رابطه محبي ومالكي الريجاتا

**yoyokamal** · 20-09-2013 06:47 PM

شكرا استاذ نايس ايجبت وجارى العمل بالنصيحه

**nicegypt** · 20-09-2013 09:16 PM

المشاركة الأصلية كتبت بواسطة سيف عماره

الف شكر يا أ/ حسين انا فعلاّخليت صديق ركب العربيه لما حسيت الدبرياج تقيل لما ركب قالى الدبرياج ده واقع لازم تروح تشوف انا كنت قاريت ليك موضوع عللى الدبرياج وقلت انه ممكن يتقطع فى اى مكان لما افتكرت كلامك بصراحه خفت قلت لازم اعملها لما الميكانيكى شافها قالى انه عايز يتغير .العربيه فعلاّسحبها كويس بس فى المطبات العاليه والمطالع لازم ازود بنزين زياده وده بيستهليك بنزين كتير واول ما بطلع الصبح بترجرج جامد دى المشاكل الى لقيتها معها والصنيعيى قالى لازم تقرر بسرعه عشان هى كده جايبا اخرها ايه رائيك اعمل ايه

التقل درجات زي ما حضرتك عارف .. فية تقل ممكن يعدي وفية لاء لذلك شرحت لحضرتك الحالتين
الاولي اللى هي تغير .. والتانية اللى هي تكمل .. وطالما كشفت مرتين يبقى توكل على الله وغير
الموضوع بياخد يوم بالكتير تغيير ان مكنش ساعتين زمن فقط .. بالتوفيق وتبقى تطمنا عملت اية
وطمنا ع الاسعار .. ومتنساش تدينى لفة بعد متخلص بأذن الله :d

**سيف عماره** · 21-09-2013 02:49 AM

المشاركة الأصلية كتبت بواسطة nicegypt

التقل درجات زي ما حضرتك عارف .. فية تقل ممكن يعدي وفية لاء لذلك شرحت لحضرتك الحالتين
الاولي اللى هي تغير .. والتانية اللى هي تكمل .. وطالما كشفت مرتين يبقى توكل على الله وغير
الموضوع بياخد يوم بالكتير تغيير ان مكنش ساعتين زمن فقط .. بالتوفيق وتبقى تطمنا عملت اية
وطمنا ع الاسعار .. ومتنساش تدينى لفة بعد متخلص بأذن الله :d

العربــيــه كلــهـا تحت امــرك كفايه انك مابتبخلشى على حد لا بؤقتك ولا بمشورتك انشاء الله انا يوم الجمعه هعمل العربيه واول ما هخلص هبلغك بالى حصل بالتفصيل بس فى سؤال هل الديسك والاسطوانه والحاجات اللى هتيجى فى منهم نوع تفضل انى اجيبهم ولا هما نوع واحد والحاجات دى متواجده عند اى حد بتاع قطع غيار اعزرنى فى قلت معرفتى فا انا اول مره اعمل الحاجات دى
وشكراّ على مساعدتك

**nicegypt** · 21-09-2013 03:00 AM

المشاركة الأصلية كتبت بواسطة سيف عماره

العربــيــه كلــهـا تحت امــرك كفايه انك مابتبخلشى على حد لا بؤقتك ولا بمشورتك إن شاء الله انا يوم الجمعه هعمل العربيه واول ما هخلص هبلغك بالى حصل بالتفصيل بس فى سؤال هل الديسك والاسطوانه والحاجات اللى هتيجى فى منهم نوع تفضل انى اجيبهم ولا هما نوع واحد والحاجات دى متواجده عند اى حد بتاع قطع غيار اعزرنى فى قلت معرفتى فا انا اول مره اعمل الحاجات دى
وشكراّ على مساعدتك

تحت امرك طبعا ف اي حاجة وكل الاعضاء وكفاية معرفة حضراتكم وتكوين اصدقاء جدد
بالنسبة لطقم الدبرياج هات فاليو اسباني .. ولو لقيت الايطالى يبقى ما شاء الله
فية ساكس كويس باردو بس انا بفضل الفاليو عشان مجربة
هتلاقية يأما عند محمد يوسف ف الدقي قدام المترو .. يأما ف شارع شمبليون هتلاقي فيات الفين ومحلات
كتير للفيات خد لفة ع الاسعار واعرف الدنيا وتبقى تطمنا وانا متابع مع حضرتك

**سيف عماره** · 21-09-2013 03:35 AM

المشاركة الأصلية كتبت بواسطة ahwanoso

السلام عليكم
النهارده غيرت الخزن الخلفية والتيل الامامى والخلفى
ومع ذلك الفرامل ضعيفه جدا
معدش حاجه باقيه تتغير غير الماستر والسيرفو
الدواسة بتاعة الفرامل عاليه وناشفه "مش محجره"
الفرامل يدوب بتهدى
اعمل ايه

