إعـــــــلان

Collapse

.

,
See more
See less

رابطة مالكي السويفت

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة sewefy مشاهدة المشاركة
    هههههههههههههه حلوه عجبتنى جاسوس دى جديده على الربطه ههههههههههههههه
    انا عندى نفس المشكله اللى انته قولت عليها بظبط وكمان لما اعدى 60 او اى سرعه قليه بمزاجها تبطل ويا ريت على كده انما بتطول فى الدواره لغايه ما البطاريه تروح فى النوم وانا من سنه كده مركب طرمبه بنزين خارجى يابانى بس جميله مش بشتكى منها خالص وفعلا انهارده قولت اجرب واشوف اخرتها ايه قولت اغير بوجيهات وفعلا غيرت البوجهات ماركه اسمها برش روسى بس بجد حكايها فعلا حسيت بفرق فى السحب جامد اخر فيصل فرحت بمالموضوع ده بس اتخنقت تانى لما حصل نفس المشكله بتاعت التبطيل دى ولاحظت اانها بتبطل اول لما العربيه تسخن شويه او اقرص عليها تقعد تعمل ذى الجمل التايه دى بقى تبقى مشكله موبينه ولا طرمبه ولا فتيس ولا ايه واعرف طريقه كل واحده اذى من غير ما اروح لحد يشتغلنى

    جرب فك الخرطوم اللي طالع من الطرمبة للكربيراتير وشوف البنزين ماشي ازاي لازم يبقى مندفع
    قد وباقول لك قد...قد يكون العوامة جوه الكربيراتير بتعلق...وده يسبب ان العربية تشرق منك كتير وتستهلك بنزين زياده...
    موضوع الموبينة ده سهل تتاكد منه...انت اول ما تعمل كده...بل فوطة واعصرها ولف الموبينة...اذا انتظمت تبقى الموبينة بتسخن وبيتقطع...بس اوعى تتكهرب...هي اللي عندك موبينة كباية وللا الكتروني
    ممكن فلتر البنزين يكون مكتوم
    تقريبا أتذكر ان فتيسك اوتوماتيك...يا ترى حالة الزيت بتاعه ايه؟؟...واخبار الار بي ام ايه ساعة التقطيع هل مثلا بيطلع لفوق وبعدين ينزل وللا بيفضل زي ماهو وبعدين ينزل؟؟
    [SIZE="5"][CENTER]Dr. Mostafa[/CENTER][/SIZE]

    Comment


    • مساء الخير عربيتى سويفت 1999ولسه جايبلها بلوك موتور استيراد من المنصوره اود من د/مصطفى توضيح تركيب خراطيم الفاكيوم بالكامل وله جزيل الشكر واستفسار عن ظهور دخان اسود مع الضغط فجاه على البنزين وهل يقصد مركز المهدى حيث اننى من المحله اسف على لاطاله

      Comment


      • فعلا العربيه بتستهلك بنزين كتير وبتشرق والعربيه اتوماتيك وانا شوفت الزيت مضبوط اما بالنسبه للار بى ام بينزل مره واحده بس موضوع المبينه مش عارف اذا كان الكتروانى ولاا كوبايه وممكن الموبيه تخلى العربيه تبرجل وتفصل بشكل ده
        [SIZE=5] بسم الله الرحمن الرحيم [/SIZE]

        Comment


        • المشاركة الأصلية كتبت بواسطة sewefy مشاهدة المشاركة
          فعلا العربيه بتستهلك بنزين كتير وبتشرق والعربيه اتوماتيك وانا شوفت الزيت مضبوط اما بالنسبه للار بى ام بينزل مره واحده بس موضوع المبينه مش عارف اذا كان الكتروانى ولاا كوبايه وممكن الموبيه تخلى العربيه تبرجل وتفصل بشكل ده

