التصادق السليم مع محرك السياره

[samirayad]

تليين المحرك بالانجليزي يعني (engine break in)

ولكن عملية الروديه ( وهى التحضين والتطبيع للأسطح تسمى lapping )

وعملية التليين فى المحركات ليست فقط هى النظافه الفائقه بين الشنبر وغرف الحريق من الداخل
ولكن من أخطر الأماكن التى تؤثر على نقصان قيمة وجودة حبك غرف الحريق
هى منطقة الصبابات مع وش السلندر من الداخل

ومعروف أن دى عمليات الروديه

أذا أنا شايف أن lapping جمعت الحسنيين

لو سمحت يا استاذ سمير... ايه علاقه عدم رفع عدد دورات المحرك ل 5000 دوره بالحفاظ على "منظومة الدبرياج" و لا حضرتك قصدك رفع عدد دورات المحرك و العربيه واقفه و بعدين رفع الرجل من على الدبرياج فجائيا؟

أأقولك يا أستاذ / أحمد

هو الدبرياج أو أى كلتش بيشتغل أزاى

حركه من وش الحدافه قادمه من المحرك بين أسطح مربوطه بقوة ضغط ديسك الدبرياج

اى ان وش الحدافه مع وش الديسك ( قامطين على الأسطوانه )

علشان يدورها ومن ثم عمود الدريك ثم الفتيس ككل

أذا كلما زادت القوه المنقوله من وش الحدافه ( كعنصر نقل قدره رئيسى من المحرك الى وش الديسك المواجه له تمام )

فأن هذه القوه ستحاول من التغلب على التلاصق الأحتكاكى هذا

وبالتالى حتحاول تفك قوة الترابط بين هذه الأوجه
لو طولنا على الحرق

وممكن تشيط معاك الأسطوانه

____________________

لأن عزم المكنه بلاشك أقوى بكثييييييييييييييييييييييييييييييييييييير

من قوة ضم ديسك الدبرياج لمكونات الدبرياج

والا مكناش شفنا دبرياج بيفوت مثلا وأسطوانته بالسلامه وديسك متبهدل

لأن المكنه غول .....على تماسك مكونات الدبرياج

أذا المعامله السياسيه مطلوبه حفاظا على منظومة الدبرياج ( أثناء مراحل التفتيح للمحركات عامة )

مش كده ولا أيه يا أستاذنا

السؤال التاني بردو بخصوص الكلاتشات في الاوتوماتيك. مش بردو لما السيليكتور بيكون على وضع D و العربيه تبتدي تتحرك كلتشات النقله الاولى و تليها التانيه تليها التالته و اخيرا الرابعه (لو موجوده) كلها بتشتغل؟!! يبقى ليه حضرتك بتنصح بنقل السيليكتور يدويا لتوزيع الاجهادات؟

طبيعى لما بنحط اليسلكتور على الd
بتتدرج عمليات النقل أوتوماتيكيا من السرعه الأول ثم الثانيه وهكذ ا

وصولا الى آخر سرعه موجوده فى التصميم

يعنى كله حيمشى طبيعى ومش بمزاجى ( لا بمزاج وحدة التحكم بتاعة الفتيس )

واللى حقدر أتحكم فيه بمزاجى ( هو التزويد عند آخر مرحله موجود عندها التعشيق )

ولو بصينا للوضع ده
حنلاقيه بيشكل خطوره ( مع التفتيح للمكنه وأحنا على الd )

ليه الكلام ده

لأننى بفتح مكنه أعتمادا على كلاتش واحد ومزهقه وسايب التانيين مريحيين ويادوب شايلين على قد تصميمهم

لأن ده بيتم دون أرداتى ................علشان التصميم كده

فهل هذا

لايشكل خطوره على كلاتش مرحلة التعشيق الأخيره ؟

السؤال ............لحضرتك ومنظر الأجابه !!!!!!!!!!!!

