أقباط يعتدون على الأنبا بولا رئيس المجلس الإكليركى

[heshamzaky]

المشاركه المدرجه دى كانت ليا كتبتها فى اول الموضوع وبصراحه بعد متابعتى للموضوع والاحداث اللى تم اضافتها بواسطه هشام صاحب الموضوع ومتابعه النقاشات اللى دارت بين جميع المشاركين فى الموضوع احب اقول رأى صغير,احنا بصفه عامه كمسيحيين مش متعودين ان احداث كنيستنا تبقى مجال للنقاش او الجدال على الملئ وده بسبب اننا اقليه (ممكن بعض الاخوه سواء مسيحيين او مسلمين يخلتفوا معايا فى الرأى ويشوفوا انى غلط ولكن انا بعبر عن وجه نظرى ليس الا) وانا مكنتش شايف انه غلط ان اى حادث عارض حدث بالفعل يتم سرده على الملئ بطريقه واعيه ومحترمه لا تحمل اى تهكم او تدخل زياده عن اللزوم ولكن بصراحه انا دلوقتى ليا رأى تانى اتمنى من الكل تقبله,لا اعتقد يا هشام ان الاستمرار فى سرد مثل هذه الاحداث (الغير مؤكده المصدر) هيكون له اى فائده غير الدخول فى مجادلات ومهاترات مش هتقدم ولا هتأخر ولا هتغير حاجه خصوصا ان الحدث الوحيد اللى حصل كان المظاهره الاولى المزعوم انها كانت ضد الانبا بولا وهو طلع اتكلم وفسر ملاباسات الاحداث فى كذا محطه تليفزيونيه مسيحيه وغير مسيحيه ومنهم على سبيل المثال قناه الحياه مع مصطفى بكرى اما بخصوص باقى الاحداث اللى بتقوم بسردها فى الموضوع فأسمحلى اقول انها متعدتش كونها كلام على سايت او حبر على ورق جرائد ولا يوجد مصدر قوى يؤكد صحه حدوث كل تلك الاخبار من مظاهرات لأخبار احزاب الخ الخ,انا لا اقصد اقلل من مجهودك فى محاوله مشاركه الاعضاء لأخر الاخبار لأن نايل موتورز بالنسبه لأعضاء كثيرين موقع شامل بيلم اخبار كثيره فى مختلف المجالات مش بس اخبار السيارات ولكن ما اقصده انه طلما على مدار شهر من تاريخ فتح الموضوع محصلش اى حدث مؤكد فلا داعى للأستمرار فى سرد احداث من الممكن ان توجد بعض الاحتقان بين الاعضاء فى المنتدى.

تقبلوا تحياتى جميعا

أنا لم اسرد خبر و لكنى نقلت الخبر
هو فية حد يقدر يروح لجريدة و يقولها ما تنشريش الموضوع دة علشان الناس مش متعودة على كدةطبعا لآ و لكن ممكن مقاضاة تلك الجريدة لو حدث تشهير بشخصية عامة و تم اثبات ذلك
معلش الغرض الحقيقى لطلب عدم النشر زى ما أنت ذكرت بالظبط مش عايزين الناس تعرف أى معلومة عما يدور من أحداث دة السبب الرئيسى و دة الى فهمتة من كلامك المكتوب فى المشاركة
و بعدين يا جماعة ما المنتدى مليان اخبار متنوعة و بيحصل شد و جب فى بعض الاوقات بين الاعضاء بس محدش طلب عدم فتح الموضوع الفلانى مثلا بعينة
أنت مش شايف أنة طلب غريب نسبيا
و لو لقيت مشاركة مش كويسة أعمل بيها تقرير مشاركة سيئة فورا علشان نحافظ على النظام بين الاعضاء دة لو حدث تجاوز

[GMakram]

أنا لم اسرد خبر و لكنى نقلت الخبر
هو فية حد يقدر يروح لجريدة و يقولها ما تنشريش الموضوع دة علشان الناس مش متعودة على كدةطبعا لآ و لكن ممكن مقاضاة تلك الجريدة لو حدث تشهير بشخصية عامة و تم اثبات ذلك
معلش الغرض الحقيقى لطلب عدم النشر زى ما أنت ذكرت بالظبط مش عايزين الناس تعرف أى معلومة عما يدور من أحداث دة السبب الرئيسى و دة الى فهمتة من كلامك المكتوب فى المشاركة
و بعدين يا جماعة ما المنتدى مليان اخبار متنوعة و بيحصل شد و جب فى بعض الاوقات بين الاعضاء بس محدش طلب عدم فتح الموضوع الفلانى مثلا بعينة
أنت مش شايف أنة طلب غريب نسبيا
و لو لقيت مشاركة مش كويسة أعمل بيها تقرير مشاركة سيئة فورا علشان نحافظ على النظام بين الاعضاء دة لو حدث تجاوز