          كده ياريس غالبا الكربيراتير عاوز يتظبط....والله أعلم
          جوه الكربيراتير فيه حاجة زي علبة مقفولة بتتملى بنزين وساعة اما توصل لمستوى محدد فيه عوامة عاملة زي بتاع السيفون كده متوصله بمحبس بتمنع ان فيه بنزين تاني يدخل للغرفة وبتخللي البنزين يرجع للتانك تاني...لحد اما البنزين ينقص تقوم العوامة تنزل تفتح الصمام لحد ما تملى وهكذا....ساعات العوامة بتتخرم وساعات الصمام بيعلق...هي للمعلومة العوامة بتتظبط بأنه بيفتح الكربيراتير ويحط تحت العوامة بنطه من 6 الى 7 مللي وهو ده الارتفاع المطلوب ليها عشان تقفل

          أرجو برضه انك تسال كذا واحد ومتروحش لاول واحد يقابلك...وبرضه عاوزك تتأكد من خراطيم الهوا اذ ربما يكون فيهم واحد مسرب أو مفكوك

          الموبينة الالكتروني بتبقى مربعة وصغيرة التانية كاملة زي الكوباية بالظبط...قد الكوباية البيضه البلاستيك بتاع العصير...وبعدين ماتهملش الصيانه كده وتسيب البوجيهات لما تبوظ...المقروض كده كل 5000 تطلعهم تبص عليهم وتنضفهم ببنزين او سبراي وفرشة سلك

          استهلاك البنزين المعقول بالنسبة ليك الاوتوماتيك 240 فالصفيحة بره وجوه البلد

          انا فاكر في مرة العربية زهقتني...كل اما ابقى مديها غيار في بدايته واكبس...بالاقي الموتور يسكت ثانية او اتنين وبعدين ينطلق...وطبعا مابين السكوت والانطلاق بتحصل نتشة جامده...رحت لواحد...أفتى بأن الموضوع ده راجع للكربيراتير وان فيه حاجة اسمها الكباس عاوزة تتغير...نجيبه منين قال استعمال...ركبت السوزوكي وشرخت عالمنصورة...الاقي الكباسات دي خربانة كلها...رحت باسال في محل...جاب لي طقم صيانة ياباني جديد وكان ب 65 جنيه والحمد لله معملش اي حاجة وبقيت باتمهل في النقل وخلاص

          ومن المواقف الغريبة تنتيش جامد عند سرعة 80 وطلع سلك بوجيهات
          [SIZE="5"][CENTER]Dr. Mostafa[/CENTER][/SIZE]

          Comment


          • المشاركة الأصلية كتبت بواسطة roaa0roaa مشاهدة المشاركة
            مساء الخير عربيتى سويفت 1999ولسه جايبلها بلوك موتور استيراد من المنصوره اود من د/مصطفى توضيح تركيب خراطيم الفاكيوم بالكامل وله جزيل الشكر واستفسار عن ظهور دخان اسود مع الضغط فجاه على البنزين وهل يقصد مركز المهدى حيث اننى من المحله اسف على لاطاله
            مبروك البلوك....جبته بكام وياترى جبت او خدت حاجات تانية معاه وللا هو بييجي فاضي؟؟
            بخصوص الفاكيوم يوم او اتنين وهاحاول اجيب صورة لأني صعب جدا اوضحهم وخصوصا انهم كتير وغالبا هانسى حاجة

            بما ان الموديل 99 تبقى غالبا مش نازلة بالتكييف الاصلي صح؟؟...وهل هي مانيوال وللا اوتوماتيك

            وفعلا اقصد مركز المهدي اللي في سكة طنطا بس خللى عم نبيل صاحب المكان هو اللي يشتغل بنفسه...او مركز حمدي اللي موجود في شكري القوتلى جنب الصياد واسال هناك على عم حسني
            [SIZE="5"][CENTER]Dr. Mostafa[/CENTER][/SIZE]

            Comment


            • عاوز بس اعرف العيب ده بيجى لما العربيه تسخن شويه والمروحه تشتغل يعنى الحراره تزيد شويه تعمل كده ومع السرعه ده بردو من الكرابراتير ولا ده موبينه ولا ممكن تكون الكتاوت ولاه الاسبراتير ولا الطرمبه لما بتسخن بتعمل كده واذى اعرف واجرب كل عيب من دول اللى بيعمل كده ومعلش للاطاله بس العربيه ايدى ورجلى ومش عارف اتحرك من غيرها
              [SIZE=5] بسم الله الرحمن الرحيم [/SIZE]

