مشكلة تقطيع بعد سرعة 100

**mohamed777** · 05-08-2009 03:14 AM

ان شاء الله بكرة هروح لبتاع الشكمان وربنا يسهل

**mohamed777** · 05-08-2009 05:22 PM

روحت لبتاع الشكمان وقالى ان الشكمان مسدود شوية وعاوز يتغير
وانا لما بصيت معاه لقيت العلبة الخلفية واخدة كام خبطة محترمة ومتبعجرة بس مش بتطلع صوت خالص

المهم قالى انه هيتغير الشكمان كلة لانة غرقان زيت من برة وجوة وقالى هيتكلف كلة 240 جنية
كويس السعر ده ولا غالى؟...........مع العلم قالى ان المشترك كويس وممكن يشتغل ومش هيغيرة...هينظفة بس

اية راى حضرتك

**samirayad** · 05-08-2009 09:34 PM

توكل على الله .....لأن العلبه الخلفيه (كاتم الصوت بتبقى غاليه شويه )
عندنا فى النوبيرا ....العلبه الخلفيه لوحدها بتصل ل200 ج
أهم شىء تاخد نتيجه كويسه .....

**mohamed777** · 07-08-2009 03:32 AM

بفضل الله غيرت الشكمان كلة وفعلاً كان مليان زيت وكربون

بس الفرق مش كبير اوى ........الحمد لله على كل حال

سحب العربية بقى احسن و صوت المتور مش بيعلى مهما قرصت على غيار

بس برضة حكاية انى اشوف اخرها كام......جربتها على الطريق بتوصل لسرعة 100 الى 110 مستريح

انا خفت اقرص اكتر من كده خصوصاً ان صوت الموتور وطى بعد الشكمان على السرعات العالية ومافيهاش عداد rpm

ناقص بقى حكاية الدسك ناوى علية برضة على شان ما يكونش للموتور حجة...والا هزحلق العربية فى الابراهيمية واخلص منها

على فكرة الابراهيمية دى ترعة فى الصعيد

**samirayad** · 07-08-2009 07:25 AM

بفضل الله غيرت الشكمان كلة وفعلاً كان مليان زيت وكربون

بس الفرق مش كبير اوى ........الحمد لله على كل حال

سحب العربية بقى احسن و صوت المتور مش بيعلى مهما قرصت على غيار

بس برضة حكاية انى اشوف اخرها كام......جربتها على الطريق بتوصل لسرعة 100 الى 110 مستريح

ياسلام .....ولأن شكرتم لأزيدنكم ......صدق الله العظيم...... طيب الحمد لله ....ما كده فيه تحسن ملحوظ برضه

ناقص بقى حكاية الدسك ناوى علية برضة على شان ما يكونش للموتور حجة...والا هزحلق العربية فى الابراهيمية واخلص منها

على فكرة الابراهيمية دى ترعة فى الصعيد

طيب وليه الظلم ده للعربيه يــــــــــــــــــــــــ ـــــــا متر
هو فيه قضيه بتخلص معاك من أول جلسه
دا لازم مداولات وتأجيل كذا مره وسماع الشهود قبل النطق بالحكم
يعنى فى المحاماه ....تاخد راحتك فى الدراسه ....لحد ماتجيب حل لقضيه معينه
وعاوز تظلم العربيه ....من أولها كده .....بدون سماع الشهود
طيب خد رأى الديسك برضه بعدين فى جلسه تانيه ......
دا غير أن لغز القضيه بيبدأ يتحل أهو واحده واحده ......وفيه تقدم ملحوظ ......
ولا أنت حتفكرنى بنجاة ......لما هى بتقول .......
وفى نص الطريق ....ووقفنا .....وودعنا االحبايب باين
ههههههههههههههههههههههههه ههه

**mohamed777** · 07-08-2009 07:54 AM

ههههههههههههههه

عندك حق ياباش مهندس خصوصاً قضايا المدنى اللي شغال فيها على الاقل 3 سنين على ما تخلص وصاحب القضية على بال ما يأخذ حكم يكون زهق وتروح فرحة انه كسب القضية

بس انا نفسى بقى اركب عداد rpm على شان اشوف نسب الغيار مع عدد لفات الموتور وهو ده بقى الفيصل ما بينى وبين الموتور ده اللي مغلبنى

