الموضوع: مشكلة تقطيع بعد سرعة 100

الحمد لله رب العالمين

حمد الله ع السلامة مرة تانية ياباشمهندس يا محترم
انا محتار فى مسألة مقاس الكاوتش
المقاس الاصلى بتاع عربيتى هو 155-13-80 ولما روحت اشترى جوز كاوتش جديد الراجل قالى انه المقاس ده صعب تلاقية ومش هتلاقية فى مركات كويسة ونصحنى انى احيب مقاس 165-13-70 وقالى انه اعرض من المقاس اللي مركب اصلاً بالعربية

بصراحة انا عندى المقاس ده رفيع اوى عن اى عربية تانية بس المقاس ده هو الاصلى وعلى ما اسمع ان عرض الكاوتش بيزود استهلاك البنزين وبفضل انى اجيب نفس مقاس الاصلى بتاعها

فاية مدى تأثير الكلام ده؟؟؟؟؟؟؟؟
وكمان مقاس ارتفاع الكاوتش الاصلى هو 80 والراجل عاوز يخلينى اجيب 70 فهل ده يؤثر على قراءة عداد السرعة والكيلو مترات ام لا؟؟؟؟؟؟

واية هى المركات الافضل فالاقل فالاقل؟؟؟؟؟؟؟

وجزاك الله خيرا

حمد الله ع السلامة مرة تانية ياباشمهندس يا محترم

الله يسلمك يا أبو حميد

المقاس الاصلى بتاع عربيتى هو 155-13-80 ولما روحت اشترى جوز كاوتش جديد الراجل قالى انه المقاس ده صعب تلاقية ومش هتلاقية فى مركات كويسة ونصحنى انى احيب مقاس 165-13-70 وقالى انه اعرض من المقاس اللي مركب اصلاً بالعربية

فعلا المقاس اللى عرضه 165 أعرض من مقاس الكاوتش الأساسى بواحد سم فى العرض ............طيب ماتدور شويه على المقاس الأساسى ...دا لو كانت الفردتين السلام حالتهم كويسه ولسه تغييرهم قدام شويه ( ودول اللى ممكن يخلونا ناخد قرار كويس ....لو ملقيناش مقاسك الأساسى )

بصراحة انا عندى المقاس ده رفيع اوى عن اى عربية تانية بس المقاس ده هو الاصلى وعلى ما اسمع ان عرض الكاوتش بيزود استهلاك البنزين وبفضل انى اجيب نفس مقاس الاصلى بتاعها

هو فعلا رفيع أوى .....بس طالما شغال وتصميم العربيه ......فخليك عليه ودور شويه على المقاس الرفيع ده ....طالما مش عاملك مشاكل فى الثبات و الفرمله ( الكاوتش العريض بيزود الأستهلاك نسبيا من ناحية البنزين وبيأثر على التسارع والسحب شويه ......ولكنه بيفيد فى الثبات مع السرعه والقوه الفرمليه بتكون أفضل طبعا ........نظرا لزيادة مساحة التلامس مع الطريق )......ولكن أنا برضه عندى تفسير غريب شويه ناحية الكاوتش الرفيع ( كل ماكان رفيع كل ماكان أفضل .......على الأقل حيبقى بعيد عن المسامير شويه لأنه رفيع وفرصة تعرضه للتلف حتقل برضه ......هى غريبه شويه الحته دى ....بس منطقيه وصحيحه فنيا )

فاية مدى تأثير الكلام ده؟؟؟؟؟؟؟؟

دى خلاص عرفناها فى الكلام السابق ...............

وكمان مقاس ارتفاع الكاوتش الاصلى هو 80 والراجل عاوز يخلينى اجيب 70 فهل ده يؤثر على قراءة عداد السرعة والكيلو مترات ام لا؟؟؟؟؟؟

....الحته بتاعة أرتفاع الكاوتش دى بالنسبه لقطره ....يعنى متهمناش أوى ....ودى فقط بتحدد حجم الكاوتش اللى جواه ضغط الهواء ....وأكيد برضه ليها تأثير على الآداء من ناحية السرعه ( لأنها بتمثل وزن مضاف لحجم الفرده ) ولكن خليها على جنب ....لأن ليها أرتباط بتصميم الكاوتش .....وكل اللى بيهمنا العرض وقطر الجنط ( البعدين 165 مم بتاع العرض ......وال13 بوصه بتوع قطر الجنط )

واية هى المركات الافضل فالاقل فالاقل؟؟؟؟؟؟؟

طبعا فيه أنواع غاليه زى الميشلان والبريدجستون وخلافه ...........ولكن لو عاوز وجهة نظرى ( النوبيرا معايا شغاله بالكومهو زى الفل ............دا غير أن مستعمل الكومهو برضه فى سياره أوبل قبل الحاليه ) رخيص نسبيا وكفاءته عاليه

وجزاك الله خيرا

الله يخليك ..........وحقيقى أنا معجب بتحريك الدقه فى كل شىء ....وده أنا لمسته فيك بجد ............وهو ده المفروض فعلا .............