              Comment


              • ايه الحلاوه دى يا د/مصطفى ربنا يخليك رد بمنتهى السرعه البلوك جايبه ب1100 جنيه من عند كدش بالمنصوره وهو موتور كامل بس من غير الملحقات زى كربراتير-اسبراتير-دينامو -مارش الحاجات دى كلها عندى كويسه الميكانيكى قعدنا يومين ندور وبصراحه ولا كلمه الراجل ده عنده شونه فيها يجى 500 موتور على الطريق السريع وعربيات سوييفت كامله مقطعه تاخد اللى عايزه منها واسعاره من الاخر وكلها استيراد تقطيع على فكره المواتير دى انجكشن بس بيتشال ويركب مكانه كربراتير بدون اى تعديل نفس القديم بالضبط-وادانى معا عمه وسلوك بوجيهات اصليه وبوجيهات والقواعد كلها راكبه فيه ما فكهاش وشوف القاعده الاصليه بكام المكانيكى خد 100جنيه شراء و150جنيه تركيب الموتور وبالمره غيرتا جزء فى الدبرياش باين الدسك والله الراجل كان عايز يدينى مجموعه ادبرياش اللى كانت راكبه بالموتور ب200جنيه كلها بس الفلوس كانت خلصت وانا بكده ريحت بالى لان الموتور القديم كان تعبان خالص كان عايز كرنك وسبايلك وطقم شنبر وانت عارف الحاجات دى كلها صينى دلوقتى وتليين ووجع قلب وواحد فى المحله خد القديم بعد ما شفيته من طلمبات ميه وزيت وتروس وسيوروقواعد دا انا عندى كرتونه منه وخده ب300جنيه -العربيه مكيفه وفيها سنتر وانذار و دواخل زيرو شاريها من سنتين ب25 ولسه مجدد الرخصه -بس خراطيم الفاكيوم عندى ملخبطه مش عارف ايه اللى فى العمه وايه اللى فى الاسبرلتبر --المكانيكى قفلهم كلهم فى بعض -لاحظت ان مسمار الهوا اللى بظهر الكربراتير مقفول على الاخر والعربيه ما بطلتش وكمان هوا اسمر خفيف وساعات اجى ابطلها ما تبطلش الا بعدها بقتره اسف جدا جدا على الاطاله بس عشمنا فيك كبير والف الف شكر

