رابطة مالكي السويفت

[exact]

دي اول مشاركه لي في المنتدي وانا مبسوط جدا لاني قابلت الناس المتعاونين الكرام هنا .

انا معايا سويفت 95 زيتي اتوماتيك

حصل لنا الشرف يا باشا

[exact]

"كل واحد يحرّص على لغاليغه"

اي حد يحاول ينرفزك طوّل بالك جدا
أنا شخصيا اتعرضت من فتره لموقف مشابه على طريق أجا - ميت غمر - بنها
واحد قعد يزنق بعربيه دبابة...الحمد لله طلعت منه على سرعة عاليه جدا وفضل ورايا لحد ما اضطريت اني أزوغ منه ودخلت شارعين جوه اول بلد ووقفت 10 دقايق لحد اما غار

أنا للفائدة نقلت لكم المشاركة من الموضوع ده

السلام عليكم ورحمة الله وبركاته

انا ليا واحد زميلي في الشغل عربيته لانوس اتسرقت الساعة 4.30 العصر كان راجع من التجمع رايح ناحية المعادي اتسرقت منه قبل كارفور على الدائري ....

الجديد بأه انها اتسرقت منه ازاي .......

عربية فيها 3 أشخاص خبطته من ورا وهو ماشي راح راكن ونزل يتخانق معاهم راح واحد مثبته بمطوة وضربه والتاني خد المفاتيح وراحوا واخدين العربيتين وبالسلامة ....

ألذ حاجة بيقولي الناس كانت بتتفرج علينا وفاكرينها خناقة بين اللي خابطين بعض ......

ربنا يحفظكوا ويعوض عليه خير ان شاء الله .....

[mansour77]

صعب انك تعمله انت لأنه محتاج لمجرى في الارض عشان تبقى واقف فيه وبيحتاج لعده خاصه
الزيت من اي بنزينة او محل زيت والكيلو بيبقى في حدود من 15 الى 18 لو من شركة إسو انا كنت جايب بترومين الجركن كان 4 كيلو ب 38 جنيه...ممكن لو هتنزله خالص الفتيس بيملا في حدود من 2 الى 3 كيلو وانا انصح بتغييره كل خمسين ألف كيلو متر بس تتأكد ان الطبه مقفوله كويس سواء بتاع الملو او التفريغ

بسم الله ما شاء الله عليك اللهم لا حسد
انت علامه فى العربيه دى
هو حضرتك شغال ايه و اتعلمت الحاجات دى ازاى بالتفاصيل دى

[exact]

بسم الله ما شاء الله عليك اللهم لا حسد
انت علامه فى العربيه دى
هو حضرتك شغال ايه و اتعلمت الحاجات دى ازاى بالتفاصيل دى

ياباشا أخجلتم تواضعنا
وفوق كل ذي علم عليــــــــــــــــــــم

أنا كنت عاوز اطلع مهندس الكترونيات او اتصالات او ميكانيك

بس قدر الله اني ابقى صيدلي
ولله الحمد انا بادي كورسات تدريب للمندوبين الجداد في شركات الأدوية وبالذات اللي بيبقوا خريجي علوم وبيطري عشان اشرح لهم حاجات خاصه بالادوية...بالاضافة لبعض الابحاث

الحاجات دي بالزمن والتجربة والخطأ ودقة الملاحظة...والقراءة المتمعنه لمواقع كتير

[yofa]

السلام عليكم
عندى سويفت 93 وبها مشكله تقل الدركسيون ومش عارف السبب
ياريت حد يعرفنى ايه السبب

[exact]

السلام عليكم
عندى سويفت 93 وبها مشكله تقل الدركسيون ومش عارف السبب
ياريت حد يعرفنى ايه السبب

دي عفشجي بيظبطها ياباشا ويشحم الجلب...وفيه حاجة في الاسكترا بتتفك شوية بتخللي الدركسيون يخف...وممكن لو الكاوتش الأدماني ضغطه قليل بيتقل الدركسيون...