أما لو حطينا السيلكتور على مراحل نقل متدرجه زى التانى والتالت والرابع

يبقى أحنا بنوزع الأجهادات بالعدل على كل كلاتشات الفتيس الأوتو

وبدل مانظلم كلاتش واحد ( زى الأخير مثلا )

فبكده أحنا وزعنا حمل وأجهاد التفتيح على أكثر من كلاتش

____________________________

بمعنى آخر

لو عندنا حاجه تقيله خالص ( زى حمل التفتيح )

وعندى أربع رجاله مثلا ( كلاتشات الفتيس )

فهل الصح
أشيل الليله كلها لراجل واحد ( كلاتش المرحله الأخيره )

وأسيب الأفنديه التانيه مريحين وعمالين يهووا وخلاص


طيب ما أنا بأموت الراجل ده ( كلاتش المجموعه الأخيره )

أتمنى أن يكون مقصودى واضحا لحضرتك

[M.Osman]

موضوع رائع .. شكراً جزيلاً

[samirayad]

موضوع رائع .. شكراً جزيلاً

أشكرك أخى الفاضل

على مرورك الكريم

[SkyBird]

رائع يا باشمهندس سمير
انا ملاحظ ان سياتك سهران الليله هو بكره اجازة ولا ايه ؟؟

[samirayad]

لا أصلى كنت نايم علشان كنت تعبان ومرهق حبتين

وقايم الساعه 12

ومش جايللى نوم

بس أوعدك أنام حالا

[darkangel007]

موضوع فلة شمعة منورة ما شاء الله :)
و متابع باهتمام!

[samirayad]

ربنا يخليك

[lancerevolution]

الله ينور عليك يا باش مهندس سمير

[samirayad]

وعليك يا أخى الفاضل

[Ahmed Hassan]

وبالتالى حتحاول تفك قوة الترابط بين هذه الأوجه
لو طولنا على الحرق

وممكن تشيط معاك الأسطوانه

ده ممكن يكون سليم في حاله ان الموتور اتعمل فيه تعديل زود من قوة الموتور بدرجه كبيره. او حتى الموتور اتغير بواحد اكبر مع استخدام نفس الفتيس بالدبرياج.. لكن لو الدبرياج هوه بتاع الموتور مظنش ان ممكن يتحرق او يشيط من القياده بسرعه مهما حصل. الطريقه الوحيه لتدمير الدبرياج هوه موضوع الطلعه (الامريكاني) او (التفحيط) زي ما بيقول عليه الاخوه في الخليج.

طبيعى لما بنحط اليسلكتور على الd
بتتدرج عمليات النقل أوتوماتيكيا من السرعه الأول ثم الثانيه وهكذ ا

وصولا الى آخر سرعه موجوده فى التصميم

يعنى كله حيمشى طبيعى ومش بمزاجى ( لا بمزاج وحدة التحكم بتاعة الفتيس )

واللى حقدر أتحكم فيه بمزاجى ( هو التزويد عند آخر مرحله موجود عندها التعشيق )

ولو بصينا للوضع ده
حنلاقيه بيشكل خطوره ( مع التفتيح للمكنه وأحنا على الd )

ليه الكلام ده

لأننى بفتح مكنه أعتمادا على كلاتش واحد ومزهقه وسايب التانيين مريحيين ويادوب شايلين على قد تصميمهم

لأن ده بيتم دون أرداتى ................علشان التصميم كده

فهل هذا

لايشكل خطوره على كلاتش مرحلة التعشيق الأخيره ؟

السؤال ............لحضرتك ومنظر الأجابه !!!!!!!!!!!!