                Comment


                • المشاركة الأصلية كتبت بواسطة roaa0roaa مشاهدة المشاركة
                  ايه الحلاوه دى يا د/مصطفى ربنا يخليك رد بمنتهى السرعه البلوك جايبه ب1100 جنيه من عند كدش بالمنصوره وهو موتور كامل بس من غير الملحقات زى كربراتير-اسبراتير-دينامو -مارش الحاجات دى كلها عندى كويسه الميكانيكى قعدنا يومين ندور وبصراحه ولا كلمه الراجل ده عنده شونه فيها يجى 500 موتور على الطريق السريع وعربيات سوييفت كامله مقطعه تاخد اللى عايزه منها واسعاره من الاخر وكلها استيراد تقطيع على فكره المواتير دى انجكشن بس بيتشال ويركب مكانه كربراتير بدون اى تعديل نفس القديم بالضبط-وادانى معا عمه وسلوك بوجيهات اصليه وبوجيهات والقواعد كلها راكبه فيه ما فكهاش وشوف القاعده الاصليه بكام المكانيكى خد 100جنيه شراء و150جنيه تركيب الموتور وبالمره غيرتا جزء فى الدبرياش باين الدسك والله الراجل كان عايز يدينى مجموعه ادبرياش اللى كانت راكبه بالموتور ب200جنيه كلها بس الفلوس كانت خلصت وانا بكده ريحت بالى لان الموتور القديم كان تعبان خالص كان عايز كرنك وسبايلك وطقم شنبر وانت عارف الحاجات دى كلها صينى دلوقتى وتليين ووجع قلب وواحد فى المحله خد القديم بعد ما شفيته من طلمبات ميه وزيت وتروس وسيوروقواعد دا انا عندى كرتونه منه وخده ب300جنيه -العربيه مكيفه وفيها سنتر وانذار و دواخل زيرو شاريها من سنتين ب25 ولسه مجدد الرخصه -بس خراطيم الفاكيوم عندى ملخبطه مش عارف ايه اللى فى العمه وايه اللى فى الاسبرلتبر --المكانيكى قفلهم كلهم فى بعض -لاحظت ان مسمار الهوا اللى بظهر الكربراتير مقفول على الاخر والعربيه ما بطلتش وكمان هوا اسمر خفيف وساعات اجى ابطلها ما تبطلش الا بعدها بقتره اسف جدا جدا على الاطاله بس عشمنا فيك كبير والف الف شكر
                  مبروك عليك...بس اوعى تكون ما فاصلتش..بس السعر حلو...اللي هناك اسمه رضا ده فظيع...أنا رايح له كمان شوية, والصراحة خدت من عنده جوز فوانيس ملهمش حل بس طلعت عينه فالفصال وخدتهم مع مراية يمين كهربا ب 360 جنيه...وكنت هاجيب اكصدام استيراد قاللي ب 500 وفاصلت معاه ل400 وعليه جوز فوانيس شبورة اصليين بس قفلت معايا على اني كنت عاوزهم ب 350...
                  وجبت بعد كده أكرة شمال ب 20 جنيه كاملة...قربة مياه بتاع مساحات بموتورين جديدة لانج ب 85 وخلصت على 60...وعنده برضه ردياتير زيرو عامل 200 جنيه أول كلام...وقال لي طقم مكن ازاز كهربا بالفرش بتاع الابواب ب1000 جنيه!!!!!!!!!! طلع مني ساعتها صوت حنجوري مش لطيف خالص عشان الاستعباط
                  فيه برضه المغازي فالحسينية قدام الخضري...بس ده غالي شوية ومجموعته محدوده
                  بالك لو جبت من الجوهري فالمحلة كان هيقول لك 2000 وفاضي كمان...عشان مكلمني في لوحة عدادات بالار بي ام ب200 جنيه وخلصت فيها عند المغازي ب 130 جنيه

                  لو انت فالمحلة انا عادة موجود يوم الجمعــــــة...ممكن اقابلك بالعربيــــــة و (أغششك)...
                  انت مسألتش على اسعار حاجات تانية....ومين الميكانيكي بتاعك
                  [SIZE="5"][CENTER]Dr. Mostafa[/CENTER][/SIZE]

                  Comment


                  • الله يخليك يا باشا انا جايب جوز اكصدام امامى ب80 جنيه وخلفى ب 110زيرو مفهمش خدش ووالله خامتهم مش وحشه من عند رأفت كامل ورحت لاشرف الجوهرى فى الاول كنا هنجيب نص تحتانى بس ورانا 4 انصاص ولا واحد فيهم عجب المكانيكى وكان النص ب1000جنيه وورق ب100 جنيه و ضيف حضرتك مصاريف وش السلندر والصبابات اعتقد ان كده احسن بكتير بالنسبه للفرش انا عامل فرش الابواب كلها على ايدى بس مش كرتون عملته خشب ابلكاش ولزقت عليه جلد بنفس رسمه الفابريكه ومستحيل حد يفرقه عن الاصلى وده يعيش عن السولتكس والكرتون وما كلفنيش 80جنيه للاربع ابواب وانا لى الشر انى اقابل حضرتك انا مهندس بشركه مصر شوف اقابل حضرتك فين

                    Comment


                    • انا اسف ياباشا انا لى الشرف معلش فى حرف ناقص

                      Comment


                      • الميكانيكى اسمه محمد ياسو عند الزراعه راجل كبير شبه اليابانيين من كتر شغله فى اليابانى

