::: البولونيز المظلومة :::

[Zika9909]

الحمد لله
الكمبيوتر كان مش بيشتغل و لسه متصلح دلوقتي
ربنا يستر مايقفش تاني لأني شكلي كده هكسره

الحمد لله عملت العربيه 23 ساعه شغال فيها وبرضو مخلصتش بس عملنا الحمد لله الآتى
1- تذويد الكراسى
2- تركيب كسوه جلد-مخمل
3- تركيب طقم فرش ابوب جديده
4- تركيب مسندين للأبواب الأماميه سياره دوجان
5- لزق جزء كان ساقط فالسقف
6- لزق كل كاوتش الأبواب واصلاح كرسى السواق
7- غطاء موكيت للتابلوه
8- تركيب جلد للفتيس وعصا الهاند

الأسعار
1- كسوه 180 جنيه
2 - لزوم تذويد ولزق مستورد وجلد وموكيت 130 جنيه
3- 60 جنيه فرش ابواب
4- 70 جنيه مسندين امامى
5- 20 جنيه اجره لحام قاعده الكرسى
6- 200 جنيه اجره السروجى

الصور لما العربيه تكمل لأن لسه التابلوه والفتيس والهاند

هتتفجأوا من شكل العربيه قبل وبعد

مبروك يا كاريكا
منتظرين الصور

هل فيه حل لموضوع السخونية السريعة للعربية ؟
او
ايه الحلول المتوافرة لحل موضوع السخونية

طبعًا عندك مروحة على الردياتير
يبقى ممكن تركب مروحة على طنبورة عمود الكرنك
أو ممكن تركب مروحة أوبل كورسا على الردياتير (مش متأكد بتاعة الكورسا و لا لأ) هتلاقي الريشة بتاعتها عاملة زي الموزة و دي بتبرد أحسن، هي كانت معمولة في عربية شاهين، بس مش فاكر الموضوع بتاعها كان فين
بردو نضف دورة التبريد ممكن تكون مليانة صدأ، و الصدأ بيقلل قدرة المياه على التبريد

أنا الحمد لله العربية عندي مش بتسخن إلا لو طولت الوقوف في إشارة بلاقي مروحة الردياتير اشتغلت و مش بتطفي إلا لما أجري تاني، بمعنى إن الهواء بيبرد العربية و أنت بتجري أما لما تقف بتسخن.

السلام عليكم
اولا تحية كبيرة لكل اخوة مالكى السيارة الجميلة البولونيز
ثانيا تحيةكبيرة لصاحب الموضوع انى قدر يلم شمل البولونزية كلهم فى موضوع واحد

العربية دى كانت عشقى الاول وانا كنت فى الدراسة الثانوية سنة1995 و كنت انتظر الصبح قبل ما ادخل المدرسة الثانوية المدرسة قلى كان بيوصلها جوزها الدكتور و كنت احب اشوف العربية هى ممكن تكون بالنسبة لناس تانية عربية شكلها وحش او خشنةاو اى حاجة بس كنت بعشقها و لما دخلت المرحلة الجامعية طبعا مش هشوف العربية تانى دى كل يوم الصبح
بس كان ليا جارى كان يعرف صديق ليه والده كان مدير شركة النصر فى الوقت دة و كان عنده بولونيز بيجيلو بيها و الغريبةانى كانت مبتفرقش حاجة عن بتاعةالمدرسة لانها كانت نفس اللون ابيض و الاتنين كانو محفظين عليها من غسيل و نظفه و تحس انى هى لسةخارجةمن المصنع دة اللون المفضل قلى بحب اشوف البولونيز فيها لانى بحس انى هى عروسة ماشاء الله عليها و كنت اتمنى انى يكون عندى واحده
دى كانت قصتى معاه مع العلم انى حاليا فلشيوى ( سكودا فلشيا ) اوعى حد يقول الكلام دة فى قسم سكودا هيقلبو عليا خليوها سر هنا
ودى حقيقة والله انا لما قريت الموضوع فرحة جااااااااا قولت ياه لقييت ناس بتقدرالعربية دى الحمدلله
ان شاء الله هيبقى ازوركم باستمرار علشان اطمن عليكم

م / احمد سيد

يا نهار أبيض
أنت مدمن بولونيز زيي
أنا بعشق البولونيز من الطفولة
كانت مع جوز خالتي و كان محافظ عليها جدًا
و كان لونها أبيض بردو
و كنت بحبها جدًا جدًا
و ده كان أحد أسباب إننا لما اشترينا العربية جيبناها بولونيز مش أي حاجة تانية

