إسأل و إطمن علي الفرامل..

**SAMER_ENGINES** · 24-12-2008 07:45 PM

المشاركة الأصلية كتبت بواسطة maka

ممكن صورة للمساتر الفرعية

اوي اوي طبعا بس سامحوني للتأخير لأني بوجه مشكلة مع الموقع اللي برفع عليه الصور و فور حلها حقوم برفع الصور و أسف للتأخير.

**SAMER_ENGINES** · 25-12-2008 01:29 AM

الصور اهي زي ما وعدتكم و اسف مرة تانية علي التأخير

دي صورة الماستر الفرعي للعجل الأمامي:

و دي الطنبورة اللي بيركب عليها الماستر ده:

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ

و دي صورة الماستر الخلفي:

و دي الطنبورة اللي بيركب عليها الماستر ده:

أتمني أكون وضحت المساتر الفرعية جيدا و أي سؤال انا جاهز له.

**maka** · 25-12-2008 03:30 AM

شكرا على الصور

بس مش الماستر الفرعية بيسموها كلبرات

**ehab_mansour** · 25-12-2008 08:22 AM

المشاركة الأصلية كتبت بواسطة car_lover

عفوا صديقي و لا شكر علي واجب..........
بالنسبة لصيانة الفرامل و انك تحافظ علي ثبات ادائها كل المطلوب منك تكشف علي سائل الفرامل من وقت للتاني و لو وجد الزيت ناقص متزودش الزيت بتروح بيها لورشة فرامل و دبرياج يكشف علي التيل عشان النقص ده ممكن يكون ناتج عن تآكل في التيل (ماعدا لا قدر الله في حالة النقص الشديد و تحس انه مش هينفع تمشي بيها كدة في الحالة دي لازم تزود لغاية ما توصل لورشة فرامل و دبرياج عشان يقوم باللازم).
و ده هو الشئ اللي بتعمله عشان تضمن انها تفضل جيدة و بصراحة اخاف اقولك تروح تكشف كل شوية عند حد (يعني كشف دوري) لأني ده مينفعش في مصر برة ممكن لكن هنا ممكن حد يقولك اه دي فيها و فيها و ممكن يلعب فيها و خلاص و ترجع تقول انا كنت الاول أحسن فكدة افضل و لاحظ لما تيجي تشتري ماستر عمومي بالذات يكون مش صيني و يكون نوعه كويس لاني ده الماستر اللي بيوزع سائل الفرامل للعربية كلها و لما تحط سائل فرامل تحط نوعية جيدة يستحسن بندكس فرنساوي او لوكهيد بس البندكس نوعية جيدة جدا و سعره ارخص.
و من ناحية تغيير الزيت انا مش بفضل التغيير لاني الزيت بيتغير لوحده مع عمرات الفرامل زي ما قلت قبل كدة لما بتعمل حاجة في الفرامل الزيت القديم بينزل و بيتحط زيت جديد عادة فأنا شايف انها طالما العربية ماشية كويس خلاص لأني مش بفضل اللعب في الفرامل كتير من غير داعي.
هو بس و انت بتكشف علي المية و زيت الموتور و كدة اكشف علي سائل الفرامل بالمرة زي ما قلت لك.
و أي حاجة انا تحت امركم.

متشكر جدا جدا والله ينور وربنا يجعله في ميزان حسناتك يوم القيامة ان شاء الله

**SAMER_ENGINES** · 25-12-2008 01:44 PM

المشاركة الأصلية كتبت بواسطة maka

شكرا على الصور

بس مش الماستر الفرعية بيسموها كلبرات

شوف صديقي الصنايعية في مصر بيحوروا الإسم تماما حتي ماركات بعض السيارات ليها نطق تاني خااااالص غير الي احنا بننطقه.
و كذلك أسماء بعض القطع فنحن هنا نقول (ماستر عجل) و للعلم أن هذا المسمي و هو (ماستر) خطأ تماما, و ذلك تماما ككلمة (زيت فرامل) و لقد أوضحت أنه (سائل فرامل) و ليس زيت فرامل من قبل و مع ذلك أحيانا اقع أنا شخصيا في ذلك الخطأ من التعود و من الكلام مع الصنايعية و السائقين.
و لنعود لكلمة ماستر Master و كلمة ماستر بالإنجليزية أساسا كما نعلم تعني رئيسي و المفروض الا تقال الا علي الماستر العمومي و هذه الكلمة أيضا في العمومي المفروض تكون صفة و ليست اسم و سيتضح هذا في المثال التالي فمثلا:-

* العمومي:-
- المفروض يسمي: السلندر العمومي للفرامل.
- بالإنجليزية:بريك ماستر سلندر -
Brake Master Cylinder.
- عندنا بمصر: (العمومي) و الشائع (ماستر عمومي).

