفع مواله إيه وحاجاته إيه ويكلف كام وهكذا

ايواااااااا الله يكرمك يا عماد

يبقى هو بقى الجنط ال 15 الى انا عايزه طيب والجنط دا جامد يعنى يستحمل لان المفروض كدا لانه بتاع شركة ال vw نفسها ودا بقى الى كنت قولتلى عليه قبل كدا انه فى حدود 2000 ج صح ؟
ودا لو حالته نظيفه طبعا

اما بالنسبه للأيرباج فامش وقتها خالص دولتى بس كنت عايز اعرف حاجه هو الأيرباج الى انت بتقول عليه بتاع الراكب الى جنب السواق دا يركب ازاى اساسا والتابلوه مبرشم يعنى مفهوش مكان اساسا للأيرباج دا ؟