إسأل و إطمن علي الفرامل..

**em_eassa** · 31-01-2009 05:41 PM

آسف 5 شهور

**SAMER_ENGINES** · 31-01-2009 05:43 PM

المشاركة الأصلية كتبت بواسطة em_eassa

انا لسه جايب عربية زيرو جديدة من 3 شهور فيرنا
ولكن روحت كذا مره للتوكيل واشتكى من الفرامل.
لن اول ما جبتها كان بمجرد لمس الفرامل كانت تهدى ولو ضغط شوية صغيرين تقف العربية
لكن بعد ال 5000 حسيت ان الفرامل بتاخد مسافة كبيرة علشان تقف
وقوتها الكانت فى الاول راحت
وكل ما اروح التوكيل يعملوا رجلاش خلفى وهما افنعونى انه طبيعى
لحد ما الحمد لله العربية عملت بها حادثة اول امبارح بس العربية بازت من الامام لنى نلحقتش اقف

فرجوا حد يقولى ايه المقياس للفرامل يعنى امتى أأقول انه كويسه او لأ؟
مع العلم انه الفرامل بتاخد تقريبا نص المسافة لتحت علشان تبتدى توقف والزيت مضبوط وكل حاجه

ثانيا انا لما العربية بازت طبعا وديتها للتوكيل - غبور لنى مامن تبعهم تبع حاجه اسمها الجمعية المصرية ،، فهل حد عنده معلومات ايه نظام التامين ده لنى اول مره استخدمه واول سنة ومش عارف هل الناس ديه بتتاخر ولا ايه؟؟؟؟؟؟؟؟؟؟؟

وشكرا على المنتدى الجميل والمفيد جدا جدا جدا

اهلا بيك..
و حمد لله علي سلامتك و أنشاء الله العربية تتصلح و ترجع زي ما كانت و أحسن كمان..
و بالنسبة لكيفية التأكد من فرامل السيارة فأليك بعض الأشياء الهامة التي تؤكد لك أن فرامل السيارة جيدة أم لا:-
كيف أتأكد من جودة الفرامل؟؟

1- يكون مشوارها مش طويل لتحت.

2- (تجربة الفرامل العادية) تاخد سرعة بالعربية و تفرمل فجائي و لو صرخ العجل و توقف العجل عن الدوران يبقي الفرامل جيدة.

3- ألا تكون الفرامل ناشفة زيادة عن اللزوم يعني مشوارها قصير زيادة عن اللزوم و اول ما تدوس العربية تكلبش في الأرض.

4- تكون الفرامل مش محجرة لما تدوس تحس انك بتدوس علي طوبة و مع ذلك العربية مش بتفرمل و لا تتوقف.

5- عدم وجود حدفة يمين او يسار.

6- أن تكون الفرامل مستقرة و استقرار الفرامل بمعني الا تتوقف في مرة و مرة الفرامل تهرب.

7- عدم توقف عجلة واحدة فقط و الباقي لا و عدم توقف جميع العجل و عجلة واحدة لا أو ان تتوقف السيارة من ناحية الشمال فقط او اليمين فقط او من الامام فقط او الخلف فقط.

و في حالة حضرتك دي ممكن تكون العربية عايز يتاخد لها هواء و مش شرط طالما الزيت كامل يكون الزيت نفسه كويس ممكن تكون نوعيته مش كويسة.
فأهم شئ تراجع علي الماستر العمومي و سائل الفرامل و جودته و لو وجدتهم بحالة جيدة يبقي العربية دي محتاجة يتاخد لها هواء من دورة الفرامل عشان الفرامل تعلي و بس و بإذن الله بسيطة.
أما موضوع التأمين فلا أعرف عنه شئ و لو حد من الزملاء يحب يتكلم عنه أو عنده معلومات عنه فأهلا بيه.

**em_eassa** · 31-01-2009 10:53 PM

المشاركة الأصلية كتبت بواسطة samer_engines

اهلا بيك..
و حمد لله علي سلامتك و أنشاء الله العربية تتصلح و ترجع زي ما كانت و أحسن كمان..
و بالنسبة لكيفية التأكد من فرامل السيارة فأليك بعض الأشياء الهامة التي تؤكد لك أن فرامل السيارة جيدة أم لا:-
كيف أتأكد من جودة الفرامل؟؟

1- يكون مشوارها مش طويل لتحت.

2- (تجربة الفرامل العادية) تاخد سرعة بالعربية و تفرمل فجائي و لو صرخ العجل و توقف العجل عن الدوران يبقي الفرامل جيدة.

3- ألا تكون الفرامل ناشفة زيادة عن اللزوم يعني مشوارها قصير زيادة عن اللزوم و اول ما تدوس العربية تكلبش في الأرض.

4- تكون الفرامل مش محجرة لما تدوس تحس انك بتدوس علي طوبة و مع ذلك العربية مش بتفرمل و لا تتوقف.

5- عدم وجود حدفة يمين او يسار.

