الموضوع: مشكله ف طقم البيوجهات الجديد ؟!

المشاركة الأصلية كتبت بواسطة tasaka

المعلومه بالازرق دى .. اول مره اعرفها .. كت متصور انه حيزود ال الـ ٢,. كجم موش ٣,. كجم

و مكنتش اعرف ان الكمبيوتر بيستعمل احتياطات سلامه

شكرا على المعلومات القيمه .. اللى اتعلمت منها كتير
العفو ياباشا كلنا بنتعلم وبنستفيد من بعض



فيه ماكنيه دخان بتحطها فى مدخل الانجكشن ..
هى يفضل يبقى ليها خرطوم زى خراطيم الفاكيوم اللى فى العربية وبتركبه على أى وصلة فاكيوم وتسد البوابة بكيس نايلون وأستك بتاع فلوس :)
هى فكرتها سهله .. هى عباره عن تسخين زيت بشده لغايه ما يعمل زى بخار .. و بعدي توصله على خرطوم كمبرسور هوا عليه محبس .. اعتقد فى مصر ممكن تتعمل بطريقه بسيطه

فيه كذا فكرة ممكن تولع ورق فى برطمان وتخرج خرطوم فاكيوم من الغطا بتاعه وتخرج كمان خرطوم تانى يركب عليه منفاخ العجلة علشان تديله هوا ويفضل الورق مولع - ممكن كمان تحط حتة خرطوم كاوتش مولعه فى البرطمان وتقفل واهو اى حاجه تشتغل معاك .


انا بصراحه كنت عايز اعمل الطريقتين دول بس خفت ..

انا فاهم الفكره العامه .. ان البنزين هو وسيله لانتاج الهيدروكربون .. يبقى ممكن نوصلها للمحرك باى وسيله اخرى ( منظف كربيراتير او غاز )

طريقه منظف كاربراتير هل استعمالها امن .. يعنى مفيش خوف ان الموتور يولع ؟؟
لأ مش حايولع لأنك مش بتدلقه ده اسبراى مخلوط بالهوا وبتبقى اصلا تحت ضغط وبتشتغل والعربية باردة يادوب تدور وتشتغل على طول.
طريقه البوتجاز دى ( يعنى كنت بافكر برضه اجيب انبوبه غاز ملو ولاعات ) .. هل استعمالها امن .. يعنى مفيش خوف ان الموتور يولع ؟؟
دى بقى أنا مايجيليش قلب اعملها وحاسيب العربية بالفاكيوم أحسن :) - فيه ناس قلبها جامد بس المشكلة بتاعة البيوتان إن البيئة المحيطة كلها بتتملى ريحه وده معناه انه سريع الإنتشار - مثلاً واحد معدى ومولع سيجارة وجاى يتفرج حايعملك مشكلة !!!!!! :)



النقطه دى موش واضحه بالنسبه لى ( يمكن علشان مفهومى بخصوص طريقه عمل منظم ضغط الوقود )
أنا باتكلم بصفة عامة سواء فيه عطل ولا مافيش - بداية اللعب فى نسبة الخليط هى سينسور الاكسجين اللى بيحس بالنسبة بتاعة الاكسجين فى العادم وبناء عليه بينقلها للكمبيوتر علشان يطلع أمر بضبط النسبة والـ STFT هو المونيتور اللى بنتفرج فيه على اللى بيعمله الكمبيوتر والـ LTFT هو المونيتور اللى بنتفرج فيه على النتيجة النهائية اللى عملها الكمبيوتر لأنه باستمرار داخل ليه معطيات تانية من السينسورات التانية وبيقعد يوفق بينهم ويصالحهم على بعض :) علشان يطلع المحصلة النهائية بتاعة الـ LTFT .
الكلام كان عن ضعف طرمبه .. او ضعف وصول البنزين داخل السلندر لسبب ما

المفروض على السلانسيه الطرمبه قادره توفى بالاحتيجات .. و ال LTFT حيكون طبيعى

لما نزود ار بى ام .. زمن فتح الرشاش حيزيد ( حتى فى حاله طرمبه سليمه ) .. و لكن فى حاله وصول بنزين قليل .. زمن الفتح حيكون اكبر ( علشان LTFT حيرتفع مع رفع ال ار بى ام )

يبقى المفروض انى الاحظ العطل بصوره اوضح ( فقط لو الطرمبه ضعيفه اوى ) ؟؟

كلام مظبوط جداً "لو ضعيفة قوى "