واضح انك مفهمتش كلامى بالطريقه اللى عايز اوصلها ياهشام,انا فاهم وعارف انك لم تسرد لكنك نقلت وتعليقى على النقطه دى ان معظم اللى انت نقلته متعداش اكتر من انه كلام وبس,الموضوع كان فى الاول خالص عباره عن مجرد موضوع مفتوح للنقاش حول حدث حدث بالفعل وهو المظاهره اللى قام بها بعض الاشخاص واللى طلع اتكلم عنها الانبا بولا,ولكن بعد كدا كل الاحداث اللى انت نقلتها مفتكرش انها تعدت كونها كلام اتكتب على سايت او فى جريده من الاف الجرائد اللى بتفتقر للمصداقيه وتبتعد كل البعد عن الواقع وهو ده اللى انا بقصده وده اللى انا حاولت اوصله فى مشاركتى السابقه

انا مكنتش شايف انه غلط ان اى حادث عارض حدث بالفعل يتم سرده على الملئ بطريقه واعيه ومحترمه لا تحمل اى تهكم او تدخل زياده عن اللزوم ولكن الان لا اعتقد يا هشام ان الاستمرار فى سرد مثل هذه الاحداث (الغير مؤكده المصدر) هيكون له اى فائده....

اللى عايز اقوله ان معظم الاخبار اللى قمت بنقلها محصلش منها حاجه على مدار شهر من تاريخ اول مشاركه فى الموضوع لذلك طلبت الطلب ده وسواء تفهمت الرأى ده او لا فكدا كدا اللى اتكتب اتكتب واللى حصل حصل مش هيغير حاجه ولكن الاستمرار فى نقل احداث من هذه النوعيه مش هيكون له فائده لانها لا تمت للواقع بأى صله وعليك التأكد من مصداقيه الخبر اكتر من كدا قبل نقله

تحياتى

[heshamzaky]

اللى عايز اقوله ان معظم الاخبار اللى قمت بنقلها محصلش منها حاجه على مدار شهر من تاريخ اول مشاركه فى الموضوع لذلك طلبت الطلب ده وسواء تفهمت الرأى ده او لا فكدا كدا اللى اتكتب اتكتب واللى حصل حصل مش هيغير حاجه ولكن الاستمرار فى نقل احداث من هذه النوعيه مش هيكون له فائده لانها لا تمت للواقع بأى صله وعليك التأكد من مصداقيه الخبر اكتر من كدا قبل نقله

تحياتى

خبر مؤكد اهوة يا باشا
....................... منقول .......................

البابا يعود غدا.. وطالبو الزواج الثانى يجددون احتجاجاتهم الخميس المقبل
الأربعاء، 7 سبتمبر 2011 - 13:15
يصل قداسة البابا شنوده الثالث بابا الإسكندرية والكرازة المرقسية الى مطار القاهرة صباح غد الخميس بعد رحلة علاجية ورعوية استغرقت أسبوعين، ويواجه البابا عقب عودته عدد من الملفات الهامة التى مازالت دون حل ومنها النظر فى عمل المجلس الاكليريكى منذ يوليو الماضى وملف احتجاجات طالبو الطلاق وتصريح الزواج الثانى والتى مازالت معلقة.

وتزامنا مع عودة البابا يجدد طالبو الطلاق والزواج الثانى من الأقباط احتجاجاتهم الخميس المقبل 15 سبتمبر أمام وزارة العدل للمطالبة بحل مشكلاتهم المتعلقة التى يطالبون الدولة بسن مشروع قانون يسمح بالزواج المدنى بعد غلق أبواب الكنيسة أمامهم.

