الموضوع: عايز أركن قصاد بيتي

- موضوع عقدة الخواجة الي بندي بيها امثال من غير تحليل, سببة ان اغلب الناس ساكنة في بيوت صغيرة ذي الفلل و مفيش مشاكل ركنة فطبعا كل واحد بيركن امام بيتة, الضيوف بيركنوا في اي مكان بس طبعا امام بيت الي ريحنلوا اقرب حاجة.

أستاذ smax
هو حضرتك تقصدني بالكلام ده ؟؟؟
لأن انا متهيألي الوحيد اللي ضربت مثال على ما يحدث في الخارج .

طيب تعالى نتكلم بموضوعية شوية و تحليل أدام أنت أتهمت الناس اللي ضربت أمثله بعدم التحليل .

دلوقتي أنت ساكن في المكان الفلاني .
و رجعت بيتكم علشان تركن عربيتك في أمان الله و لقيت ناس غريبة راكنة مكانك ....
هاتعمل أيه ؟؟؟؟؟؟؟؟؟؟

و المكان أمام منزلكم !!!!!!
هاتضطر تسيب المكان ........ و تروح تركن في أخر الدنيا ده لو لقيت أساسا مكان تركن فيه و يكون أمان .

النقطة التانية اللي هانعكس فيها الوضع .
أنت رايح مشوار و ليكن العمل مثلا .
هاتروح و لنفرض ان العمل في مكان سكني بالاساس و حضرتك هتقعد تدور على مكان علشان تركن فيه .
و الأغلب انك هاتركن مكان واحد من السكان اللي في مشوار مثلا و راجع بدري .
هايرجع هوه مش هايلاقي المكان لأن حضرتك ركنت مكانه ...... هايضطر يأخد العربية و يلف يلف يلف يلف علشان يلاقي مكان يركن فيه .
و ممكن ما يلاقيش مكان اصلا ....

نرجع لأصل المشكلة .
ألجشع و الطمع من اصحاب العمارات مع وجود الفساد الحكومي اللي سمح بوجود ابراج سكنية في اماكن مزدحمة و ايضا عدم وجود جراجات للسكان .

و طبعا ده بيسبب مشاكل كتيرة بسبب تمركز عدد كبير من السكان في مكان ضيق .
طيب نرجع لحق السُكان اللي ساكنين في شارع معين .
ليه هو يقعد يلف و يدور حوالين الكرة الارضية علشان يلاقي مكان يركن فيه عربيته وواحد غريب راكن مكانه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

الغريب اللي رايح مكان زحمة و عارف ان الركن صعب .....ما يخدش العربية و انا بعمل كدا ...... يا أركنها في جرج بفلوس .....
يأما اركنها في مكان أخر مش سكني و كمل المشوار بتاكسي .

أو مترو الأنفاق أو أي وسيلة مواصلات من وسائل المواصلات امتاحة في القاهرة الكبرى .

بالنسبة للخارج ( خارج مصر و المثال اللي أنا ضربته )
الموضوع مش موضوع عمارات كبيرة و بيوت صغيرة .
في لندن مثلا ........
لو مش هاتلاقي مكان تركن فيه بفلوس
الحكومة تقولك تسيب العربية في بيتكم و تستعمل المواصلات العامة علشان ما تروحش حضرتك تركن مكان واحد بيتهم في الشارع .

صحيح الشارع ملكية عامة و مش من حق حد انه يحط سلاسل و يسد أماكن ركن و هكذا .
و انا ضد هذه الافعال .
ياريت يا جماعة قبل ما نفكر في حقوقنا
نفكر في حقوق الغير
و هانرتاح و الله العظيم لأن لو فكرت في غيرك قبل ما تفكر في نفسك ....... مش هايحصل مشاكل نهائي .

على فكرة انا مش بعاني بأي شكل من الأشكال من الركن أحسن الناس تفتكر اني بدافع عن موقف انا فيه .
و لكن أنا بدافع عن الموقف علشان انا شايف ان السكان أولى بالركن من الغرباء عن الشارع .