بس بصراحة أنا فرحان جدًا إن في ناس بتحب البولونيز لله في لله كده
و مش بيقولوا على شكلها وحش
و أنا بقى نفسي أعرف إيه الوحش في شكل البولونيز؟؟
عربية زي العسل شكلاً و مضمونًا بشرط العناية و عدم الإهمال

و ماتخافش مش هنفشي سرك لا في قسم سكودا و لا غيره
بشرط و هو
إنك ماتغيبش عننا كتير
لأنك لو غيبت
هنروح نسأل عليك في قسم سكودا
و ربنا أعلم بإللي هيحصل بعدها

[Zika9909]

بمناسبة الإضاءة
أنا الإفضاءة عندي كانت سيئة جدًا
تقريبًا مالهاش لازمة و لا كأنها موجودة أصلاً
كان عندي الكشافات الأمامية 55/80 وات
طبعًا لمبات تعبانة آخر حاجة
و فوانيس الشبورة مش شغالة
جيبت لفوانيس الشبورة لمبتين تونجسرام مجري 55 وات
اللمبتين بـ30 جنيه
و جيبت للكشافات الأمامية لمبتين تونجسرام مجري 100/140 وات
الاتنين بـ70 جنيه
ما احتجتش أجيب كتاوت لأن أنا كان راكب عندي كتاوت سليم و مافيش داعي يتغير
كده الموضوع كلف 100 جنيه (غير مصنعية الكهربائي إللي هيركبه)
و الإضاءة بقت تمام و الحمد لله.

ميزة فوانيس الشبورة هي إنك ممكن تشغلها جوه البلد عشان الناس إللي بتضايق من الإضاءة الشديدة بتاعة الكشافات الأمامية و في نفس الوقت يبقى معاك كشافات أمامية قوية تكشف لك الطريق و ماتبقاش ماشي أعمى عشان خاطر الناس إللي بتتضايق. ماشي يا هلالي؟

[mhasen57]

السلام عليكم اخوانى الاعزاء
انا هحكيلكم انا عملت ايه اليومين الى فاتو للافاده انا روحت للعفشجى زى نصيحت الاخ كاريكا لقيت العجب الاول بص فى العربيه من تحت وطلع مسك ورقه وقلم وكتب

1/الشداد بتاع العجل الى قدام يمين وشمال فيهم شرخ نتيجه مطب من مليون مطب فى شوارع السويس
2/عايز جوز مقصات المانى تحت وفوق مع انى كنت ماشى بالعربيه مش حاسس بموضوع المقصات ده
3/بيض شمال ويمين وطقم جلد
4/لقيت الموتور ساقط على الانطره ومريح على المقصات
انا الحمد لله جبت الجلد ورفعت الموتور وعمل فرق جامد جدا معايه
وروحت للسمكرى عملى الحامات الى فى الشداد
بس لسه مجبتش بقيت الحاجه بس كنت عايز اسئل بعد الى انا عملتو ده محتاج اظبط زوايا ولا اعمل ايه





ياريت اكون قدرت افيد حد بالتجربه دى






كنت عايز ارحب بالمهندددددددددددددددددس احمد سيد

[elhelaly]

ربنا يبارك فيك يا زيكا على مشاركتك فعلا كنا مفتقدينك

الأخ mhasen57
انا أول مجبت العربيه رحت للعفشجى وتقريبا العفشجى قال كلام شبيه جدا بكلامك شداد وبلي والكلام ده
بعد متظبطت العربيه مشيت بيها شويه وكانت بتحدف يمين ولما بفرمل كانت بتحدف شويه أكتر لما بصيت على العربيه لقيت الفردة اليمين فاتحة شوية لبره
رحت للعفشجى تانى ظبطها والحمد لله بقت كويسه مش بتحدف ولا حاجه
فشوف عندك هل عندك اي فردة فتحت ولا حاجه
وربنا ييسر لك ولكل رابطة بلونيز كل خير

[Zika9909]

السلام عليكم اخوانى الاعزاء
انا هحكيلكم انا عملت ايه اليومين الى فاتو للافاده انا روحت للعفشجى زى نصيحت الاخ كاريكا لقيت العجب الاول بص فى العربيه من تحت وطلع مسك ورقه وقلم وكتب

1/الشداد بتاع العجل الى قدام يمين وشمال فيهم شرخ نتيجه مطب من مليون مطب فى شوارع السويس
2/عايز جوز مقصات المانى تحت وفوق مع انى كنت ماشى بالعربيه مش حاسس بموضوع المقصات ده
3/بيض شمال ويمين وطقم جلد
4/لقيت الموتور ساقط على الانطره ومريح على المقصات
انا الحمد لله جبت الجلد ورفعت الموتور وعمل فرق جامد جدا معايه
وروحت للسمكرى عملى الحامات الى فى الشداد
بس لسه مجبتش بقيت الحاجه بس كنت عايز اسئل بعد الى انا عملتو ده محتاج اظبط زوايا ولا اعمل ايه