وقال أيمن جورج منسق الوقفة إن هذه الوقفة هى الثانية حيث قمنا بتنظيم الوقفة الأولى فى السابع من تموز الماضى لعرض مطالبنا والتى تتمثل فى إعادة العمل بلائحة 38 دون طلب أى شهادة أو إجراء يتم اعتماده من الكنيسة، وإعطاء الحق للمطلقين بإبرام زواجهم الثانى على يد الموثق المختص دون الرجوع للكنيسة للحصول على تصريح زواج ثان مؤكدين أنهم سيتقدمون بطلب جماعى لتغيير ملتهم والانتقال من الطائفة الأرثوذكسية إلى غيرها، وسوف يتم إعلان الكنيسة على يد محضر بالاستقالة من الطائفة الأرثوذكسية.

[GMakram]

خبر مؤكد اهوة يا باشا
....................... منقول .......................

البابا يعود غدا.. وطالبو الزواج الثانى يجددون احتجاجاتهم الخميس المقبل
الأربعاء، 7 سبتمبر 2011 - 13:15
يصل قداسة البابا شنوده الثالث بابا الإسكندرية والكرازة المرقسية الى مطار القاهرة صباح غد الخميس بعد رحلة علاجية ورعوية استغرقت أسبوعين، ويواجه البابا عقب عودته عدد من الملفات الهامة التى مازالت دون حل ومنها النظر فى عمل المجلس الاكليريكى منذ يوليو الماضى وملف احتجاجات طالبو الطلاق وتصريح الزواج الثانى والتى مازالت معلقة.

ده بالفعل خبر مؤكد وحصل فعلا,احيك على مجهودك ونقلك للخبر,استمر يا هشام

تحياتى

[abdelmessih67]

تصريح الانبا بولا معناه ان حتى الكنيسة المصرية ترفض الدولة العلمانية المدنية وتعتبرها تقنين للانحراف

الدولة المدنية العلمانية عزيزي ليست ضد الدين كما يحاول بعض المتاجرين به أن يخدعوا العامة باللعب على عواطفهم الدينية .

العلمانية هي فصل الدين عن الدولة و ادارتها لان أغلب مؤسسات الدولة يجب ان تدار بطريقة علمية لادينية فيما عدا شئون الاوقاف و الاحوال الشحصية .

العلمانية معناها : صباح الخير يا جاري أنت في حالك و أنا في حالي .

يعني غير مسموح لرجال الدين بالتدخل في شئون الزراعة و الصناعة و السياحة و التجارة و الاقتصاد و التعليم لان كل هذه ( المؤسسات ) لا يفقه رجال الدين فيها شئ و عند ظهور الانبياء من كل الاديان لم تكن هذه القطاعات بنفس صورتها الحالية .

و أيضا في الدولة العلمانية يحظر على رجال الدولة التدخل في شئون الدين بمعنى تعيين رجال الدين في مناصب معينة لخدمة اغراضهم أو محاولة ايجاد شرعية دينية لقرارتهم السياسية .

في الدولة العلمانية يسير الاثنان : السياسة و الاديان مع بعضهما البعض دون تداخل و تشابك و هو لمصلحة الاثنان .

يعني ببساطة شديدة في الدولة العلمانية لا تستطيع الدولة أجبار البابا شنودة مثلا على اعطاء تصريح زواج ثاني بالمخالفة لعقيدته و شئون دينه و في نفس الوقت لا يستطيع البابا شنودة منع الدولة من تزويج المسيحيين المطلقين زواج مدنيا بعقد موثق ( من الدولة ) .

يجب ان يوجد النوعان من الزواج ( الديني و المدني ) و كل واحد يختار من يناسبه دون ضغط من الدولة على الكنيسة و العكس صحيح .

عبد المسيح

[abou_ruqi]

والدين بتاع ربنا ما يتدخلش في التجارة ليه ؟ هو ربنا ما بيفهمش في التجارة ؟

[otefa]

يا عبد المسيح
سؤال

((يجب ان يوجد النوعان من الزواج ( الديني و المدني ) و كل واحد يختار من يناسبه دون ضغط من الدولة على الكنيسة و العكس صحيح .))
-----
ورئي الدين المسيحي أيه في الكلام ده؟
وهل زي ماقلت العلمانية لاتتدخل في الدين؟
وما فائدة أعتناقك للدين أذا لم ينظم ويكون دستور لحياتك؟
مهندس /محمد
عبد لله

[abdelmessih67]

والدين بتاع ربنا ما يتدخلش في التجارة ليه ؟ هو ربنا ما بيفهمش في التجارة ؟

لان دين ربنا يختص بالامور الروحية فقط و المفروض انه ينظم للعبد مواقيت صلاته و صيامه و عباداته المختلفة و كيف ينظر لهذا العالم و ما ينتظره بعده .