اللي ديته فلوس اقتله
الحل الأمثل للموضوع ده الجرااااااااااااااج
ادفع فلوس واشتري راحة بالك وشوفلك جراج في اي مكان قريب وفعلا في الحالة دي هيكون ليك مكان ملكك

لأن ممكن الشخص اللي بنعتبره غريب ومش من السكان يقولك انا جاي زيارة لواحد في العمارة وطبعا مش هانفتح معاه تحقيق انت رايح لمين لأن فعلا مفيش حد بيملك الشارع، وده بالنسبة للناس


وبالنسبة بقى للتنظيم الحكومي للموضوع ده
برضه هاجيب سيرة الدول الأجنبية
في اليابان قبل ماتشتري عربية من ضمن إجراءات استخراج الرخصة انك تثبت انت هاتركن العربية دي فين وإذا كان متوفر عندك مكان او لا يا إما مفيش رخصة وطبعا اليابان ازحم من مصر 100 مرة ومفيش مشاكل مرور خالص ولا ركن.

المشاركة الأصلية كتبت بواسطة smax

- هوا انا ماقصدش كلام حضرتك فقط. عقدة الخواجة عادة مصرية عندنا كلنا و علي فكرة في احد الاخوة حكي حكاية سيدة رسمت و شخبطت علي عربية واحد ركن امام بيتها. هو دة مثل اعلي او مثل يحتزي بية!!!!!!!!!!!!!
علي فكرة في لندن بيدفعوا العربية الي داخلة المنطقة المزدحمة رسوم دخول علشان يقللوا الزحام و كل الركنات بفلوس.

- انا متفق مع حضرتك تماما في سبب المشكلة الي هو الفساد الحكومي و طمع اصحاب العمارات" تحديدا الي بنوها" و طبعا مدينة نصر مثال حي لانها بنيت في فترة الفساد والانفلات الكبير.
لاكن انا اختلف معاك في الحل مينفعش مجموع حرامية يسرقوا حقي و يظلموني اروح انا اسرق الفلوس دية من ناس تاني و كمان اقول دة حقي الي اتسرق مني.
كدة مثال "الي مقدرش علي الحمار بيتشطر علي البرعة" يكون مثال سليم.

المفروض يكون في زوق في المعاملة يعني لاو اتنين جم يركنوا في نفس المكان و في نفس الوقت الغريب يسيب المكان للتحت بيتة علي شرط يكون الطلب مهذب و برضاة من غير خناق.. مش ارجع بيتي اقعد ادور علي الي راكن مكاني علشان انا اركن زي ما يكون انا الملك و دية اهانة للذات الملكية.

بصراحة انا مسغرب جدا من الي احنا بنتكلم فية دية المفروض تكون حاجات بديهيا عندنا كلنا
بس طبعا الاختلاف لا يفسد الود.

كلامك مظبوط و متفق معاك
و طبعا الذوق و الأدب في طلب اي شئ هو أفضل شئ لأنك بالطلب المهذب و المحترم بتجبر اللي ادامك أنه يحترمك في أغلب الأوقات لأنك ممكن تقع أمام شخص عديم التربية و من النوع اللي لازم يأخد على دماغه علشان يحترم نفسه .

بُص يا باشا بالنسبة لموضوع المثال بتاع أمريكا
أنا هاقولك الست عملت كدا ليه .

هناك أنت بتتفق مع الحي على توطية الرصيف و مساوة جزء منه مع الطريق لتسهيل دخول سيارتك أدام بيتك .و بتدفع على تكاليف التسوية .
تمام .
دي بقى مش من حق أي حد يركن فيها لو مين . ....... لو الملكة أو رئيس البلد مش لاقي مكان يركن فيه ميقدرش يروح يركن في المكان ده .

و الست عندها مليون حق
مش هي ترجع من شغلها تعبانة و هلكانة و تيجي تلاقي عربية راكنة في المكان بتاعها ........ هي لسة هاتقعد تلف و تدور على صاحب العربية .......
طيب ليه صاحب العربية قبل ما يركن ما يلفش و يدور على المكان الصح قبل ما يركن و يعذب الناس معاه ؟؟؟؟؟؟؟


دي من الحاجات اللي مخليهم عارفين حقوقهم وواجباتهم
أنما أحنا كشعوب المنطقة العربية عندنا عشم زيادة عن اللازم و عندنا لامبالاة في تنفيذ القوانين أو الألتزام بيها .

بس هانعمل أيه ........ هي دي بلدنا و لازم نتأقلم على الوضع اللي فيها .

على فكرة أنا معنديش عقدة خواجة ............ و بشتري أغلب منتجاتي صناعة مصرية و فخور بكدا .......... و أحب برضه أسجل كرهي و أعتراضي على أسلوب المصريين في الحياة و عدم وجود نظام .

مع تحياتي