التصادق السليم مع محرك السياره

[Ahmed Hassan]

حضرتك بتقول مصدرك "القطنه" و انا بقولك مصدري هوه ال oil grades و ال standards و ال SEA codes و ده اللي كل شركات الزيوت بتستعمله. لو وضحت اكتر من كده يبقى بحاول اعيد اختراع العجله و دي بصراحه فكره مش حلوه.

عموما اللي حضرتك ولته مكتوب و اللي انا قلته مكتوب و الناس بتعرف تقرا و تفكر و تختار اللي شايفاه صح.

تقبل تحياتي.

[SkyBird]

و الناس بتعرف تقرا و تفكر و تختار اللي شايفاه صح.

.

يا باشا اللي فهمته ان معنى القطنة مبتكدبش يعني التجربة خير برهان وقوانين الفيزياء نتايج لقطنة ابلة نظيرة (فاهمني) وفهمت من حضرتك ان قوانين الفيزياء لا جدال فيها وده صحيح ولكن شركة شل او فيسكو لا تضع قوانين الفيزياء(وربما ارقامهم كاذبة او غيرتها الظروف الفيزيائية) فالجدال مع هذه الشركات وليس مع الفيزياء

[samirayad]

يا باشا اللي فهمته ان معنى القطنة مبتكدبش يعني التجربة خير برهان

[samirayad]

عموما اللي حضرتك ولته مكتوب و اللي انا قلته مكتوب و الناس بتعرف تقرا و تفكر و تختار اللي شايفاه صح.

تقبل تحياتي.

[Ahmed Hassan]

قوانين الفيزياء لا جدال فيها وده صحيح ولكن شركة شل او فيسكو لا تضع قوانين الفيزياء(وربما ارقامهم كاذبة او غيرتها الظروف الفيزيائية) فالجدال مع هذه الشركات وليس مع الفيزياء

حضرتك اعمل بحث عن sea و api في مجال الزيوت و هتعرف ان دي هيئات بتعمل مواصفات قياسيه و هيه في الواقع بتختبر و تراجع منتجات شركات البترول. يعني شركه بتحمي المستهلك مش المنتجين.

[SkyBird]

حضرتك اعمل بحث عن sea و api في مجال الزيوت و هتعرف ان دي هيئات بتعمل مواصفات قياسيه و هيه في الواقع بتختبر و تراجع منتجات شركات البترول. يعني شركه بتحمي المستهلك مش المنتجين.

يا افندم والله فاهم حضرتك بس اللي عايز اقوله ان دي هيئات لا يمكن ان نعاملها معاملة القوانين الفيزيائية

[SkyBird]

حبيت اضيف بس حاجة بسيطه ... .. كثيرا ما تكون نفس المواصفات مكتوبة على الجركن ولكن نجد استحالة ان يكون منتج شل زي فيسكو او التعاون زي توتال او موبيل..... طب ليه ماهي نفس المواصفات.. علشان كده اللي مكنته ترتاح مع موبيل نقوله خليك كده تمام واللي مكنته ترتاح مع شل برضو نقول خليك كده تمام .. ... الفيزياء شئ معقد لا يتوقف على عامل واحد

[Ahmed Hassan]

يا افندم والله فاهم حضرتك بس اللي عايز اقوله ان دي هيئات لا يمكن ان نعاملها معاملة القوانين الفيزيائية

الهيئات بتعمل الاختبارات بناء على قوانين فيزيائيه. يعني المصنع بيقول انا الزيت بتاعي بيبقى لزوجته كذا عند درجة حراره كذا. الهيئه دي بتراجع و راه و بتتأكد من اللي بيقوله و بتعمل مواصفه بالشروط و الخصائص اللازمه. كده ده مش فيزياء و كيمياء كمان؟

يعني حضرتك عايز تقولي ان اللي الهيئات دي بتعمله ممكن ميكونش دقيق و اني المفروض اشك فيه و اعتمد على ملاحظه بتقول اني لما احط زيت لزوجته اقل العربيه بتاخد وقت اكتر علشان تسخن؟

[SkyBird]

الهيئات بتعمل الاختبارات بناء على قوانين فيزيائيه. يعني المصنع بيقول انا الزيت بتاعي بيبقى لزوجته كذا عند درجة حراره كذا. الهيئه دي بتراجع و راه و بتتأكد من اللي بيقوله و بتعمل مواصفه بالشروط و الخصائص اللازمه. كده ده مش فيزياء و كيمياء كمان؟

يعني حضرتك عايز تقولي ان اللي الهيئات دي بتعمله ممكن ميكونش دقيق و اني المفروض اشك فيه و اعتمد على ملاحظه بتقول اني لما احط زيت لزوجته اقل العربيه بتاخد وقت اكتر علشان تسخن؟

....... من المداخلة السابقة .. كثيرا ما تكون نفس المواصفات مكتوبة على الجركن ولكن نجد استحالة ان يكون منتج شل زي فيسكو او التعاون زي توتال او موبيل..... طب ليه ماهي نفس المواصفات.. نفسر ده بايه ؟

[Ahmed Hassan]

حبيت اضيف بس حاجة بسيطه ... .. كثيرا ما تكون نفس المواصفات مكتوبة على الجركن ولكن نجد استحالة ان يكون منتج شل زي فيسكو او التعاون زي توتال او موبيل..... طب ليه ماهي نفس المواصفات

نظريا المفروض لو نوعين زيت مكتوب عليهم نفس المواصفه يبقى الاتنين هيكونو زي بعض. لكن معطيات زي الغش في الانواع و التخزين السيء و انتهاء الصلاحيه او عدم وجود رقابه على التصنيع فدي حاجات مش معمول حسابها. احنا بنتكلم عن حاجات معموله صح.