أما التجارة و الاقتصاد فيدخل فيهم جوانب معقدة كثيرة لا يمكن للدين أي كان هذا الدين ان يفتي فيها .

يعني مثلا أيام الانبياء لم يكن هناك مصطلحات كتعويم الجنيه و العجز في الميزان التجاري و فارق سعر العملات لان الدولة المختلفة كانت أما تتعامل مع نفسها فقط بعملة الدولة او بالمقايضة عندما تتعامل مع دول اخرى أو يتم توحيد العملة في معظم العالم كما حدث ايام الامبراطورية الرومانية .

لكن الآن هناك عملات مختلفة و فارق سعر للعملات و تبادل تجاري بعملات مختلفة و تعقيدات كثيرة لا يمكن لاي رجل دين أن يفتي فيها أو يفهم فيها .

نفس الشئ , هل يستطيع الدين أن يعطينا حل و طريقة لزيادة الانتاج الزراعي ؟؟؟؟؟؟؟؟؟؟ هل يستطيع الدين أن ينمي الصناعة ؟؟؟؟؟؟؟؟؟؟؟ هل تستطيع أختراع طائرة أو سيارة أو كمبيوتر أو تلفاز أو كاميرا أو موتوسيكل أو حتى قلم جاف باستخدام كتب الدين أي كان ذلك الدين ؟؟؟؟؟؟؟؟؟؟؟؟؟؟؟؟
أم كل هذا تم بالعلم و العلم فقط ؟؟؟؟؟؟؟؟؟؟؟؟؟؟؟

هذه عزيزي هي العلمانية , الدين له دوره و رجال الدولة بمؤسساتها من رجال العلم لهم دور ثاني موازي له دون تقاطع او تداخل

عبد المسيح

[abdelmessih67]

أهلا يا أخ محمد كيف حالك

يا عبد المسيح

سؤال

((يجب ان يوجد النوعان من الزواج ( الديني و المدني ) و كل واحد يختار من يناسبه دون ضغط من الدولة على الكنيسة و العكس صحيح .))
-----
ورئي الدين المسيحي أيه في الكلام ده؟
وهل زي ماقلت العلمانية لاتتدخل في الدين؟
وما فائدة أعتناقك للدين أذا لم ينظم ويكون دستور لحياتك؟
مهندس /محمد
عبد لله

رأي الدين المسيحي أن الزواج يكون كنسيا و مدنيا يعني بموافقة الكنيسة و توثيق منها و من الدولة أيضا من منطلق أعطى ما لقيصر لقيصر ( الدولة ) و ما لله لله ( الدين ) و لكن أذا أختار أحد أن يعطي لقيصر حقه فقط فلا تجبره الكنيسة على شئ و لكن في النهاية سيحاسبه الله على أختياره .

و نعم العلمانية لا تتدخل في شئون الدين و كذا الدين لا يتدخل في شئون الدولة .

فائدة أعتناقي للدين أنني طبعا سأخضع له في تنظيم حياتي بمعنى : لو أنا مقتنع بالدين المسيحي لن أتزوج مرة ثانية لو حدث و طلقت زوجتي او هي طلقتني لاي سبب طالما أنا كنت مخطئا و سأقضي بقية عمرى نادما على مافعلت طالبا الرحمة و المغفرة من ربي و لن أفكر في زواج ثاني لان تمسكي بديني أقوى من تمسكي بغريزتي و شهوتي .

و في نفس الوقت لو كان تمسكي برغبتي أهم من ديني , خلاص يبقى اترك الكنيسة و ايماني و أفعل ما شئت طالما رغبتي صارت أهم من ايماني .

الخطأ هو محاولة الجمع بين النقيضين أو أجبار أحدهما على تنفيذ مشئية الاخر بمعنى :

أجبار الكنيسة على تنفيذ ما لا تؤمن به أو أجبار الدولة على تنفيذ ما لا تقره القوانين .

يعني لا يصلح ان أجبر الكنيسة على اعطاء تصريح زواج ثاني كنوع من لي الذراع و في نفس الوقت لا يمكن أن يطلب أحد من الدولة أن تحرم احد من الزواج لانه حق أصيل من حقوق الانسان .