[yofa]

اشكرك جدا استاذ exact واضح ان حضرتك موسوعه فى السويفت , وعلى كره انا لسه جايبها ومعرفش عنها معلومات كفايه ودى اول مشاركه لى فى الموقع ويارب دائما نستفيد من خبره الناس اللى زى حضرتك

[mashhs]

كم سؤال ع الماشي

حبايبي اصحاب السويفت أتشرف بالانضمام ليكم - أنا جبت حتة سويفت موديل 95 خضرا زي علم القذافي في الأول كانت مريحاني بس مش عارف هل لإني خبرتي كانت تحت الصفر وللا تدبيسة بقت كل شوية تطلعلي فيها مشكلة المهم فضلت وراها حاجة حاجة لحد ما اتظبططت معايا دلوقت المهم أنا عندي كام مشكلة كدة قلقني
1- وانا ماشي وإذا بمطب متوسط الارتفاع خلى العجلة الامامية جابت الكرتيرة على الارض وقبل كده كنت بحس انها واطية شوية من قدام فقلت اجيب علايتين واركبهم عشان اعوض الانخفاض ده من قدام فإيه رايكم
2- العربية لما بزود عن 90 - 95 بحس انها بتحدف مني ومش ثابتة
3- إيه أفضل نوع زيت للموتو واغيره عند كام كيلو
بس خلاص بالنسبة للنهاردة
ويارب اصحاب الخبرة يفيدوني وشكرا مقدما

[exact]

حبايبي اصحاب السويفت أتشرف بالانضمام ليكم - أنا جبت حتة سويفت موديل 95 خضرا زي علم القذافي في الأول كانت مريحاني بس مش عارف هل لإني خبرتي كانت تحت الصفر وللا تدبيسة بقت كل شوية تطلعلي فيها مشكلة المهم فضلت وراها حاجة حاجة لحد ما اتظبططت معايا دلوقت المهم أنا عندي كام مشكلة كدة قلقني
1- وانا ماشي وإذا بمطب متوسط الارتفاع خلى العجلة الامامية جابت الكرتيرة على الارض وقبل كده كنت بحس انها واطية شوية من قدام فقلت اجيب علايتين واركبهم عشان اعوض الانخفاض ده من قدام فإيه رايكم
2- العربية لما بزود عن 90 - 95 بحس انها بتحدف مني ومش ثابتة
3- إيه أفضل نوع زيت للموتو واغيره عند كام كيلو
بس خلاص بالنسبة للنهاردة
ويارب اصحاب الخبرة يفيدوني وشكرا مقدما

1- بص يابرنس...التعلية اذا كان ولابد هاتعملها يبقى تتعمل من ورا وحذاري انك تلعب في العفشة اللي قدام لعدة اسباب منها...اولا قدام ده فيه الموتور وده بيتسمى مركز ثقل العربية...اي تغيير في الارتفاع بيعمل اختلال في الاتزان فورا ويخلي العربية تعوم منك جااااااااااااامد...ثانيا ان قدام فيه التوجيه...فبلاش لعب فيها
ممكن ورا تركب يايات ناشفة شوية احسن من التعليه

2- هل هي حدفه ولا رجرجة...لو رجرجة تبقى العجل عاوز يترصص...لو حدفة تبقى ظبط زوايا او الكاوتش فيه حاجة مش مظبوطة

