انت تسأل وإستشاري منتدى متسوبيشي يجيب (2)

**ahmedrakha** · 04-07-2009 08:31 PM

المشاركة الأصلية كتبت بواسطة ahmedrakha

ازاي حضرتك يابشمهندس انا عندي مشكلة كبيرة وهي ان عندي لانسر 2003 مكوة مش بتمسك فرملة غير العجلة اللي ورا يمين بس والعربية بتزحف وديتها لكذا واحد كل واحد يعمل حاجة تظبط وتاني يوم ترجع زي ما كانت المشكلة انها بتزحف جامد ونا من النوع اللي بسوق بسرعه انا غيرتلها تيل فرامل وركبت الاصلي ورا وقدام وركبت ماستر فرامل رئيسي ومفييش فايدة الخطورة كمان ان لما بكون ماشي بسرعه وحاجة تيجي مرة واحده واضرب فرامل العربية بتلف بس ربنا بيستر ياريت الحل

مساء الخير يابشكهندس طارق انا عرضت على حضرتك المشكلة دي قبل كده والرد كان كالاتي (
[quote=مصراوي جدا;887526]طالما الموضوع كده يبقى الأفضل حضرتك تجيب العربية للتوكيل يتم الكشف عليها كويس وتحديد المشكلة فين)

طبعا للاسف انا من دمياط بعيد عنكم شوية وعندي دلوقتي موسم شغل بما اني في شركة سياحة يعني مش قادر ختى اتحرك من المكتب بس عندي اضافة جديدة انا عرضت العربية على ميكانيكي عفشة كويس جدا هنا ( على حسب وصف كل الناس ولقبه الدكتور واشتهر بكده )

المهم ركب العربية قالي انت الفرامل عندك تمام كل الموضوع ان العربية بس زي ما تكون معوجة ونزل خلاني اشوف فردتين الكاوتش اللي ورا فعلا في فردة مرحلة قدام عن التانية يعني واحده سابقة التانية شوية المهم بعد الفحص قالي انت عندك المقص الخلفي يمين مدعوك مش معوج وبس وللاسف فشلنا اننا نجيب واحد جديد فاظطر انه يصلح القديم فعلا الفرملة في فرق بقت اقوى شوية بس برده لسه فيها نفس العيب انها نوعا ما كل فين وفين كده فرده واحده اللي تمسك بس اللي هي يمين ورا بس ده بيحصل بس لما تكون على سرعة ضعيفة لماتكون على سرعة عالية بتبقى الفرملة حديييييييد بمعنى الكلمة المشكلة التانية ان مع ضرب الفرملة على سرعة عالية العربية بتحدف جامد شمال ... هل عند حضرتك تفسير او حل يريحني اسف جدا لحضرتك على الاطالة بس مش بايدي حاليا غير اني اراسلك مع اني نفسي ازور حضرتك قريب وشكرا

**waelwael** · 06-07-2009 05:42 PM

الكولت باعتبارها الوحيدة من موديلات ميستوبيشي صناعة اوروبية ستكون تحت الدراسة من حيث هل سعرها بعد خصم 10% من الجمارك هيخفض سعرها بالشكل المطلوب للمنافسة في السوق المصري ولا لأ ؟

انا عن نفسي .. لا اعتقد

دا كان رد حضرتك فى 26/6/20009
بس إنا سؤالى كولت الموجوده حاليا 2008 ولا 2009 و إسعارها ومواصفاتها
وشاكرين لحضرتكم الرد مقدما

**bahaaothman** · 07-07-2009 11:50 PM

انا عربيتى لانسر 2001 ولسه جايبها من اسبوع وكنت عايز اعرف اسعار بعض الحاجات فى التوكيل
طقم اولسيه اسكاترا
وش الكاتينة
الفانوس الامامى
الفانوس الخلفى
الاكصدام الامامى

ولو عايز اكشف على العربية واعرف هى محتاجة ايه هيتكلف كام

وياريت لو حضرتك تقولى المواعيد اللى اقدر اروح فيها

شكرا جزيلا

**mimieg** · 08-07-2009 12:47 AM

الأخ الفاضل المهندس / طارق
أريد ان أعرف مراكز الخدمه المعتمده فى منطقة الدلتا ( القريبه من مدينة المنصوره )
*كذلك اريد ان اعرف أسعار قطع الغيار و المصنعيات لما يلى:
1-مجموعة السيور
2-فلتر البنزين بدون الطلمبه
3-زيت الفتيس
4-البوجيهات و هل الأفضل بوجيه واحد شمعه أو ثلاث شمعات