* الأمامية:-
- المفروض تسمي: كاليبرات (لا تترجم لعدم وجود اسم مناسب بالعربية حسب ما بحثت عن تلك الكلمة).
- بالإنجليزية كاليبرات - Calipers.
- عندنا بمصر (ماستر امامي) و الشائع (ماستر جشمة).

* الخلفية:-
- المفروض تسمي: سلندر عجل للفرامل.
- بالإنجليزية: بريك ويل سلندر
Brake Wheel Cylinder.
- عندنا بمصر: (ماستر خلفي) و الشائع (ماستر عجل).

أرجو ان أكون قد أوضحت الفروقات الموجودة في تلك الأسامي و فروق الأسم عندنا بالنسبة للغات الاخري.

**SAMER_ENGINES** · 25-12-2008 01:54 PM

المشاركة الأصلية كتبت بواسطة TOOLA

أ/ Car lover المحترم (و نرجو تعريفنا باسم سيادتك), لو مفيش مشكلة من ادارة المنتدى, هل من الممكن ان حضرتك تسيب رقم تليفونك فى حالة احتياج أحد أفراد المنتدى استشارة أو كشف على الفرامل فى الورشة الخاصة بك, و أهو أحسن منروح لحد مانعرفهوش و يشتغلنا, خصوصا انى ليا سابق تجربة مريرة مع فرامل ال Accent

,
و شكرا

أولا اهلا بيك و أنت سألت السؤال اللي كنت عايز اسأله للإدارة هل ممكن أسيب رقم تليفوني و تليفون زميلي الاسطي سليم و عنوان الورشة ولا لا؟؟؟؟؟!!!!!!!
و لو مش ممكن هنا هل ممكن في قسم آخر ام لا؟؟؟؟؟؟!!!!!!!
انا منتظر الرد من الإدارة و أسمي الحقيقي هو سامر.

**TOOLA** · 25-12-2008 02:21 PM

تشرفنا أ/ سامر, و حتى نتبين موقف المنتدى, أرجو ارسال الرقم على الخاص, فى حالة الاحتياج له, و معرفة خير انشالله.

مع الشكر

أخوك/ أحمد عبد الرحمن

**amr5500** · 25-12-2008 04:11 PM

السلام عليكم
زيت الفرامل عندي بينقص بسرعه
فما الاحتمالات لهذا العيب
السيارة لادا 2107
شكرا علي مجهودك

**SAMER_ENGINES** · 25-12-2008 05:49 PM

المشاركة الأصلية كتبت بواسطة amr5500

السلام عليكم
زيت الفرامل عندي بينقص بسرعه
فما الاحتمالات لهذا العيب
السيارة لادا 2107
شكرا علي مجهودك

و عليكم السلام

نقص الزيت بسرعة ده معناه اني في تسريب من مكان ما ممكن يكون ماستر ضارب زيت مثلا فالمطلوب من حضرتك تشوف أولا الماستر العمومي لو كان غرقان زيت يبقي ضرب زيت و لو لم يكن تشوف كل عجلة ان كان واقع علي الجنط بتاعها او من جوة العجلة زيت او لا مش لازم ترفع كل عجلة طبعا ممكن تمد ايدك جوة العجلة و تشوف ايه الاخبار و لو لقيت زيت في العجل يبقي في ماستر عجل ضرب او خرطوم اتخرم بس غالبا الزيت اللي بيبقي علي العجل ده بيكون من ماستر العجل حاجة كمان ممكن تكون ماسورة من مواسير توصيل الزيت اتخرمت و السبب مش هيخرج عن كدة إن شاء الله.

فبإختصار راجع الأسهل اولاً من الماستر العمومي لحد العجل لو لم تصل لنتيجة لازم تروح ورشة دبرياج و فرامل يراجع هوة علي دورة الفرامل كلها و بإذن الله العيب هيكون بسيط.

الموضوع: إسأل و إطمن علي الفرامل..

LinkBack

أدوات الموضوع

عرض

-

-

-

-

-

-

-

المواضيع المتشابهه

إسأل مجرب للاسبيرانزا التيجو 1600 مانيوال

تابع موضوع إسأل مجرب للاسبيرانزا تيجو 1600

إحكي لنا عن موقف تعطلت فيه عربيتك واتصرفت إزاي (إسأل مجرب)

إسأل مجرب ولا تسأل طبيب

الكلمات الدلالية لهذا الموضوع

المفضلات

المفضلات

ضوابط المشاركة