.. علشان كده اللي مكنته ترتاح مع موبيل نقوله خليك كده تمام واللي مكنته ترتاح مع شل برضو نقول خليك كده تمام .. ... الفيزياء شئ معقد لا يتوقف على عامل واحد

الفيزياء شيء معقد فعلا ... بس ممكن تقولي يعني ايه المكنه ترتاح؟ و مين اللي يقول ان المكنه ارتاحت و لا لأ؟

يعني مثلا ممكن حد يجرب نوع زيت معين يقولك ده احسن من اللي كنت بستعمله لان صوت المكنه بقى اوطى.. مش الكلام ده بيحصل؟

ده ايه رأيك لو كان صوت المكنه اصبح اوطى لان الزيت الجديد اللي جربه لزوجته اعلى؟ و ممكن كمان يكون اعلى من المطلوب و ميعملش الدور المطلوب منه صح.

يا ريت اكون قدرت اوضح قصدي

[SkyBird]

فاهم قصدك يا افندم ربنا يبارك فيك وفي علمك ويا ريت انا اكون كمان وضحت قصدي

[Ahmed Hassan]

فاهم قصدك يا افندم ربنا يبارك فيك وفي علمك ويا ريت انا اكون كمان وضحت قصدي

شكرا على الحوار الجميل

[samirayad]

الفيزياء شئ معقد لا يتوقف على عامل واحد

بغض النظر عن كل الحوارات اللى فاتت

عجبتنى أوى العباره دى

وأفتكرت حاليا : محمود عبد العزيز

فى فيلم كان بيتحدث عن القضاء والقدر ( أسم الفيلم مش مجمع حاليا معايا ) وكان محمود بيشتغل فى الفيلم ( منجد عربى )

المهم .

حسين فهمى ونور الشريف عملوا عليه قصه وسرقوا
الطور لووب بتاعه ( نظرا لطمعه المادى ) والباقى معروف

حالته أدهورت وبأه حاله لايسر لاعدو ولا حبيب

ولما حالته بأت فى الطراوه خااااااااااااااااااااالص

راح لحسين فهمى بصفته الطبيب اللى عمله العمليه

وقاله خد كل اللى إديتوهولى ورجعللى الطور لوووووووب بتاعى

لأنى حاسس أن أنا مش أنا

فحسين فهمى ....قاله أنا عاملك تحاليل وأشعه ومتأكد أن حالتك بمب

قام : محمود عبد العزيز ......قاله يادكتره


صدق العليل ..............ولا تصدق التحاليل



آه أفتكرت أسم الفيلم كان

جرى الوحوش

[ahmedsamir5edr]

يا جماعه انا مش عاوز أكون السبب في ان المناقشه تحــــتد بينكم ..

انا بس كنت بنقل أستفساري هنا عشان أعرف طبيعه الزيت و لــــيه

الشل كان بياخد وقت اكتر من فيسكو عشان مؤشر الحراره يتحرك

و علي فكره انا مش بتكلم في فرق ثواااني .. لأ

ده الفرق ملحوظ جدا جدا .. لدرجه اني كنت بفكر أنزل الزيت

فيسكو ده لأني خفت يكون وحش عشان المكنه بتوصل للحراره

المثاليه للتشغيل أسرع ..

و لو فيه حد كان حاطط نفس نوع الزيوت اللي انا جربتها .. ممكن

يأكد تجربتي.

[samirayad]

يا جماعه انا مش عاوز أكون السبب في ان المناقشه تحــــتد بينكم ..

انا بس كنت بنقل أستفساري هنا عشان أعرف طبيعه الزيت و لــــيه

الشل كان بياخد وقت اكتر من فيسكو عشان مؤشر الحراره يتحرك

و علي فكره انا مش بتكلم في فرق ثواااني .. لأ

ده الفرق ملحوظ جدا جدا .. لدرجه اني كنت بفكر أنزل الزيت

فيسكو ده لأني خفت يكون وحش عشان المكنه بتوصل للحراره

المثاليه للتشغيل أسرع ..

و لو فيه حد كان حاطط نفس نوع الزيوت اللي انا جربتها .. ممكن

يأكد تجربتي.

ياباشا الوضع اللى عندك ده طبيعى

طالما الزيت لزوجته وهو بارد لنوع معين أكبر من نوع تانى

يبقى المكنه حتسخن بسرعه لأسباب فنيه معقده فى هندسة التبريد والتزييت

وقصه طويله وعريضه
لاداعى للسرد فيها ........لأنها عاوزه تخصص وتعايش مع طبقات الزيت وهى مرصوصه فوق بعضها زى الرقاق كده أو الفطير
وحدوته كبيره ..............

فأنا متأكد أن اللى عندك ده وضع طبيعى ......

وعادى النقاش للى عاوز يتعلم شىء جديد

أمال أحنا كلنا هنا ليه فى نايل موتورز

_______________________

واللى عنده حاجه نتعلم منها .........يبقى كتر ألف خيره

وحنقوله شاكرين مهللين

______________________

وللأسباب عاليه
وعلى رأى أبله نظيره

فأنا بأأكد دقة تجربتك كما بينت لك سابقا