الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة mwessal

مشكور حضرتك لتعبك جدا
بس هل الأردني ده كويس ولا فيه عيوب؟

الأردني زيها زي المصري مع فرق فقط ان الشكمان ليس به محفز العادم catalytic converter اللي بينقي العادم من الغازات الضارة - وكذلك ممكن يقل عن المصري بعض الكماليات ودي سهل معرفتها (كمان مش عارف العفشة فيها عادية ولا خدمة شاقة زي المصري) انما باقي العربية هي نفسها

المشاركة الأصلية كتبت بواسطة nas_toz

السلام عليكم ورحمة الله وبركاته
يابش مهندس انا عندي لانسر موديل 99 كربريتر وتنتع معاي في الخط وفيها تكتيمة مش عارف فيها
علما اني غيرت بواجي وفلتر البنزين ونظفت الكربريتر مافيش فايدة
ينوبك ثواب قلي فيها ايه؟

المحرك محتاج ظبط بمعرفة مختص

المشاركة الأصلية كتبت بواسطة m_totti

سؤال للمهندس طارق

السلام عليكم
عندي مشكلة منذ يومين في الكريستالة لما بزود بنزين العرية ما بتسحبش مع ان rpmبيعلي وصوت العربية يزيد وكأني ممور وخاصة لما بزود بطريقة مفاجئة مش درجة درجة ( يعني فيه تدفق للبنزين وفي رد فعل في rpm وصوت العربية بيزيد بس مافيش رد فعل في السرعة )
هل المشكلة في الاسطوانة والدسك ولا في الدبرياج عالي ولا نوع البنزين 80 مع انني بستخدمه منذ فترة وماحصلش حاجة زي ده قبل ده خالص ) علما بانني قد غيرت بوجيهات السيارة منذ شهر)

برجاء الافاده وسرعة الرد

في الغالب هي محتاجة ديسك واسطوانة انما لازم يكشف عليها مختص لتحديد المشكلة بالظبط

المشاركة الأصلية كتبت بواسطة midomizo

بعد ازنك يا بشمهندس ممكن نعرف بس نوع السماعات الراكبة فى اللانسر 2007 الشكل القديم وهل يوجد معها جى ام ام لا؟

نوعها ميتسوبيشي ومفيش معاها GM

المشاركة الأصلية كتبت بواسطة TMenshawy

السلام عليكم,
فى البداية أحب أجدد شكرى وتقديرى للمهندس طارق زويل على المعلومات القيمة وعلى جهوده الجبارة فى الرد على كل الإستفسارات. يا ريت كان فى واحد زى حضرتك فى كل توكيل.
أنا مش عارف حضرتك فاكرنى و لا لأ... أنا كنت فى التوكيل من أسبوعين وطلعت لحضرتك و أشتريت استيكرات جديدة.
سؤالى كالتالى: انا معايا شارك هاف سبورت خليجي, انا مالقيتش فتحة الaux تحت بكر التكييف مع ان فى الكاسيت فى aux mode. هل ده عادى و لا اضحك عليا؟:)
هل الكاسيت مجهز بالaux أم لا؟ اذا كان اه, هل ممكن الكاسيت يتفك لتركيب كابل الaux؟ فى التوكيل بتتعمل علشان أنا لا أثق فى بتوع الكمليات.
سؤال برده راودنى, لو -لاقدر الله- الكاسيت باز, هل يمكن تصليحه أو تغيره فى التوكيل أم خارجه؟
شكرا جزيلا.
طارق المنشاوى

اهلا يا استاذ طارق وشكرا لكلامك
كابل التوصيل بالـ Aux مش بينزل مع العربية انما من واقع الكتالوج هو من الكماليات التي يمكن اضافتها للسبورت اللي فيها الراديو سي دي الركفورد (السبورت الكويتي اللي فيها 9 سماعات وGM في الشنطه)
بشكل عام لا يتم تركيب أو اصلاح الراديو كاسيت او الراديو سي دي في التوكيل وانما ننصح بعملها في المراكز المتخصصة زي أدريان - أما في حالة وجود عيب في راديو كاسيت او سي دي في الضمان فبيتم تغييره في التوكيل

المشاركة الأصلية كتبت بواسطة alexcdx

لأخونا الفاضل المهندس طارق زويل
ناوى أشترى سكانر هل أنواع الأنظمه الموضحه بعد تشمل الميتسوبيشى الموجوده فى مصر
سؤالى متعب شويه بس مش لاقى حد فى مصر أسئله قلت مافيش غير حضرتك الى أثق فى أجابته و من ثم أقرر شرائه

Supported SystemsABS40805SeriesCANABS40808Series
CANABS40esABSB029Series
ABSB02BSeriesABSB02CSeries
nsmissionCVT1400SeriesCAN
شاكر جدا لمجهوداتك

للأسف انا معنديش اجابة لسؤال حضرتك لأن مش واضح حاجه
انما المفروض ان الشركة اللي بتبيع جهاز السكانر هي اللي تقول انه بيشتغل على ماركات ايه وموديلات ايه وتكون متأكده من كده والا متشتريش انما برضه ما اعرفش شركات بتبيعه او اتعاملت مع شركات لأن الجهاز اللي بنشتغل به في التوكيل جايبينه من شركة ميتسوبيشي نفسها

المشاركة الأصلية كتبت بواسطة ebn7azm

السلام عليكم ورحمة الله
اولا : اقدم خالص شكرى للمهندس طارق على ذلك المجهود والمعلومات القيمة
ثانيا : اريد ان اسأل هل هناك مفتاح لفصل الايرباج فى البوما 2010
ثالثا : كيفية التعامل مع الفتيس التربتونيك وصيانته
ولك خالص تحياتى

لأ البومة 2010 لم تتغير عن سابقتها في الموضوع ده ومفيش مفتاح فصل للايرباج (فقط كان موجود في الكولت 2007 في درج التابلوه لفصل ايرباج الراكب الأمامي)

الفتيس السبورت مود صيانته اسهل من الCVT لأنه فتيس اوتوماتيك عادي (مجرد مضاف له برنامج السبورت مود كبرنامج كمبيوتر اضافي) ويمكن اصلاح او تغيير اجزائه الداخلية بعكس الـ CVT اللي لو عطل فيه حاجه لازم يتغير بالكامل
اما لو تقصد حضرتك التعامل معه يعني استخدامه فهو مع الـ D لو عايز تشتغل مانوال بتجيب على الشمال - ,+ ويبدأ التحكم في السرعات منه مثلا الأول ثم + تصبح على الثاني ثم + تصبح على الثالث وهكذا وللنزول بالسرعات تستخدم - وعند العودة للـ D يرجع اوتوماتيك تاني