و جزاك الله خير الجزاء

**mimieg** · 08-07-2009 01:41 AM

اسف مهندس / طارق
نسيت أقول لك ان سيارتى بومه 2007 خليجى

**مصراوي جدا** · 08-07-2009 04:29 PM

[QUOTE=ahmedrakha;943592]مساء الخير يابشكهندس طارق انا عرضت على حضرتك المشكلة دي قبل كده والرد كان كالاتي (

المشاركة الأصلية كتبت بواسطة مصراوي جدا

طبعا للاسف انا من دمياط بعيد عنكم شوية وعندي دلوقتي موسم شغل بما اني في شركة سياحة يعني مش قادر ختى اتحرك من المكتب بس عندي اضافة جديدة انا عرضت العربية على ميكانيكي عفشة كويس جدا هنا ( على حسب وصف كل الناس ولقبه الدكتور واشتهر بكده )

المهم ركب العربية قالي انت الفرامل عندك تمام كل الموضوع ان العربية بس زي ما تكون معوجة ونزل خلاني اشوف فردتين الكاوتش اللي ورا فعلا في فردة مرحلة قدام عن التانية يعني واحده سابقة التانية شوية المهم بعد الفحص قالي انت عندك المقص الخلفي يمين مدعوك مش معوج وبس وللاسف فشلنا اننا نجيب واحد جديد فاظطر انه يصلح القديم فعلا الفرملة في فرق بقت اقوى شوية بس برده لسه فيها نفس العيب انها نوعا ما كل فين وفين كده فرده واحده اللي تمسك بس اللي هي يمين ورا بس ده بيحصل بس لما تكون على سرعة ضعيفة لماتكون على سرعة عالية بتبقى الفرملة حديييييييد بمعنى الكلمة المشكلة التانية ان مع ضرب الفرملة على سرعة عالية العربية بتحدف جامد شمال ... هل عند حضرتك تفسير او حل يريحني اسف جدا لحضرتك على الاطالة بس مش بايدي حاليا غير اني اراسلك مع اني نفسي ازور حضرتك قريب وشكرا

انا عرضت الموضوع على المهندس احمد عناني مدير الورشة في مركز خدمة شركة مصرية الرئيسي بقليوب واجاب :
اولا : في مثل هذه المشاكل التي يدخل فيها اكثر من سبب يجب زيارة التوكيل لتحديد اي منها
ثانيا : يجب مراجعة وفحص العفشة الأمامية والخلفية والارتفاعات والزوايا امامي وخلفي وكذلك دورة الفرامل بالكامل

المشاركة الأصلية كتبت بواسطة waelwael

الكولت باعتبارها الوحيدة من موديلات ميستوبيشي صناعة اوروبية ستكون تحت الدراسة من حيث هل سعرها بعد خصم 10% من الجمارك هيخفض سعرها بالشكل المطلوب للمنافسة في السوق المصري ولا لأ ؟

انا عن نفسي .. لا اعتقد

دا كان رد حضرتك فى 26/6/20009
بس إنا سؤالى كولت الموجوده حاليا 2008 ولا 2009 و إسعارها ومواصفاتها
وشاكرين لحضرتكم الرد مقدما

كولت هي المباعة خلال 2007 و2008 و2009 وهي موديلات 2007 فقط وخلصت من المعارض ولم نستورد 2008 ولا 2009 نظرا لوجود موديلات 2007 حتى وقت قريب مضى

**mimimomojojo** · 11-07-2009 01:35 PM

السلام عليكم
1600 2005 sport لمبة الabs مضيئة ممكن اعرف السبب ومعرفة التكلفة القصوى ( اغلى عطل فيه)

**hus_hti** · 12-07-2009 12:07 PM

السلام عليكم يا بشمهندس طارق
انا كان عندى استفسار انا عندى البومة 1600 موديل 2008 وعملتلها صيانة 10000 من حوالى يومين
بس بعد كدة لاحظت لما اجى اشغل التكيف على السرعة الثالثة واعمل مشاويرى واجى اركنها واسيبها
شوية انها بينزل منها مية(مياه) هل الموضوع ده عادى ولا فى حاجة انا الاول شكيت انها بنزين بس لما شمتها لاقتها
مية عادية

اسف على الاطالة
وارجو الرد