3- موضوع الزيوت ده فيه خلاف جامد...بس انا هاقول لك على رأيي الشخصي
اول حاجة >>>عشان نبقى متفقين مفيش حاجة اسمها انك تستعمل زيت اقل من اللي بيتقال عليه 5000 كيلو تحت أي ظرف...لأنه هيتحرق منك وهيتبخر بسرعة وبيتحول بسهولة لحاجة زي الشحم بتقفل مجاري الزيت...غير انه مش متوافق مع مواصفات الموتور...
تاني حاجة >>>احنا كده بقينا محصورين في الزيوت ال 5000 وال 10000....هتختار ازاي؟؟ الاختيار ياسيدي بييجي عن طريق ان سيادتك بتشوف استهلاكك للعربية شكله ايه؟؟....هل انت بتجيب مثلا 7000 كيلو او اكتر في 6 شهور؟؟ في الحالة دي هتجيب موبيل 1 وصدقني الغالي تمنه فيه
تالت حاجة>>> حالة موتور العربية...لو الموتور كويس ومش بياكل زيت وكنت بتنطبق عالحالة رقم 2 يبقى تجيب موبيل وان...
رابع حاجة>>> المشاوير....لو مشاويرك العادية اقل من 15 كيلو...وبيتقف فالعربية في زحمة وبتشغل التكييف يبقى ده استخدام شاق والزيت ال10000 يقعد معاك 7500 كيلو فقط

وأي خدعـــــــــــــــــــة

[elraye2]

بالنسبة لتغيير اليايات الاصلية بنوع تانى انشف منها زى بتاع المرسبدس دة العفشجى قالى انه بيكسر جسم العربيه ومرضاش يركبهالى وخلانى ارجعها واجيب الاصلية والله واعلم
اما بقى بالنسبة لموضوع الفتيس فا انا مستنى لما يجيب اخرة عشان اغيره عشان فيه نحره على الاول لما ارفع رجلى من على البنزين تسمع صوت نحره رخمه كده او لما احرق على الاول بسمع نفس الصوت وعلى العلم ان الزيت مظبوط حد بقى يعرف سعر الفتيس كام انا اسمع انه عامل من 500 ل 600 فا لوحد يعرف السعر الحقيقى ياريت يقول

[elraye2]

اعتقد ان تعلية العربية من قدام بيبهدل الكبالن وهيا اساسا بتبوظ لوحدها عشان لما العربية بتعلى من قدام زاوية الميل بتاعت الكبلن بتزيد للاسفل فا المشرحة مش ناقصة اتلى

[sewefy]

مساء الفل على كل السوفتيه الحلوين حاجه عنددى حصلت غريبه وانا ماشى على الدائرى لقيت العربيه بتتمخمط ذى الجمل وكل ما جى ازود سرعه تقل وبعدين تبطل خالص ادور و امشى تانى نفس الموضوع طبعا كل واحد قالى حاجه واحد قالى دى قاعده ماتور اتكسرت والتانى قالى ده كاربراتير ومش عارف اعمل ايه الحل

[exact]

مساء الفل على كل السوفتيه الحلوين حاجه عنددى حصلت غريبه وانا ماشى على الدائرى لقيت العربيه بتتمخمط ذى الجمل وكل ما جى ازود سرعه تقل وبعدين تبطل خالص ادور و امشى تانى نفس الموضوع طبعا كل واحد قالى حاجه واحد قالى دى قاعده ماتور اتكسرت والتانى قالى ده كاربراتير ومش عارف اعمل ايه الحل

هي عملتها فيك...معلش
انا اتعرضت لموقف مشابة وانا عالطريق والعربية بتدور بالعافية وتمشي واول ما توصل 60 بتبطل مني وادور تاني وتبطل تاني...افتكرت الموبينة بتسخن وفكيت السلك ولقيته بيشرز حلو جدا
وايه العمل
فكيت خرطوم البنزين اللي مدخل للكربيراتير ملقتش ولا نقطة بنزين مع انه المفروض بيطلع صاروخ بنزين اول اما تفكه
وملقتش حاجة

شفت فيوز الطرمبة زي الفل...الكتاوت بيتكتك اما بتفتح الكونتاك....يبقى ايه؟؟...شلت الشلتة بتاع الكنبة الورانية...لقيت 3 اسلاك داخلين التانك من الناحية اليمين...باهز الفيشه وجيت ادور راحت لاقطة من اول دوارة...رحت وبلا تردد قاصص الفيشه وموصل الاسلاك وشيكارتون وكل عام وانتم بخيـــــــــــــر