لهذا ظهرت العلمانية لفض الاشتباك بين الدولة و المؤسسات الدينية , فيوجد زواج كنسي لمن يؤمن بأهميته و يوجد زواج مدني لمن يؤمن بأهميته أكثر من الزواج و الطقس الديني و الانسان حر في أختياره تماما كما خلقه الله حر الارادة و الله سيحاسب الجميع في النهاية .

لا يمكن أن الدولة تجبر شخص على التدين أو الفجور و الانحلال لان كلاهما أختيار ( شخصي ) بحت سيحاسب الانسان عليه في النهاية و لا يمكن أيضا للأنسان أن يفرض تدينه على غيره .

عبد المسيح

[otefa]

بس أسمحلي النقاط الخلافية ألي أتكلمت عليها وألي نشأت العلمانية بسببها وبالمعنى الأصح حكم الكنيسة للدولة في العصور الوسطى
لا حاجة لنا به في الأسلام
الشريعة الأسلامية تبيح وتقر لك حرية الأحتكام لدينك في الأحوال الشخصية
فلما قبلت بالعلمانية تحكمك ولاتقبل بالأسلام بالرغم أن مساحة الحرية متساوية أن لم يكن أكثر ؟
أنا طبعا بتكلم في الموضوع من ناحية سياسية بحتة ولا تدخل لي في عقيدتك بمعنى أنت من أستشهدت بها ولما تؤيد العلمانية

[Al-Farooq]

يا جماعة فى المسيحية حاجة والإسلام حاجة تانية خالص ، هتلاقوا عندنا فى مثلا سياسة إسلامية وفى إقتصاد إسلامي ونظريات كثيرة وممكن بكرة تطلع نظريات أقتصادية إسلامية جديدة ودة بسبب التشريع المرن اللي حدد لك ثوابت وقالك اخترع القالب اللى يركب عليه الثوابت ، عندك أراء فقية فى امور كثيرة بتاخد منها اللى يناسب ظروفك وحالتك ويختلف الرأي على إختلاف الزمان والمكان كمان، عندنا مثلا اى مادة فى القانون الوضعي بيتعمل لها دراسة مقارنة فى الشريعة ، القانون المدني بتاعنا دخل فيه كثير من النظريات الإسلامية وفرنسا خدتها عننا ، ومع ذلك فرنسا طبقتها بس هى علمانية فبتاخد اللى يعجبها بس ، فلو جيت تقولها طيب سيبوا الناس تتحجب وتلبس صلبانها تقولك لا مليزمناش ، طيب امنعوا زواج المثليين يقولك مش عندنا ، طيب امنعوا نظام الصحوبية وخلو العلاقة تبقي شرعية بس يقولك انت فاسد فكرياً ، المفروض يخلفوا ويعشوا مع بعض فترة كبيرة وهيعرفوا يستريحوا مع بعض فى ال........ وبعدين يحددوا يتجوزا ولا لاءة ، طيبب خلوا الجواز فى الكنسية ويبقي شرعي يقولك لا فى مدني ويعملوا اتفاق فيه على شروط العقد ، وفى مسيحي مفيهوش إنفصال إلا لعة الزنا او للعيوب الجنسية مثلا ، وبدأو من فترة قريبة تطبيق سياسة البنوك الإسلامية خصوصاً بعد الأزمة الإقتصادية يعني بيشوفوا الى على مزاجهم بس ،
وسبب الفصل دة حصل لإمكانيتهُ ، يعني الدين المسيحي يهتم بالإخلاق والعبادات وحاجات بسيطة فى المعاملات زي الزواج والطلاق لاغير ، أما المعاملات " يعني تجارة ، اقصاد ، وغيرها " أغلبها وإن لم يكن كلها موجود فى العهد القديم مش الجديد ، علشان كدة هتلاقوا حاجات كثيرة مشتركة بين الإسلام واليهودية فى المعاملات ، فقصدي بالنسبة لنا الأمر مختلف ، لما طبقنا الدين بشقيه الأخلاقيات والمعاملات حكمنا العالم تقريبا ، اول ما بعدنا بقي حالنا دلوقتي زي ما انتم شايفين كدة ، لا إحنا علمانية ولا أحنا طبقنا صحيح دينا .
فبالنسبة للفصل عند الغرب سهل وطبيعي زي ما عبد المسيح بيتكلم ، فمتحاولوش تدخلوا فى الجزئية دي اصلا وتعملوا مقارنات او تحاولوا تقنعوه بفكرتكم ، لإختلاف اساس الفكر الديني لكل واحد فينا ، بالإضافة ان أغلب الدول المسيحية علمانية ، يمكن المسحيين الأرثوذكس المصرين بس هما الإستثناء على القاعدة ومفيش غيرهم على مستوي العالم .

