مشكلة تقطيع بعد سرعة 100

**samirayad** · 09-07-2009 09:00 AM

السلام عليكم ياباشمهندس سمير

وعليكم السلام يا أبو حميد .....وأشكرك لسؤالك وربنا يديم المعروف بين الجميع ............آمين يارب

من ساعة ماعملت العمرة وانا بسمع صوت رنة معدن من الموتور بتظهر لما الموتور يوصل الى درجة حرارة التشغيل العادية

يعنى الصوت ده بيظهر مع الحراره ....يعنى فيه حاجه بتتمدد حراريا ......وبتعمل تلامس مرتبط بعملية دوران ....ومش حنحدد مين السبب دلوقتى ....المكنه او غيره ......يعنى بندردش بالمنطق

بس لما بتكون العربية باردة ولسة مدورها بيكون صوتها ناعم جداً ولما تسخن عادى الصوت دة بيظهر

طبعا الكلام ده والعربيه لسه واقفه فى مكانها وبتسخن مثلا............ولسه معشقتش الفتيس علشان تطلع بالعربيه

ولما بتحرك بالعربية الصوت بيروح طول مانا دايس بنزين

دايس بنزين ....يعنى سرعه وخرج كويس من المكنه للدبرياش ثم الفتيس

اول لما امور العربية الصوت يرجع تانى

يعنى لما خففنا الحمل .....زى الحاله الأولى خالص وأنت بتسخن الصوت رجع تانى

وريت العربية لميكانكى تانى بس الميكانيكى التانى اثق فية لانه امين جداً جداً

من غير ما أاقابله وأقابلك يا أخويا محمد ........وواضح أنكم الأثنين ناس : محترمه فعلا .....وفعلا بأحب أفكر معاك .....لسردك أى موضوع (أولا بدقه جميله وأمانه واضحه وفهم جيد جدا بيساعد اللى بيحلل معاك فى فهم المشكله وأبعادها كويس الى حد ما )......

للاسف مش هو اللي عملى العمرة

قدر الله وماشاء فعل .....فلعله خير ......وخللى بالك هو راجل طيب أى نعم .....بس الكمال لله ...........ومتعرفش الخير فين ( معاه ولا مع اللى عمل العمره )

وسمع الصوت ده وقالى انه صوت البيل بيرزع

فعلا قد يكون توقعه صحيح .....بس فيه أسباب تانيه للحاله دى

...بس قالى انه مايعملش حاجة

فى دى ....هو معندوش حق ....لأن بما أنك لسه عامل عمره وبتلين ....يعنى السبايك والخلوصات أتراجعت ....وبيكون العيب على هذا الأساس فى أستقامة البيلات ( فيها أنحناء أو عوجه بسيطه ومبتنشفش بسهوله وقت التجميع والعمره ....وبيتعمل لها أختبار أستقامه وهى فى المخرطه بأسلوب هندسى معين )

فممكن يكون الصوت ده اية؟؟؟؟؟؟؟؟؟

شوف ياسيدى ..........من أهم الأسباب اللى تخللى المكنه تعمل الصوت اللى زى كده وهى سخنه .......وبنسميه ( دق مع سلانسيه ساخن ) ........مش رجب على صفيح ساخن .........هههههههههههه

1-الأول حتطمن على كل السيور اللى باينه قدامك .....بحيث تبقى كلها مشدوده ومظبوطه كويس .....ومفيش سير تعبان ....

2-حتشيك على بلية الدينامو .....وتشوفها خشنه ولا كويسه ....بعد ماتنزل سير الدينامو .....خللى الكهربائى يشوفها كده .....خفيفه وحلوه ولا تقيله وعاوزه تتغير ....

3- أطمن برضه للزوجة الزيت اللى فى المكنه حاليا .....كويسه ولا الزيت لزوجته تعبانه ..........ودى تعملك دق محترم على الساخن برضه ....

4-شوف برضه فرن الشكمان مربوط كويس ...ومتاخد بوش رباطه كويس .....ممكن تخللى صاحبك التانى يراجع برضه على رباطات الفرن .....لأنه لو مهوى شويه ....أولا حتشوف دخنه خفيفه جدا طالعه من عند السطح بين الفرن ورأس السلندر وده أنت ممكن تعرفه وأنت واقف بعمل أمبيلهات من عند بكرة واير الأكسراتير وأنت واقف ومسخن ...لو لقيت عادم طالع معاك بين الفرن والرأس يبقى هو ده.......داغير أن مع الحمل وأنت ماشى ....ومع ضغط العادم .....حتحصل رنة المعدن دى بين الفرن وجسم رأس السلندر من بره ....العادم بيحاول ينطر الفرن لبره ...علشان مهوى شويه ....

5- برضه ياريت تطمن على البوجيهات ....كجانب أطمئنان لأنها لما بتبقى مش كويسه بتعمل صوت دق (أسمه دق شراره .....وممكن الواحد يخدع أن فيه حاجه جوه المكنه )...........

6- بعد كل ده .......حننتظر عملية ضبط التاكيهات مره تانيه ...لو ده مجبش نتيجه المفروض نغير سير الكاتينه اللى متغيرش قبل كده ونظبط تاكيهات تانى ....