بس لذيذ انك كاتب فالسيارات 127 ولانســـــــــر ومش كاتب سويفت
انت جاسوس عالرابطة يا كابتن... ؛)

[elraye2]

هي عملتها فيك...معلش
انا اتعرضت لموقف مشابة وانا عالطريق والعربية بتدور بالعافية وتمشي واول ما توصل 60 بتبطل مني وادور تاني وتبطل تاني...افتكرت الموبينة بتسخن وفكيت السلك ولقيته بيشرز حلو جدا
وايه العمل
فكيت خرطوم البنزين اللي مدخل للكربيراتير ملقتش ولا نقطة بنزين مع انه المفروض بيطلع صاروخ بنزين اول اما تفكه
وملقتش حاجة

شفت فيوز الطرمبة زي الفل...الكتاوت بيتكتك اما بتفتح الكونتاك....يبقى ايه؟؟...شلت الشلتة بتاع الكنبة الورانية...لقيت 3 اسلاك داخلين التانك من الناحية اليمين...باهز الفيشه وجيت ادور راحت لاقطة من اول دوارة...رحت وبلا تردد قاصص الفيشه وموصل الاسلاك وشيكارتون وكل عام وانتم بخيـــــــــــــر

بس لذيذ انك كاتب فالسيارات 127 ولانســـــــــر ومش كاتب سويفت
انت جاسوس عالرابطة يا كابتن... ؛)

ههههههههههههههههههههههههههههههههههههههههه
حلوه جاسوس دى
انا طبعا مع دكتور exact فى كلامة بس احب اضيف حاجة كمان ان فيه فيشة تانيه للطرمبة بس الفيشه دى داخل التنك من جوه الاول طبعا اتأكد ان سلك الطرمبه واصله كهربه لو واصله تمام يبقى العيب من الفيشه الخارجية او الداخلية الخارجية اللى فوق تنك البنزين تحت الكنيه ودى ممكن تقصها وتعملها ب شيكرتون زى ما دكتور exact قال
اما لو كانت الداخليه فتتغير فورا و طبعا متتعملش ب شيكرتون عشان دى لو شرزت او عملت قفلة هيبقى الموقف مش عاطفى خالص فاخلى بالك من الموضوع دة ولو لقدر الله هتغير طرمبه هتهااا داخليه زى بتاعت بلدهاااااااا عشان الميكانيكى ممكن يقولك هتهااا خارجيه ودة طبعاا عشان يريح دماغه من الفك والتركيب
مع العلم ان عندى فى عربيتى راكبه خارجيه بس انا شارى العربيه كدة

[sewefy]

هههههههههههههه حلوه عجبتنى جاسوس دى جديده على الربطه ههههههههههههههه
انا عندى نفس المشكله اللى انته قولت عليها بظبط وكمان لما اعدى 60 او اى سرعه قليه بمزاجها تبطل ويا ريت على كده انما بتطول فى الدواره لغايه ما البطاريه تروح فى النوم وانا من سنه كده مركب طرمبه بنزين خارجى يابانى بس جميله مش بشتكى منها خالص وفعلا انهارده قولت اجرب واشوف اخرتها ايه قولت اغير بوجيهات وفعلا غيرت البوجهات ماركه اسمها برش روسى بس بجد حكايها فعلا حسيت بفرق فى السحب جامد اخر فيصل فرحت بمالموضوع ده بس اتخنقت تانى لما حصل نفس المشكله بتاعت التبطيل دى ولاحظت اانها بتبطل اول لما العربيه تسخن شويه او اقرص عليها تقعد تعمل ذى الجمل التايه دى بقى تبقى مشكله موبينه ولا طرمبه ولا فتيس ولا ايه واعرف طريقه كل واحده اذى من غير ما اروح لحد يشتغلنى