                        Comment


                        • قصد حضرتك اسعار حاجات تانيه ايه؟

                          Comment


                          • المشاركة الأصلية كتبت بواسطة roaa0roaa مشاهدة المشاركة
                            الله يخليك يا باشا انا جايب جوز اكصدام امامى ب80 جنيه وخلفى ب 110زيرو مفهمش خدش ووالله خامتهم مش وحشه من عند رأفت كامل ورحت لاشرف الجوهرى فى الاول كنا هنجيب نص تحتانى بس ورانا 4 انصاص ولا واحد فيهم عجب المكانيكى وكان النص ب1000جنيه وورق ب100 جنيه و ضيف حضرتك مصاريف وش السلندر والصبابات اعتقد ان كده احسن بكتير بالنسبه للفرش انا عامل فرش الابواب كلها على ايدى بس مش كرتون عملته خشب ابلكاش ولزقت عليه جلد بنفس رسمه الفابريكه ومستحيل حد يفرقه عن الاصلى وده يعيش عن السولتكس والكرتون وما كلفنيش 80جنيه للاربع ابواب وانا لى الشر انى اقابل حضرتك انا مهندس بشركه مصر شوف اقابل حضرتك فين
                            اه افشتكم مقابلة فى المحلة من غيرى دى تعتبر خيانة انا جاى من العريش يوم الاربع او الخميس اعملو حسابى معاكو على الجمعة
                            وبلنسبه للجهرى انا لو هركن العربية تحت البيت ومش هركبها تانى مش هجيب حاجة من عنده عشان بيهرج اساسا فى الاسعار كان عايز يدينى اربع مساعدين ب480 جنية واكيد مش هيدوهملى توب يعنى انا جيبهم ب 380 جنية وخد من دة كتير بقى
                            اما بالنسبة للكربيراتير لو حد عندة اى مشكلة فى الكربيراتير وعايز يظبطه او الميكانيكى بتاعة قاله غيرة فيه مركز فى طنطا اسمة المهندس لخراطة الكربيراتير بجد الراجل ده عبقرى واستاذ وانا من رأى ان مفيش ميكانيكى بيفك الكربيراتير ويعرف يظبطة تانى كلهم بيعكو فية لو حد عايز يروح للمركز دة انا ممكن اروح معاه اعرفه المكان
                            كان معايا عربية سوزوكى تانية غير اللى معايا دلوقتى كانت بتاكل بنزين وبطلع دخنة سوده فك الكربيراتير خرطه وغير فية شويت حاجات كده وخد حوالى 150 جنية بس رجع زيرو تانى احسن من الاستيراد
                            واسف للاطاله
                            [media]http://i46.servimg.com/u/f46/13/76/93/58/photo012.jpg[/media]

                            Comment


                            • عايز الدراع اللى بيشغل المساحات عشان اتكسر عندى اجيبو منين وياريت ييجى لوحدة من غير دراع النور والاشارات
                              وهل اكصدام الgtiبيتباع جديد ولا كله استعمال ولو حد يعرف اسعار جوز الفوانيس اللى قدام كام واجيبهم استعمال ولا جديد احسن ومحدش قالى سعر الفتيس كام
                              [media]http://i46.servimg.com/u/f46/13/76/93/58/photo012.jpg[/media]

                              Comment


                              • المشاركة الأصلية كتبت بواسطة elraye2 مشاهدة المشاركة
                                عايز الدراع اللى بيشغل المساحات عشان اتكسر عندى اجيبو منين وياريت ييجى لوحدة من غير دراع النور والاشارات
                                وهل اكصدام الgtiبيتباع جديد ولا كله استعمال ولو حد يعرف اسعار جوز الفوانيس اللى قدام كام واجيبهم استعمال ولا جديد احسن ومحدش قالى سعر الفتيس كام
                                راجع المشاركة 398 ياباشا...وعلى فكرة ممكن يتظبط ويمشي عادي...جوز الفوانيس الجداد ديبو تقريبا 200 والاستعمال كتيرهم 300 لو حالتهم جديدة...الاتنين سيان بس ولله الحمد وقعت على جوز استعمال جداد لانج عند كدش فالمنصورة ودول يابانيين واحسن من الجديد
                                والاكصدام استعمال فقط بس ياريت لو حد يعرفنا اذا فيه جديد....
                                [SIZE="5"][CENTER]Dr. Mostafa[/CENTER][/SIZE]

                                Comment

                                Working...
                                X