[otefa]

بالظبط هو ده ألي عايز أقوله العلمانية نظام يدعي الحريات ولكنه لايطبقها ألا على مزاجه وضد الفطرة الأنسانية في العلاقات الشخصية(زواج المثليين)
وأنا شايفه وصمة عار في جبين أي من الطرفين
مسلم أو مسيحي أذا ما أرتدو الأحتكام ليه في حياتهم المسمى المدنية بدون ضوابط(العلمانية)
وألي عايز أوصلهوله بسؤالي
لما لايعتبر النظام المدني المبني على الشريعة الأسلامية نظام كمثل العلمانية كمبدأ نظام من الأنظمة السياسية المعروفة في العالم ويقارن بينها من منطلق أنظمة الحكم وليس الدين؟

[abou_ruqi]

يا جماعة الراجل مؤمن ان دينه روحاني يختص فقط بتنظيم العبادات ، وانتوا دينكوا يختص بكل شيئ في حياة المتدين بيه من روحانيات وماديات ، دين افعل ولا تفعل في كل خطوة في حياتك ، ليه بتوزنوا دينه بميزان دينكم ؟
رجل الدين في المسيحية بيدرس العقيدة في كلية اللاهوت علشان كده هو شايف ان راجل الدين لايحق له ان يفتي في العلم ، وانتوا جامعة الازهر فيها طب وهندسة واقتصاد ، بتسقطوا ما لديكم عليه ليه ؟
هو الراجل دينه بيقوله ما لله لله ومال قيصر لقيصر ، وانت دينكوا بيقولكم ، ان محياكم ومماتكم لله رب العالمين ، عاوزينه يتناقش معاكوا في شيئ مش واجب عليه ليه ؟

يا جماعة الموضوع يختص بالدين المسيحي ومش عاوزينه ينقلب مقارنة اديان ، كلموا المسيحي بما يؤمن به مش اللي بتؤمنوا بيه انتوا !
مش معقول احنا عايشين كل ده مع بعض ولسه منعرفش دين المسيحيين !

يا استاذ عبد المسيح ، هل صحيح اللي انا استنتجته من كلامك ان الدين عندكم تنظيم عبادات فقط ولا دخل له بتنظيم المعاملات الحياتية ؟

[abdelmessih67]

أهلا يا أخ محمد

بس أسمحلي النقاط الخلافية ألي أتكلمت عليها وألي نشأت العلمانية بسببها وبالمعنى الأصح حكم الكنيسة للدولة في العصور الوسطى
لا حاجة لنا به في الأسلام

هو هو نفس الامر عزيزي العلمانية أحتياج ( بشري ) و لا علاقة له بالدين المسيحي ( فقط ) , هذا الكلام يردده المتاجرين بالدين للضحك على الناس و ايهامهم بأن العلمانية هو شئ خاص بالغرب فقط و بالديانة المسيحية فقط و لا أحتياج للمسلمين له و هذا غير صحيح أطلاقا .

الدين أي كان الدين يتعامل مع غيبيات و ادارة شئون البلاد تتعامل مع ماديات و لا يجوز الخلط بين الاثنان .

ماكان يحدث في عصور الظلام باوروبا هو ما يحدث ببلادنا الآن , العلماء و المفكرين يبتكرون و يبدعون و يأتي رجال الدين بجرة قلم يشطبون كل ما يبدعونه بدعوى أنه مخالف لتفسيرهم للدين .

عندما قال جاليليو ان الارض كروية حاربه رجال الدين بدعوى ان نظريته و التي تأكد صدقها بالعلم مخالفة لتفسيرهم للدين و نفس الشئ الشيخ عبد العزيز بن باز مفتي السعودية الراحل أفتى بأن كل من قال أن الارض كروية كافر يجب استتابته .

عزيزي دائما البداية تأتي من رجال العلم و الفكر و بعد هذا يتحرك رجال الدين لبسط سيطرتهم على منجزات العلم و الفكر بدعوى حرصهم على الدين .