لا بصراحه لا يشكل خطوره على كلاتش المرحله الاخيره لسببين:
١- كل الكلاتشات في كل النقلات هتشتغل عادي و لكن هتشتغل قد ايه فده يرجه لضغطة البنزين (يعني النقلات هتتم بدري و لا متأخر).
٢- احنا اصلا ليه مفترضين ان التليين حمل زياده على الكلاتشات؟ (او على الاقل زياده على الكلاتش الاخير؟). هل مرحله التليين لو اعتبرناها حمل فهل هو حمل اعلى من ركوب ٣ او ٤ اشخاص غير السائق في العربيه؟ (أكيد لأ). يعني في النهايه مفيش حمل زياده و لا حاجه و الكلاتشات شغاله في حدود الحمل اللي متصممه علشانه.

[samirayad]

ده ممكن يكون سليم في حاله ان الموتور اتعمل فيه تعديل زود من قوة الموتور بدرجه كبيره. او حتى الموتور اتغير بواحد اكبر مع استخدام نفس الفتيس بالدبرياج.. لكن لو الدبرياج هوه بتاع الموتور مظنش ان ممكن يتحرق او يشيط من القياده بسرعه مهما حصل. الطريقه الوحيه لتدمير الدبرياج هوه موضوع الطلعه (الامريكاني) او (التفحيط) زي ما بيقول عليه الاخوه في الخليج.

هو أنا بأقول يا أستاذ / أحمد
أن الدبرياج مش حيستحمل حمل التليين العالى

أبدأ أنا لا أقصد هذا

أنا أقصد أن أى حمل عالى بيتعرض له الدبرياج أثناء نقل القدره الميكانيكيه بالقوه الأحتكاكيه لمكوناته ( مش مستحب على مكونات الدبرياج عامة )
وبالتالى بنلاقى الناس اللى غاويه كيك داون ونظام تفحيت وحرق زائد على محرك السياره ( وهى متحركه )

الدبرياج عندهم بيتعرض للتلف البدرى

ولكن كل ما أعنيه هو أخذ بمبدأ

الوقايه خير من العلاج

هو الدبرياج أكيد بيستحمل أى حمل يقع عليه من المحرك
حتى لو كان حمل قريب من الرد زون لعدد لفات المحرك

لأنه مصمم لتحمل أى أحمال يتعرض لها

بس ده غلط مع الأكثار منه

ودايما فى القواعد الهندسيه
معروف أن الحاله المستقره والثابته للأحمال بيكون تأثيرها لطيف
على المنظومه نفسها

ودى بنقول عليها stady state case

غير طبعا الحاله اللى بأخد فيها أحمال قاسيه ( زى أحمال التفتيح )

وبالتالى بيحصل sudden shock على المنظومه ( زى الدبرياج فى حالتنا تلك )

وممكن ....ممكن ....ممكن .....يفوت معانا

____________________________

بمعنى أيهما الأكثر تأثيرا على صحة الأنسان العادى مننا

يقوم من مكانه ويروح جارى على سرعه عاليه جدا
ولا ياخد الأمور بالهداوه والسياسه وواحده واحده

هو نفس الوضع مع الأحمال اللى أحنا عاوزين نحطها على الدبرياج

لأن الأنسان العادى ( الدبرياج ) حيجرى برضه بسرعه عاليه وحيجبها
بس ممكن يطب ساكت بعد أمتار قليله

أما لو الأنسان العادى ( الدبرياج ) أخد الأمور بالهداوه وجرى بعقل

أكيد حيتحرك ويجرى لمسافات أكبر

وبرضه ليه نهايه ( لأن ليه عمر برضه ....أى عمر أفتراضى )

وبالتالى أما بأعامله بملاطفه وسياسه ....بحافظ عليه

فلقد قال الهادى البشير (ص )

أعقلها وتوكل

صدق الهادى البشير (ص)

أذا الهدف كله
من عبارتى المشار اليها فى الحفاظ على الدبرياج ( أثناء التفتيح )

هو مبدأ أن

الوقايه مطلوبه وخير من العلاج

لا بصراحه لا يشكل خطوره على كلاتش المرحله الاخيره لسببين:
١- كل الكلاتشات في كل النقلات هتشتغل عادي و لكن هتشتغل قد ايه فده يرجه لضغطة البنزين (يعني النقلات هتتم بدري و لا متأخر).