بس فعلا انا حاسس ان الشكمان كان مؤثر على الحرارة كمان بدأت تكون عادية زى زمان.....فعلا كان كاتم الموتور
وكمان فوجئت بان بتاع الشكمان اشتراة جاهز مش مستعمل وطلعت العلب مظبوطة اوى عن اللي كان راكب فيها وكمان اكبر منها
خصوصاً ....ان شاء الله فى المستقبل عاوز اركب فلتر رياضى وأكيد هيكون عاوز شكمان يستوعب الهواء الزيادة

بس فى ناس بيقولوا ان الفلاتر الرياضية مش بتجيب نتيجة اوى مع العربيات القديمة.....اية راى حضرتك....ولا انا دماغى سرحت شوية

**mohamed777** · 07-08-2009 08:05 AM

وهخبط الدسك مذكرة هخلية يقر ويعترف ان هو اللي مفشكل الموتور ومخلينى الف ورا 100 حاجة تانية
هههههههههههه

**samirayad** · 07-08-2009 08:12 AM

بس فى ناس بيقولوا ان الفلاتر الرياضية مش بتجيب نتيجة اوى مع العربيات القديمة.....اية راى حضرتك

علشان أكون أمين معاك
أنا لست من هواة التغيير فى الdesigen بتاع أى حاجه بغض النظر عن العربيات طبعا
ليـــــــــــــــــــــــ ـــــــــــــه ......مش عارف
يظهر طبيعه فيا
وصعب أوى تتغير
لأن اللعب فى أى تصميم .....لتحسين آداؤه
كان من الأولى أن يقوم بيه .....صانع هذا التصميم
دا غير أن أى تصميم بيطرح فى السوق بيمر بأختبارات ومعايير جوده ورقابه كتير قبل طرحه للبيع فى السوق العالمى .......
وصاحب التصميم .......معايش كل التطورات منذ بداية الفكره
يبقى أنا أجى على الجاهز .....وعاوز أكلها والعه كده ...زى مابيقولوا
وأقول أنا كده بأعدل علشان حاخد نتيجه أفضل .
دا الواحد يبقى غلب زويل على كده ........
أظن مش منطقى فعلا الكلام ده
اللى عاوز يعدل ....يعدل على فكرته منذ ولالدتها ....لأنه ببساطه مش حيعرف يحدد النتائج السلبيه والمردود العكسى لتعديلاته اللى حيعملها على فكرة وتصميم غيره
ده رأيى بفكره مبسطه ....ومقتنع بيه الصراحه

**samirayad** · 07-08-2009 08:21 AM

المشاركة الأصلية كتبت بواسطة mohamed777

وهخبط الدسك مذكرة هخلية يقر ويعترف ان هو اللي مفشكل الموتور ومخلينى الف ورا 100 حاجة تانية
هههههههههههه

أيوه كده ياباشا
دخل الديسك فى ملف القضيه
لعل وعسى يفيد قبل النطق بالحكم
دا غير أنه شاهد قوى جدا وحضر الجريمه وشافها على الطبيعه
يعنى مش شاهد مضروب
وبلاشك حيفيد قبل النطق بالحكم ......بتاع الأبراهيميه
هههههههههههههههههههههههه

**mohamed777** · 08-08-2009 03:25 AM

ترعة الابراهيمية دى ياما حوادث حصلت فيها
طبعاً تسمعوا عن طريق الصعيد الزراعى...كان ليا واحد صاحبى من طنطا كان بيقولى مسميينة طريق الموت

حافة الطريق على الترعة مباشراً اكن الواحد سايق على حرف حمام سباحة
وانا رايح البلد بدعى ربنا يسترها لو فرده كاوتش ضربت هاخذ غطس فى الترعة على طول

الموضوع: مشكلة تقطيع بعد سرعة 100

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة تقطيع النت

مشكلة فى تقطيع صوت الـ cd بايونيير ؟؟

استفسار فى تقطيع المحرك عند ازالة القدم عن البنزين على سرعة 60 كم

مشكلة تقطيع غريبة !!!

مشكلة تقطيع و تنتيش

الكلمات الدلالية لهذا الموضوع

المفضلات

المفضلات

ضوابط المشاركة