انا فهمى معكوس للنوع القديم اللى باللون الازرق .. انه بيكون مقفول على طول فى السلانسيه ( بسبب ضغط السوسته ) .. و انه بيفتح مع دوسه البنزين بسبب زياده الفاكيوم ( اللى بيشد السوسته لفوق و يفتح خط الراجع ) .. يمكن فيه اكتر من نوع لمنظمات الضغط القديمه ؟؟

عانيت شهور من الخراطيم دى بتاعه الطرمبه فى عربيه كبا زمان .. لغايه مالقيت خرطوم من الاصلى

https://www.youtube.com/watch?v=zTK9-DoGIVY


هو بيعمل restriction ( يعنى إعاقة أو خنق أو سد جزئى) لما الضغط بيقل وده الكلام إللى أنا قولتهولك فى الأول ونفس الكلام إللى بيقوله مات . المحصلة النهائية لعمل المنظم بتاع الضغط إنه لو الضغط قل فى المسطرة بيعمل خنق لخط الراجع علشان يحافظ على الضغط ثابت يقفله كلى أو جزئى أو يقتحه هى نظرية عمل واحدة إنه لن يسمح بإن الضغط يقل فى المسطرة أو يزيد.

قريت رسالتك فى رسائل زوار المهندس احمد 2001 .. و غطا التكييف اللى لقيته فى البلكونه علشان تعمل جهاز قياس الضغط
والله لسه ماقفلتهوش لغاية دلوقتى بسبب ضيق الوقت وروقان البال - مع انى من فترة عملت مقاس كبس موتور ومقاس فاكيوم وجت عالغلبان ده بتاع ضغط الوقود ومش راضى يتقفل :)
على فكره فى 3 فيديوهات لشيروكى 2003 على موقع مات .. اعتقد واحد منهم قياس ضغط الوقود و طرمبه البنزين

https://www.youtube.com/watch?v=B9uUSaQ-vhA

متشكر جداً وحاتفرج عليهم
تحياتى و اعزازى و تقديرى

المشاركة الأصلية كتبت بواسطة tasaka

سؤال عن تفسير حاجه حصلت معى فى الفتيس .. و بصراحه متضايق جدا بسبب الموضوع ده

حصلت مرتين حتى الان .. و المرتين حصلوا عند تدوبر العربيه و هى بارده ( اول دواره كل يوم )


الوصف

بعد تدوير العربيه على البارد و الانتظار 20 ثانيه .. لو عشقت r و بعده d عده مرات للخروج من الجراج .. مفيش اى مشاكل

لكن فى المرتبن دول كنت باعشق ال r و ارجع سنه .. و بعدين احطها على n ممكن مثلا دقيقه ( و العربيه دايره ) .. و بعدها لما اعشق ال r للرجوع .. بيتحصل دبه جامده فى الفتيس .. و بعد كده التعشيق طبيعى d ,r مفيش مشاكل

يعنى هى مرتبطه بتعشيق ال r بعد وضعها على ال n لفتره و العربيه دايره .. و المرتين كانوا فى اول دواره بارده

- لم اجرب ان اعمل نفس الظروف و العربيه سخنه .. و لم اجرب اعشق d و هى بارده

الملاحظات
- الدواره البارده دلوقت بعد عمل الريست للكمبيوتر .. بقى ال ار بى ام اعلى شويه على البارد فقط ( لكن طبيعى بعد ما تسخن )

- كنت غيرت زين فتيس من شهرين .. و ظبطت المقاس على السخن .. بس ظبطته على البارك p موش على r ( ال p تفرق نصف لتر زياده عن ظبطه على ال r ) .. انا عملت كده لان قريت فى كتالوج نيسان ان الظبط بيكون على ال p

الموضوع ده سبب لى ضيق شديد يقى لى يومين

مع وافر الشكر

لازم تشوف كتالوج العربية قايل مستوى الزيت بيتقاس على الـ p ولا أى نقلة تانية لأنها بتفرق من ماركة لماركة - القياس عالسخن أعتقد إن كل الماركات متفقة عليه - وهل الحكاية دى ظهرت بعد تغيير زيت الفتيس ولا من قريب؟
فيه عربيات تقدر تحدد فيها ان الزيت ناقص أو زايد عن طريق المقاس بتاع زيت الفتيس بعد ماترجع من مشوار والعربية سخنة ودايرة تشوف هل الزيت عامل رغاوى لو كان عامل رغاوى يبقى زايد أو ناقص - وفى الاغلب بيبقى زايد . بس فيه عربيات مش بيبان فيها اذا كان عامل رغاوى ولا لأ.
الأر بى ام العالى بيعمل برضه خبطة فى الفتيس - والنقل اثناء الحركة بتاعة العربية بيعمل خبطة فى الفتيس