الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة hikayat

بشمهندس طارق .. كنت عاوز اسال حضرتك كذا سؤال :

* انا لو ركبت يا بشمهندس باركينج سنسور ( سواء الصوت بس او الكاميرا كمان ... لاني لسه مش عارف هركب ايه ؟ ) - ووحده رفع الزجاج ( اللي هيا بتقفل الزجاج لوحده لما بقفل العربيه ) عند محل اكسسوارات
الحاجتين دول يخرجوني من الضمان ولا ايه ؟


* وكنت عاوز اسال كمان علي غسيل العربيه ... المفروض اوديها البنزينه بحد اقصي كل اد ايه علشان البرومه متكلهاش ؟؟

*وكنت عاوز اسال سؤال كمان .. ( معلش بتقل علي حضرتك ) ... كنت عاوز اسال انا المفروض اشمع العربيه كل اد ايه ؟ واشمعها فين ؟؟
انا من الزقازيق وكنت عاوز اعرف فين اقرب حد مشهور و كويس ممكن اشمع العربيه عنده ؟؟

*اما اخر سؤال ... كنت عاوز اسال هوه انا المفروض اسخن العربيه قبل ما اركبها ولا مش لازم ؟؟ مع ملاحظه اني لما مبسخنهاش بحس ان العربيه بتتهز سنه بسيطه ( مش محسوسه ) والكلام ده مبيحصلش لما باسخنها .... فاصلا الصح المفروض تتسخن ولا لاه ؟؟
العربيه لانسر 2009 مانيوال

والف شكر مقدما يا بشمهندس

تركيب الاكسسورات لا يخرج من الضمان طالما تركيبها تم بشكل سليم ولم يؤثر على شيء بمعنى ان لو التركيب تم لدى كهربائي عادي وسبب اي تلف لدوائر كهربية فهذه الدوائر الكهربية لن يتم تغييرها في الضمان لأن سبب التلف هو التركيب
اما لو ركبت اي اكسسوارات وتم تركيبها بطريقة سليمة وكل حاجه ماشية كويس فمفيش مشكلة على استمرار الضمان وعلشان كده بننصح بعمل التركيبات الكهربية دي لدى مراكز متخصصة


بخصوص غسيل العربية المفروض ان بودي العربيات الحديثة كلها مقاوم للصدأ انما بالتأكيد كتر غسيل العربية بمسدس الماية ممكن يوصل لنقط البوية اتحكت من عليها لأي سبب ويسبب صدأ انما مش هاقدر احدد فترات محددة لغسيلها

موضوع التشميع مرتبط كذلك بالغسيل وعمل طبقة عازلة ولامعة للعربية وبيخفي الى حد ما الخدوش اعتقد ممكن تعمله كل 6 شهور مثلا
وللأسف ما عنديش فكرة عن حد في الزقازيق


موضوع تسخين العربية رد عليه المهندس عبد الجليل بأن تدفئة السيارة قبل السير بها أمر ضروري لأي سيارة وليس للسيارة اللانسر فقط
وتدفئة وتسخين محرك السيارة قبل السير يساعد على ان العمر الافتراضي للمحرك يكون اكبر
ويساعد على عدم التآكل السريع لاجزاء الميكانيكية المتحركة داخل المحرك

المشاركة الأصلية كتبت بواسطة hikayat

وياريت كمان يا بشمهندس لو تقولي .... لو حبيت اركب وحده الرفع والسنسور وكمان سارينه في التوكيل ( يعني اجيبهم من بره واخليهم يركبوهم في التوكيا ) تركيب الكلام ده في التوكيل يتكلف كام ؟

لا يتم تركيب اي اكسسوارات في التوكيل انما بننصح بتركيبها لدى مركز متخصص مثل ادريان

بخصوص الفتيس الأوتوماتيك فبالطبع الـ ds أو drive sport بيكون صوت المحرك فيه عالي عن ال D drive العادي لأنه بيقوم بعمل ما يسمى (تسقيط نقلة) يعني مثلا كأنك بتتنقل من الرابع للتالت في فتيس مانوال على سرعة عاليه فأكيد الـ rpm بيعلى
وهو المفروض استخدامه بيكون للمساعدة في المواقف اللى بتتطلب تسارع سريع للخروج من موقف معين وبعد كده ترجع تاني على الd وطبعا بيكون استهلاك البنزين عالي معاه

وبالتالي الأفضل للقيادة هو D معظم الوقت واستخدام Ds عند الاحتياج له فقط

بخصوص الفوج لايت فالأصلي غالي في التوكيل وسعر الواحد 1650 جنيه وبلمباته الأصلية الصفرا ، ولا يتم تركيب اكسسوارات في التوكيل

بخصوص خبطة الباب اليمين حضرتك ممكن تجيب العربية التوكيل في قليوب او جسر السويس ومهندس السمكرة والدهان هيعاين الخبطة وانت واقف وهيقول لك دي تتكلف كذا وبعدها حضرتك تقرر تعملها او لأ (والمعاينة دي مجانية طالما خبطة بسيطة مش مقايسة لحادث لا قدر الله)

لأ مفيش مشكلة
والحاجه اللي ممكن تعمل مشكلة صانع العربية مش بيسمح انها تحصل بالخطأ

وعلشان كده النقل من المور n الى r , p لازم يكون مع الضغط على الزرار علشان هو ده اللي ممكن يعمل مشاكل كبيرة