أ/ ahwanoso لو ممكن تعرفنا اسعار الحاجات اللى تم تغيرها واللى حضرتك سئلت عليها لانى عن قريب ناوى اعمل تجديد فى الفرامل للامان وكنت عايز حسابتها تعمل كام وشكراّ ومبروك علــى التغير

**yoyokamal** · 21-09-2013 05:05 PM

بمساعدة الاستاذ نايس ايجبت تم اصلاح العطل بتغيير الاتى
ابلاتين وكوندسر +طقم بوجيهات يابانى
بالاضافه تغيير مسامير الهواء والبنزين فى الكاربراتير
بس المشكله العربيه لسه بتقطع على خفيف خالص ولما سألت الميكانيكى قاللى ده عيب بنزين والمشكله دى حتروح مع تغيير البنزين

**سيف عماره** · 21-09-2013 08:31 PM

المشاركة الأصلية كتبت بواسطة nicegypt

تحت امرك طبعا ف اي حاجة وكل الاعضاء وكفاية معرفة حضراتكم وتكوين اصدقاء جدد
بالنسبة لطقم الدبرياج هات فاليو اسباني .. ولو لقيت الايطالى يبقى ما شاء الله
فية ساكس كويس باردو بس انا بفضل الفاليو عشان مجربة
هتلاقية يأما عند محمد يوسف ف الدقي قدام المترو .. يأما ف شارع شمبليون هتلاقي فيات الفين ومحلات
كتير للفيات خد لفة ع الاسعار واعرف الدنيا وتبقى تطمنا وانا متابع مع حضرتك

انا عارف انى تعبتك معايا بس لو ممكن تعرفنى عناوين المحلات دى انا عمرى ما رحت هناك ولا وكالة ولا عزبة شلبى خـــالــص

**سيف عماره** · 22-09-2013 12:48 AM

المشاركة الأصلية كتبت بواسطة nicegypt

تحت امرك طبعا ف اي حاجة وكل الاعضاء وكفاية معرفة حضراتكم وتكوين اصدقاء جدد
بالنسبة لطقم الدبرياج هات فاليو اسباني .. ولو لقيت الايطالى يبقى ما شاء الله
فية ساكس كويس باردو بس انا بفضل الفاليو عشان مجربة
هتلاقية يأما عند محمد يوسف ف الدقي قدام المترو .. يأما ف شارع شمبليون هتلاقي فيات الفين ومحلات
كتير للفيات خد لفة ع الاسعار واعرف الدنيا وتبقى تطمنا وانا متابع مع حضرتك

أ/ حسين أنا سئلت النهارده فى محل عندنا فى شبرا ألخيمه لقيت عنده الايطالى اللى قولتلى عليه بس الاسعار مختلفه وهى كالاتى ديسك 165 +أسطوانه 115 +بليه 40
هى العلبه لونها ازرق ومكتوب عليها MEC ARM تمام كده المواصفات دى بتعتها ولا مش هيا

**بدر الجندى** · 24-09-2013 11:17 PM

مرايت الصالون الشمس اكلت الغلاف الخارجى لها حمصت ياترى اعمل فيها اه ولا اشترى واحدة غيرها منين انا عربيتى ريجاتا 86 وثمنها كام ولكم الشكر

**omarcom** · 25-09-2013 01:33 PM

المشاركة الأصلية كتبت بواسطة بدر الجندى

مرايت الصالون الشمس اكلت الغلاف الخارجى لها حمصت ياترى اعمل فيها اه ولا اشترى واحدة غيرها منين انا عربيتى ريجاتا 86 وثمنها كام ولكم الشكر

شيل المراية القديمة خالص .. هيفضل مكان المراية العمود اللي نازل وفي اخره قطعة بلاستيك اللي بتحرك المراية يمين وشمال وورا وقدام .. هتجيب مراية جديدة بتتباع بـ ١٥ جنيه كبيرة واحلى واحسن مليون مره من القديمة المفروض بتركب فوق المراية القديمة لا احنا هنركبها مكان القديمة .. هتلاقي معاها قطعتين حديد من ورا المراية الجديدة خلي بس اللي عليها مسمارين صغيرين ومربطين من المراية من ورا فك المسمارين وركب مكانهم مسمارين اطول .. خليهم متهويين حاول تعدي المراية بعد التهوية عشان تركب في البلاستيكية اللي نازله من العمود .. ان شاء الله هتركب معاه وهتبقى احسن مليون مره من القديمة .. عن تجربة