طمنى الله يطمنك ياباش مهندس

فى الحقيقه ده اللى قدرت أحلله حاليا ....قبل مانروح ناحية المكنه .....وأرجو من الله أن تكون الأمور بسيطه أن شاء الله ......وياريت تبقى تطمنى على النتيجه بعد التشييك على الحاجات البسيطه اللى قولنا عليها

**mohamed777** · 09-07-2009 07:46 PM

ان شاء اللة هفحص اللي حضرتك قولت علية وربنا يستر وما تكونش الحكاية كبيرة

بالنسبة للزيت انا من زمان بستخدم موبيل سوبر الابيض وده مكتوب علية يتغير كل 1000كم وحتى بعد العمرة استخدمتة
اية راي حضرتك فية؟؟؟؟؟؟

**samirayad** · 09-07-2009 10:25 PM

بالنسبة للزيت انا من زمان بستخدم موبيل سوبر الابيض وده مكتوب علية يتغير كل 1000كم وحتى بعد العمرة استخدمتة
اية راي حضرتك فية؟؟؟؟؟؟

طيب ماتغير لزيت تانى .....زى شيل الأصفر مثلا .........الكل بيشكر فيه .....ولزوجته كويسه ...وأنا ناوى أستعمله المره الجايه ...........وبلاش اللى كل الف ده ......يمكن تكون الخلوصات برضه زياده شويه بعد الخراطه ....والزيت اللى كل 1000 ده مش مناسب ......وياريت لو تقوللى على بياناته الخاصه باللزوجه اللى على العلبه .....لأن نوعه مش واضح معايا .....وممكن يكون أحادى اللزوجه .....ولزوجته بتنزل مع الحراره ..........زى ماهو فى الموضوع أن الصوت بيظهر أكتر مع الحراره والحمل برضه .........وفى الحاله دى حنختار زيت ثنائى اللزوجه ......علشان لزوجته تزيد مع الحراره .....وده اللى حيفيدنا جدا..............

**mohamed777** · 10-07-2009 04:12 AM

هو الزيت موبيل سوبر الابيض ده غيرتة بعد 500كم من العمرة وكان لونة اسود اوى مش عارف لية
بس صبى الميكانيكى اول ما فتح الطبة بتاعة الزيت فجأة على طول قالى الزيت ده اديلوا اد اية؟ قولت له اشمعنة مالة ....الى حالتة كويسة ....سألتة قول انت عامل كام......قالى على طول عامل 500كم.

معرفش عرف ازاى انة عامل 500كم مع ان لونة اسود اوى

انا فعلا مش مرتاح للزيت ده ونفسى استعمل نوع تانى بس فى حتة الزيوت دى خبرتى قليلة جداً ....وده لانى مهمل جداً فى حكاية الزيت دى.....لدرجة زمان قبل العمرة روحت اغير الزيت الميكانيكى اتخض وقالى اديلك اد اية ما غيرتش زيت؟.....حسبت قراءة العداد لقيت الزيت عامل 8000كم.....بصراحه مرضتش اقول للميكانيكى واتكسفت منه.

اية راى حضرتك فى موبيل hxp ؟
انا فعلا محتاج زيت ينعم الموتور ويقلل الخلوصات بقدر الامكان

**samirayad** · 10-07-2009 08:36 AM

أنا كنت بأستعمل ال xhp قبل الموبيل 1 اللى عندى حاليا ..........وهو كويس برضه .........فأختار بينه وبين الشيل الأصفر ...........أنا ناوى على شيل المره الجايه بسبب أن ناس شكرت فيه كتير ...........وده زيت ثنائى اللزوجه زى الأكس أتش بى

**mohamed777** · 11-07-2009 12:25 AM

طيب ده فية منه شل هليكس بلس وفية شل هيلكس وفية شل سوبر
مين فيهم وسعرة بيكون كام وبيتغير كل كام كيلو؟؟؟؟؟؟؟؟؟؟؟

**samirayad** · 11-07-2009 01:38 AM

هيلكس سوبر 20w50..............وبيقولو عليه شيل الأصفر............وأنا لسه ما أتعاملتش معاه.......بس أعتقد حيكون فى حدود 100 ج .....والغيار حنخليه على 3000 أفضل للمكنه ...........بس نجرب الأول وربنا يسهل ونطمن على الوضع

**mohamed777** · 11-07-2009 05:31 PM

ان شاء الله

**ahmedelaraby** · 14-07-2009 10:58 AM

اسف جدا للتدخل بس انا عندى نفس العيب من يومين بس انا الزيت عندى مبينقصش خالص وللعلم لسة منضف الكربراتير من اسبوع عربيتى اوبل كاديت مو 85 1300 ياريت تفيدونى وشكرا مقدما

**mohamed777** · 15-07-2009 05:44 PM

المشاركة الأصلية كتبت بواسطة ahmedelaraby

اسف جدا للتدخل بس انا عندى نفس العيب من يومين بس انا الزيت عندى مبينقصش خالص وللعلم لسة منضف الكربراتير من اسبوع عربيتى اوبل كاديت مو 85 1300 ياريت تفيدونى وشكرا مقدما

شوف البوجيهات اخبارها اية