ياريت اكون قدرت افيد حد بالتجربه دى






كنت عايز ارحب بالمهندددددددددددددددددس احمد سيد

أنت أول ما قولت إن العربية بتطقطق في الملفات و المطبات قولت إن أنت أكيد عندك العفشة منتهية بس قلت بلاش أفوّل
و كمل بقية شغل العفشة ماتأجلوش و كمان ظبط الزوايا مش هتخسر حاجة و عشان تبقى ماشي مطمن.
أنا مش عارف الشداد ممكن يتغير بسهولة و لا لأ و لا عارف تمنه كام لكن اللحام هيفك تاني عاجلاً أو آجلاً و يستحسن تجيب اتنين سُلام في أقرب فرصة.

بالمناسبة، إيه طقم الجلد ده؟ أنا أعرف "الجلب" لكن "الجلد" أول مرة أسمع عنها.
و إيه القنطرة دي بقى؟ أنا بسمع الكلمة دي كتير و مش عارف هي إيه.

ربنا يبارك فيك يا زيكا على مشاركتك فعلا كنا مفتقدينك

ربنا يخليك يا هلالي

[kreka]

السلام عليكم اخوانى الاعزاء
انا هحكيلكم انا عملت ايه اليومين الى فاتو للافاده انا روحت للعفشجى زى نصيحت الاخ كاريكا لقيت العجب الاول بص فى العربيه من تحت وطلع مسك ورقه وقلم وكتب

1/الشداد بتاع العجل الى قدام يمين وشمال فيهم شرخ نتيجه مطب من مليون مطب فى شوارع السويس
2/عايز جوز مقصات المانى تحت وفوق مع انى كنت ماشى بالعربيه مش حاسس بموضوع المقصات ده
3/بيض شمال ويمين وطقم جلد
4/لقيت الموتور ساقط على الانطره ومريح على المقصات
انا الحمد لله جبت الجلد ورفعت الموتور وعمل فرق جامد جدا معايه
وروحت للسمكرى عملى الحامات الى فى الشداد
بس لسه مجبتش بقيت الحاجه بس كنت عايز اسئل بعد الى انا عملتو ده محتاج اظبط زوايا ولا اعمل ايه





ياريت اكون قدرت افيد حد بالتجربه دى






كنت عايز ارحب بالمهندددددددددددددددددس احمد سيد

لازم تظبط زوايا طبعا ويفضل تظبطها كمبيوتر

[Zika9909]

http://www.nilemotors.net/Nile/258166-a.html

الموضوع ده لذيذ

[Zika9909]

كل سنة و أنتم طيبين بمناسبة العام الهجري الجديد 1433.

[kreka]

http://www.nilemotors.net/Nile/258166-a.html
الموضوع ده لذيذ

شفت الموضوع دا وكلامه صح وسمعته من ناس كتير

كل سنة و أنتم طيبين بمناسبة العام الهجري الجديد 1433.

وانت طيب يا زيكا

بكره ان شاء الله صور العربيه .................. هصورها الصبح ان شاء الله وانا رايح الجامعه

[RMADAN0056]

كل عام و جميع من فى المنتدى بصحة وسعادة

[Zika9909]

شفت الموضوع دا وكلامه صح وسمعته من ناس كتير

وانت طيب يا زيكا

بكره ان شاء الله صور العربيه .................. هصورها الصبح ان شاء الله وانا رايح الجامعه :e_braces[1]:

منتظرين الصور يا كاريكا
و ياريت بالتفصيل الممل و بالأسعار على قد ما تقدر

كل عام و جميع من فى المنتدى بصحة وسعادة

و أنت طيب يا أ/رمضان.

[Zika9909]

. . . . . . . . . . .Waiting

[Zika9909]

البنزين!!

أنا خطر على بالي سؤال: بتمونوا عربياتكم بنزين كام؟ و لا غاز؟

[Zika9909]

http://www.nilemotors.net/Nile/247038-a.html

ده موضوع بيتكلم عن ضبط كربراتير ريجاتا
مش عارف ينفع معانا و لا لأ

[Zika9909]

أنا خطر على بالي سؤال: بتمونوا عربياتكم بنزين كام؟ و لا غاز؟

مش بتمونوا عربياتكم و لا إيه؟؟