6- أن تكون الفرامل مستقرة و استقرار الفرامل بمعني الا تتوقف في مرة و مرة الفرامل تهرب.

7- عدم توقف عجلة واحدة فقط و الباقي لا و عدم توقف جميع العجل و عجلة واحدة لا أو ان تتوقف السيارة من ناحية الشمال فقط او اليمين فقط او من الامام فقط او الخلف فقط.

و في حالة حضرتك دي ممكن تكون العربية عايز يتاخد لها هواء و مش شرط طالما الزيت كامل يكون الزيت نفسه كويس ممكن تكون نوعيته مش كويسة.
فأهم شئ تراجع علي الماستر العمومي و سائل الفرامل و جودته و لو وجدتهم بحالة جيدة يبقي العربية دي محتاجة يتاخد لها هواء من دورة الفرامل عشان الفرامل تعلي و بس و بإذن الله بسيطة.
أما موضوع التأمين فلا أعرف عنه شئ و لو حد من الزملاء يحب يتكلم عنه أو عنده معلومات عنه فأهلا بيه.

شكرا جزيلا
بس هو الرجلاش هو نفسه موضوع يتاخد هواء

يعنى لما اروح لهم أأقولهم يسحبوا الهواء من دورة الفرامل

ولك جزيل الشكر

**dr_abooody** · 01-02-2009 03:56 PM

السلام عليكم

انا معايا 128

لما ادوس على الفرامل جامد بتمسك كويس بس مش بالدرجة المطلوبة بس الفرامل كويسة جدااا و بتمسك حلو

المهم دلوقتي جي بشوف الماستر العمومي لقيتة زي مدلوق علية طبقة من الزيت كدا قولت يمكن حاجة تانية

لقيت الكباس بتاع الفرامل علية بردة زيت كتير قولت كدا في حاجة
حطيت ايدي من تحت لقيت سائل كدا روحت شوفت طعمة اية لقيتة مسكر و دوقت سائل الفرامل ليقتة نفس الطعم

كدا في تسريب لسائل الفرامل
يا ترى كدا اية المشكلة هل الكباس بيسرب زيت و لا الماستر العمومي

هي الفرامل كويسة و ما فيهاش حاجة خالص هل لو سيبت الزيت دة كدا هل في مشاكل ان الفرامل يحصلها تلف مفاجئ لا قدر الله و انا ماشي
و لا دة كدا خطر

**dr_walid** · 02-02-2009 11:57 AM

الدبرياج اعرف ازاى انة فية مشكلة
اصل التوكيل قال انة لازم يتغير و انا عمرى ماشتكيت
من الدبرياج

**kemoelord** · 02-02-2009 12:28 PM

المشاركة الأصلية كتبت بواسطة dr_walid

الدبرياج اعرف ازاى انة فية مشكلة
اصل التوكيل قال انة لازم يتغير و انا عمرى ماشتكيت
من الدبرياج

التوكيل عندهم اي حاجة عاوزه تتغير مادام شكلها مش عاجبهم بيستسهلوا وفي نفس الوقت عاوزين يسرقوا وينبهبوا وخلص بالاضافه ان اسعارهم 10 اضعاف الي بره

**SAMER_ENGINES** · 02-02-2009 11:47 PM

أسف جدا للتأخر في الرد و لكن الكمبيوتر به مشاكل و ليس مشكلة واحدة و سأرد في اقرب وقت ممكن إن شاء الله.

**maka** · 03-02-2009 12:12 AM

معلش سوال جه على بالى كنت مرة راكب مع الميكانيكى ونازل من كوبرى اكتوبر

بسرعة جدا ولقيت حفرة كبير فى اخر المنزل وفرملت جامد فالميكانيكى قالى كده

خطر على العربية والفرامل الجامدة بتفتح شاسية العربية الكلام ده صح ولا لا

**ahmad5997** · 03-02-2009 11:48 AM

موضوع زي العسل وشخصية غاية في الاحترام

ربنا يباركلك

**cobraa2008** · 03-02-2009 04:17 PM

السلام عليكم انا عندي مشكلة اني وانا ماشي على 120 وادوس فرامل الاقي العربية ببترج جامد جدا واذا زودت عن ال120 ووصلت ل140 ومسكت فرامل الرجة بتخف وممكن ماتكنش في حاجة

تبقى ايه هيا المشكلة

الموضوع: إسأل و إطمن علي الفرامل..

LinkBack

أدوات الموضوع

عرض

-

-

-

-

-

-

-

المواضيع المتشابهه

إسأل مجرب للاسبيرانزا التيجو 1600 مانيوال

تابع موضوع إسأل مجرب للاسبيرانزا تيجو 1600

إحكي لنا عن موقف تعطلت فيه عربيتك واتصرفت إزاي (إسأل مجرب)

إسأل مجرب ولا تسأل طبيب

الكلمات الدلالية لهذا الموضوع

المفضلات

المفضلات

ضوابط المشاركة