الموضوع: أخيرًا جبت بولو

مش حضرتك بتسأل عن تركيب الأير باج لسيادتك وللى جانبك أنا رديت على حضرتك وقلتلك التابلوه كله بيتغير لأن اليرباج للى جانبك بيبقى بلت أن

واضح اني تأخرت كتير

حرد على كل سؤال انهاردة ان شاء الله

المشاركة الأصلية كتبت بواسطة elshrpeny

يبقى هو بقى الجنط ال 15 الى انا عايزه طيب والجنط دا جامد يعنى يستحمل لان المفروض كدا لانه بتاع شركة ال vw نفسها ودا بقى الى كنت قولتلى عليه قبل كدا انه فى حدود 2000 ج صح ؟

كان عامل فى حدود السعر دة بس انا بقالى مدة ماشفتوش فا معرفش لو لقيتة هيبقى بكام.

لو مش لاقية, فية حاجات تانية VW بردة او Seat نفس الابعاد.

المشاركة الأصلية كتبت بواسطة elshrpeny

اما بالنسبه للأيرباج فامش وقتها خالص دولتى بس كنت عايز اعرف حاجه هو الأيرباج الى انت بتقول عليه بتاع الراكب الى جنب السواق دا يركب ازاى اساسا والتابلوه مبرشم يعنى مفهوش مكان اساسا للأيرباج دا ؟

من تحت التابلوة و لما الAirbag تضرب, تقطع التابلوة فا بتغيرة بعد كدة.

المشاركة الأصلية كتبت بواسطة momomero

التابلوه كلو بيتغير

مش لازم, و عندك فى ال99 بتشيل الدرج و الرف اللى تحتة و بتجى الAirbag و معاها درج صغير.

مش لازم تغير التابلوة عندك.

بالنسبة لموضوع الجنط شوف اللينك دي علشان أنا كنت حاطط الصور لأحد الزملاء هنا على الموقع

http://www.nilemotors.net/Nile/showthread.php?t=63644

الجنط ده هو الجنط 14 بوصة بتاع البولو 2001

لو عاجبك، بسيطة، حتنزل بورسعيد، روح عمارات بنك الإسكان
عمارة رقم 78
محل الحج مجدي البيومي
قابل الحج محمد بيومي هناك
قوله أنا من طرف المهندس أسامه موسى وهو حيعمل معاك الواجب كله

حتلاقي عنده طقم إن شاء الله وممكن تلاقي حاجات أفضل كمان

خلي بالك بورسعيد نص يوم شغل يوم الخميس
والجمعة قافلين

بالنسبة بقى لموضوع الإيرباج فالموضوع كبير شوية..

طيب علشان تركب الإيرباج لازم الأول تعرف طقم الإيرباج بيتكون من إيه؟؟

1. ضفيرة إيرباج
2. كنترول إيرباج (موجود وراء الكنسول الأوسط تحت التابلوه)
2. طارة إيرباج
3. تركيب كبسولة إيرباج في التابلوه (مش محتاج تغير التابلوه)
4. حزامين إيرباج
5. حساس تصادم خلفي (2 حساس، واحد تحت كل كرسي)
6. كبسولتين إيرباج للكرسيين الأماميين

يبقى حضرتك محتاج 6 حاجات علشان يكون عندك 6 إيرباج في العربية وطبعاً دي تجهيزات ال GTI
وهي عبارة عن طارة وتابلوه وحزامين وكرسيين.

عربيتك أصلاً المشكلة الضخمة الي فيها إنها مفيهاش Convenience System ولأن الإيرباج ليه علاقة بالسنترلوك وسريبنة الإنذار الأصلي بتاعة العربية يبقى عربيتك مش حينفع يركب فيها إيرباج.

على الرغم من إني لسه مركبة في عربية من حوالي شهر، بس العربية كان فيها Convenience System

يبقى موضوع الإيرباج خارج التفكير خالص

طيب تحب تعرف الأسعار؟

الضفيرة بحوالي 2500 جنيه
كنترول 500 جنيه
طارة (انت وشطارتك) مش أقل من 500 جنيه
كبسولة تابلوه 200 جنيه
حزامين 500 جنيه
كبسولتين كراسي (معرفش ثمنهم كام لأنهم مش موجدين استيراد أصلاً)
حساسين تصادم خلفي 200 جنيه

يعني بتتكلم في حوالي 5500 إلى 6500 جنيه من غير مصنعية.

طيب لو موافق، مفروض يحصل إيه؟

1. حتفك الكرسيين الأماميين
2. فك التابلوه بالكامل (فوق وتحت)
3. فك موكيت الأرضية بالكامل وكشف صاج العربية
4. فك الجانبين الفبر (القائمين اليمين والشمال)
5. توصيل سلك واحد على فيشة التجميعة الحمراء
6. توصيل كنبرول الإيرباج بال CAN وموضوع ال CAN ده يطول شرحه (بس باختصار حتوصله بالعداد، سلكتين مش أكتر)

وبعد كده تقفل والدنيا تشتغل سكينة في الجاتوه.

أكيد حتقول التكلفة غالية... طبعاً غالية طيب الحل إيه؟

تنزل بورسعيد تروح عند الحج مجدي البيومي تاني

تشوف نص بولو 1400 جي من إيطاليا دريكسيون شمال تاخد ضفيرة الصالون بالكامل وساعتها حتقدر تركب الحاجات التالية:

1. إيرباج
2. زجاج كهرباء
3. مريات كهرباء بالسخانات
4. إنذار أصلي
5. سنتر أصلي
6. نظام مراقبة داخلية (Interior Monitoring)

طيب التكلفة أد إيه؟
الضفيرة بالكامل بحوالي 1000 جنيه + البنود من 2 إلى 6 الي انا قولتهم قبل كده.