يعني مثلا يخترع العلماء ماكينة التصوير و فيها فائدة كبيرة للبشرية و يأتي رجال الدين و يقولون : التصوير حرام .

أنا أتمنى أن البداية تأتي من رجال الدين بمعنى : يخترع رجال الدين أختراع ما يكون مفيد للبشرية باستخدام الآيات و الكتب الدينية ثم بعد هذا يأتي التعليق عليه من رجال العلم .

عزيزي كما ننادي بالفصل بين السلطات لكي تكون كل سلطة مستقلة فلايعقل ان يكون القضاء خاضع للدولة لكيلا تأتي أحكامه بها شبهة مجاملة و كما ننادي باستقلال الاعلام حتى لا يصبح بوقا للنظام دون الشعب يجب ان فصل بين مؤسسات الدولة و بين المؤسسات الدينية كما قلت فلا يتدخل أحدهما في تخصص الآخر .

المؤسسات الدينية تعطي رأيها في الدين ( فقط ) و لا تعلق على سياسات الدولة و الاختراعات العلمية .

يعني مثلا عندي سؤال هام ياريت تجاوبني عليه : كيف سيحل الدين مشكلة تآكل الرقعة الزراعية ؟؟؟؟

كيف سنزيد من أنتاجية الفدان باستخدام الدين ( أي دين ) ؟؟؟؟؟؟؟؟؟؟؟؟

كيف سنصنع سيارة مصرية 100% تنافس السيارات العالمية باستخدام الدين ؟؟؟؟؟؟؟؟؟؟؟

كيف سيحل الدين مشكلة المرور ؟؟؟؟؟؟؟؟؟؟؟؟؟؟؟؟

أرجو الا تكون الاجابة : سنجعل الناس تعرف ربنا و تصلي و ساعتها كل المشاكل ستحل وحدها لان هذه ليست أجابة بل هروب من تقديم الحلول العلمية بالقائها في غياهب الغيبيات و المجهول .

الاجابة العلمية تكون هكذا : لزيادة أنتاجية الفدان سنقوم بترشيد استهلاك المياه و تجميع المياه بطريقة كذا و كذا التي ستوفر المياه و نقوم بنقل تلك المياه عن طريق انابيب و نستصلح مساحات من الصحراء لزيادة الانتاج الزراعي...............الخ .

حل شمكلة المرور يكون بأخذ رأي مهندسي الطرق فيتم زيادة عرض بعض الطرق الرئيسية و نقوم بنقل
بعض الوزارات و المصالح خارج القاهرة و نقوم بعمل ساحة للباعة الجائلين حتى لا يسدوا الشوارع و يعطلوا المرور.................الخ .

هذه هي الاجابة ( العلمية ) لادارة شئون البلاد و حل مشاكلها , أرجو منك ان تقدم لي حلول ( دينية )
لتلك المشاكل لو سمحت .

الشريعة الأسلامية تبيح وتقر لك حرية الأحتكام لدينك في الأحوال الشخصية
فلما قبلت بالعلمانية تحكمك ولاتقبل بالأسلام بالرغم أن مساحة الحرية متساوية أن لم يكن أكثر ؟
أنا طبعا بتكلم في الموضوع من ناحية سياسية بحتة ولا تدخل لي في عقيدتك بمعنى أنت من أستشهدت بها ولما تؤيد العلمانية

سيدي الفاضل نحن نناقش ( مبدأ ) و ليس دين معين يعني لو كنت مجازا في دولة غالبية سكانها من نفس ديني و طلب مني أحد أن تحتكم الدولة للشريعة المسيحية في كل شئ بجانب الاحتكام للأحوال الشخصية من زواج و ميراث و طلاق و خلافه , سأرفضه بنفس القوة .

مرة ثانية : الفصل بين السلطات و الفصل بين الدين و الدولة مطلب ( بشري ) لان الدين يتعامل مع الغيبيات و الدولة تتعامل مع ماديات و لا يجب الخلط بين اثنان مطلقا

[abdelmessih67]

يا جماعة فى المسيحية حاجة والإسلام حاجة تانية خالص ، هتلاقوا عندنا فى مثلا سياسة إسلامية وفى إقتصاد إسلامي ونظريات كثيرة وممكن بكرة تطلع نظريات أقتصادية إسلامية جديدة

أرجو ان تراجع ردي في الشق الاول منه للأخ محمد otefa