متشكر جداً
انا فعلاً بفضل المقاس الاصلى ليها افضل

معلش استفسار تانى ياباشمهندس
الحمد لله العربية حتى الان عملت حوالى 800كم بعد العمرة
وبفضل الله غيرت زيت وفلتر بعد اول 500كم
وحتى الان انا لسة ماظبطش تكيهات لان الميكانيكى قالى بعد اول 1000كم هيعيد عليهم ويظبطهم

المشكلة بقى فى سحب العربية بيختلف حسب ظروف التشغيل
يعنى بلاحظ انها لما بتكون بارده واول طلعة ليها بتسحب كويس وبعد لما امشى بيها مده واهدى مثلا عند مطب السحب بيضعف شوية

ومثلا امبارح وقفت على مزلقان وبطلت الموتور لحد لما الاقطر يعدى لطول الانتظار واول لما شغلت الموتور وبدأت اتحرك كان السحب احسن عن وانا ماشى بيها قبل ما اقف

مع العلم انى لم اقم بتغيير سيرالكاتينة وهو عندى من الجنزير
وهو بقالة فترة طويلة ماتغيرش
فهل ممكن يكون سير الكاتينة هو السبب ولا عدم ضبط التكيهات هو السبب؟؟؟؟؟؟؟؟؟؟؟
واية المشاكل اللي ممكن يسببها سوء حالةسير الكاتينة الجنزير؟؟؟؟؟؟؟

المشاركة الأصلية كتبت بواسطة samirayad

طبعا ويخللى العربيه تستهلك بنزين وممكن تبطل منك كمان...................... علشان الموضوع بتاع التاكيهات ليه تصميمات كتير ......حبسطلك الأمور...................................... ..................

_ التاكيه rockler arm

بيعتبر الوسيله الميكانيكيه اللى بتحول الحركه الدورانيه لأى عمود كامه الى حركه خطيه لازمه لعمل فتح وغلق لصبابات السحب والطرد فى أى محرك............

_ وشاع لدى كل الصنايعيه تسمية الوسيله دى تاكيه................

_ فيه منه أنواع بيتم ضبطها يدويا بواسطة مسمار رجلاش (لضبط الخلوص بين كامات عمود الكامه وبين نهاية الصبابات من فوق ).......وده اللى الصنايعيه بيلعبوا فيه......وأدى شكل متاح قدامى دلوقتى لنوع زى ده

التاكيه هو اللون البرتقالى فى الصوره...................................... ...........

_ فيه نوع تانى بيتم ضبطه آليا داخل المحرك بواسطة ضغط الزيت ( وعلميا ده أسمه تابع الكامه cam follower

وفيه ناس بتسميه كستبان ....علشان شبه الكستبان اللى بيحطه الخياط فى صباع السبابة لأيده الشمال ...علشان الأبره ماتشكوش وهو بيخيط أو بيركب زرار مثلا وبأتكلم بجد ).......وأدى صوره ليه وموجود عندنا فى محركات الدايو والأوبل كمان وأكيد موجود فى بعض أنواع السيارات التانيه )...........وأدى صوره لتابع كامه وهو جوه رأس السلندر فوق

على فكره المحرك ده بكامتين (والجزء اللى بيلمع فى الجنبين ده هو اللى بنتكلم عليه وبيتظبط لوحده بدون تدخل أى صنايعى .....ولما بيبوظ وجسمه يبوظ بيتغير على طول وجواه سسته علشان يترد تانى لما تروح من عليه خبطة الكامه وهكذا )...................وأدى رسمته الهندسيه على ورق............................

والخلوص باين وأسمه tappet clearance ......والtappet هو التابع بتاع الكامه زى ماقولنا cam follwer

طيب يا بشمهندس هي ينفع الواحد يعمل تعديل في وش السلندر ويشغله بالكستبنات بدلامن التكيهات التقليدية؟؟

أرجو الإفادة وشكراً

المشكلة بقى فى سحب العربية بيختلف حسب ظروف التشغيل
يعنى بلاحظ انها لما بتكون بارده واول طلعة ليها بتسحب كويس وبعد لما امشى بيها مده واهدى مثلا عند مطب السحب بيضعف شوية

ومثلا امبارح وقفت على مزلقان وبطلت الموتور لحد لما الاقطر يعدى لطول الانتظار واول لما شغلت الموتور وبدأت اتحرك كان السحب احسن عن وانا ماشى بيها قبل ما اقف

أحنا حننتظر بعد أعادة الضبط على التاكيهات .....وده اللى حيخلينا نعرف العيب من التاكيهات ..........ولا بسبب الديسك اللى متغيرش....

مع العلم انى لم اقم بتغيير سيرالكاتينة وهو عندى من الجنزير
وهو بقالة فترة طويلة ماتغيرش
فهل ممكن يكون سير الكاتينة هو السبب ولا عدم ضبط التكيهات هو السبب؟؟؟؟؟؟؟؟؟؟؟
واية المشاكل اللي ممكن يسببها سوء حالةسير الكاتينة الجنزير؟؟؟؟؟؟؟

المفروض كل قطعه غيار فى العربيه وليها عمر أفتراضى وبتتغير .........والسير الجنزير لما بيقدم زياده عن الازم العقل بتبوش طبعا ......ويأثر على شغل التاكيهات ...لأن بيكون فيه بوش حصل بين العقل والبنوذ .....وطبعا ده بيتأثر برضه بالحراره ...لأن البوش مع الحراره حيخلق فرصه للأستطاله ....دا غير أن البوش بيخلى الصوت يعللى برضه ..........فلو فى فرصه لتغييره ....غيره ....قبل ماتظبط التاكيهات

المشاركة الأصلية كتبت بواسطة shankosi

طيب يا بشمهندس هي ينفع الواحد يعمل تعديل في وش السلندر ويشغله بالكستبنات بدلامن التكيهات التقليدية؟؟

أرجو الإفادة وشكراً

لا يا أخى ........وخد أقرأ الموضوع ده كده http://www.nilemotors.net/Nile/showthread.php?t=78061

عين العقل ياباشمهندس