قبل ماتقول طل الي انا وفرته 1500 جنيه، أحب اقولك إجابة غلط، طب ليه؟

لأن ضفيرتك أصلا متعرفش تشغل الأوبشن الجديدة الي انا قولتلك عليها فسعتها طبعاً حتكون كأنك اشتريت عربية جديدة.

خلي بالك، لا قدر الله لو الإيرباج فتح إيه الي حيحصل وإيه الي حيتغير؟

1. حتغير التابلوه لأنه حيتقطع من أدام الي قاعد جنب السواق.
2. حتغير كبسولة الإيرباج بتاعة الطارة.
3. حتغير الحزامين، لأن الحزام لما الإيرباج بيفتح بيشدك في الكرسي ومبيفكش تاني ولازم يتقص.
4. الكنترول لازم يتمسح من عليه حاجة اسمها Crash Data ودي حتكلفك من أقل من 200 جنيه.

وطبعاً خد بالك السواقة المتهورة وإنك تاخد مطبات عنيفة أو تطلع فوق رصيف أو تخبط في عربية أدامك أو عربية تخبط فيك من الخلف كلها حاجات تخلي الإيرباج يفتح.

أتمنى أكون وضحتلك الصورة وحشرحلك في الرسالة القادمة موضوع الإنذار

ملحوظة أخيرة، ممكن تقفل الإيرباج في أي وقت، أنا بعد ساعات بعمل كده وده عن طريق الجهاز أو إنك تشيل فيشة أي حزام من الحزامين أو فيشة أي كرسي من الكرسيين، وساعتها نظام الإيرباج كله حيتعطل ولمبة الإيرباج حتنور في العداد.

كمان ممكن تشغل العدد الي انت عايزة من الإيرباج، يعني ممكن تشغل الطارة بس؟ أو الطارة والتابلوه أو الطارة والتابلوه والحزامين، وأقل عدد يشتعغل هو 1 وده بيكون الطارة بس لوحدها.

وسلام مؤقت

أنا قولتلك،
1. افتح شنطة العربية
2. حتلاقي موكيت يمين وشمال
3. فك الموكيت اليمين، حتلاقي قربة هواء لونها أسود في أبيض وراكب فيها فيشة وطالع منها خرطوم هواء.

أنا مقولتش بص عند الاستبن.

الجنب اليمين ده مفروض بيتحط فيه شنطة الاسعافات الأولية وحتلاقي عليه علامة (+) لونها أخضر.

لو لقيت طرمبة الهواء دي.. يبقى متركبش إنذار وحقولك ليه، ولو مش موجوده يبقى العربية مفيهاش أي انذار أصلي والي راكب فيها بلدي وساعتها ركب اي انذار انت وذوقك.

سبب عدم التركيب

الإنذار البلدي بيعمل شوية حاجات، من ضمنها لما تشغل العربية يقفل وفي حاجات بتقلد فولكس لما العربية تمشي وتوصل سرعتها 15 كيلو يقفل..الي عايز اقولهولك ان وظيفة "يقفل" في الانذار البلدي كتتيييييييييير أوي ودي حتخلي طرمبة الهواء بتاعة السنتر الأصلي تبوظ من كتر الاستخدام وحتتمرجح لما تبوظ علشان تلاقيها لأنها مش كتير وكمان غاليه (125 جنيه)

كمان لما يجي يركب الإنذار حيحتاج يعرف اسلاك معينة في الضفيرة بتاعة الصالون الي بتشغل السنتر الأصلي، زي مثلاً انهي سلك الي شايل اشارة الفتح وانهي سلك الي شايل اشارة القفل وممكن يعمل مشكلة في العربية خصوصاً إن غالبية الي بيركبوا بيحبوا يستخدموا ذكائهم.. ولو غلب ذكائه حيقولك نشيل السنتر الأصلي ونركب قرب في الأبواب ودي حتبقى أحسن من الستر الأصلي.


اما بقى لو مفيهاش سنتر أصلي يعني مفيش طرمبة الهواء دي...قأقدر اقولك عيش وركب الي يعجبك.

وصلت يا حج شربيني ولا لسه؟

سلام مؤقت

مبروك وربنا يباركلك

المشاركة الأصلية كتبت بواسطة elshrpeny

طيب بقولك يا اسامه

والطقم البرازيلى دا بقى تفاصيله ايه يعنى مقاس الجنط
مقاس الكوتش نوعهم vw ولا لاء وهكذا.

وبرده تنصحنى بانهى نوع جنط وبانهى مقاس اما بالنسبه للكوتش فانت بتقولى البريدجستون طيب المقاس ايه برده؟

دا ياسيدي الجنط ال 15 بوصة الي انا مركبه - برازيلي
ومقاس الكاوتش: 195/50/15 "بريدجستون - بوتينزا أدرينالين ياباني الفردة كانت 650 جنيه من سنة" ودا أكبر من مقاس العربية 5 ومش بيحك



وعلشان تركبه لازم تخلف بيض المقص علشان الزوايا تتظبط ولو معملتش كده حيبقى عندك مشكلتين

1. حيحك
2. عمر الزوايا محتتظبط والكاوتش حيتآكل