أزاى الكلام ده يا أستاذ / أحمد

دا على كده أبقى أنا مش فاهم نظرية توزيع مراحل التعشيق ونقل القدره
خلال الفتيس الأوتو
أثناء مراحل النقل المختلفه

لأن اللى أنا أعرفه ( من خلال الأطلاع النظرى ) والدراسه

على مجموعة التروس الكوكبيه ( على قدى يعنى )

أن فيه كلاتشات بتبقى معشقه وأخرى لا
فى كل مرحله من مراحل التعشيق

فياريت لو أنت عندك داتا أفضل
وتقدر تقهمنا كلنا نظرية عمل المجموعه الكوكبيه للفتيس الأوتو

والسيلكتور على الأول والتانى والتالت والرابع وهكذا

أكون شاكر ليك

ونشوف الكلاتشات اللى بتبقى كلها متعشقه جوه الفتيس الأوتو والسيلكتور على أى وضع

على الأقل معلوماتى تتصلح فى النقطه الفنيه الدقيقه دى

وبالعربى وبأسلوب مبسط

لأن أنا عارف أن معاك عربيه أوتو ....وأكيد فيه عندك داتا طيبه

وأنا سيارتى مانيوال .....بس طبع فيا ( التفتيش شويه عن الداتا لأى شىء هندسى بيقع أمامى )

علشان نقدر كلنا نستوعب الكلام والشرح من حضرتك

___________________________

وبلاش موضوع تحويل لينك أو فيديو من الحاجات المعقربه أياها

فطالما حضرتك بتقول أن الكلاتشات كلها بتبقى متعشقه عند أى مرحله

يبقى كل كلامى على الأوتو ( مش مظبوط )

وطبعا أنا بأعتذر عن خطئى هذا وعدم أدراكى الصحيح
لخطوط توزيع القدره فى المجموعه الكوكبيه

بس ياريت حضرتك تفهمنا الصح كما أتفقنا

ومعلش حنتعبك شويه معانا
علشان برضه كلنا عاوزين نتعلم

[Ahmed Hassan]

بالنسبه للكلاتشات انا قلت

لا بصراحه لا يشكل خطوره على كلاتش المرحله الاخيره لسببين:
1- كل الكلاتشات في كل النقلات هتشتغل عادي و لكن هتشتغل قد ايه فده يرجه لضغطة البنزين (يعني النقلات هتتم بدري و لا متأخر).

قصدي ان كل كلتش في مرحله ما هيشتغل و بالتالي الحمل مش على كلتش واحد. لكن طبعا مش قصدي ان الكلتشات كلها هتشتغل مع بعض في نفس الوقت... هوه واحد بيسلم للتاني (ممكن يكون كلامي انا اللي مش واضح).

بس ايه رأي حضرتك في الجزء التاني من الكلام:

2- احنا اصلا ليه مفترضين ان التليين حمل زياده على الكلاتشات؟ (او على الاقل زياده على الكلاتش الاخير؟). هل مرحله التليين لو اعتبرناها حمل فهل هو حمل اعلى من ركوب 3 او 4 اشخاص غير السائق في العربيه؟ (أكيد لأ). يعني في النهايه مفيش حمل زياده و لا حاجه و الكلاتشات شغاله في حدود الحمل اللي متصممه علشانه.

الاهم من كله ده بقى انا عربيتي مانيوال

[samirayad]

الاهم من كله ده بقى انا عربيتي مانيوال

فاكرها دى ولا نسيت

[handasa]

يعنى العربية الجديدة
نعمل ايه
تفتييح على طول

[Mostafa Hessen]

كلام زين زين

مشكوووووووووور